Morgunblaðið - 28.02.2002, Blaðsíða 10

Þáttaskil
Samningaviðræður Félags sjálfstætt starfandi sjúkraþjálfara, samninganefndar heilbrigðis- og
tryggingamálaráðuneytisins og Tryggingastofnunar ríkisins hafa nú staðið yfir í 15 mánuði. Hvorki
hefur gengið né rekið í viðræðunum. Eftir síðasta tilboð Tryggingastofnunar líta sjúkraþjálfarar þannig
á að ríkisvaldið hafi slitið viðræðunum. Sjálfstætt starfandi sjúkraþjálfarar hafa því neyðst til að segja
sig úr lögum við Tryggingastofnun frá og með 1. mars nk.
Rauntekjur hafa
lækkað um 26%
síðan 1995
Miðað við verðlagsþróun undanfarinna ára fá sjálfstætt starfandi sjúkraþjálfarar
einungis um 74% af því gjaldi sem samið var um við Tryggingastofnun ríkisins árið
1995. Tekjur hafa því rýrnað um 26%. Alvara málsins blasir við og óhjákvæmilegt
er að krefjast róttækra breytinga tafarlaust.
Auk sjálfstætt starfandi sjúkraþjálfara eru um 150 sjúkraþjálfarar að störfum
á heilbrigðisstofnunum. Þeir eru ekki aðilar að þeirri deilu sem nú stendur
yfir. Á undanförnum árum hefur dregið í sundur með þessum tveimur
hópum þótt nám og dagleg störf séu að öllu leyti sambærileg. Frá 1995
hafa laun síðarnefnda hópsins hækkað um 60% en þeirra sem starfa
sjálfstætt einungis um 26%. Með auknum kröfum um þjónustu og aðbúnað
til viðbótar við þróun verðlags hefur rekstrarkostnaður aukist um 33%.
Sama menntun,
sömu störf – sömu laun
Sjálfstætt starfandi sjúkraþjálfarar hafa fengið tilboð frá Tryggingastofnun sem
hljóðar upp á 13% skerðingu launa frá samningum sem gerðir voru árið 1995. Á
sama tíma hafa kjör annarra heilbrigðisstétta, sem semja á svipuðum grunni við
Tryggingastofnun, hækkað um allt að 120%.
Tilboð um 13% lækkun launa
120%
100%
80%
60%
40%
20%
0%
Sjú
kra
þjá
lfa
rar
Tal
me
ina
fræ
ðin
gar
m
eð
fer
ð
Tal
me
ina
fræ
ðin
gar
sk
oð
un
Hjú
kru
na
rfræ
ðin
gar
vit
jun
Hjú
kru
na
rfræ
ðin
gar
fru
mv
itju
n
Ljó
sm
æð
ur
fæ
ðin
g
Bæ
klu
na
rlæ
kna
r
Sty
rkt
arf
éla
g l
am
aðr
a o
g f
atl
aðr
a
Lau
na
vís
ita
la
50%
40%
30%
20%
10%
0%
1995 1996 1997 1998 1999 2000 2001
Launavísitala Sjúkraþjálfarar, sjálfstætt starfandi
Þróun taxta sjúkraþjálfara miðað við launavísitölu
Mars 2002
snúast um sambærileg laun og sambærileg rekstrarskilyrði hjá sjálfstætt starfandi sjúkraþjálfurum
Í hnotskurn má segja að deilan við Tryggingastofnun, og um leið ríkisvaldið, snúist
um það að stjórnvöld viðurkenni endurhæfingu sem dýrmætan hluta af íslensku
heilbrigðiskerfi. Hún snýst líka um að stjórnvöld geri sér grein fyrir því að
sjúkraþjálfun og önnur endurhæfing eigi eftir að leika æ stærra hlutverk í íslensku
heilbrigðiskerfi og þar af leiðandi hækki tilkostnaður óhjákvæmilega. Deilan snýst
einnig um þá einföldu staðreynd að rekstrargrundvelli hefur verið kippt undan
einkarekinni sjúkraþjálfun og útilokað er fyrir sjálfstætt starfandi sjúkraþjálfara að
halda áfram án þess að spilin verði stokkuð upp með róttækum hætti. Hún snýst
þó ekki síst um að stjórnvöld fallist á að eðlilegt sé að greiða sama gjald fyrir sömu
vinnu og tryggi það að einkarekin sjúkraþjálfun standi að minnsta kosti jafnfætis
opinberum stofnunum hvað rekstrartekjur og launagreiðslur varðar.
Þess vegna krefjumst við þess að samkeppnisstaða
einkarekinna sjúkraþjálfunarstöðva gagnvart opinberum
rekstri sé jöfnuð með því...
• að gjaldskrá sjúkraþjálfara á einkareknum sjúkraþjálfarastofum sé ekki lægri en
gjaldskrá stofnana á föstum fjárlögum sem reka sjúkraþjálfun.
• að fjárframlög opinberra aðila til endurhæfingar fylgi verðþróun bæði til fyrirtækja
í einkarekstri og opinberum rekstri.
• að sjúkraþjálfarar á einkareknum stöðvum hafi sambærileg laun og sama stétt
hjá hinu opinbera.
• að sjúkraþjálfunarstöðvum í einkarekstri sé gert kleift að keppa við sjúkra-
þjálfunarstöðvar á föstum fjárlögum um aðbúnað, tækjakost, endurmenntun
starfsfólks, vinnutímatilhögun, tryggingar ofl.
Við krefjumst þess jafnframt að Tryggingastofnun ríkisins og heilbrigðisyfirvöld
viðurkenni verðlagsbreytingar undanfarinna missera og átti sig á því að þær hafa
alls ekki skilað sér í rekstur einkarekinna sjúkraþjálfunarstöðva.
Við vonumst einnig til þess að eftir allar viðræðurnar við ríkisvaldið verði öllum
orðið ljóst að einkarekin sjúkraþjálfun felur í sér umtalsverðan sparnað fyrir
samfélagið miðað við ýmsa aðra kosti í heilbrigðiskerfinu. Í samningaviðræðunum
munum við því hvetja ríkisvaldið eindregið til þess að “fjárfesta í sparnaði” – rétt
eins og ríkissjóður hefur svo lengi hvatt almenning í landinu til að gera með
spariskírteinum ríkissjóðs.
Grundvallaratriðin
Á sama tíma og laun og kjör annarra heilbrigðisstétta hafa hækkað um allt að 120%
sitja sjálfstætt starfandi sjúkraþjálfarar uppi með 26% tekjurýrnun
X
Y
Z
E
T
A
/
S
ÍA
Auglýsing