Morgunblaðið - 28.02.2002, Blaðsíða 17

AKUREYRI
MORGUNBLAÐIÐ FIMMTUDAGUR 28. FEBRÚAR 2002 17
Íbúarnir
vöknuðu við
reykskynjara
ELDUR kom upp í kjallara íbúðar-
hússins Baldurshaga við Þórunnar-
stræti á Akureyri skömmu eftir kl. 2
í fyrrinótt. Baldurshagi er gamalt
tvílyft timburhús og þar sváfu hús-
ráðandi og tvö börn hans í risinu
þegar eldurinn kom upp, samkvæmt
upplýsingum frá Slökkviliði Akur-
eyrar.
Maðurinn og börnin vöknuðu þeg-
ar reykskynjari fór í gang og komust
út úr húsinu. Þau gerðu lögreglunni,
sem er í næsta húsi, viðvart og var
allt tiltækt lið slökkviliðsins kallað
út. Maðurinn og börnin voru flutt á
slysadeild FSA vegna gruns um
reykeitrun.
Reykkafarar Slökkviliðs Akureyr-
ar fóru inn í húsið og réðu niðurlög-
um eldsins. Slökkvistarf gekk vel en
töluverðar skemmdir urðu af völdum
elds í kjallaranum og reyks á hæð-
unum tveimur. Slökkvistarfi lauk
rétt fyrir kl. 4.
Eldur í íbúðarhúsi
á Akureyri
FÉLAGARNIR og bekkjarbræð-
urnir Brynjar Leó Kristinsson og
Sigmundur Jónsson í Ólafsfirði
fóru í nokkurra daga æfinga- og
keppnisferð til Noregs í síðustu
viku. Tilefnið var að þeir slógust
í hóp verðlaunahafa á Andrésar
andarleikurum í fyrra.
„Við æfðum einn dag og svo
var keppt,“ sögðu þeir félagar en
þeir gistu í Osló. Í keppninni
voru gengnir 3,3 kílómetrar og
voru keppendur 220 talsins. Sig-
mundur varð í 145. sæti og
Brynjar Leó í 175. sæti. Flestir
keppendanna voru frá Noregi og
Svíþjóð, þar sem mikill fjöldi
ungmenna æfir göngu.
„Þetta var bara ágætt og mér
fannst rosalega gaman,“ sagði
Brynjar Leó. Báðir voru þeir fé-
lagar sammála um að það eft-
irminnilegasta í ferðinni hafi ver-
ið ferð að Holmenkollen, stærsta
stökkpalli í heimi. Næst á dag-
skrá hjá þeim félögum er Ung-
lingameistaramótið sem haldið
verður á Akureyri og eru þeir
sammála um að þar ætli þeir að
standa sig vel.
Fóru í æfinga- og keppnisferð til Noregs
Rosalega gaman
Mrogunblaðið/Helgi Jónsson
Göngugarparnir frá Ólafsfirði, Brynjar Leó og Sigmundur.
Guðbrandur
Sigurðsson fram-
kvæmdastjóri ÚA
Frekari
stækkun á
félaginu er
áhugaverð
GUÐBRANDUR Sigurðsson fram-
kvæmdastjóri Útgerðarfélags Akur-
eyringa sagði að á undanförnum ár-
um hefði félagið lagt mikla áherslu á
að stækka það með sameiningum og
eða beinum kaupum á öðrum fé-
lögum. Á síðustu tveimur árum hef-
ur ÚA sameinast Jökli á Raufarhöfn
og Hólmadrangi á Hólmavík og í
fyrra keypti félagið helmingshlut í
GPG-fiskverkun á Húsavík.
„Frekari stækkun á félaginu er
áhugaverð til að styrkja rekstur
þess enn frekar, sérstaklega á þeim
sviðum sem félagið hefur ekki látið
mikið til sín taka. Áhugavert væri að
styrkja þann hluta útgerðarinnar
sem snýr að sjófrystingu, en félagið
gerir einungis út einn sjófrystitog-
ara til bolfiskveiða,“ sagði Guð-
brandur á aðalfundi ÚA. Hann sagði
félagið hafa rúma kvótastöðu í karfa
og grálúðu sem myndi nýtast vel í
rekstri fleiri frystitogara. „Þá er
eðlilegt fyrir félagið að leita fyrir sér
með samstarf eða sameiningar við
félög á sviði uppsjávarfiskvinnslu til
að breikka rekstrargrunninn og
tryggja að félagið nái yfir öll svið
sjávarútvegs hér á landi.“
Á síðustu árum hefur ÚA unnið að
tveimur verkefnum á sviði líftækni,
annars vegar framleiðslu gelatíns og
hins vegar einangrun prótína úr
uppsjávarfiskum, en það verkefni
hefur verið unnið í samvinnu við HB
á Akranesi. Hann sagði að félagið
myndi leggja aukna áherslu á líf-
tækni og væri unnið að sérstakri
stefnumótun á því sviði.
Eðlilegt að horfa til
fjárfestinga erlendis
Fram kom í máli Guðbrands að fé-
lagið hefði ekki fjárfest í verkefnum
í útlöndum frá því það seldi hlut sinn
í MHF árið 1998 eða þar til Lauga-
fiskur hefði á síðasta ári keypt 45%
hlut í Faroe Marine Product í Fær-
eyjum, en það sérhæfir sig í hausa-
þurrkun. Guðbrandur sagði rekstur
þess lofa góðu og myndi Laugafisk-
ur á næstunni leita fyrir sér með
önnur tækifæri á sínu sviði í útlönd-
um. „Á sama hátt er eðlilegt fyrir
ÚA að horfa til erlendra fjárfestinga
á þeim sviðum sem félagið þekkir
best til, þ.e. í fiskvinnslu,“ sagði
Guðbrandur.
♦ ♦ ♦