Morgunblaðið - 28.02.2002, Blaðsíða 11
25 þúsund viðskiptavinir
Allir eru sammála um að einkarekin
sjúkraþjálfun spari samfélaginu um-
talsverða fjármuni. Um 180 sjúkra-
þjálfarar starfa nú á 45 sjálfstætt reknum
stöðvum. Meðalfjárfesting hverrar
stöðvar er að jafnaði 10-15 milljónir
króna og er þá kostnaður við húsnæði
undanskilinn. Alls eru viðskiptavinir
þeirra tæplega 25 þúsund talsins.
Samanlagt koma þeir um 460 þúsund
sinnum á ári.
Fjögurra ára sérfræðinám
Til að öðlast starfsréttindi sem sjúkra-
þjálfari þarf fjögurra ára nám í Háskóla
Íslands, við sjúkraþjálfunarskor lækna-
deildar. Mikill fjöldi nemenda hefur nám
á fyrsta ári í sjúkraþjálfun hvert haust
en aðeins lágt hlutfall þeirra kemst á
annað ár. Eftir háskólanám eru sjúkra-
þjálfarar orðnir sérfræðingar í stoðkerfi
líkamans og annast bæði greiningu og
meðferð margvíslegra sjúkdóma og kvilla.
Stöðugt fleiri verkefni
Verkefnum einkarekinna sjúkraþjálfunar-
stöðva fer stöðugt fjölgandi.
Helstu ástæður þess eru:
•Sjúklingar útskrifast fyrr af sjúkrahúsum
•Legudögum á endurhæfingastofn-
unum hefur fækkað
•Læknar beina sjúklingum sínum oftar
til sjúkraþjálfara
•Fatlaðir og þroskaheftir búa í auknum
mæli á sambýlum í stað þess að vera
vistaðir á stofnunum
•Slysum fjölgar
• Íþróttameiðslum fjölgar
•Öldruðum fjölgar
1. mars
Viðskiptavinir einkarekinna sjúkraþjálfunarstöðva verða frá þeim tíma að greiða uppsett verð að fullu
og nálgast svo sjálfir þær endurgreiðslur sem þeir eiga rétt á. Sjálfstætt starfandi sjúkraþjálfurum þykir
ákaflega leitt að þurfa að grípa til þessa neyðarúrræðis en því miður er útilokað að halda rekstri
einkarekinna sjúkraþjálfunarstöðva áfram við óbreyttar aðstæður.
•Ef sjúkraþjálfari tekur viðskiptavin til meðferðar í einn
yfirvinnutíma nægir launahlutinn tæplega fyrir strætis-
vagnafari til og frá vinnu.
•Verðskrá og laun sjálfstætt starfandi sjúkraþjálfara eru
3-6 sinnum lægri hér á landi en almennt gerist í öðrum
löndum. Þó dregur enginn í efa að menntun, tækjabúnaður,
aðstaða og þjónusta er sambærileg eða betri hér á landi.
•Kostnaður við sjúkraþjálfun á stofnunum getur verið allt
að 30-50 sinnum hærri en á einkareknum sjúkraþjálfunar-
stöðvum. Árið 2000 jókst þáttur ríkisins í lyfjakostnaði
landsmanna sem nemur um 1.400 milljónum króna.
Kostnaðarhlutur ríkisins við sjúkraþjálfun sama ár var
700 milljónir.
•Stór hluti af greiðslum til sjálfstætt starfandi sjúkraþjálfara
fer í rekstrarkostnað. Að auki standa þeir, af verktaka-
launum sínum, að fullu straum af lífeyrissjóðsgreiðslum,
orlofi, veikindadögum o.fl. Því miður virðast viðsemjendur
ekki gera sér grein fyrir þessum staðreyndum.
Ótrúlegt en satt!
Samkvæmt 33. grein almannatrygginga-
laga er það hlutverk Tryggingastofnunar
að veita styrk til æfingameðferðar eða
þjálfunar vegna afleiðinga alvarlegra,
langvinnra sjúkdóma eða slysa.
