Morgunblaðið - 21.03.2002, Page 56

56 FIMMTUDAGUR 21. MARS 2002 MORGUNBLAÐIÐ






 



     
  
  





  !
BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
Á NÆSTU dögum og
vikum verður tekin til
afgreiðslu á Alþingi
samgönguáætlun til
næstu 12 ára, unnin á
vegum samgöngu-
ráðuneytis. Þar er
m.a. gert ráð fyrir að hlutur höfuð-
borgarsvæðisins í heildarfjárveiting-
um til nýframkvæmda verði aðeins
28,5% að meðaltali fyrstu 4 árin.
Þegar litið er til þess, að á árunum
frá og með 1995 til og með 2001 var
þetta hlutfall á bilinu 21–29%, má
segja að fjárveitingar til höfuðborg-
arsvæðisins hjakki í sama fari. Þetta
ástand er með öllu óviðunandi fyrir
íbúa þessa svæðis, sem eru 62% allra
Íslendinga.
Þeir sem nota vegina, greiða við-
hald þeirra og uppbyggingu í gegn-
um þungaskatt og bensíngjald og því
ætti hlutur höfuðborgarsvæðisins að
vera a.m.k. 62% af heildarfjárveit-
ingum. Þess má geta að árleg fjár-
veiting til svæðisins skv. samgöngu-
áætluninni fyrstu 4 árin er
fyrirhuguð 1,7 milljarðar en væri 3,7
milljarðar að teknu eðlilegu tilliti til
fólksfjölda.
Við segjum „að minnsta kosti“
62% vegna þess að svæðið hefur
aldrei fengið réttlátan skerf miðað
við fólksfjölda og þar hefur því safn-
ast upp mikill vandi í formi ófull-
nægjandi aðalgatnakerfis með til-
heyrandi umferðarslysum og
umferðartöfum.
Nú er það spurningin til ykkar,
borgarfulltrúar og þingmenn
Reykjavíkur: Ætlið þið að beita ykk-
ur myndarlega í þessu máli fyrir höf-
uðborgarbúa þannig að eftir verði
tekið og um muni eða teljið þið að
Reykvíkingar verði að stofna nýtt
stjórnmálaafl, sem sinni m.a. þessum
miklu hagsmunum þeirra? Virðing-
arfyllst, talsmenn stofnhóps al-
mannasamtaka um borgarmálefni:
GUÐJÓN ÞÓR ERLENDSSON,
arkitekt,
erlendsson@email.com
JÓN H. SIGURÐSSON,
viðskiptafræðingur,
jsig@visir.is
ÖRN SIGURÐSSON,
arkitekt,
arkorn@tal.is
Opið bréf til borgar-
fulltrúa og þing-
manna Reykjavíkur
Frá Guðjóni Þór
Erlendssyni,
Jóni H. Sigurðssyni
og Erni Sigurðssyni:
Guðjón Þór
Erlendsson
Jón H.
Sigurðsson
Örn
Sigurðsson
ÞAÐ hefur mikið verið fjallað um
ríkismiðilinn undanfarinn misseri.
Skortur á fjármagni, flutningur Rás-
ar 2, afnotagjöldin og auðvitað HM í
knattspyrnu. Það sem ég ætla hins-
vegar að gagnrýna nú, er fréttatími
RÚV. Fréttatími RÚV er sá þáttur
sem fær hvað mest áhorf þjóðarinn-
ar, kvöld eftir kvöld. Herforinginn
Bogi Ágústsson stjórnar sýningunni,
og gerir það vel, hvað fréttaöflun og
miðlun varðar a.m.k. En fréttir í
sjónvarpi eru annað og meira en góð
fréttamennska. Þar þarf að sam-
tvinna rólegt og yfirvegað fas frétta-
þular og algera kunnáttu tækni-
manna hinsvegar, sérstaklega þar
sem fréttir eru ávallt í beinni útsend-
ingu, og eins og allir vita, getur allt
gerst í beinni útsendingu. En það er
einmitt það sem ég vil gagnrýna með
skrifum mínum nú.
Það virðist sem fréttastofa RÚV
sé undir einhverskonar álögum hvað
mistök í beinni útsendingu frétta-
tíma varðar. Það líður ekki fréttatími
án þess, að einhver frétt sé hljóðlaus,
það vanti íslenskan texta, eða ein-
hver önnur frétt komi í staðinn. Þulir
eru oft óstyrkir og mismæla sig þar
af leiðandi meira en góðu hófi gegnir.
Því spyr ég einfaldlega, hver er
skýringin á þessu? Eru tæknimenn
óhæfir til þess að stjórna rándýrum
tækjabúnaði stöðvarinnar, eru tækin
sjálf gölluð eða biluð, eða þurfa
fréttaþulir að fara á einhverskonar
námskeið í lestri frétta í beinni út-
sendingu? Ég skal ekki segja, en
eitthvað mikið er að, þar sem þetta
gerist í hverjum einasta fréttatíma.
Og ekki bara eftir að RÚV flutti af
Laugaveginum, heldur löngu áður.
Og áður en ónefndur fréttamaður
fékk sinn skerf í hinu snilldarlega
áramótaskaupi sjónvarpsins, hélt
maður að ráðning hans hefði verið
einhverskonar langrækið 1. apríl-
gabb, svo mikið stakk hann í stúf.
Núna skemmtir maður sér hinsveg-
ar konunglega við að hlusta á hann,
og er spurning hvort þáttur hans í
áramótaskaupinu sé liður í „sam-
særi“ sjálfstæðismanna til að bjarga
sér fyrir horn vegna mistaka við
ráðningar? Það er nú ekki ætlun mín
að móðga neinn eða vera með meið-
yrði, en ég vil fá eitthvað fyrir af-
notagjöldin sem ég borga. Á meðan
er ég að borga rétt helmingi meira
fyrir fjölvarpið, Stöð 2 og Sýn , þar
sem mistök í beinum útsendingum
eru afar sjaldséð, í fréttatímum
a.m.k. Reyndar gæti ég haldið langa
ræðu um hlutdrægni sumra íþrótta-
fréttamanna Stöðvar 2, en það er
annar Þorsteinn. (Ella). Ég skora á
þá sem hlut eiga að máli að taka sig á
og vanda sig betur, þó svo að þeir séu
ekki á sanngjörnum launum.
TRAUSTI SALVAR
KRISTJÁNSSON,
Hrauntungu 97, Kópavogi.
Fréttatími RÚV
Frá Trausta Salvari Kristjánssyni: