Morgunblaðið - 28.02.2002, Blaðsíða 49
MORGUNBLAÐIÐ FIMMTUDAGUR 28. FEBRÚAR 2002 49
Heimsferðir kynna nú glæsilegt úrval sérferða sinna fyrir árið 2002, þar
sem þú getur valið um spennandi nýjar ferðir með reyndum fararstjórum
Heimsferða. Þeir kynna þér nýja sýn á land og þjóð og tækifæri til að upp-
lifa menningu og fegurð heillandi áfangastaða með nýjum hætti á nýju ári.
Hvort sem þú vilt stutta helgarferð til að njóta náttúrufegurðar Gardavatns,
sitja á útitónleikum í Arenunni í Verona, fara í menningarreisu um hjarta
Evrópu eða ganga um
Austurrísku alpana, þá
bjóðum við hér spenn-
andi valkosti á nýju ári.
Skógarhlíð 18, sími 595 1000. www.heimsferdir.is
Glæsilegar
Sérferðir
Heimsferða
Fegurð Tékklands 4. apríl
Prag - Budapest - Vín 25. apríl - 20. ágúst
Budapest 5. maí
Miðevrópuævintýri 12. maí
Vorsigling á Dóná 12. maí
Verona 30. maí - 13. júní - 12. sept.
Lago di Garda 23. maí - 6. júní - 19. sept.
Prag 3. júní - 30. júlí - 20. ágúst
Parma 1. ágúst
Sumar í Týról 20. júní
Gönguferð í Ítölsku Ölpunum 11. júlí
Róm - Sardinía 22. ágúst
Fáðu bæklinginn
sendan
Í tilefni af opnun nýrrar verslunar
á Laugavegi 44
verðum við með spennandi tilboð í báðum
verslunum okkar föstudag og laugardag.
Verið velkomnar í verslanir okkar.
Starfsfólk Fröken Júlíu.
Laugavegi 44 og Mjódd
Opnum nýja verslun
á Laugavegi 44
SÍMASKÁKMÓTIÐ 2002 verður
hápunktur skákveislu sem Skák-
félagið Hrókurinn stendur fyrir dag-
ana 3. til 6. mars. Símaskákmótið er
alþjóðlegt atskákmót og er haldið til
minningar um Dan Hansson. Mótið
hefst á mánudaginn í Ráðhúsi
Reykjavíkur. Meira en tuttugu stór-
meistarar eru skráðir til leiks, en alls
verða keppendur 64 og
tefla með útsláttarfyrir-
komulagi svo hver ein-
asta skák verður úrslita-
skák.
Síminn er helsti bak-
hjarl mótsins, sem hald-
ið er til minningar um
sænska meistarann Dan
Hansson (1952-1999)
sem auðgaði íslenskt
skáklíf í hartnær tvo
áratugi. Dan Hansson
kvæntist íslenskri konu
og flutti til Íslands árið
1980, en áður hafði hann
verið meðal atkvæða-
mestu skákmanna ungu
kynslóðarinnar í Sví-
þjóð. Á Íslandi var hann fljótur að
láta vita af sér: Sigraði á Skákþingi
Íslands 1983, en fékk ekki titilinn þar
sem hann var erlendur ríkisborgari.
Dan náði að minnsta kosti fimm
áföngum að alþjóðlegum meistara-
titli, en of langur tími leið á milli til
þess að hann fengi titilinn. Þeim
reglum hefur nú verið breytt, og hef-
ur Sævar Bjarnason varpað fram
þeirri hugmynd að Skáksamband Ís-
lands fari þess á leit við FIDE að Dan
heitinn verði útnefndur alþjóðameist-
ari „post mortem“. Árið 1997 jafnaði
Dan Hansson Íslandsmet Helga
Ólafssonar stórmeistara þegar hann
tefldi tíu blindskákir samtímis gegn
þéttingssterkum áhugamönnum.
Dan var einn af stofnendum Skák-
félags Grandrokk, sem síðar varð að
Hróknum, og tefldi með sigurliði fé-
lagsins í 4. deild veturinn 1998-99.
Dan Hansson var vinsæll meðal ís-
lenskra skákmanna, enda var hann
einstakur heiðursmaður í fasi, húm-
oristi af náð og eitursnjall í tilsvörum.
