Morgunblaðið - 17.03.2002, Side 23

FRÉTTIR
MORGUNBLAÐIÐ SUNNUDAGUR 17. MARS 2002 23
Listi sjálf-
stæðismanna
Rangárþingi
FRAMBOÐSLISTI Sjálfstæðis-
félagsins Kára til sveitarstjórnar í
nýju sameinuðu sveitarfélagi í aust-
urhluta Rangárvallasýslu var sam-
þykktur í stjórn og fulltrúaráði fé-
lagsins 10. mars sl.
Framboðslistinn er þannig skip-
aður: 1. Tryggvi Ingólfsson, Hvols-
velli, 2. Eyja Þóra Einarsdóttir,
Moldnúpi, 3. Kristín Aradóttir,
Neðri–Þverá, 4. Guðfinnur Guð-
mannsson, Hvolsvelli, 5. Margrét
Einarsdóttir, Skógum, 6. Árný
Hrund Svavarsdóttir, Hvolsvelli, 7.
Elvar Eyvindsson, Skíðbakka, 8.
Ingimundur Vilhjálmsson, Skógum,
9. Þórir Ólafsson, Miðkoti, 10. Sig-
urlaug Hanna Leifsdóttir, Nýjabæ,
11. Haraldur Konráðsson, Búðar-
hóli, 12. Árni Þorgilsson, Hvolsvelli,
13. Þorsteinn Ólafur Magnússon,
Eystra–Fíflholti, og 14. Eggert
Pálsson, Kirkjulæk, segir í frétta-
tilkynningu.
Ábyrgð og
hlutverk
stjórnenda
FÉLAG viðskipta- og hagfræðinga
stendur fyrir opnum hádegisverðar-
fundi þriðjudaginn 19. mars kl. 12–
13.30 á Radisson SAS, Hótel Sögu,
Sunnusal, 1. hæð.
Farið verður yfir ábyrgð og hlut-
verk stjórnenda í öryggismálum
upplýsingakerfa, upplýsingaskyldu/
skaðabótaskyldu gagnvart hluthöf-
um. Fjallað verður um hvernig ör-
yggi er háttað í rafrænum viðskipt-
um með sérstakri áherslu á öryggi í
rafrænum samskiptum milli banka
og fyrirtækja. Einnig verður farið
yfir ÍST ISO 17799-staðalinn.
Fyrirlesarar eru: Erla S. Árna-
dóttir, hrl. Eyjólfur Ólafsson, net-
stjóri og Jónas Sturla Sverrisson,
verkefnastjóri.
Fundarstjóri: Hjalti Sölvason,
starfsþróunarstjóri, segir í fréttatil-
kynningu.
Mótmæla aug-
lýsingum Sýnar
BANDALAG háskólamanna (BHM)
hefur óskað eftir meðalgöngu í
kærumáli Samtaka verslunarinnar
til siðanefndar Samtaka íslenskra
auglýsingastofa vegna auglýsingar
frá sjónvarpsstöðinni Sýn. Í auglýs-
ingunni er spurt hvort fólk sé búið
að velja sér veikindadaga. Með
þessari ósk villi BHM taka undir
kæruefnið.
Verkalýðsfélag Borgarness hefur
einnig sent frá sér ályktun um sama
efni. „Stjórn Verkalýðsfélags Borg-
arness lýsir furðu sinni og andúð á
þeirri lítilsvirðingu sem launafólki
er sýnd í auglýsingu sem sjónvarps-
stöðin Sýn lætur frá sér fara um
ónotaða veikindadaga. Veikindarétt-
ur er öryggisnet launafólks en ekki
ætlaður til að þjóna gróðasjónar-
miðum.“
♦ ♦ ♦
♦ ♦ ♦
Auðveldari
skipulagning
og rekstur
RÁÐSTEFNA á vegum Aðgerða-
rannsóknafélgs Íslands verður hald-
inn þriðjudaginn 19. mars kl. 16.15 –
18.45 í Lögbergi, stofu 101, Háskóla
Íslands. Auðveldari skipulagning og
rekstur. Hvernig íslensk fyrirtæki
og stofnanir hafa náð árangri með
því að nýta sér aðferðir aðgerða-
rannsókna.
Erindi halda: Snjólfur Ólafsson,
Sigurður Óli Gestsson, Aðalheiður
Kristinsdóttir, Róbert Marinó Sig-
urðsson, Anna Birna Jensdóttir,
Haukur Þór Hannesson og Leifur
Örn Leifsson, segir í fréttatilkynn-
ingu.
♦ ♦ ♦
MENNTAMÁLARÁÐHERRA,
Tómas Ingi Olrich, tók á móti 24
nemendum sjötta bekkjar PE í
Ölduselsskóla í Fataflokkunarstöð
Rauða krossins og hjálpaði þeim að
flokka föt til hjálparstarfs. Krakk-
arnir hafa verið að læra um Rauða
krossinn í vetur og enduðu með því
að safna fé og gefa notuð föt til
hjálparstarfs félagsins.
Ráðherra hjálpaði Sigrún Árna-
dóttur, framkvæmdastjóra Rauða
kross Íslands, að afhenda börn-
unum viðurkenningu fyrir 18.000
króna framlag, sem þau söfnuðu
með því að halda bingó með vörur
sem þau fengu frá verslunum í
Mjóddinni.
Að því loknu tók ráðherra til
hendinni með börnunum við flokk-
un á ungbarnafatnaði til alþjóðlegs
hjálparstarfs.
Petra Eiríksdóttir kennari hefur
undanfarna mánuði farið yfir
námsefnið Hjálpfús frá Rauða
krossinum, en í því kynnast nem-
endur mannúðarhugsjóninni og
hjálparstarfi, bæði á Íslandi og víða
um heim. Inntak námsefnisins er að
allir geti hjálpað við að byggja
betra samfélag, segir í frétta-
tilkynningu.
Menntamálaráðherra
aðstoðar við fataflokkun
Morgunblaðið/Kristinn
Menntamálaráðherra og börn flokka notuð föt.