Morgunblaðið - 28.02.2002, Síða 21

ERLENT
MORGUNBLAÐIÐ FIMMTUDAGUR 28. FEBRÚAR 2002 21
ELÍSABET II Englandsdrottning
og maður hennar, Filippus prins,
komu til Ástralíu í gær. Tók Peter
Hollingworth, fulltrúi bresku krún-
unnar í landinu, á móti þeim á flug-
vellinum í Adelaide en hann neitar
að verða við áskorunum ýmissa
stjórnmálamanna, mannréttinda-
samtaka og fórnarlamba kynferð-
islegrar misnotkunar um að segja
af sér. Er hann sakaður um að hafa
hylmað yfir með prestum, sem sak-
aðir voru um að hafa misnotað
börn, er hann var erkibiskup Ensku
biskupakirkjunnar í Brisbane um
11 ára skeið. Óttast er, að þetta mál
geti varpað skugga á heimsókn
drottningar og einnig á leiðtoga-
fund samveldisríkjanna en hann
hefst á laugardag.
Reuters
Umdeildum
ármanni heilsað
ÁKVEÐIÐ hefur verið að loka
nýrri deild hjá bandaríska varn-
armálaráðuneytinu, Pentagon,
vegna frétta um að lagt hefði verið
til að hún miðlaði röngum upplýs-
ingum erlendis í áróðursskyni.
Donald H. Rumsfeld varnar-
málaráðherra skýrði frá þessu í
fyrradag og neitaði því að ákveðið
hefði verið deildin breiddi út rang-
ar upplýsingar í þágu baráttunnar
gegn hryðjuverkastarfsemi í heim-
inum. Þótt fréttirnar um markmið
hennar væru ekki réttar hefðu þær
skaðað deildina svo mikið að ljóst
væri að hún gæti ekki starfað á ár-
angursríkan hátt og því hefði verið
ákveðið að leggja hana niður.
Deildinni var komið á laggirnar
eftir hryðjuverkin í Bandaríkjun-
um 11. september. Í grein í The
New York Times í liðinni viku var
sagt að ein af hugmyndum Penta-
gon-manna væri að koma röngum
fréttum í erlenda fjölmiðla með
ýmsum leynilegum aðferðum, með-
al annars með hjálp Netsins.
Rumsfeld sagði að varnarmála-
ráðuneytið hefði aldrei breitt út
lygar og myndi aldrei gera það.
„Deildin er búin að vera. Hvað vilj-
ið þið? Blóð?“ sagði hann á blaða-
mannafundi í Pentagon.
Ari Fleischer, talsmaður George
W. Bush, sagði á mánudag að for-
setinn hefði ekki vitað um áður-
nefnda tillögu fyrr en hann las um
hana frétt í vikunni sem leið þegar
hann var á ferð um Asíulönd. „Ég
held að ekki væri ofsagt að forset-
anum þætti það afar slæmt ef
nokkur ríkisstofnun teldi það ekki
vera hlutverk sitt að miðla sann-
leika og staðreyndum,“ sagði
Fleischer.
„Lyga-
deild“ lögð
niður
Washington. AP.
FULLTRÚAR Alþjóða stríðs-
glæpadómstólsins í Haag báru í
gær til baka fréttir þess efnis að
Radovan Karadzic, leiðtoga Bosn-
íu-Serba í stríðinu 1992–1995,
hefði verið gert það tilboð að gæfi
hann sig fram við dómstólinn og
vitnaði gegn Slobodan Milosevic,
fyrrverandi forseta Júgóslavíu,
yrðu felldar niður ákærur á hend-
ur honum sjálfum fyrir þjóðar-
morð. Sögðu þeir ekki koma til
greina að semja við Karadzic um
niðurfellingu sakargifta.
Tímaritið, Extra, sem gefið er
út í Bosníu, hafði haldið þessu
fram í gær. Var haft eftir ónafn-
greindum vestrænum stjórnarer-
indreka í Sarajevo að tilboðið
hefði borist fjölskyldu Karadzic
snemma í febrúar. Fæli það í sér
að Karadzic myndi ekki þurfa að
svara ákærum um þjóðarmorð,
eins og þó hefur jafnan verið gert
ráð fyrir, og að hann þyrfti heldur
ekki að óttast að verða ákærður
vegna þeirra atburða sem urðu í
bænum Srebrenica í júlí 1995,
þegar hersveitir Bosníu-Serba
myrtu um sjö þúsund Bosníu-
múslíma.
