Morgunblaðið - 11.05.2002, Qupperneq 1

109. TBL. 90. ÁRG. LAUGARDAGUR 11. MAÍ 2002 PRENTSMIÐJA MORGUNBLAÐSINS
STOFNAÐ 1913
MORGUNBLAÐIÐ 11. MAÍ 2002
SJÖ manns fórust og tíu slösuðust
alvarlega í lestarslysi sem varð um
hádegisbilið í gær skammt norður af
London í Bretlandi. Um sjötíu
manns fengu minni háttar áverka.
Slysið átti sér stað við Potters Bar-
lestarstöðina en talið er að þrír af
fjórum vögnum lestarinnar hafi lent
út af spori, með þeim afleiðingum að
sá aftasti endastakkst fram á við og
hafnaði á hlið á brautarpallinum.
Aðstæður á slysstað voru slæmar.
151 farþegi var í lestinni, þar af um
þrjátíu í aftasta vagni lestarinnar,
þeim sem kastaðist fram á við eftir
að hún fór út af sporinu. Voru þeir
sem létust allir í honum. „Aðstæð-
urnar voru eins og ef sprengja hefði
sprungið,“ sagði John Fuller, sem
vitni varð að slysinu.
Lestin var á leið frá Kings Cross í
London til Kings Lynn í Norfolk-
héraði. Sagði lögreglan að svo virtist
sem lestin hefði farið út af sporinu
skömmu áður en hún kom að Potters
Bar-lestarstöðinni. Er talið að lestin
hafi verið á um 160 km hraða þegar
slysið átti sér stað enda átti hún ekki
að hafa viðkomu á Potters Bar.
Stephen Byers samgönguráð-
herra hefur þegar fyrirskipað rann-
sókn á tildrögum slyssins í gær.
Fullyrt var að aðskotahlutur hefði
legið á lestarteinunum og líklega
valdið því, að lestin fór út af sporinu,
en þær fregnir höfðu ekki fengist
staðfestar.
Potters Bar-lestarstöðin er ekki
fjarri Hatfield en þar fórust fjórir
þegar lest fór út af spori í október
2000. Var slæmu viðhaldi lestarteina
kennt um það slys. Lestarslys hafa
verið býsna tíð í Bretlandi á undan-
förnum árum. Þannig fórst 31 maður
í árekstri tveggja lesta í október
1999 við Paddington-lestarstöðina í
London og sjö fórust í öðru slysi á
svipuðum slóðum í september 1997.
Reuters
Björgunarmenn á slysstaðnum í gær. Aftasti vagn lestarinnar hafnaði skáhallt á hlið á brautarpallinum.
Sjö fórust í lestar-
slysi í útjaðri London
London. AFP.
ÍSRAELSKI herinn dró sig í gær
frá Betlehem en fyrr um daginn
hafði tekist að binda enda á umsátur
ísraelskra hermanna við Fæðingar-
kirkjuna, þar sem á annað hundrað
Palestínumenn hefur hafst við und-
anfarnar sex vikur. Ísraelar héldu
áfram að draga saman lið í nágrenni
Gaza-svæðisins en óttast er að þeir
hyggist efna til hernaðaraðgerða þar
til að hefna sjálfsmorðsárásar suður
af Tel Aviv á þriðjudagskvöld. Fjöl-
miðlar í Ísrael sögðu þó að Binyamin
Ben-Eliezer varnarmálaráðherra
hefði ákveðið að skjóta aðgerðunum
á frest vegna þess að upplýsingar um
eðli þeirra og umfang hefðu lekið út.
Þrjátíu og níu palestínskir byssu-
menn voru í hópi þeirra sem í gær yf-
irgáfu Fæðingarkirkjuna í Betle-
hem. Samkomulagið um endalok
umsátursins fól í sér að þeir færu í
útlegð, og fóru þrettán þeirra rak-
leiðis til Kýpur. Þar verða þeir uns
ákvörðun hefur verið tekin um hvaða
lönd taki við þeim en Ítalía, Spánn,
Austurríki, Grikkland, Írland, Lúx-
emborg og Kanada hafa verið nefnd í
því sambandi. Shimon Peres, utan-
ríkisráðherra Ísraels, sagði hins veg-
ar að Ísraelar áskildu sér rétt til að
krefjast framsals mannanna.
Óhrein en ekki skemmd
Tuttugu og sex Palestínumenn,
sem einnig voru eftirlýstir af Ísr-
aelum, fóru hins vegar til Gaza og
var þeim þar fagnað sem hetjum og
sagði yfirmaður í öryggissveitum
Palestínumanna að þeir yrðu hvorki
handteknir né dregnir fyrir dóm.
Kirkjuleiðtogar og blaðamenn
sem fengu að fara inn í Fæðingar-
kirkjuna í gær sögðu hana
óskemmda en mjög óhreina eftir
fimm vikna umsátur. Yasser Arafat,
leiðtogi Palestínumanna, sagði sam-
komulagið í gær „mikilvægt skref“
og í sama streng tók George W.
Bush Bandaríkjaforseti.
Arafat var spurður um líkurnar á
því að Ísraelar létu senn til skarar
skríða á Gazasvæðinu og sakaði
hann þá Ísraelsstjórn um að hafa
framið glæpi gegn Palestínumönn-
um. Peres, sem staddur var í Róm,
sagði að ef til hernaðaraðgerða kæmi
á Gazasvæðinu myndi það verða
markmið þeirra að uppræta alla
hryðjuverkastarfsemi.
