Morgunblaðið - 11.05.2002, Blaðsíða 17

Kópavogsbúar
í hátíðarskapi!
Opið hús í nýjum húsakynnum
Bókasafns Kópavogs og Náttúrufræðistofu
Bókasafn Kópavogs og Náttúrufræðistofa taka til starfa í dag, á 47. afmælisdegi
Kópavogskaupstaðar, í nýjum og glæsilegum húsakynnum að Hamraborg 6a.
Þar með er síðasti áfangi Menningarmiðstöðvar Kópavogs tekinn í notkun. Af
því tilefni er Kópavogsbúum og öðrum áhugasömum boðið í opið hús í dag,
laugardag kl. 16-18 og á morgun, sunnudag kl. 13-17. Þar gefst tækifæri til þess
að kynna sér hina nýju aðstöðu undir sérstakri leiðsögn starfsmanna.
Í menningarmiðstöðinni eru bókasafnið og náttúrugripasafnið með sameigin-
lega afgreiðslu og aðstöðu að hluta til. Afgreiðslutími beggja verður sá sami
og sérstök athygli er vakin á þeirri nýjung að opið verður um helgar allt árið
um kring.
Bókasafnið
verður starfrækt á um 1.400 fermetrum. Á jarðhæð, sem deilt er með
Náttúrufræðistofu, eru bækur, tímarit, myndbönd og margmiðlunarefni
um náttúrufræði og raunvísindi auk lesaðstöðu og fjölnotasalar fyrir
fyrirlestra, leshringi o.fl. Á miðhæð er aðalþjónustudeild og bókakostur
safnsins ásamt tölvum sem eru sítengdar Netinu og ætlaðar gestum
safnsins til afnota. Á efstu hæð er meðal annars barnadeild safnsins og
efni sem tengist tónlist, myndlist, leiklist o.fl. Bæjarbókavörður er Hrafn
Harðarson.
Náttúrufræðistofa
starfrækir meðal annars sérstaka sýningardeild með safni náttúrugripa.
Þar er m.a. að finna einstakt safn lindýra, skelja, kuðunga og smokkdýra,
mikið úrval uppstoppaðra fugla og annarra dýra, yfirgripsmikið safn
steina og bergtegunda, safn lifandi fiska o.m.fl. Að auki rekur Náttúru-
fræðistofa sérstaka rannsóknadeild og ráðgjafarþjónustu á sviði vatnalíf-
fræði. Forstöðumaður Náttúrufræðistofu er Hilmar Malmquist.
Opið:
Mánudaga - fimmtudaga kl. 10-21, á föstudögum kl. 11-17
og um helgar kl. 13-17.
KÓPAVOGSBÆR
Bókasafn Kópavogs Náttúrufræðistofa Tónlistarskóli Kópavogs Salurinn Gerðarsafn
A
B
X
/
S
ÍA