Morgunblaðið - 28.02.2002, Blaðsíða 25

LISTIR
MORGUNBLAÐIÐ FIMMTUDAGUR 28. FEBRÚAR 2002 25
Benefiance, kremlínan frá Shiseido, er sérhönnuð til að styrkja,
lyfta og jafna endurnýjun húðarinnar og fylla hana orku.
Nú býður Shiseido þér pakka sem þéttir og lyftir húðinni*.
• Benefiance Lifting Complex 50ml.
• Krem sem lyftir, mótar útlínur húðarinnar og hindrar að hún •
• slappist með því að vinna gegn uppsöfnun vökva og fituvefs.
• Notist yfir Benefiance dag- og næturkrem.
• Benefiance Daytime Protective Cream 40ml.
• Dagkrem sem styrkir og ver húðina gegn þurrki og • • •
• umhverfisáhrifum.
• Benefiance Revitalizing Cream 10ml.
• Næturkrem sem jafnar endurnýjun húðarinnar og styrkir hana.
• Benefiance Neck Firming Cream 10ml.
• Hálskrem sem þéttir og styrkir hálsinn, jafnar einnig litarháttinn.
Allt þetta í fallegri Shiseido tösku á aðeins 9.950 kr.
Viðhaltu styrkri og stinnri húð lengur með Benefiance.
Útsölustaðir: Hygea Kringlunni, Hygea Laugavegi 23,
Hygea Smáralind, Sigurboginn Laugavegi 80,
Gallerý Förðun Keflavík, Jara Akureyri,
Debenhams Smáralind, Bylgjan Hamraborg 14a, Kópavogi.
*Á meðan birgðir endast.
Fimmtudagur
28. febrúar
Kl. 08.00
Laugardalslaug: Vatnsleikfimi undir
stjórn Lovísu Einarsdóttur. Boðið upp
á kaffi við kertaljós.
Kl. 09.00–13.00
Dagskrá fyrir Grunnskóla Reykjavíkur,
m.a. í Borgarleikhúsinu. Sýning
Íslenska dansflokksins.
Kl. 10.00
Opnun sýningar á ljósmyndum og
tvívíðum verkum nemenda á marg-
miðlunarbraut Borgarholtsskóla á
Reykjavíkurtorgi Borgarbókasafnsins.
Sýningin verður opin meðan hátíðin
stendur. Myndlistarsýning Þuríðar
Sigurðardóttur „Í öðru ljósi“ í
Ráðhúsinu.
Kl. 10.00–17.00
Fjölskyldu- og húsdýragarðurinn:
Fjölbreytt dagskrá.
Kl. 10.00–17.00
Garðskáli Grasagarðs Reykjavíkur:
„Ekkert líf án ljóss“. Mynda- og
veggspjaldasýning.
Kl. 17.15
Fyrirlestrar í Ráðhúsinu: Guðfinna
Eydal sálfræðingur flytur erindið „Að
sjá ljósið þótt birtan dvíni“, Sigurður
Júlíus Grétarsson sálfræðingur fjallar
um myrkfælni barna og Jóhann
Axelsson prófessor um lækningarmátt
ljóssins. Nemendur úr Tónlistarskóla
Reykjavíkur sjá um tónlistarflutning
milli fyrirlestra.
Kl. 18.00
Gönguferð um gamla kirkjugarðinn
undir leiðsögn Gunnars Bollasonar.
Lagt af stað frá aðalinngangi við
Ljósvallagötu.
Kl. 20.00
Stjórnstöð Landsvirkjunar við
Bústaðaveg: Fræðslu- og
skemmtikvöld í tengslum við opnun
sýningar Þjóðminjasafnsins, „Ljósið
kemur langt og mjótt“. Guðmundur
Ólafsson flytur erindi um ljósfæri og
Jóhann Már Maríusson fjallar um birtu
og yl. Ljóðadagskrá undir stjórn
Ingibjargar Haraldsdóttur rithöfundar.
Sigurður Rúnar flytur lög um ljós á
gömul hljóðfæri. Sýningin verður opin
daglega kl. 14.00–18.00 meðan á
hátíðinni stendur.
Kl. 20.00
Samverustund í Dómkirkjunni:
Ræðumaður kvöldsins er herra
Sigurbjörn Einarsson biskup. Ingimar
Erlendur Sigurðsson les ljóð.
Einsöngur og Dómkórinn syngur undir
stjórn Marteins H. Friðrikssonar.
Kl. 20.00
Opnun sýningarinnar „Litir og ljós“ í
Epal, Skeifunni.
Kl. 20.00
Bókabúð Máls og menningar –
Súfistinn: Ólafur Kjartan Sigurðsson
syngur og Steinunn Birna Ragnarsdóttir
leikur á píanó. Upplestur úr verkum
Gyrðis Elíassonar, Kristínar Marju
Baldursdóttur og Sigurðar Pálssonar.
Kl. 21.00
Menningarkvöld í Kaffileikhúsinu í
Hlaðvarpanum: „Laxness og ljóðin“,
söng- og leikskemmtun. „A Toast to
Harlem – Svört melódía“, söng- og
leikdagskrá sem samanstendur af
blús- og gospeltónlist ásamt leiknu
efni. Valgeir Guðjónsson syngur og
skemmtir.
Kl. 21.30
Stjörnuhrap. Vígsla verðlaunaverks
Ilmar Maríu Stefánsdóttur í hugmynda-
samkeppni Ljóss í myrkri á Tjörninni
í miðbæ Reykjavíkur í boði Línu.Nets.
