Morgunblaðið - 28.02.2002, Blaðsíða 12
FRÉTTIR
12 FIMMTUDAGUR 28. FEBRÚAR 2002 MORGUNBLAÐIÐ
EINAR K. Guðfinnsson, þingmað-
ur Sjálfstæðisflokksins, segist hafa
orðið fyrir nokkrum vonbrigðum
með nýja tillögu iðnaðarráðherra
til byggðaáætlunar fyrir árin 2002–
2005. Eftir þessari áætlun hafi ver-
ið beðið með mikilli óþreyju og
miklar væntingar verið gerðar en
þótt tillaga ráðherra sé lesin með
mjög jákvæðu hugarfari komi hann
ekki auga á það að í henni sé
brugðist við með þeim hætti að
dugi til að bregðast við vandanum
þar sem hann er alvarlegastur á
landsbyggðinni.
Þetta kom fram í umræðum um
tillögu Valgerðar Sverrisdóttur
iðnaðarráðherra um tillögu til
byggðaáætlunar á Alþingi á þriðju-
dag. Umræða um tillöguna stóð all-
an dag og langt fram á kvöld og
voru skiptar skoðanir um ágæti
hennar, jafnt meðal þingmanna
stjórnar og stjórnarandstöðu.
Guðmundur Árni Stefánsson (S)
velti því upp hvers vegna einstakir
stjórnarþingmenn, t.d. Einar K.
Guðfinnsson, sem nú gagnrýndu
tillöguna, hefðu staðið að samþykkt
hennar. Einar svaraði því til að
hann hefði enga aðkomu haft að
málinu og hann hefði þegar greint
sínum þingflokki frá því að hann
gerði „miklar athugasemdir“ við
það og hefði á afgreiðslu þess „full-
kominn fyrirvara“ eins og hann
orðaði það.
„Skrautleg umræða“
Steingrímur J. Sigfússon, for-
maður Vinstri grænna, kallaði það
„skrautlega umræðu“ þegar
stjórnarliðar væru komnir í hár
saman og einn helsti talsmaður
Sjálfstæðisflokksins segði sig í
raun frá málinu. Það væri þó auð-
vitað „algjörlega í samræmi“ við
annað í framgöngu ríkisstjórna
Davíðs Oddssonar í byggðamálum.
Vísaði Steingrímur til þess að í
kjölfar „hrapallegrar“ kynningar
ráðherra á tillögunni á dögunum,
væru nú einstakir landshlutar
farnir að vinna sínar eigin byggða-
áætlanir. Um þann þátt tillögunn-
ar, að efla skuli Akureyri sem mót-
vægi við höfuðborgarsvæðið, sagði
Steingrímur slíkt góðra gjalda
vert. „Ég tel að það sé rétt að
horfa til þeirra möguleika sem Ak-
ureyri hefur umfram alla aðra staði
á landsbyggðinni, en öllu máli
skiptir hvernig það er hugsað og
hvernig það er gert. Ef það er á
kostnað annars sem gert er í
byggðamálum verður það ekki til
langframa til góðs og ekki heldur
fyrir Akureyri. Því aðeins að þetta
verði gert sem sértæk viðbótarráð-
stöfun við aðrar almennar aðgerðir
og jafnframt verði hugað að öðrum
mikilvægum svæðum, þjónustu-
svæðum og miðlægum svæðum, er
þetta skynsamleg áhersla, annars
ekki,“ sagði hann.
Hjálmar Árnason (B) sagði ein-
hug um tillöguna í þingflokki
Framsóknarflokksins og hann liti á
hana sem ramma sem fæli í sér
mikil sóknarfæri. Vissulega kynni
svo að fara að menn greindi á um
útfærslur en í tillögunni fælist
ákveðin stefnumörkun og hana
ætti eftir að útfæra frekar. „Það er
vissulega spennandi og ögrandi
verkefni,“ sagði Hjálmar, en vék
síðan eins og margir fleiri í um-
ræðunni að þætti hins opinbera.
Áberandi væri nefnilega gagnrýni
á útþenslu ríkisins á höfuðborgar-
svæðinu en lítið færi fyrir þeirri út-
þenslu á landsbyggðinni.
„Hvers vegna í ósköpunum
skyldu ekki þær opinberu stofnanir
hérlendis sem hafa starfsvettvang
á landinu vera í því umhverfi sem
þær eiga að þjóna?“ spurði Hjálm-
ar. „Ég nefni Vegagerðina sem
fyrst og fremst þjónar vegakerfinu
úti á landsbyggðinni að langstærst-
um hluta. Ég nefni Fiskistofu,
Náttúruvernd ríkisins, Náttúru-
fræðistofnun yfirdýralækni, Veiði-
málastofnun, rannsóknarnefnd sjó-
slysa, Hafró, Vinnumálastofnun,
Landhelgisgæsluna, Orkustofnun,
Siglingamálastofnun, Rannsókna-
stofnun fiskiðnaðarins, RALA svo
að einhverjar stofnanir séu nefnd-
ar.“
Vonast eftir breytingum í
meðförum iðnaðarnefndar
Fyrstu umræðu um tillögu iðn-
aðarráðherra að byggðaáætlun
lauk seint á þriðjudagskvöld og
hefur verið vísað til iðnaðarnefnd-
ar. Einar Oddur Kristjánsson,
þingmaður Sjálfstæðisflokksins,
kvaðst vona til þess að þar yrði hún
tekin til gagngerrar endurskoðun-
ar.
