Morgunblaðið - 21.03.2002, Qupperneq 16

SUÐURNES
16 FIMMTUDAGUR 21. MARS 2002 MORGUNBLAÐIÐ
Keppendur voru 120, fleiri en áð-
ur, og voru þeir frá öllum byggðar-
lögum á Suðurnesja nema Vogum en
nemendurnir þar voru í skíðaferð
þegar keppnin var háð. Úr 8. bekk
komu 65 börn, 25 úr 9. bekk og 30
börn úr 10. bekk. Flestir keppendur
voru frá Heiðarskóla í Keflavík og
vekja aðstandendur keppninnar at-
KEPPENDUR í stærðfræðikeppni
sem Fjölbrautaskóli Suðurnesja
stendur fyrir í þremur efstu bekkj-
um grunnskólanna á Suðurnesjum
hafa aldrei verið fleiri en í ár. Úrslit
hafa verið tilkynnt og verðlaun af-
hent. Keppnin var jöfn.
Stærðfræðikeppnin í ár fór fram
27. febrúar, á sama tíma og í nokkr-
um öðrum framhaldsskólum, en úr-
slit voru tilkynnt við hátíðlega athöfn
í Fjölbrautaskóla Suðurnesja í fyrra-
dag. Þangað var boðið tíu efstu
keppendum í hverjum árgangi, þeim
voru afhent viðurkenningarskjöl og
þeir sem stóðu sig best fengu að auki
verðlaun frá Íslandsbanka.
Er þetta í fimmta skiptið sem
Fjölbrautaskólinn stendur fyrir
stærðfræðikeppni. Tilgangur henn-
ar er að auka áhuga nemenda á
stærðfræði og efla samstarf grunn-
skóla á svæðinu, samkvæmt upplýs-
ingum Kristjáns Ásmundssonar sem
sá um keppnina fyrir hönd Fjöl-
brautaskólans.
hygli á því að kennarar í Heiðarskóla
hafi staðið vel að undirbúningi nem-
enda og hvatt þá áfram.
Bryndís Valdimarsdóttir úr Heið-
arskóla sigraði í stærðfræðikeppni 8.
bekkjar, Karl Njálsson úr Gerða-
skóla í Garði varð annar og jöfn í
þriðja til fimmta sæti urðu Berglind
Ýr Kjartansdóttir úr Heiðarskóla,
Bjarni Þorsteinsson úr Holtaskóla í
Keflavík og Þóra Lilja Ragnarsdótt-
ir úr Myllubakkaskóla í Keflavík.
Anna Andrésdóttir úr Njarðvíkur-
skóla sigraði í keppni 9. bekkjar.
Þórunn Kristin Kjærbo frá grunn-
skólanum í Sandgerði varð önnur og
í þriðja til fjórða sæti urðu Lilja G.
Magnúsdóttir Heiðarskóla og María
Rán Ragnarsdóttir grunnskólanum í
Sandgerði.
Emily Houng Xuan Nguyen úr
Myllubakkaskóla sigraði í stærð-
fræðikeppninni í 10. bekk. Halldór
Berg Harðarson, grunnskólanum í
Sandgerði, varð annar og Páll Guð-
mundsson, Grunnskóla Grindavíkur,
þriðji.
Ljósmynd/Hilmar Bragi Bárðarson
Tíu efstu í hverjum árgangi stærðfræðikeppni Suðurnesja ásamt Kristjáni Ásmundssyni umsjónarmanni og Soffíu Ólafsdóttur frá Íslandsbanka.
Aldrei fleiri
þátttakend-
ur í stærð-
fræðikeppni
Reykjanes
ÁHÖFN björgunarskipsins Odds V.
Gíslasonar í Grindavík brá skjótt við
í gærmorgun þegar óskað var að-
stoðar vegna báts sem varð vélar-
vana við innsiglinguna til Grindavík-
ur. Var björgunarskipið komið til
aðstoðar 12 mínútum eftir að kallið
barst og 50 mínútum eftir útkall var
báturinn bundinn við bryggju í
Grindavík.
Eldey GK, um 70 tonna netabátur,
varð skyndilega vélarvana rétt utan
við innsiglinguna þegar báturinn var
á siglingu frá Grindavík. Kallað var
eftir aðstoð klukkan rúmlega átta
um morguninn. Viðbragðstími
áhafnar björgunarskips Slysavarna-
félagsins Landsbjargar var jafn
skammur og raun ber vitni þar sem
flestir úr áhöfninni voru mættir til
vinnu eða á leið þangað, að því er
fram kemur í fréttatilkynningu frá
Landsbjörgu.
Bilunin reyndist smávægileg og
hélt báturinn aftur af stað um
klukkustund eftir að komið var með
hann til hafnar.
Björgun-
arskip
skjótt til
bjargar
Grindavík
ALLAR dagmæður í Grindavík upp-
fylla gildandi skilyrði, samkvæmt
könnun sem félagsmálastjóri hefur
gert og kynnt var á bæjarráðsfundi í
vikunni.