Hann náði meistaralegum tökum á
íslensku og leit á sig sem Íslending
eftir langa búsetu hérlendis. Hann
var listfengur sóknarskákmaður sem
var reiðubúinn að leggja allt í sölurn-
ar fyrir fallega vinningsleið.
Allir íslensku stórmeistararnir
Það er sérstakt ánægjuefni að allir
íslensku stórmeistararnir eru skráðir
til leiks á Símaskákmótinu 2002 –
Minningarmóti Dans Hanssonar.
Stórmeistarar Íslands eru níu, og
þeir hafa aldrei áður teflt allir á sama
alþjóðamótinu. Þetta eru Friðrik
Ólafsson, Guðmundur Sigurjónsson,
Helgi Ólafsson, Margeir Pétursson,
Jón L. Árnason, Jóhann Hjartarson,
Hannes H. Stefánsson, Helgi Áss
Grétarsson og Þröstur Þórhallsson.
Þá munu þrír af alþjóðameisturum
okkar tefla á Símaskákmótinu: Karl
Þorsteins, Sævar Bjarnason og Jón
Viktor Gunnarsson. Flestir af efni-
legustu skákmönnum landsins fá
tækifæri til að spreyta sig, en meðal
keppenda eru líka gamlar kempur á
borð við Braga Halldórsson, Gunnar
Gunnarsson og Ingvar Ásmundsson.
Sérstök áhersla er lögð á að sem
flestar konur verði meðal þátttak-
enda og eru fimm íslenskar skákkon-
ur skráðar til leiks og tvær erlendar,
stórmeistararnir Lenka Ptacníková
og hin búlgarska Stefanova.
Sokolov, Timman og
Ehlvest í Ráðhúsinu
Gert er ráð fyrir að meira en tíu er-
lendir stórmeistarar taki þátt í Síma-
skákmótinu.Af þeim má nefna: Ivan
Sokolov (2.659 Elo-stig) frá Bosníu,
Jan Timman (2.605) frá Hollandi,
Bartlomiej Macieja (2.612) frá Pól-
landi, Jaan Ehlvest (2.589) frá Eist-
landi, Luke McShane frá Englandi
(2.525), Henrik Danielsen (2.520) frá
Danmörku, Þjóðverjarnir Eric Lobr-
on (2.517) og Michael Bezold (2.495),
Tiger Hillarp Persson (2.456) frá Sví-
þjóð og Mikael Ivanov (2.446) frá
Rússlandi. Þá verður hinn bráðefni-
legi sænski alþjóðameistari Emanuel
Berg meðal keppenda en hann er
kominn með 2.500 stig.
Vegleg verðlaun eru á Símaskák-
mótinu. Fyrstu verðlaun eru 3.000
dollarar, önnur verðlaun 2.000 doll-
arar, þriðju og fjórðu verðlaun 1.000
dollarar og fimmtu til áttundu verð-
laun 500 dollarar. Heildarverðlaun
nema þannig 9.000
dollurum. Mótið verð-
ur sent beint út á ICC,
svo gera má ráð fyrir
að þúsundir skák-
áhugamanna um allan
heim fylgist með.
Í fyrstu umferð, sem
hefst klukkan 17
mánudaginn 4. mars,
fara fram 32 tveggja
skáka einvígi með 25
mínútna umhugsunar-
tíma. Stigahæsti kepp-
andinn teflir við þann
stigalægsta, númer tvö
við númer 63 o.s.frv.
Þetta kerfi ætti að gefa
ungu Íslendingunum,
sem flestir eru með 2.200 til 2.400
skákstig, færi á að sýna sig og sanna í
glímu við stórmeistara.
Fjöltefli í Kringlunni
fyrir börn og unglinga
Skákfélagið Hrókurinn, sem
stendur í harðri baráttu við TR og
Taflfélagið Helli um Íslandsmeist-
aratitilinn, mun efna til skákveislu í
Kringlunni sunnudaginn 3. mars
klukkan 13. Þar munu meistarar fé-
lagsins tefla fjöltefli við börn og ung-
linga, og er öllum ungum skákáhuga-
mönnum, 18 ára og yngri, ráðlagt að
skrá sig sem fyrst á netfanginu
hrafnj@yahoo.com. Meðal þeirra
sem munu tefla í Kringlunni eru Ivan
Sokolov, einn stigahæsti skákmaður
heims, og Luke McShane, yngsti
stórmeistari Breta og fyrrverandi
heimsmeistari barna. Fjölteflin eru í
boði Símans og þátttaka er ókeypis.