Þeir sem tilheyra þessum hópum eiga rétt
á fyrrnefndum styrk. Leitaðu því til þíns
stéttarfélags, Tryggingaráðs eða heilbrigðis-
og tryggingamálaráðuneytisins.
Leitaðu réttar þíns!
Leitaðu
réttar þíns!
Fáum ríkisvaldið til að
„fjárfesta í sparnaði“!
Engum dylst að einkarekin sjúkraþjálfun sparar samfélaginu
umtalsverða fjármuni. Sólarhringur á endurhæfingar-
deildum skurð- og lyflækninga kostaði á árinu 2001 um
65.000 krónur. Kostnaður við heimsókn til sjálfstætt starfandi
sjúkraþjálfara er hins vegar 2.256 krónur og oft er hluti
ríkisvaldsins aðeins 1.128 krónur. Munurinn er um 30-50
faldur. Aðrir þættir vega þó enn þyngra í heildarsparnaði
samfélagsins vegna sjúkraþjálfunar. Til dæmis má nefna að
forvarnarstarf og endurhæfing eykur vinnufærni, fækkar
veikindadögum, eykur afköst, dregur úr þörf fyrir
sjúkrahúsvist, minnkar hugsanlega örorku, dregur úr
lyfjakostnaði og eykur andlega og líkamlega vellíðan. Við
erum sannfærð um að verðmæti sjúkraþjálfunar mælist í
milljörðum króna árlega. Vert er að opna augu
fjárveitingavaldsins fyrir því að hægt sé að „fjárfesta í
sparnaði“ með fleiru en kaupum á verðtryggðum
spariskírteinum ríkissjóðs!
FSSS - Félag sjálfstætt starfandi sjúkraþjálfara. - Lágmúla 7 - 108 Reykjavík - www.physio.is
Sjálfstætt starfandi sjúkraþjálfarar og ríkisvaldið eru
sammála um að öll aðstaða fyrir sjúkraþjálfun verði að vera
fyrsta flokks. Í þeim efnum vilja sjúkraþjálfarar hvergi gefa
eftir og leikur enginn vafi á að aðbúnaður á einkareknum
sjúkraþjálfunarstöðvum er eins og best verður á kosið.
Í dag eru gerðar kröfur um að einn sjúkraþjálfari megi ekki
starfa á minna svæði en 80 fermetrum og að hver
sjúkraþjálfari sem við bætist eigi ekki að starfa á minna en
40 fermetrum til viðbótar. Í húsnæðinu þarf að vera
hópæfingasalur, tækjasalur, búningsklefar og baðaðstaða,
aðgengi fyrir fatlaða o.s.frv. Það eru hins vegar takmörk
fyrir því hve lengi er hægt að bæta aðstöðuna án þess að
auknar tekjur komi á móti – um það snýst hluti deilunnar
við ríkisvaldið.
34-68% hærri
tekjur stofnana
SLF: Styrktarf lag lama ra og fatla ra
RL: Reykjalundur
4000
3000
2000
1000
0
Grei slur fyrir
me fer SLF
Grei slur fyrir
me fer RL
Grei slur fyrir
me fer einka-
reknum st vum
H kkunin sem samninganefnd
r kisins er a bj a
Jafnræðisreglan brotin
Tryggingaráð Tryggingastofnunar ríkisins hefur sent frá
sér tilkynningu um hverjir komi til með að hljóta náð fyrir
hennar augum eftir 1. mars. Með nýjum reglum
tryggingaráðs verða langveik börn og öryrkjar einu
hóparnir sem fá endurgreiðslu frá TR. Aðrir sem þarfnast
sjúkraþjálfunar vegna afleiðinga langvinnra sjúkdóma
eða slysa verða að sækja um endurgreiðslu. Samkvæmt
jafnræðisreglu stjórnsýslulaga má ekki mismuna fólki
eftir litarhætti, kyni, aldri osfrv. En er í lagi að mismuna
fólki eftir sjúkdómsgreiningu? Í samningaviðræðum
hefur verið tekið skýrt fram að hlutur sjúklinga megi ekki
hækka. Nú á stór hluti þeirra að greiða allan kostnað af
sjúkraþjálfun úr eigin vasa.
Auknar kröfur
...en lægra verð!
Auglýsing