Einn nefndarmanna í þeirri
nefnd, Svanfríður Jónasdóttir, var
einna jákvæðust í garð tillögunnar.
„Þær byggðaáætlanir sem hingað
til hafa verið samþykktar hafa ekki
skilað þeim árangri sem vænst var.
Aðgerðir stjórnvalda hafa verið
fálmkenndar þar sem hvorki er við
skilgreiningar á viðfangsefninu að
styðjast né heldur skipuleg vinnu-
brögð. Reglurnar hafa enda verið
almenningi óljósar og ákvarðanir
og áherslur virðast oft ráðast af
búsetu einstakra ráðherra eða for-
manns stjórnar Byggðastofnunar.
Það er auðvitað stjórnsýsla sem
ekki gengur,“ sagði hún.
„Styrkur þessarar áætlunar felst
í því að þó að ýmislegt sé óljóst
orðað er ákveðnum aðila ætluð
ábyrgð á tilteknum verkefnum.
Menn hafa greinilega lært af nið-
urstöðum hinna fyrri, sem þrátt
fyrir fögur fyrirheit um fjölgun til-
tekinna starfa um landið eða jafn-
vel fólksfjölgun skiluðu að minnsta
kosti ekki árangri í þeim efnum.
Nýjar áherslur í þessari áætlun
gefa von um einhvern árangur,“
sagði Svanfríður.
Skiptar skoðanir
eru um nýja tillögu
að byggðaáætlun
Morgunblaðið/Golli
Þeir sátu íbyggnir undir umræðum um byggðaáætlun Steingrímur J.
Sigfússon og Hjálmar Árnason í vikunni. Báðir tóku til máls.
DAVÍÐ Oddsson forsætisráð-
herra segist bera fullt traust til
Sturlu Böðvarssonar samgöngu-
ráðherra enda sitji hann í rík-
isstjórn fyrir sinn atbeina.
Stjórnarmenn í Símanum sitji
þar ekki fyrir sinn atbeina.
Forsætisráðherra, sem gegnt
hefur skyldum samgönguráð-
herra síðustu daga í leyfi Sturlu
Böðvarssonar, var spurður að
því í gær við upphaf þingfundar
á Alþingi af Lúðvík Berg-
vinssyni, þingmanni Samfylking-
arinnar, hvort hann bæri enn
traust til samgönguráðherra og
stjórnarformanns Símans. Vísaði
Lúðvík m.a. til viðtals við for-
sætisráðherra í Kastljósi þar
sem hann hefði lýst óánægju
sinni með ýmislegt í rekstri fyr-
irtækisins.
„Samgönguráðherrann situr í
ríkisstjórn með mínum atbeina
og ég hef fullt traust á honum.
Aðrir sitja ekki í stjórninni fyrir
minn atbeina,“ sagði Davíð
Oddsson í stuttu svari við fyr-
irspurn Lúðvíks.
Vill hreinsa
út í Símanum
Þeir þingmenn stjórnarand-
stöðu sem tóku til máls sögðu
ljóst að samgönguráðherra nyti
fulls trausts forsætisráðherra,
en veltu aftur á móti fyrir sér
stöðu stjórnarformanns Símans.
Guðmundur Árni Stefánsson (S)
sagði sitt mat það að enginn tími
mætti líða þar til „hreinsað sé út
í Símanum og gert hreint fyrir
dyrum á þeim vettvangi“.
„Veruleikinn er þessi,“ sagði
Guðmundur Árni: „Það eru sér-
stakir trúnaðarmenn Sjálfstæð-
isflokksins og forystu hans,
hvort heldur þar er um að ræða
fyrrverandi formann einkavæð-
ingarnefndar, núverandi stjórn-
arformann Símans, fyrrverandi
forstjóra Símans ellegar sam-
gönguráðherra, sem algerlega
hafa séð um það að ata forsætis-
ráðherrann auri einir og óstudd-
ir.“
Forsætisráðherra sagði þá að
þingmaðurinn ætti að vita það
vel, hversu mikið þyrfti til þess
að hann félli frá trausti á sínum
ráðherrum þótt að þeim væri
sótt. „Ég geri það nú mjög seint,
það er nú bara þannig, því ég tel
að maður eigi að standa með sín-
um mönnum en ekki grafa undan
þeim, sérstaklega þegar að þeim
er sótt. Það hefur verið venja hjá
mér og ég held þeirri venju,“
sagði hann.
Forsætisráðherra bætti því
hins vegar við að hann vildi beita
sér fyrir því að aðalfundur Sím-
ans yrði sem fyrst, helst í næstu
viku. Sagði hann að dagsetningin
19. mars hefði verið nefnd, en
hann vildi hafa fundinn fyrr,
helst 8. mars nk., og unnið væri
að því að flýta honum.
