Morgunblaðið - 28.02.2002, Blaðsíða 60

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FIMMTUDAGUR 28. FEBRÚAR 2002 VERÐ Í LAUSASÖLU 190 KR. MEÐ VSK.
Grei›slufljónusta
Íslandsbanka
Betri yfirs‡n
yfir útgjöldin!
Lágmúla og Smáratorgi
opið kl. 8-24
alla daga
DAGVINNULAUN grunnskóla-
kennara hækkuðu að meðaltali um
rösklega 51% frá september 2000 til
sama mánaðar í fyrra. Dagvinnulaun
grunnskólakennara eru um 200.000
krónur á mánuði að meðaltali.
Guðrún Ebba Ólafsdóttir, formað-
ur Félags grunnskólakennara, sagð-
ist vera ánægð með þessar tölur. Í
byrjun síðasta árs hefðu grunnskóla-
kennarar gert nýjan kjarasamning
sem skilað hefði mikilli grunnlauna-
hækkun. Guðrún Ebba tók fram að
þessar upplýsingar, sem fengnar eru
frá kjararannsóknarnefnd opinberra
starfsmanna, næðu eingöngu til
kennara sem störfuðu hjá Reykja-
víkurborg en hún kvaðst engu að síð-
ur telja þær lýsandi fyrir almennar
launabreytingar hjá kennurum.
Kjararannsóknarnefnd hefur enn
ekki birt formlega nýjar tölur um
laun opinberra starfsmanna, en í
frétt á heimasíðu Kennarasambands
Íslands kemur fram að meðaldag-
vinnulaun grunnskólakennara séu
um 200 þúsund krónur á mánuði.
Tekið er fram að margir kennarar
séu með mun hærri dagvinnulaun en
nemur meðallaunun. Launin ráðist
einkum af aldri og menntun. Dag-
vinnulaun grunnskólakennara voru í
september árið 2000 132.580 kr. en
höfðu í september 2001 hækkað í
200.559 kr. eða um 51,27%.
Heildarlaun í sömu mánuðum
voru 184.601 kr. árið 2000 en 234.275
kr. í september 2001 og nemur
hækkunin 26,9%.
Meðaltal dagvinnulauna í ágúst til
desember árið 2000 var 133.941 kr.
en meðaltal sömu mánaða árið 2001
var 199.908 krónur. Sé tekið tillit til
annarra uppbóta eru dagvinnulaun
að meðaltali 207.000 krónur.
Guðrún Ebba sagði að allt frá því
kjarasamningurinn var gerður hefði
legið fyrir að yfirvinna grunnskóla-
kennara myndi dragast saman. Sam-
drátturinn væri þó heldur meiri en
menn hefðu átt von á. Skýringar á
þessu væru ekki síst þær að mikill
skortur hefði verið á kennurum í
grunnskólum og kennarar hefðu því
þurft að taka á sig mjög mikla yf-
irvinnu. Úr henni hefði dregið sam-
hliða fjölgun stöðugilda í skólum og
samhliða fjölgun einsetinna skóla.
Miklar breytingar á launum grunnskólakennara í fyrra
Dagvinnulaunin
hækkuðu um 51%
MARGIR ráku upp stór augu þegar
þeir sáu logandi vatnsbunur lýsa
upp himininn við Norræna húsið í
gærkvöldi. Ekki var þar um yf-
irnáttúruleg fyrirbæri að ræða
heldur áttu Gjörningaklúbburinn
og Slökkvilið höfuðborgarsvæð-
isins sök á sjónarspilinu atarna.
Var gjörningurinn framinn í tilefni
af vetrarhátíðinni Ljós í myrkri
sem nú stendur yfir í Reykjavík.
Mega borgarbúar eiga von á fleiri
stórum og smáum atriðum sem eiga
það sameiginlegt að tengjast ljósi
og myrkri næstu daga, en hátíðinni
lýkur 3. mars næstkomandi.
Morgunblaðið/Kristinn
Logandi vatnsbunur lýsa upp svartan himin
Stefnir í kald-
asta febrúar
frá 1935
FEBRÚARMÁNUÐUR sem
nú er að kveðja hefur verið
óvenjukaldur um allt land.