Vegna umræðna um gæslu barna í
heimahúsum vegna atviks á höfuð-
borgarsvæðinu á síðasta ári hefur
víða verið hugað að stöðu þessarra
mála. Félagsmálastjóri Grindavíkur
gerði könnun í desember síðastliðn-
um, dagmæðrum að óvörum.
Starfandi eru fjórar dagmæður í
Grindavík og kemur fram hjá félags-
málastjóra að þær eru allar með
mikla reynslu. Dagmæðrum hefur
fækkað með auknu framboði á leik-
skólaplássum.
Dagmæður
uppfylla
skilyrði
Grindavík
MEIRIHLUTI bæjarstjórnar
Grindavíkur felldi tillögu fulltrúa
Samfylkingarinnar um að óskað
verði eftir viðræðum við heilbrigð-
isráðherra og heilbrigðisráðuneytið
um að Grindavíkurbær tæki að sér
rekstur heilsugæslustöðvarinnar á
staðnum.
Í tillögu sem fulltrúar Samfylking-
arinnar fluttu á síðasta bæjarstjórn-
arfundi er minnt á að hjá ráðuneyt-
inu sé í undirbúningi að gera
framhaldssamning um heilsugæslu
við Hornafjarðarbæ og Akureyr-
arbæ og að Jón Kristjánsson heil-
brigðisráðherra hafi haft uppi góð
orð um möguleika á samningum við
Grindavíkurbæ í nýlegri heimsókn
sinni þangað.
Tillagan var felld með atkvæðum
fulltrúa Sjálfstæðisflokks og Fram-
sóknarflokks sem starfa saman í
meirihluta.
Fellt að
ræða við
ráðuneyti
Grindavík
voru í húsnæði því sem keiluspilarar á Suð-
urnesjum höfðu til margra ár voru seldar til
Akraness síðla árs 2000, vegna mikilla rekstr-
arörðugleika. Eiríkur hefur því þurft að fara til
höfuðborgarsvæðisins til æfinga sem reynist ekki
alltaf auðvelt, enda íþróttin stunduð samhliða
námi. Skorður á æfingaraðstöðu hefur einnig
komið niður á keiluspilurum á Suðurnesjum.
„Það voru aðeins tvö lið úr Keflavík sem héldu
áfram þegar við misstum aðstöðuna en þegar best
var voru liðin ellefu talsins. Ég reyni að fara inn-
eftir tvisvar í viku, svo keppi ég alltaf einu sinni til
tvisvar í viku. Auðvitað væri æskilegt að hafa æf-
ingaaðstöðu hér, það skiptir líka máli að geta æft
sig við fjölbreyttar aðstæður og aðlagast þeim.“
Eiríkur segir að keiluspilarar á Suðurnesjum
hafi reynt að komast í keilusalinn á Keflavík-
urflugvelli til æfinga, en það hafi verið erfitt. „Svo
eftir hryðjuverkaárásina 11. september sl. var
okkur alveg meinað að fara á völlinn.“
Hafið þið fengið loforð um úrbætur?
„Nei!“ segir þessi ungi afreksmaður að lokum
og er rokinn á fyrirtækjamót, þar sem hann
keppir fyrir Pizza 67.
EIRÍKUR Arnar Björgvinsson, ungur keiluspilari
úr Garðinum, varð á dögunum tvöfaldur Íslands-
meistari unglinga í keilu. Þetta er í annað sinn á
tveimur árum sem Eiríkur hampar tvöföldum Ís-
landsmeistaratitli.
Eiríkur, sem er á 18. aldursári, hefur æft keilu í
5 ár. Hann segir að áhuginn hafi kviknað þegar
hann fór með vini sínum í keilu og að síðan hafi
hann haft gífurlegan áhuga á íþróttinni. Það sést
á bikarasafni Eiríks að þessi mikli áhugi hefur
komið honum langt og hann er staðráðinn í að
halda áfram, þó að róðurinn þyngist nú, enda 1.
deildin næsti áfangastaður.
Íslandsmót unglinga í keilu fór fram í byrjun
marsmánaðar og var Eiríkur að ljúka veru sinni í
1. flokki pilta. Þetta er annað árið hans í þeim
flokki og hefur hann orðið Íslandsmeistari bæði
árin, auk þess að vinna titilinn í opnum flokki pilta
og stúlkna tvö ár í röð. Þetta hefur honum tekist
þrátt fyrir að síðastliðið eitt og hálfa ár hefur eng-
in aðstaða til æfinga verið í Keflavík, en Eiríkur
keppir fyrir það félag. Keilubrautirnar þrjár sem
Æfir í höfuðborginni
tvisvar sinnum í viku
Garður
Hampar tvöföldum Íslandsmeistaratitli unglinga í keilu annað árið í röð
Morgunblaðið/Svanhildur Eiríksdóttir
Eiríkur Arnar Björgvinsson með þá hluti sem
líf keiluspilara snýst mikið um, kúlu og keilu.
♦ ♦ ♦