Davíð Oddsson forsætisráðherra
vill flýta aðalfundi Landssímans
Ber fullt traust
til samgöngu-
ráðherra
JÓN Kristjánsson heilbrigðis- og
tryggingamálaráðherra segir fulla
ástæðu til að samningar séu í gildi
um starfsemi sjálfstætt starfandi
sjúkraþjálfara og hann hafi enga
stefnu í þá veru að sjúkraþjálfarar
starfi eingöngu á stofnunum. Hann
vill þó ekki tjá sig um einstök at-
riði í kjaradeilu sjúkraþjálfara og
Tryggingastofnunar ríkisins.
Þetta kom fram í svari heil-
brigðisráðherra á Alþingi í gær við
fyrirspurn Ástu Möller, þing-
manns Sjálfstæðisflokksins.
Sagðist ráðherrann telja að
sjálfstætt starfandi sjúkraþjálfar-
ar inntu af hendi mikilvægan þátt í
heilbrigðisþjónustunni. „Ég tel því
eðlilegt að sjúkraþjálfarar utan og
innan stofnana starfi á svipuðum
grunni, þótt alltaf geti verið um
vissan aðstöðumun að ræða, jafnt
innan sem utan stofnana um land
allt,“ sagði Jón.
„Ég tel ekki viðeigandi að ég
tjái mig nánar um þá kjaradeilu
sem yfirstandandi er milli samn-
inganefnda af hálfu hins opinbera
og sjúkraþjálfara en hef fyllstu
vonir um að sátt náist og starfsemi
þessi falli í þann farveg sem allir
geta verið sáttir við,“ bætti hann
við.
Ráðherra um sjálfstætt starfandi sjúkraþjálfara
Starfi á svipuðum grunni
innan og utan stofnana
GUÐJÓN Guðmundsson, þingmað-
ur Sjálfstæðisflokksins, og fjórir
aðrir þingmenn flokksins, hafa lagt
fram á Alþingi tillögu til þingsálykt-
unar um útsendingar sjónvarps og
útvarps um gervitungl.
Í tillögunni felst að menntamála-
ráðherra verði falið að láta gera á
vegum Ríkisútvarpsins áætlun um
kostnað og tæknilega útfærslu á því
að senda dagskrár útvarps og sjón-
varps um gervitungl svo og kostnað
við búnað til að taka á móti þessum
sendingum. Einnig komi fram áætl-
aður stofnkostnaður jarðstöðvar til
að senda dagskrár til gervitungls og
árlegur rekstrarkostnaður hennar.
Í greinargerð með tillögunni segir
að mörg þúsund Íslendingar búi við
þau skilyrði að hafa lélegan eða eng-
an aðgang að útsendingum Ríkisút-
varpsins, sjónvarps og hljóðvarps.
Það eigi við um fólk í dreifðum
byggðum víða um land, þar sem mót-
tökuskilyrði eru slæm, og Íslendinga
erlendis, en stærsti hópurinn séu þó
sjómenn á farskipum og fiskiskipum.
Móttökuskilyrði hafa versnað
„Móttökuskilyrði sjónvarps hafa
verið mjög misjöfn á hafinu um-
hverfis landið. Þau hafa verið allgóð
frá Faxaflóa austur að Ingólfshöfða,
afleit út af Austurlandi og gloppótt
fyrir Norðurlandi, Vestfjörðum og
suður fyrir Snæfellsjökul. Skilyrðin
eru skárri þegar háþrýstisvæði er
yfir landinu. Sjómenn segja að mót-
tökuskilyrðin hafi versnað á undan-
förnum árum. Móttökuskilyrði út-
varps eru einnig misjöfn en bötnuðu
mjög á hafinu með tilkomu lang-
bylgjusendinga frá Gufuskálum og
Eiðum, en um sendana þar er út-
varpað blandaðri dagskrá Rásar 1 og
Rásar 2. Þessar sendingar nást allt
til Færeyja, eða u.þ.b. 500 sjómílur.
Í sparnaðarskyni hafa langbylgju-
sendingar nýlega verið skertar og
stuttbylgjusendingar aflagðar, en
þær náðust um allan heim. Það er
mikið öryggismál að bæta sendingar
ljósvakamiðlanna til fiskimiða og far-
skipaleiða, t.d. til að fylgjast með að-
vörunum um hættu, svo sem fárviðr-
isspám og tilkynningum um ís. Bent
hefur verið á að engin veðurspá er
gerð nema á Íslandi fyrir siglinga-
leiðina Bandaríkin-Nýfundnaland-
Ísland. Meðan ríkið stendur fyrir
rekstri sjónvarps og útvarps og
skyldar landsmenn til að greiða af-
notagjöld verður að leita allra leiða
til að koma sendingum þessara fjöl-
miðla til sem flestra Íslendinga,“
segir þar ennfremur.
Tillaga um dreifikerfi útvarps og sjónvarps
Vilja senda út dag-
skrána um gervitungl