Morgunblaðið - 19.04.2002, Blaðsíða 40

UMRÆÐAN
40 FÖSTUDAGUR 19. APRÍL 2002 MORGUNBLAÐIÐ
EITT af því sem
skiptir miklu máli hvað
varðar búsetuskilyrði
fólks er hvernig staða
skólamála er í sveitarfé-
laginu.
Á Suðurnesjum hefur
átt sér stað mjög já-
kvæð uppbygging
skólamála og hafa sveit-
arstjórnir almennt sett
þessi mál í forgangsröð-
un.
Þar sem ég þekki
best til, þ.e. í Garðinum,
hefur á síðustu árum
verið gert stórátak í að
bæta aðstöðu nemenda,
kennara og annars starfsfólks. Verið
er að stækka skólann, þannig að skól-
inn verður einsetinn næsta haust. Þá
er einnig verið að vinna að byggingu
samkomusalar við skólann. Núver-
andi meirihluti F-listans, framfara-
sinnaðra kjósenda í Garði, hefur haft
það að markmiði að bæta sem best öll
starfsskilyrði skólans.
Um síðustu áramót tók til starfa við
Gerðaskóla nýr skólastjóri, Erna M.
Sveinbjarnardóttir, sem kemur úr
Reykjavík og þekkir vel til skóla-
starfs þar. Það hefur verið mjög
ánægjulegt fyrir okkur sveitarstjórn-
armenn að heyra og sjá hennar yf-
irlýsingar um það hversu vel sé búið
að öllu skólastarfi hér
og sérstaklega hve mál-
um þeirra sem þurfi
stuðning og séraðstoð
sé vel sinnt. Það er
mjög gaman fyrir okkur
að fá þetta hrós.
Núverandi skóla-
stjóri hefur lagt fram
metnaðarfullar tillögur
um skipulagsbreyting-
ar í skólastarfinu og til
að bæta vinnuaðstöðu
kennara. Þessar hug-
myndir eru nú í skoðun
en eins og fram kom hér
að framan er það vilji
meirihlutans að skóla-
málin hafi forgang og þótt margt sé
gott er ávallt hægt að gera betur.
Fram hefur komið í fjölmiðlum að
unnið er að undirbúningi stækkunar
Fjölbrautaskóla Suðurnesja. Ég hef
átt sæti í nefnd fyrir hönd sveitarfé-
laganna á Suðurnesjum, sem vinnur
að þessum málum. Fagna ber hve já-
kvætt menntamálaráðuneytið hefur
tekið í að nauðsynlegt sé að stækka
skólann til að auka enn og bæta alla
aðstöðu til náms.
Í Fjölbrautaskóla Suðurnesja er
unnið mjög metnaðarfullt starf undir
ötulli forystu Ólafs Jóns Arnbjörns-
sonar skólameistara. Það er mikið at-
riði að hægt verði áfram að vinna að
uppbyggingu skólans. Núverandi
skólahúsnæði er þegar orðið of
þröngt og íbúaþróun á Suðurnesjum
sýnir að hér er fjölgun íbúa og á eftir
að verða enn meiri.
Það er því nauðsynlegt að þetta
mál komist í framkvæmd sem fyrst.
Frá því Sjálfstæðisflokkurinn tók
að sér menntamálaráðuneytið hefur
þróun og viðhorf stjórnvalda til
menntamála verið mjög gott og far-
sælt. Sveitarfélögin hafa að mínu viti
einnig staðið sig mjög vel frá því þau
tóku alfarið að sér grunnskólann. Á
flestum stöðum hefur uppbygging
verið mikil og kjör kennara bætt frá
því sem áður var.
Það er líka höfuðatriði að skólamál-
in séu í góðu lagi. Fyrir sveitarfélag
eins og Garðinn, með rúmlega 1.200
íbúa, er það lykilatriði ásamt stöðu at-
vinnumála að fólk sé ánægt með sína
búsetu.
Meirihluti F-listans mun áfram
setja skólamálin í forgang fái hann
stuðning kjósenda til að halda áfram
sínum meirihluta í Garði.
Skólamálin hafa
forgang
Sigurður Jónsson
Garður
Fyrir sveitarfélag eins
og Garðinn, segir Sig-
urður Jónsson, er það
lykilatriði ásamt stöðu
atvinnumála að fólk sé
ánægt með sína búsetu.