Í staðinn myndi Karadzic sam-
þykkja að verða lykilvitni sak-
sóknara í réttarhöldunum yfir
Milosevic, sem nú standa yfir í
Haag. Sagði blaðið jafnframt að
gæfi Karadzic sig fram yrðu að-
eins Ratko Mladic, sem stýrði her
Bosníu-Serba, og þeir liðsmanna
hans sem tóku þátt í fjöldamorð-
unum í Srebrenica, ákærðir fyrir
þjóðarmorð.
Djindjic ekki
hlynntur framsali
Bæði Mladic og Karadzic eru í
felum, sá síðarnefndi líklega ein-
hvers staðar í Bosníu en Mladic
sennilega í Serbíu. Haft var eftir
Zoran Djindjic, forsætisráðherra
Serbíu, í þýska tímaritinu Der
Spiegel í vikunni að ekki kæmi til
greina að framselja Mladic þar
sem hann hefði of marga menn á
sínum snærum sem verðu hann
áhlaupi stjórnarhersins. Kvaðst
hann óttast borgarastyrjöld ef
Mladic og Karadzic yrðu fram-
seldir.
Þessi ummæli Djindjic hafa
valdið vonbrigðum á Vesturlönd-
um enda var það hann sem á sín-
um tíma ákvað að framselja Milos-
evic til Haag og Djindjic hefur
jafnan verið talinn líklegastur
stjórnarherranna í Belgrað til að
taka til hendinni í málum Mladic
og Karadzic.
Segja enga
samninga gerða
við Karadzic
Haag, Banja Luka. AFP.
BIOTHERM
Aqua Sport
býr þig undir daginn, losar þig við þreytu
eftir annasaman dag og færir þér orku
til að halda áfram.
Við minnum á aðrar virkar líkamsvörur
sem móta, grenna, styrkja og vinna á
appelsínuhúð, t.d. Draine Minceur,
Celluli-Zone og Profil Up
Kynning í dag og á morgun.
Nýttu þér 10% kynningarafslátt og komdu
líkamanum í gott ástand fyrir vorið.
Þegar keypt er fyrir 4.000 kr. fylgir
skeiðklukka með kaupum, flott í sportið.
www. biotherm.com
Líkamslína sem býður upp á sturtugel,
húðmjólk, húðkrem, kælandi hlaup
fyrir fótleggi, mýkjandi fótakrem,
nuddkrem og líkamsúða.
Álfheimum 74, Sími 568 5170
KOFI Annan, framkvæmdastjóri
Sameinuðu þjóðanna, hét í gær
skjótum og hörðum aðgerðum gegn
þeim starfsmönnum samtakanna,
sem gerst hefðu sekir um að mis-
nota börn.
„Framkvæmdastjórinn er
hneykslaður og órór yfir fréttum
um hugsanlega misnotkun barna í
flóttamannabúðum í Afríku,“ sagði
Marie Okabe, talskona hans, í gær.
Hafði hún það eftir honum, að þeim
yrði engin miskunn sýnd, sem gerst
hefðu sekir um þennan glæp.
Talsmaður yfirmanns Flótta-
mannastofnunar SÞ sagði í gær í
Genf, að rannsóknarnefnd hefði ver-
ið send til Líberíu, Gíneu og Sierra
Leone í Vestur-Afríku til að kanna
ásakanir um, að starfsmenn SÞ, oft-
ast innfæddir menn, sem ráðnir
hafa verið tímabundið, neyði stúlku-
börn til kynmaka gegn matargjöf-
um.
Kofi Annan
heitir skjót-
um við-
brögðum
Sameinuðu þjóðunum. AFP.
SEIF-al-Islam, sonur Moammar
Kadhafis, leiðtoga Líbýu, sagði í
gær í París, að Jörg Haider, leiðtogi
hins öfgafulla hægriflokks, Frelsis-
flokksins, í Austurríki, væri í raun
arabi.
„Forfeður hans komu frá Anda-
lúsíu á Spáni fyrir 400 árum. Þeir
voru arabar, sem snerust til kristni.
Hann sagði mér það sjálfur,“ sagði
Seif-al-Islam og bætti við, að Haid-
er vildi snúast til íslamstrúar.
Er Jörg
Haider arabi?
París. AFP.
♦ ♦ ♦
♦ ♦ ♦