Á PAPPÍRUNUM, a.m.k., verða
menn annaðhvort undir eða ofaná í
styrjöldum. Sigurvegararnir, góðu
kallarnir, þurfa ekki um sárt að
binda næstu árhundruðin. Hernað-
arátök eru vinsælt kvikmyndafóður,
á meðan við bíðum stórvirkja um að-
gerðirnar á hendur talíbönum, get-
um við stytt okkur stundir við að sjá
Hollívúdd í Bosníu, í Behind Enemy
Lines. Komið er að vopnahléi, það
ergir orrustuflugmanninn Burnett
(Owen Wilson). Afhendir Reigart að-
mírál (Gene Hackman), uppsagnar-
bréf eftir sjö ára dygga þjónustu,
steingelda af ósviknum bardögum.
Er vonsvikinn yfir því að hafa ekki
fengið tækifæri til að láta byssur
gjamma og sprengjum rigna úr
undrasmíðinni F-18. Því næst er
hann sendur í könnunarflug yfir
Bosníu þegar aðrir um borð í flug-
vélamóðurskipinu eru að setjast að
jólasteikinni.
Burnett heldur í loftið ásamt
Stackhouse (Gabriel Macht), félaga
sínum. Og flugmanninum verður að
ósk sinni. Óvæntasti jólaglaðningur-
inn er undarlegar hræringar á hlut-
lausu belti í Júgóslavíu, kempurnar
fara í leyfisleysi yfir svæðið og viti
menn, þar er serbneskur herflokkur
önnum kafinn við að fela stríðsglæpi
sína. Þeir Burnett filma atburði og
eru að lokum skotnir niður af eld-
flaugum, handan víglínunnar. Serb-
ar drepa Stackhouse og hefja linnu-
lausa leit að Burnett, sem býr nú yfir
óþægilegum hernaðarleyndarmál-
um.
Burnett setur sig í samband við
aðmírál Reigart, sem að lokum
skipuleggur björgunarleiðangur
undir sinni stjórn uppá myrkt og
stríðshrjátt fastalandið.
Dæmigerð svarthvít stríðsmynda-
framleiðsla. Bandaríkjamenn, hinar
vammlausu hetjur, góðu kallarnir.
Myndarlegir, vel búnir, orðheppnir
og svalir. Meðvitandi um þær háleitu
hugsjónir sem eru uppspretta veru
þeirra í þessum guðsvolaða heims-
hluta. Serbarnir bullur, sífretandi af
byssum sínum, uppí loftið frekar en
ekki neitt. Svipljótir, sjúskaðir, jafn-
an með vindlinga dinglandi í kjaft-
vikinu; ótvírætt merki um for-
heimsku og andlegan subbuskap í
glansmyndaframleiðslu samtímans.
Enginn óbrjálaður veltir fyrir sér
leikslokunum. Þau eru hefðbundin,
það er fyrirfram vitað. Hinsvegar ól
maður smávon í brjósti um að ein-
hver töggur væri til staðar, Hack-
man lofar jafnan góðu og stendur
fyllilega fyrir sínu í einhliða hlut-
verki atvinnuhermannsins sem
sleppir ekki hendinni af „drengjun-
um sínum“. Jafnvel þótt hann þurfi
að kraka þá útúr gini ljónsins. Mynd-
in fer einnig þokkalega af stað og
tekur spennuþrunginn og kvik-
myndalega vel gerðan fjörkipp er
hin rennilega F-18 berst við að
sleppa undan sovéskum eldflaugum
sem glottandi, tóbakspúandi serba-
djöflar puðra á eftir henni af ofrausn
sem minnir á reykvískt gamlárs-
kvöld.
Það má vera að myndin hafi til-
finningalegt gildi fyrir einhverja
Bandaríkjamenn og komi við við-
kvæmar taugar föðurlandsvina eftir
svívirðuna 11. september. Fyrir aðra
er hún ósköp venjuleg, margtuggin
hetjudýrkun, ekkert framyfir það.
Vissulega vel gerð, einkum er kvik-
myndatakan lífleg og sviðsmyndin,
brenndir akrar og borgarrústir,
átakanlega sannfærandi. Þá hefur
myndin verið gerð í samvinnu við
bandaríska sjóherinn. Það er því út-
litslegur raunveruleikablær hvað
snertir umhverfið og vígvélarnar.
Annað er fyrirsjáanlegt og Wilson,
sem virðist ámóta bógur og aðrir
McConaugheyar kvikmyndaheims-
ins, er samnefnari vörusvikanna.
Vondir kallar og góðir
Sæbjörn Valdimarsson
KVIKMYNDIR
Smárabíó, Regnboginn, Borg-
arbíó Akureyri
Leikstjóri John Moore. Handritshöfundar:
David Veloz, Zak Penn. Kvikmyndatöku-
stjóri: Brendan Galvin. Tónlist: Don Dav-
is. Aðalleikendur: Owen Wilson, Gene
Hackman, Gabriel Macht, Charles Malik
Whitfield, Joaquin de Almeida, David
Keith, Travis Fine. Sýningartími 105 mín.
Bandaríkin. 20th Century Fox. 2001.
BEHIND ENEMY LINES (HANDAN VÍGLÍN-
UNNAR) „Wilson, sem virðist ámóta bóg-
ur og aðrir McConaugheyar
kvikmyndaheimsins, er sam-
nefnari vörusvikanna.“