Morgunblaðið - 28.02.2002, Blaðsíða 8

FRÉTTIR
8 FIMMTUDAGUR 28. FEBRÚAR 2002 MORGUNBLAÐIÐ
Ísland án eiturlyfja
Grunnur að öfl-
ugu samstarfi
LOKARÁÐSTEFNAverkefnisins Íslandán eiturlyfja verð-
ur haldin á morgun, föstu-
daginn 1. mars í Hvammi á
Grand hótel og hefst
klukkan 9 að morgni. Um
er að ræða samstarfsverk-
efni ríkisstjórnarinnar,
Reykjavíkurborgar, Sam-
bands íslenskra sveitarfé-
laga og samtakanna Evr-
ópuborgir gegn fíkni-
efnum (ECAD). Þrjú ráðu-
neyti eiga fulltrúa í
verkefnisstjórninni, dóms-
mála-, félagsmála- og heil-
brigðisráðuneyti. Ingi-
björg Broddadóttir á sæti í
verkefnisstjórninni og
Morgunblaðið lagði nokkr-
ar spurningar fyrir hana.
Samstarfsverkefninu er
nú að ljúka, hverjar voru megin-
áherslurnar?
„Verkefnisstjórnin setti sér
strax sumarið 1997 framkvæmda-
áætlun til fimm ára. Áherslan var
á það að stemma stigu við neyslu
barna og ungmenna á ólöglegum
fíkniefnum, en fljótt varð ljóst að
baráttan gegn áfengisneyslu ung-
menna yrði ekki aðskilin frá bar-
áttunni gegn neyslu ólöglegra
efna.
Við vildum sameina krafta þjóð-
arinnar í baráttunni gegn ólögleg-
um fíkniefnum, efla forvarnir og
fræðslu, virkja frjáls félagasam-
tök, eiga gott og öflugt samstarf
við foreldrasamtök og síðast en
ekki síst að hvetja til eflingar og
aukinnar samhæfingar á störfum
toll- og löggæslunnar.
Þegar horft er til baka sýnist
mér í hnotskurn að þyngsta
áherslan hafi verið á að virkja for-
eldra um að fylgjast með börnum
sínum, eyða tíma með þeim og vita
hvað þau hafa fyrir stafni. Athygli
þeirra var vakin á að börn eiga
ekkert erindi ein á útihátíðir, t.d.
um verslunarmannahelgi, og að
fjölskyldan sé saman á tímamót-
um, svo sem áramótum. ÍÁE hef-
ur dreift segulmottunni um úti-
vistartíma barna sem hangir víða
á ísskápum. Veggspjöld hafa verið
útbúin og kort með skeleggum
skilaboðum og vígorðum. Sveitar-
félögin og aðrir sem áhuga hafa
geta nýtt sér texta og myndir sem
hægt er að nálgast á heimasíðu Ís-
lands án eiturlyfja, http:islanda-
neiturlyfja.is.“
Hvað hefur áunnist?
„Fyrst og fremst hefur ávinn-
ingurinn komið í ljós með virkari
þátttöku og auknu samstarfi
þeirra sem leggja baráttunni gegn
fíkniefnaneyslu lið. Náum áttum-
hópurinn er ágætt dæmi um sam-
starf fjölmargra sem láta sig þessi
mál skipta, þar á meðal eru:
Rauðakrosshúsið, Geðrækt, Götu-
smiðjan, Landlæknir, Vímulaus
æska, Barnaverndarstofa, Lög-
reglan í Reykjavík, Heimili og
skóli og Ríkislögreglustjóri.
Ísland án eiturlyfja hefur hvatt
til og átt frumkvæði að því að
kannanir séu gerðar á
fíkniefnaneyslu í efstu
bekkjum grunnskólans
og í framhaldsskólum.
Á fyrstu árunum eftir
að áætlunin fór af stað
birtust niðurstöður um að dregið
hefði úr áfengisneyslu meðal ung-
linga og neyslan stóð í stað á ára-
bilinu 2000–2001. Einnig dró úr
hassneyslu á sama tíma. Það get-
ur verið varasamt að meta árang-
ur af forvarnarstarfi einvörðungu
út frá neyslukönnunum, þó eru
þær áreiðanlegasta aðferðin. Við
eigum við að etja harðsnúið lið
innflytjenda og framleiðenda
fíkniefna og magnið í umferð virð-
ist aukast sífellt. Samhliða tekst
löggæslunni að leggja hald á
meira magn og vonandi styrkjast
krakkarnir í því að segja nei.“
Hvernig verður verkefnið gert
upp?
„Starfsmenn Íslands án eitur-
lyfja hafa haldið vel utan um starf-
ið og nákvæmar skýrslur verið
gefnar út árlega. Heildarmat á
verkefninu er hins vegar í hönd-
um annarra og hefur Áfengis- og
vímuvarnarráð tekið að sér það
mat. Ráðið hefur fengið Gallup til
verksins og verða niðurstöður
kynntar á málþinginu á morgun.“
Hvert verður svo framhaldið?
„Áfengis- og vímuvarnarráð
mun nú taka við. Ljóst er að þegar
er lagður grunnur að öflugu sam-
starfi hjá fræðslu- og kynningar-
hópnum Náum áttum. Menn
þurfa hins vegar að halda vöku
sinni og samstarfið þrífst ekki
nema að því sé hlúð.“
Hvað er helst um ráðstefnuna
að segja?