Þarna gefst skákmönnum framtíðar-
innar einstakt tækifæri til að reyna
sig gegn heimsfrægum meisturum.
Hraðskákmót Íslands
á Kjarvalsstöðum
Hrókurinn hefur tekið að sér að
halda hraðskákmót Íslands í sam-
vinnu við Skáksambandið. Mótið fer
nú fram á Kjarvalsstöðum, sunnu-
daginn 3. mars klukkan 16, og er
áhersla lögð á að sem flestir verði
með. Síminn er bakhjarl mótsins og
eru verðlaunin vegleg: 50 þús. krónur
fyrir sigur, 30 þús. fyrir 2. sæti og 20
þús. fyrir 3. sæti. Meðal keppenda á
mótinu verða erlendir stórmeistarar
Hróksins og mun sá Hróksmaður
sem bestum árangri nær hljóta sér-
stök verðlaun frá félaginu. Skák-
áhugamenn eru hvattir til að skrá sig
sem fyrst hjá Birni Þorfinnssyni á
bjornth@hi.is.
Skákveisla
Hróksins
SKÁK
Reykjavík
SÍMASKÁKMÓTIÐ 2002
4.–5. mars 2002
Daði Örn Jónsson
Dan Hanson
Bridsfélag Borgarfjarðar
Sjöunda og síðasta umferð í að-
alsveitakeppni félagsins var spiluð
25. febrúar. Fjórar sveitir áttu raun-
hæfa möguleika á sigri og þannig
hittist á að þær áttu innbyrðisleiki.
Eftir mikla spennu fram í síðasta spil
réðust úrslit á doblaðri slemmu þar
sem nýliðarnir Sindri og Egill
tryggðu sigur sveitar sinnar. Reynd-
ar voru nýliðapör í öllum efstu sveit-
um. Úrslit urðu annars sem hér seg-
ir:
Sveit Sindra Sigurðssonar 134
(Sindri Sigurðsson, Egill Kristinsson, Jón
Eyjólfsson, Baldur Björnsson)
Sveit Sigrúnar og Hrefnu 127
(Sigrún Sveinbjörnsdóttir 14 ára, Hrefna
Jónsdóttir 12 ára, Lárus Pétursson, Svein-
björn Eyjólfsson).
Sveit Lundasteplnanna 115
(Ragna og Guðrún Sigurðardætur, Örn Ein-
arsson, Kristján Axelsson)
BRIDS
Umsjón Arnór G.
Ragnarsson
Sveinn og Jónas leiða
í Góutvímenningi BA
„Nafnlausa mótið“ er hafið hjá
Bridsfélagi Akureyrar en það kallast
Góutvímenningur manna á millum.
Aldrei þessu vant er keppnisformið
Mitchell og verður spilað þrjú kvöld
með því sniði. Sveinn Pálsson/Jónas
Róbertsson eru efstir með 260 stig
en Soffía Guðmundsdóttir/Ólína eru
í 2. sæti með 246 stig. Kristján Guð-
jónsson/Ævar Ármannssson eru í 3.
sæti með 241 stig en Pétur Guðjóns-
son/Tryggvi Gunnarsson í 4. sæti
með 240 stig.
Mótaröð Bridsfélags Akureyrar
fer fram á þriðjudagskvöldum en
einnig er spilað á sunnudagskvöld-
um. Spilamennska hefst kl. 19.30 í
Hamri.
Spilakvöld
Bridsskólans og BSÍ
Mánudaginn 25.febrúar var spil-
aður tvímenningur, 14 spil.
Úrslit urðu þessi:
1. Ólafur A. Jónsson – Hjálmtýr Baldurss. 61
2. Jóhannes Jónsson – Eiríkur Eiðsson 48
3. Magnús Björnsson – Jónas Ágústsson 42
3. Þórhildur Stefánsd. – Anna Dýrfjörð 42
Spilað er öll mánudagskvöld kl.
20.00 í Síðumúla 37, 3.hæð.
Allir eru velkomnir.
Kaffibollar
Cappucino
verð kr. 2.700
Mokka
verð kr. 1.890
Kaffikönnur
verð kr. 1.890
Mörkinni 3, sími 588 0640
Opið mánudag-föstudag 11-18,
laugardag 11-15
AUGLÝSINGADEILD
netfang: augl@mbl.is eða sími 569 1111