Morgunblaðið - 05.05.2002, Blaðsíða 4

FRÉTTIR
4 SUNNUDAGUR 5. MAÍ 2002 MORGUNBLAÐIÐ
FYLGI Vinstri hreyfingarinnar –
græns framboðs hefur tvöfaldast, frá
því síðast var kosið til Alþingis árið
1999, samkvæmt könnun sem Fé-
lagsvísindastofnun Háskóla Íslands
hefur gert fyrir Morgunblaðið. Fylgi
Samfylkingar, Framsóknarflokks og
Frjálslynda flokksins er aftur á móti
minna en í kosningunum og mælist
fylgi Sjálfstæðisflokks hálfu pró-
sentustigi minna en árið 1999. Hann
fengi nú rúmlega 40% greiddra at-
kvæða, Samfylkingin fengi næst-
mest fylgi eða rúm 22%, Vinstri
hreyfingin – grænt framboð rúm
19%, Framsóknarflokkurinn tæp-
lega 16% fylgi og Frjálslyndi flokk-
urinn 2%. Alls segjast 10% myndu
skila auðu eða kjósa ekki og tæp 7 %
neituðu að svara.
Könnunin er unnin úr 1.200
manna slembiúrtaki úr þjóðskrá og
er ekki hægt að greina niðurstöðurn-
ar ítarlega eftir kjördæmum vegna
smæðar úrtaksins. Þegar litið er á
niðurstöður í Reykjavík, á Reykja-
nesi og landsbyggðinni í heild sést þó
að Framsóknarflokkurinn sækir
hlutfallslega stærsta hluta fylgis síns
út á landsbyggðina, en rúm 24%
segjast myndu kjósa flokkinn ef kos-
ið yrði á morgun. Hafa verður í huga
að skekkjumörk eru mun víðari fyrir
hlutfallstölur í einstökum kjördæm-
um en á landinu í heild, oft í kringum
+/- 5–6%.
Ekki er mikill munur á fylgi Sjálf-
stæðisflokksins og Vinstri hreyfing-
arinnar – græns framboðs eftir
landshlutum. Þó er fylgi Sjálfstæð-
isflokks heldur minna á landsbyggð-
inni, eða 37% og fylgi VG heldur
meira þar, eða tæp 22%. Fylgi Sam-
fylkingarinnar er mun meira í
Reykjavík og á Reykjanesi en úti á
landsbyggðinni. Rúmlega 28%
Reykvíkinga og tæp 25% Reyknes-
inga segjast myndu kjósa hana ef
kosið væri á morgun.
Svarendahópurinn endur-
speglar þjóðina allvel
Í könnuninni voru svarendur á
aldrinum 18 til 80 ára spurðir hvaða
flokk eða lista þeir myndu kjósa yrði
gengið til alþingiskosninga á morg-
un. Segðist fólk ekki vita það var það
spurt hvaða flokk eða lista það væri
líklegast til að kjósa. Væri fólk enn
ekki visst var það spurt hvort það
teldi það vera líklegra að það kysi
Sjálfstæðisflokkinn eða einhvern
annan flokk eða lista. Þannig fór
hlutfall óráðinna niður í 7,5%, en tæp
18% svöruðu „veit ekki“ eftir fyrstu
tvær spurningarnar. Þeim svarend-
um sem svöruðu þriðju spurningunni
þannig að þeir myndu líklega kjósa
annan flokk en Sjálfstæðisflokkinn
var skipt á milli þeirra flokka sem til
greina komu og þeirra sem sögðust
skila auðu eða kjósa ekki, í sömu inn-
byrðis hlutföllum og fengust við
tveimur fyrri spurningunum.
Við gerð könnunarinnar var stuðst
við slembiúrtak úr þjóðskrá sem
náði til 1.200 einstaklinga á aldrinum
18–80 ára á landinu öllu. Viðtölin
voru tekin í gegnum síma. Alls feng-
ust svör frá 777 af þeim 1.200 sem
voru í úrtakinu, en það er um 66%
svarhlutfall þegar frá upphaflegu úr-
taki hafa verið dregnir frá þeir sem
eru nýlega látnir, erlendir ríkisborg-
arar og fólk sem er búsett erlendis.
Fullnægjandi samræming er milli
skiptingar svarendahópsins og þjóð-
arinnar allrar eftir aldri, kyni og bú-
setu. Því telur Félagsvísindastofnun
að svarendahópurinn endurspegli
þjóðina, 18–80 ára, allvel.
Könnun Félagsvísindastofnunar Háskóla Íslands fyrir Morgunblaðið
Samfylkingin hefur næst-
mest fylgi flokkanna fimm



   


      

 

 
 
 





 

 !"


 








##$%
#&$'
'$(
)$&

'$'



*$#

$&





 

 +, 
 -

  . 
/
,
+

 0






 


 









