Morgunblaðið - 19.04.2002, Blaðsíða 18

SUÐURNES
18 FÖSTUDAGUR 19. APRÍL 2002 MORGUNBLAÐIÐ
Blússur - Pils
Nýbýlavegi 12, Kópavogi,
sími 554 4433.
Mikið úrval
Buxur
Fyrir pshoriasis og exem
Akureyri, sími 462 1889
Fæst m.a. í Nýkaupi og
í Árnesapóteki á Selfossi
www.islandia.is/~heilsuhorn
Hrukkunjóli
SENDUM Í PÓSTKRÖFU
Gamli Sléttbakur kom til heima-
hafnar í gærmorgun en ráðgert er
að togarinn fari í tvær veiðiferðir á
úthafskarfa á vegum ÚA áður en
hann verður afhentur nýjum eig-
endum.
Nýja skipið var smíðað í Dan-
mörku fyrir fjórum árum. Það er 58
metra langt og 13,5 metra breitt og
er með þeim stærri í íslenska fiski-
skipaflotanum. Skipið er vel tækj-
ÚTGERÐARFÉLAG Akureyringa
hf. fékk afhentan nýjan frystitog-
ara í gær sem félagið festi kaup á
fyrir skömmu. Togarinn hefur
fengið nafnið Sléttbakur EA og
kemur til með að leysa af hólmi
eldra frystiskip félagsins með sama
nafni. Gamli Sléttbakur gengur upp
í kaupverð nýja skipsins en heildar-
fjárfesting ÚA í þessum viðskiptum
nemur um 680 milljónum króna.
um búið til frystingar á bolfiski.
Við afhendinguna í gær fluttu
þeir Guðbrandur Sigurðsson, fram-
kvæmdastjóri ÚA, og Kristján Þór
Júlíusson bæjarstjóri ávörp og sr.
Svavar Alfreð Jónsson, sóknar-
prestur í Akureyrarkirkju, blessaði
skipið.
Þá bauðst bæjarbúum að skoða
nýja skipið og lagði fjöldi fólks leið
sína á Togarabryggjuna.
Morgunblaðið/Kristján
Fjöldi fólks á öllum aldri kom um borð í Sléttbak EA-304, hið nýja frystiskip Útgerðarfélags Akureyringa, í
gær. Á myndinni eru gestir að skoða stjórntæki í brú en fyrir aftan stendur Ívan Brynjarsson skipstjóri.
Nýr togari ÚA afhentur
MIÐSTIGSTÓNLEIKAR Tónlist-
arskólans á Akureyri verða föstu-
daginn 19. apríl kl. 20 í sal skólans. Í
boði er fjölbreytt efnisskrá við allra
hæfi. Aðgangur er ókeypis og eru
allir velkomnir.
Tónleikar
VEGURINN upp að skíðasvæði
Akureyringa í Hlíðarfjalli er orðinn
erfiður yfirferðar og hafa verið sett
þar upp skilti til aðvörunar fyrir veg-
farendur. Sigurður Oddsson, deild-
arstjóri framkvæmda hjá Vegagerð-
inni á Akureyri, sagði að Hlíðar-
fjallsvegur væri ónýtur og hefði
verið það í mörg ár.
Ákveðið hefur verið að ráðast í
umfangsmiklar endurbætur á vegin-
um. Sigurður sagði að hönnunar-
vinnu væri nú í gangi, stefnt væri að
bjóða verkið út á næstu vikum og
hefja framkvæmdir í sumar. Hann
sagði að vegna fjárskorts væri þarna
um að ræða tveggja ára verkefni.
Vegurinn verður byggður upp,
styrktur og lagður bundnu slitlagi.
Þótt farið sé að síga á seinni hluta
skíðavertíðarinnar er þó stærsta mót
ársins eftir en Andrésar Andar-leik-
arnir fara fram í Hlíðarfjalli í næstu
viku. Foreldrar fjölmenna með börn-
um sínum á leikana og því má búast
við mikilli umferð í fjallið þá daga
sem þeir standa yfir.
Vegurinn upp í Hlíðarfjall er ónýtur
Ráðist í endur-
bætur í sumar
TVEIR stórleikir í handbolta fara
fram á sama tíma á Akureyri kl. 20.00
í kvöld, er KA og Þór mæta andstæð-
ingum sínum í úrslitakeppni karla, 8
liða úrslitum. KA mætir Gróttu-KR í
KA-heimilinu og Þór og Valur etja
kappi í Íþróttahöllinni.