Höfundur er sveitarstjóri í Garði.
innar frá öndverðri 19.
öld. Þá var til umfjöll-
unar hvar og hvernig
hrossum væri fyrir
komið í göturýminu,
eða öllu heldur utan
þess nema þegar nauð-
syn bæri til meðan tek-
ið væri af þeim eða
byrðar reyrðar á. Þeg-
ar bílarnir voru komnir
til sögunnar og starfs-
fólk í miðborginni farið
að nota þá til að fara til
vinnu í einhverjum
mæli, þá voru settar
reglur um takmarkað-
an leyfilegan hámarks-
stöðutíma við nokkrar helstu götur í
miðborginni. Þetta var gert til að við-
skiptavinir verslana og þjónustufyr-
irtækja hefðu forgang að best stað-
settu bílastæðunum með því að koma
í veg fyrir að bílar starfsfólks tepptu
þau langtímum saman. Árið var
1935, en sama ár fann blaðamaður í
Texas upp stöðumælinn. Þar kom til
sögu aðferð við að framfylgja reglum
um hámarksstöðutíma á einfaldan
hátt með kerfi sem stendur undir
kostnaði þegar allir fara að reglun-
um, en byggir ekki á því að eftirlit og
framkvæmd sé annaðhvort fjár-
magnað af almennu skattfé eða alfar-
ið af tekjum vegna brota á reglunum.
Þessi nýjung barst til Reykjavíkur
árið 1957, en þá voru fyrstu stöðu-
mælarnir settir upp í miðborginni.
Bílastæðasjóður Reykjavíkur var
svo stofnsettur í núverandi mynd ár-
ið 1988 og síðan hafa orðið stórstígar
framfarir í bílastæðamálum mið-
borgarinnar með tilkomu 6 bílahúsa
með um 1.000 stæðum, miðamæla á
götum og opnum stæðum þar sem
enginn ákvæði eru um leyfilegan há-
markstíma, að ógleymdum íbúakort-
um sem veita íbúum á gjaldskyldum
svæðum ákveðna lausn sinna mála á
mjög ódýran hátt.
Stefna verður til
Árið 1993 urðu ákveðin þáttaskil í
starfsemi Bílastæðasjóðs, þegar í
ljós kom að tekjur sjóðsins dugðu
ekki að óbreyttu til að greiða bíla-
húsin sem þá höfðu verið byggð.
Ástæður þessa mátti meðal annars
rekja til þess að breytingar á gjald-
skrá, sem ætlað var að standa undir
uppbyggingunni, náðu ekki fram að
ganga. Neyðaráætlun var sett í gang
ÞAÐ er ánægjulegt að verða var
við þann mikla áhuga á miðborginni
sem endurspeglast í umræðu um
bílastæðamál að undanförnu.
Til að skila okkur fram á veginn er
mikilvægt að þeir sem láta sig málið
varða reyni að hafa í huga þau
grundvallaratriði sem liggja að baki
afskiptum borgarinnar af bílastæða-
málunum, og þessari grein er ætlað
að upplýsa og skýra stefnu og
áherslur borgaryfirvalda í þeim efn-
um.
Sögulegur fróðleikur
Í Reykjavík eru til heimildir um
skilmála sem varða umgengni veg-
farenda um plássið á götum borgar-
og öllum frekari áætl-
unum um byggingu
nýrra bílahúsa skotið á
frest meðan þess var
freistað að koma
rekstri sjóðsins á rétt-
an kjöl og lækka skuld-
ir – án verulegra gjald-
skrárbreytinga. Þetta
tókst, og upp úr árinu
1995 var farið að und-
irbúa frekari uppbygg-
ingu. Mjög mikilvægur,
en jafnframt tímafrek-
ur, liður í þeirri vinnu
var þátttaka í gerð Þró-
unaráætlunar miðborg-
arinnar, með víðtæku
samráði við hagsmunaaðila, íbúa og
stjórnmálamenn undir handleiðslu
sérstakra ráðgjafa. Í Þróunaráætl-
uninni kemur fram sú stefna sem nú
er uppi í bílastæðamálum miðborg-
arinnar, og eru áhugasamir hvattir
til að kynna sér hana (aðgengileg frá
heimasíðu Bílastæðasjóðs, www.-
rvk.is/bilast).