„Við lítum fimm ár til baka til
upphafs Íslands án eiturlyfja og
horfum síðan fram á veginn. Á
ráðstefnunni gefst fólki tækifæri
til að fræðast um helstu verkefnin
og IMG-Gallup kynnir matið á
starfinu. Þróun fíkniefnaneyslu
unglinga á liðnum árum verður
kynnt og sagt frá þátttöku for-
eldra í forvarnarstarfi. Greint
verður frá framtíðarverkefnum í
forvörnum, fjallað um fíkniefna-
lögregluna, um meðferðarúrræði,
og leiðir til að ná til barna og ung-
linga í forvarnarstarfi. Síðast en
ekki síst verða niður-
stöður starfshópa
kynntar, en frá þeim
greina fulltrúar lög-
gæslu, sveitarfélaga,
frjálsra félagasamtaka,
Heimilis og skóla, unglinga og
tollgæslunnar.“
Hvernig var samstarfið við er-
lendu borgirnar?
„Þetta samstarf hefur verið
býsna gagnlegt, a.m.k. frá okkar
sjónarhóli. Hingað til lands hafa
komið góðir gestir bæði frá Ítalíu
og Bandaríkjunum og Íslendingar
hafa farið utan og kynnst vinnu-
brögðum annarra.“
Ingibjörg Broddadóttir
 Ingibjörg Broddadóttir er
fædd í Reykjavík 1950. Lauk sál-
fræðinámi við HÍ og síðan MA
prófi í félagsráðgjöf í Bandaríkj-
unum 1982. Stundaði síðar fram-
haldsnám í stjórnsýslu þar. Hef-
ur verið deildarstjóri í félags-
málaráðuneytinu frá 1992 og
stundakennari við HÍ frá 1985.
Maður Ingibjargar er Sigurður
Jakobsson jarðefnafræðingur og
eiga þau tvö uppkomin börn,
Brodda og Hildi Þóru.
...vildum sam-
eina krafta
þjóðarinnar
HRAFNKELL V. Gíslason hefur
verið skipaður forstjóri Póst- og
fjarskiptastofnunar frá og með 1.
apríl 2002 til 5 ára, í stað Gústavs
Arnar sem þá lætur af störfum.
Hrafnkell hefur lokið B.Sc.
gráðu í tölvunarfræði frá Háskóla
Íslands og M.Sc. gráðu í tölvun-
arfræði frá University of Pitts-
burgh og hefur auk þess víðtæka
reynslu af stjórnunarstörfum.
Hann hefur starfað sem fram-
kvæmdastjóri ráðgjafarfyrirtæk-
isins Innis ehf. frá árinu 2001 en
starfaði áður um 10 ára skeið hjá
Skýrr hf., síðast sem fram-
kvæmdastjóri þjónustusviðs. Þá
gegndi hann starfi framkvæmda-
stjóra hugbúnaðardeildar Net-
verks í rúm 2 ár.
Hrafnkell er kvæntur og á
fjögur börn.
Nýr forstjóri Póst-
og fjarskiptastofn-
unar skipaður
RÍKISLÖGREGLUSTJÓRI vék í
gær úr starfi lögreglumanni hjá
embættinu vegna rannsóknar sem
stendur yfir hjá lögreglunni í
Reykjavík, þar sem lögreglumað-
urinn er grunaður um umferðar-
lagabrot með því að hafa ekið um á
einkabifreið sinni án þess að leggja
inn númeraplötur bifreiðarinnar
þótt þær hefðu verið skráðar í
geymslu hjá bifreiðaskrá.
Með vísan til 2. töluliðar 3. mgr.
27. gr. starfsmannalaga var lög-
reglumanninum vísað úr starfi
tímabundið á meðan mál hans sæt-
ir rannsókn. Auk yfirstandandi
rannsóknar hjá lögreglunni í
Reykjavík hefur mál hans verið
lagt fyrir nefnd skv. 27. starfs-
mannalaga, sem mun meta hvort
hann hafi gerst sekur um ein-
hverja þá hegðun sem leiði til var-
anlegs starfsmissis. Reynist svo
ekki vera tekur hann við starfi
sínu aftur. Lögreglumaðurinn var
stöðvaður við venjulegt eftirlit lög-
reglunnar í Reykjavík fyrir
skömmu og kom þá í ljós að núm-
eraplötur bifreiðarinnar voru
skráðar í geymslu en með þeim
ráðstöfunum bifreiðaeigenda eru
ekki innheimt trygginga- eða bif-
reiðagjöld.
Lögreglu-
manni vísað
úr starfi
tímabundið
FORSÆTISRÁÐHERRA hefur
samkvæmt tilnefningu menntamála-
ráðherra skipað Andra Snæ Magna-
son rithöfund í stjórn Þjóðmenning-
arhúss. Ásamt honum eiga sæti í
stjórn hússins Salome Þorkelsdóttir,
fyrrverandi forseti Alþingis, sem
jafnframt er formaður, og Jóhannes
Nordal, fyrrverandi bankastjóri
Seðlabanka Íslands, tilnefndur af
fjármálaráðherra. Settur forstöðu-
maður er Sveinn Einarsson.
Skipaður í
stjórn Þjóð-
menningarhúss
♦ ♦ ♦