Ísraelski herinn far-
inn frá Betlehem
Reuters
Hópur Palestínumanna yfirgef-
ur Fæðingarkirkjuna í gær.
Betlehem, Washington, Gaza. AFP, AP.
STJÓRNMÁLAFLOKKAR í Hol-
landi hyggjast ekki nota síðustu dag-
ana fyrir þingkosningarnar á mið-
vikudag til að berjast um stuðning
kjósenda en baráttunni var frestað í
vikunni til að heiðra minningu Pim
Fortuyins. Hann var myrtur á mánu-
dag og var útförin gerð í gær í Rott-
erdam að viðstöddu fjölmenni.
Öfgafullur dýraverndunarsinni,
Volkert van der Graaf, er í haldi og
talið að hann sé banamaður leiðtog-
ans en maðurinn var handtekinn á
vettvangi og ýmis gögn þykja benda
til að hann sé sekur.
Síðustu skoðanakannanir fyrir
morðið bentu til þess að hægriflokk-
ur Fortuyns myndi fá 20–25 af 150
sætum á þingi og allt að 18% at-
kvæða. Næst verða birtar niðurstöð-
ur kannana á mánudag.
Flokkur Fortuyns hefur ekki kosið
sér nýjan leiðtoga og nafn Fortuyns
verður á kjörseðlum, ekki er tími til
að útbúa nýja. Til greina kom að
fresta kosningunum vegna atburðar-
ins en Wim Kok forsætisráðherra
ákvað eftir samráð við liðsmenn
Fortuyns og aðra að gera það ekki.
Kosninga-
baráttu lok-
ið í Hollandi
Haag, Amsterdam. AFP, AP.

Þúsundir/26
DANSKA ríkið og sveitarfélögin
hafa ekki lengur efni á að standa
ein undir heimilishjálp við aldrað
fólk. Vegna þess hefur verið ákveð-
ið að gera tilraun í Kaupmannahöfn
með nýtt fyrirkomulag, sem felst í
því, að sjálfboðaliðar annist þetta
starf í samvinnu við launað starfs-
fólk. Þá er hugmyndin einnig sú, að
aldrað fólk, sem er við góða heilsu,
hjálpi því, sem er sjúkt.
Henriette Kjær, félagsmálaráð-
herra Danmerkur, vonast til, að
þetta fyrirkomulag verði tekið upp
um alla Danmörk.
„Sjálfboðaliði, sem þiggur engin
laun en vinnur verkið vegna þess,
að hann hefur áhuga á því, mun
veita öldruðu fólki alveg nýja ör-
yggistilfinningu. Staðreyndin er
líka sú, að þótt við ættum fúlgur
fjár, gætum við ekki útvegað reynt
fólk eða menntað í þessari grein,“
sagði Kjær. Þetta kom fram í Berl-
ingske Tidende í gær.
Inger Marie Bruun-Vierø, sem
fer með heilbrigðismál í borg-
arstjórninni í Kaupmannahöfn, seg-
ir, að sjálfboðaliðarnir eigi að létta
undir með fagfólkinu svo það geti
einbeitt sér að aðhlynningu og þrif-
um.
„Það er skortur á vinnuafli í þess-
ari grein og hið opinbera ræður
ekki lengur við þessa þjónustu eitt
og sér,“ segir Bruun-Vierø og hún
neitar því, að þessi nýja hugmynd
sé bein afleiðing af niðurskurði á
þessu sviði.
Hugmyndin er, að sjálfboðalið-
arnir aðstoði fólkið við að matast,
lesi fyrir það upp úr blöðunum og
fylgi því til dæmis í kirkju en fyrst
og fremst eiga þeir að gefa sér tíma
til að ræða við fólkið og vera því fé-
lagar. Er fyrirmyndin að sumu leyti
sótt til Bandaríkjanna.
Heimilis-
hjálp verði
að hluta
sjálfboða-
starf ELLEFU meðlimir fram-kvæmdastjórnar Alþjóðaknatt-
spyrnusambandsins (FIFA)
hafa höfðað mál fyrir sviss-
neskum dómstólum á hendur
Sepp Blatter, forseta sam-
bandsins. Þeir telja Blatter
hafa brotið lög og saka þeir
hann m.a. um að hafa notað
fjármuni FIFA til að kaupa sér
atkvæði vegna forsetakjörs
FIFA, sem fram fer 29. maí
nk.
Lennart Johansson, forseti
Knattspyrnusambands Evrópu
(UEFA), er í fararbroddi ell-
efumenninganna ásamt Issa
Hayatou frá Kamerún, forseta
Afríska knattspyrnusambands-
ins, en Hayatou hefur tilkynnt
mótframboð sitt gegn Blatter.
Málshöfðunina byggja Jo-
hansson og félagar á skýrslu
um fjármál FIFA sem fram-
kvæmdastjóri sambandsins,
Michel Zen-Ruffinen, sendi frá
sér í síðustu viku. Blatter vísar
sem fyrr öllum ásökunum um
fjármálamisferli á bug og segir
að verið sé að reyna að bola sér
úr embætti með öllum ráðum.
Höfða
mál á
hendur
Blatter
París. AFP.