KA stendur vel að vígi fyrir leikinn
í kvöld en liðið vann fyrsta leikinn við
Gróttu/KR á miðvikudagskvöld. Það
lið sem fyrr vinnur tvo leiki kemst
áfram í undanúrslit. Þór tapaði illa
gegn Val á Hlíðarenda í fyrsta leik
liðanna og takist liðinu ekki að knýja
fram sigur í kvöld er þátttöku þess í
úrslitakeppninni lokið.
Bæði KA og Þór bjóða áhangend-
um sínum upp á andlitsmálun fyrir
leiki liðanna og gera má ráð fyrir
mikilli stemmningu í báðum húsum.
Tveir stórleikir
á Akureyri
AKUREYRI
HELDUR dregur úr atvinnuleysi
á Norðurlandi eystra, samkvæmt
yfirliti frá Vinnumálastofnun. Í lok
síðasta mánaðar voru 408 manns á
atvinnuleysisskrá í kjördæminu,
207 karlar og 201 kona og fækkaði
um rúmlega 50 manns á skránni
frá mánuðinum á undan.
Í Hrísey fjölgaði atvinnulausum
hins vegar til muna en í lok síðasta
mánaðar voru 16 manns á atvinnu-
leysisskrá í eynni, tveir karlar og
14 konur. Þetta eru 13 fleiri á skrá
en í mánuðinum á undan og er
fjölgunin nær öll hjá konum. Þá
fjölgaði atvinnulausum í Skútu-
staðahreppi um tvo milli mánaða
og þar voru 11 manns á skrá í lok
síðasta mánaðar, 2 karlar og 9 kon-
ur. Í öðrum sveitarfélögum á Norð-
urlandi eystra var annaðhvort um
að ræða fækkun á skránni eða að
ástandið var óbreytt á milli mán-
aða.
Fleiri án vinnu í Hrísey
og Skútustaðahreppi
ÞORBJÖRN Fiskanes hf. í Grinda-
vík mun þurfa að greiða 100 milljónir
í auðlindagjald, samkvæmt fyrirliggj-
andi lagafrumvarpi, þegar aðlögun
verður lokið. Forstjóri fyrirtækisins
segir að sjávarútvegurinn í heild
hljóti að mótmæla þessari skatt-
heimtu harðlega.
Fram kom í skýrslu Eiríks Tóm-
assonar, forstjóra Þorbjarnar Fiska-
ness hf., á aðalfundi félagisins í gær
að síðasta ár hafi verið fyrirtækinu
afar hagstætt. Hagnaður ársins nam
413 milljónum kr. sem er um 500
milljóna króna betri afkoma en árið á
undan. Árið 2001 var fyrsta samfellda
rekstrarárið eftir sameiningu Þor-
bjarnar og Fiskaness í Grindavík og
Valdimars í Vogum. Hagnaður fyrir
afskriftir og fjármagnsgjöld nam
1.431 milljón kr. sem er liðlega 32% af
tekjum og sagði Eiríkur á fundinum
að það væri hæsta hlutfall hjá sjáv-
arútvegsfyrirtækjum sem skráð eru
á íslenskum verðbréfamarkaði.
Veltufé frá rekstri nam 1.011 millj-
ónum kr. sem eru tæp 23% af tekjum.
Eiríkur sagði að ef litið væri á þrjú
síðustu ár væri Þorbjörn Fiskanes
með hæsta hlutfall veltufjár frá
rekstri af þeim sjávarútvegsfyrir-
tækjum sem skráð eru á aðallista
Verðbréfaþings Íslands, þótt fyrir-
tækið hafi ekkert árið verið með
hæsta hlutfallið. Dregur hann þær
ályktanir af þessu að sveiflur virðist
hafa verið minni í rekstri fyrirtæk-
isins en hjá öðrum í greininni.
Rekstrarhorfur fyrir yfirstandandi
ár eru að mati Eiríks góðar í flestu til-
liti og útlit fyrir hagnað af árinu í
heild. Eiríkur gat þess þó í ræðu sinni
að verð á saltfiski, sérstaklega stærri
fiski, hafi lækkað og hráefnisverð
verið að hækka, auk þess sem sveiflur
á gengismörkuðum geti haft mikil
áhrif á reksturinn.