Stefna í framkvæmd
Þegar skýr stefna lá fyrir með
samþykkt samgöngukafla Þróunar-
áætlunarinnar var þegar hafist
handa við undirbúning frekari upp-
byggingar. Fyrsta mál á dagskrá var
að tryggja að ekki yrði ráðist í fram-
kvæmdir án þess að fyrir lægi að
Bílastæðasjóður gæti staðið undir
þeim. Það þýddi að gera varð um-
fangsmiklar breytingar á gjaldskrá
sjóðsins, sem miðuðust reyndar ekki
eingöngu að hámörkun tekna heldur
einnig að því að jafna nýtingu þeirrar
aðstöðu sem þegar er til staðar og
auka þannig strax framboð vel stað-
settra skammtímastæða á eftirsótt-
ustu stæðunum, við götukanta
Laugavegar og Kvosar. Þessum
áfanga lauk í júní árið 2000, og þá var
hafist handa við næsta mál á dag-
skrá, sem var að finna hentuga staði
fyrir bílahús eða bílakjallara á tveim-
ur svæðum, í Kvos annars vegar og
austur undir Hlemmi hins vegar.
Meginforsenda í staðarvali er að
stæði sem verða byggð teljist vel
staðsett skammtímastæði fyrir við-
skiptavini verslunar og þjónustu í
miðborginni. Það þýðir að leitað er
möguleika inni í þröngri byggð mið-
borgarsvæðisins á og við Laugaveg
og Kvos, og það krefst samráðs og
samkomulags við fjölda aðila í flest-
um tilvikum. Þetta er tímafrek vinna,
en þegar þetta er ritað má segja að
Bílastæðasjóður sé í augnablikinu
þátttakandi í byggingaverkefnum
með alls um 1.650 stæðum í nýjum
bílakjöllurum í miðborginni. Gert er
ráð fyrir því að framkvæmdir við
gerð kjallara fyrir 250 bíla undir
Tjörninni hefjist á haustmánuðum,
við Laugaveg/Hverfisgötu nokkru
vestan Snorrabrautar er unnið að
undirbúningi fyrsta áfanga að kjall-
ara sem alls gæti fullbyggður rúmað
rúmlega 600 bíla og nýlega var und-
irritaður samningur ríkis og Reykja-
víkurborgar um byggingu tónlistar-
húss, ráðstefnumiðstöðvar og hótels
þar sem byggð verða alls 800 stæði
við Geirsgötu, þar af 250 alfarið á
vegum Bílastæðasjóðs.
Þannig má vera ljóst að afskipti
borgaryfirvalda af notkun bílastæða
í miðborginni snúast um að útvega
viðskiptavinum verslunar og þjón-
ustu aðstöðu í vel staðsettum
skammtímastæðum. Jafnframt er
ljóst að kostnaðurinn við þessa starf-
semi verður ekki tekinn af almennu
skattfé, heldur er notendum þjónust-
unnar gert að greiða kostnaðinn við
hana. Að lokum er með réttu hægt að
halda því fram, að allt frá árinu 1993
hafi verið tekið á bílastæðamálum
miðborgarinnar af framsýni, festu,
ábyrgð og stórhug þar sem rekstr-
arlegar neyðarráðstafanir, stefnu-
mótun til framtíðar og vel undirbúin
framkvæmd þeirrar stefnu hafa
komið í réttri röð. Með fjölgun bíla-
stæða fyrir viðskiptavini miðborgar-
innar er verið að búa í haginn fyrir
frekari uppbyggingu verslunar og
þjónustu á miðborgarsvæðinu og
hlúa að þeirri starfsemi sem fyrir er,
í því skyni að treysta miðborgina í
sessi til frambúðar.
Bílastæðamálin í miðborginni
Stefán Haraldsson
Reykjavík
Notendum þjónust-
unnar, segir Stefán
Haraldsson, er gert
að greiða kostnaðinn
við hana.
Höfundur er framkvæmdastjóri
Bílastæðasjóðs Reykjavíkur.
Nýjar
línur
á
nýjum stað
undirfataverslun
Síðumúla 3-5
Geisladiskahulstur
aðeins 500 kr.
NETVERSLUN Á mbl.is