Samkvæmt upplýsingum
Trausta Jónssonar veðurfræð-
ings í gær er mögulegt að fara
þurfi allt aftur til ársins 1935 til
að finna jafnkaldan febr-
úarmánuð á sunnanverðu land-
inu. Einnig hefur verið óvenju-
kalt á norðanverðu landinu í
mánuðinum að hans sögn.
Allt að 90 störf í
tæknistöð hefðu
ella glatast
FLUGLEIÐIR hafa ákveðið að
framkvæma áfram svokallaðar c-
skoðanir á flugflota félagsins hér á
landi, að minnsta kosti næsta árið, að
sögn Guðjóns Arngrímssonar, upp-
lýsingafulltrúa Flugleiða. Sigurður
Helgason, forstjóri félagsins, greindi
flugvirkjum frá þessari niðurstöðu á
starfsmannafundi í tæknistöð Flug-
leiða á Keflavíkurflugvelli í vikunni.
„Þetta er mjög ánægjuleg niður-
staða fyrir fyrirtækið og starfsfólkið
því miðað við þær forsendur sem
lágu fyrir hefðu 60 til 90 störf glatast
ef þessi vinna færi úr landi,“ segir
Guðjón. Skv. upplýsingum Morgun-
blaðsins er c-skoðun stærsta eða ít-
arlegasta skoðunin sem gerð er á
flugvélum félagsins. Þarf hver vél að
fara einu sinni á ári í slíka skoðun og
tekur hún þá að jafnaði um tvær til
þrjár vikur.
Flugleiðir greindu frá því í haust
að meðal þeirra leiða sem félagið
væri að leita til að lækka kostnað í
rekstrinum, væri að kanna kosti þess
að bjóða út á alþjóðamarkaði stóra
og dýra verkþætti á borð við við-
haldsþjónustu. „Í vetur hafa síðan
farið fram hagkvæmniathuganir og
borinn saman kostnaður við að ann-
ast skoðanir Boeing-þotnanna hér
heima eða erlendis og er þá fyrst og
fremst átt við svokallaðar c-skoðanir
sem eru umfangsmiklar,“ segir Guð-
jón.
Óvissuþættir
jafna muninn
„Almennt má segja að samkvæmt
niðurstöðu samanburðarkannana er
heldur ódýrara að framkvæma þess-
ar skoðanir erlendis miðað við þau
tilboð sem Flugleiðum bárust. Mun-
urinn er hins vegar ekki meiri en svo
að margvíslegir óvissuþættir sem
koma inn í samanburðinn gætu jafn-
að þann mun. Það er skoðun félags-
ins eftir þennan samanburð og þegar
allt er tekið inn í myndina, svo sem
gæði þeirrar vinnu er við fáum hér-
lendis og sá sveigjanleiki er fæst
með því að hafa viðhald í eigin fyr-
irtæki, þá sé hagkvæmast að fram-
kvæma þessa vinnu hérlendis,“ segir
Guðjón.
Ákveðið að viðamikil skoðun flugvéla
Flugleiða fari fram hérlendis
Ekki refsað
fyrir að pissa
á húsvegg
KARLMAÐUR á þrítugsaldri, sem
ákærður var fyrir að hafa kastað af
sér vatni utan í húsvegg í Hafn-
arstræti í Reykjavík í fyrrasumar,
þótti hafa fengið næga áminningu
fyrir verknaðinn með ákæru og
meðferð málsins fyrir dómi og því
ekki gerð sérstök refsing í málinu í
Héraðsdómi Reykjavíkur í gær,
þrátt fyrir sakfellingu.
Maðurinn var ákærður fyrir brot
á lögreglusamþykkt með því að
hafa að nóttu til í ágúst sl. sýnt illa
umgengni á almannafæri er hann
kastaði af sér vatni utan í húsvegg-
inn.
Dómara þótti ekki ástæða til að
vefengja þá fullyrðingu mannsins
að hann hefði verið ofurölvi þegar
hann var staðinn að verki og að
hann myndi ekki sjálfur eftir atvik-
inu. Það væri hins vegar ekki afsök-
un fyrir illri umgengni eða refsi-
verðri háttsemi.
Hjördís Hákonardóttir héraðs-
dómari kvað upp dóminn.