Eiríkur gagnrýndi harðlega efni
frumvarps um auðlindagjald á sjáv-
arútveginn og líkti því við nýtt að-
stöðugjald sem lagt hafi verið af á
sínum tíma vegna þess að það þótti
ósanngjarnt. Telur Eiríkur að sjávar-
útvegurinn í heild hljóti að mótmæla
skattlagningunni á þeim forsendum
sem hún er sett fram. Þorbjörn
Fiskanes verði fyrir barðinu á henni
eins og önnur sjávarútvegsfyrirtæki,
þannig muni þessi skattgreiðsla þre-
faldast hjá fyrirtækinu og verða þeg-
ar aðlögun er lokið rúmar 100 millj-
ónir kr., miðað við verðlag í dag.
Engin rök
„Það eru engin rök sem ég hef séð
fyrir þessu auðlindagjaldi á sjávar-
útveginn einan, enda heyrast oftast
þau rök, sem eru í raun rökleysa,
skattsinna að það verði að leggja
skatt á þá sem eftir eru í atvinnu-
greininni vegna þess að einhver seldi
og fór út. Þeir sem kaupa kvótann af
þeim sem hætta eiga sem sagt að
greiða skatt vegna þess að þeir sem
selja hafa hagnast á að selja þeim
sem eftir eru kvótann sinn,“ sagði Ei-
ríkur.
Forstjóri Þorbjarnar Fiskaness hf.
fór yfir umræður sem fram fara um
sameiningu og hagræðingu í sjávar-
útvegi í kjölfar endurskoðunar laga
um stjórn fiskveiða. Gat hann þess að
eigendum fyrirtækisins hefði tekist
að byggja upp eitt af stærstu og öfl-
ugustu fyrirtækjunum í sjávarútvegi,
með góða samsetningu aflaheimilda,
og metnaður þeirra stæði til þess að
vera í þeim hópi áfram. „Því munu
forsvarsmenn fyrirtækisins fylgjast
með þeim hræringum sem eru í sjáv-
arútveginum og taka þátt í þeim, ef
býðst, og það hentar okkar markmið-
um,“ sagði Eiríkur. Þórarinn Þ. Jóns-
son stjórnarformaður gat þess einnig
í sinni skýrslu að fyrirtækið hefði nú
ágæta burði til að takast á við ný
verkefni.
Aðalfundurinn samþykkti að
greiða 8% arð af hlutafé. Þá var
stjórn félagsins endurkjörin en hana
skipa Þórarinn Þ. Jónsson, Árni
Magnússon, Gunnar Tómasson, Ólaf-
ur Rögnvaldsson og Stefán Krist-
jánsson.
Morgunblaðið/Helgi Bjarnason
Eiríkur Tómasson forstjóri, Þórarinn Þ. Jónsson stjórnarformaður og
Páll Ingólfsson fundarritari á aðalfundi Þorbjarnar Fiskaness hf. í gær.
Í stakk búnir til
að takast á
við ný verkefni
Grindavík
HREPPSNEFND Gerðahrepps
hefur ákveðið að taka tilboði lægst-
bjóðenda, Braga Guðmundssonar og
Tryggva Einarssonar, í lagningu
gangstétta og slitlaga í Garði. Til-
boðið er 88% af kostnaðaráætlun
ráðgjafa sveitarfélagsins.
Hreppsnefnd Gerðahrepps ákvað
að ráðast í átak í lagningu gangstétta
og malbikunar og klæðningar gatna
og afleggjara í sveitarfélaginu á ár-
unum 2002 til 2006. Var verkið boðið
út í einu lagi. Hreppurinn mun
greiða verkið á tíu árum en verktak-
anum er heimilt að ljúka því á
skemmri tíma en fimm árum. Fimm
tilboð bárust, annars vegar í að mal-
bika og klæða götur og steypa gang-
stéttir og hins vegar í að malbika og
klæða götur og helluleggja gang-
stéttir. Lægsta tilboðið var frá
Braga Guðmundssyni og Tryggva
Einarssyni, 80,9 milljónir kr. og er
þar miðað við að gangstéttir verði
steyptar. Kostnaðaráætlun hljóðaði
upp á 94,7 milljónir og var lægsta til-
boð því 88% af áætlun.
Hreppsnefnd ákvað á fundi í vik-
unni að taka tilboði lægstbjóðenda.
Ekki hefur verið samið um það hvort
verkið verði unnið á skemmri tíma
en útboð gerir ráð fyrir.
Átak í gatnamálum
kostar 80 milljónir
Garður
♦ ♦ ♦