#%$(
$#
' $ $*
#*$#
Í FOSSVOGSDAL er nú unnið að gerð útivistarsvæðis,
en helstu markmiðin eru að nýta regnvatnsfrárennsli í
tjarnir og læk, endurheimta votlendi, bæta aðgengi
um svæðið með stígum og brúm og skapa aðlaðandi
umhverfi og áhugaverða áningarstaði.
Gatnadeildir Reykjavíkurborgar og Kópavogsbæjar
vinna sameiginlega að verkinu sem á að vera lokið í
haust. Gunnar I. Birgisson, formaður bæjarráðs Kópa-
vogs, segir þetta mikið framfaraspor fyrir Fossvogs-
dalinn. Heildarkostnaður verkefnisins er um 70–100
milljónir króna og skipta Reykjavíkurborg og Kópa-
vogur kostnaðinum jafnt á milli sín.
Í stefnuskrá sjálfstæðismanna í Kópavogi, sem
kynnt var í gær, er m.a. lögð áhersla á að fjöl-
skyldugarði, þar sem fjölskyldan geti sótt ýmsa
dægradvöl, verði komið á fót á svæðinu austan við
HK-svæðið og segir Gunnar að miðað sé við að garð-
urinn yrði tilbúinn í lok næsta kjörtímabils.
Morgunblaðið/Árni Sæberg
Vatnaveröld í Fossvogsdal
FULLT hús var á dægurlaga-
keppni Kvenfélags Sauðárkróks
á föstudagskvöldi í Sæluviku, en
keppnin var nú haldin í níunda
sinn. 56 lög bárust í keppnina að
þessu sinni og voru þau 10 lög,
sem dómnefnd taldi best, flutt.
Við úrslit gilti atkvæðagreiðsla
gesta í sal 60% en vægi dóm-
nefndar var 40%. Einnig var
valinn besti flytjandinn. Í ár bar
meira á rólegum lögum og var
auðheyrt á gestum að þeir áttu
ekki auðvelt með að gera upp
hug sinn.
Meðan talning atkvæða fór
fram fóru skemmtikraftar á
kostum. Fram komu sönghóp-
urinn Norðan 8, rappsveitin
Tannlæknar Andskotans,
Spaugstofumennirnir Örn Árna-
son og Karl Ágúst Úlfsson,
dansparið Ragnheiður Eiríks-
dóttir og Hilmir Jensson frá
Dansskóla Jóns Péturs og Köru
og sönghópurinn Sheep river
hook sem sigraði í Söngva-
keppni framhaldsskólanna.
„Í nótt“ besta lagið
Lagið „Í nótt“ var valið besta
lagið í keppninni. Hrönn Sigurð-
ardóttir og Svava Hrund Frið-
riksdóttir fluttu sigurlagið, en
þær sömdu einnig lag og texta
ásamt Einari Mána Friðriks-
syni. Í öðru sæti varð „Hvar ert
þú, fegurð?“, lag eftir Jónas
Jónasson útvarpsmann með
texta Baldurs Jónassonar, í
flutningi Berglindar Bjarkar
Jónasdóttur. Í þriðja sæti varð
lagið „Draumar“ eftir Erlu
Gígju Þorvaldsdóttur við texta
Steins Steinarr. Flytjandi lags-
ins, Regína Ósk Óskarsdóttir,
var jafnframt valin besti flytj-
andi keppninnar í ár. Gestir
fögnuðu sigurvegurunum inni-
lega og urðu þeir að flytja sig-
urlagið aftur eftir að hafa tekið
við verðlaununum sem voru
peningaupphæð og tímar í upp-
tökuveri.
Voru að taka þátt í dægur-
lagakeppni í fyrsta skipti
Hrönn og Svava Hrund, sem
voru flytjendur og höfundar sig-
urlagsins ásamt Einari Mána,
koma austan úr Þingeyjarsýslu,
en þær eru búsettar á Akureyri.
Svava er sjúkraliði og Hrönn
verslunarstjóri hjá Steinari
Waage. Þær sögðust taka þátt í
þessari keppni í fyrsta sinn, þær
hefðu verið að vinna í upptöku-
veri þegar þeim var bent á
keppnina. Þær ákváðu að láta
slag standa og sendu lag. Að
vonum voru þær stöllur hæst-
ánægðar með úrslitin og sögðu
að verðlaunin kæmu sér vel og
nú yrði ekkert lát á útgáfunni,
því þær ættu nóg af lögum til að
gefa út.
Dægurlaga-
keppni kven-
félagsins aldrei
eins vinsæl
Sauðárkróki. Morgunblaðið.
GUNNAR I. Birgisson, oddviti
sjálfstæðismanna í Kópavogi,
greindi frá því í ræðu sinni, þegar
stefnuskrá flokksins var kynnt í
gær, að þegar hafi verið ákveðið að
taka í notkun nýtt vatnsból í Vatns-
endalandi Kópavogsbúa. „Um leið
tryggjum við okkur umtalsvert
ódýrara vatn og raunhæft er að
lækka fasteignagjöldin talsvert með
lægri vatnsskatti,“ sagði Gunnar.
Hann sagði í samtali við Morg-
unblaðið að um væri að ræða 40–
50% lækkun á vatnsskatti fyrir
Kópavogsbúa með því að þeir eign-
uðust eigin vatnsveitu í stað þess að
kaupa vatn af Reykjavíkurborg.
Sagði hann að með eigin vatnsveitu
ætti vatnsskatturinn að lækka úr
0,19% í 0,12% af fasteignamati
íbúða.
Vatnsskatt-
ur lækkaður
í Kópavogi
LÖGREGLAN í Kópavogi þurfti að
hafa afskipti af stórum hópi ung-
linga, sem hafði safnast saman við
Hlíðagarð í Lindarhvammi, í fyrra-
kvöld og nótt.
Nokkur fyrirgangur var í hópnum
og eitthvað um ölvun en lögregla
hafði ekki frétt af skemmdarverkum
af þeirra völdum. Unglingarnir
munu hafa komið saman í tilefni þess
að samræmdum prófum í grunn-
skóla er lokið. Haft var samband við
foreldra þriggja unglinga sem virtu
ekki útivistartíma.
Þrír ökumenn voru stöðvaðir
grunaðir um ölvun við akstur.
Fyrirgangur
og ölvun hjá
unglingum
♦ ♦ ♦