Morgunblaðið - 01.06.2002, Side 6

FRÉTTIR
6 LAUGARDAGUR 1. JÚNÍ 2002 MORGUNBLAÐIÐ
LÚÐVÍK Bergvinsson, oddviti Vest-
mannaeyjalistans, gagnrýnir full-
trúa Framsóknarflokks og óháðra í
bænum harðlega og segir að þeir
verði að breyta áherslum sínum svo
að von sé til þess að nýr meirihluti
þessara flokka geti orðið að veru-
leika. Framsóknarflokkurinn hefur
hafnað formlegum viðræðum við
Vestmannaeyjalistann en leitaði eft-
ir óformlegum þreifingum.
„Í þeim hafa komið fram kröfur
sem endurspegla í engu styrkleika-
hlutföll flokkanna, þvert á móti. Það
er mat fulltrúa Vestmannaeyjalist-
ans að gott samstarf byggist á því að
allir standi sæmilega sáttir upp frá
samningaborðinu,“ segir Lúðvík,
sem telur að slíkt hafi ekki átt sér
stað í þreifingum listanna. „Fram-
sóknarflokkurinn hefur að mínu
mati verðlagt sig út af borðinu í bili.
Meirihlutaviðræður verða að vera
annað en uppboðsmarkaður.“
Í kosningunum um helgina fékk
Vestmannaeyjalistinn þrjá bæjar-
fulltrúa og Framsóknarflokkur fékk
einn. Framsóknarflokkurinn stóð að
Vestmannaeyjalistanum með Al-
þýðuflokki og Alþýðubandalagi 1998,
en þá fékk listinn þrjá fulltrúa og
Sjálfstæðisflokkurinn fjóra. Sjálf-
stæðisflokkur fékk hins vegar þrjá
bæjarfulltrúa nú, missti einn og þar
með meirihluta sinn. Lúðvík segir að
í sínum huga séu bæjarstjórnarkosn-
ingar ekki í þágu flokka eða ein-
stakra manna heldur sé flokkum
skylt að takast á við það verkefni að
mynda öflugan meirihluta með hags-
muni bæjarbúa að leiðarljósi. „Það
er mín skoðun að þau sjónarmið hafi
ekki verið í fyrirrúmi af hálfu fram-
sóknarmanna. Það hefur einnig
komið fram í fjölmiðlum að þing-
menn Framsóknarflokksins á Suð-
urlandi eru áhrifamiklir í áherslum
flokksins í þessum viðræðum.“
Spurður hvort Vestmannaeyjalist-
inn hefði slitið viðræðum við Fram-
sóknarflokk og óháða sagði Lúðvík
að svo væri ekki en að framsóknar-
menn yrðu að breyta sínum
áherslum ef af frekari viðræðum
ætti að geta orðið. „Það hefur aldrei
áður gerst í bæjarstjórn Vestmanna-
eyja að vinstri- og hægrimenn hafi
unnið saman, það er óþekkt. Fram-
sóknarmenn meta því oddastöðu
sína mjög háu verði, svo ekki sé
dýpra í árinni tekið.“
Spurður hvort Vestmannaeyjalist-
inn hefði átt í viðræðum við Sjálf-
stæðisflokkinn sagði Lúðvík að eina
sem hann gæti sagt væri að bæjar-
fulltrúum bæri skylda til þess að
finna starfhæfan og traustan meiri-
hluta. „Það er ljóst að tíminn frá
kosningum hefur ekki verið vel nýtt-
ur. Það veit hins vegar enginn hvað
framtíðin ber í skauti sér,“ sagði
Lúðvík.
D-listi ræðir við
fulltrúa V- og B-lista
Andrés Sigmundsson, fyrsti mað-
ur á lista Framsóknarflokks, vildi
ekki tjá sig um mögulega meirihluta-
myndun Framsóknarflokks og D-
eða V-lista þegar Morgunblaðið leit-
aði eftir því í gær. Andrés sagði
nauðsynlegt að ná lendingu í málinu
en vildi að öðru leyti ekkert gefa upp
um gang viðræðnanna.
Guðjón Hjörleifsson, fráfarandi
bæjarstjóri og fyrsti maður á lista
Sjálfstæðisflokks, segir ljóst að
Sjálfstæðisflokkur muni taka af
skarið í ljósi þess að töluvert vanti
upp á í viðræðum Framsóknarflokks
og Vestmannaeyjalista. D-listi ætlar
að ræða bæði við V- og B-lista um
mögulegt samstarf.
„Þó að við höfum sagt að við ætl-
uðum að leggja meirihlutann undir
þarf að reyna að mynda starfhæfan
meirihluta. Ég á von á því að áður en
laugardagur er að kveldi kominn
verði búið að ræða við báða aðila,“
segir Guðjón.
Oddviti Vestmannaeyjalistans
Gagnrýnir fram-
sóknarmenn
ÞRÍR karlmenn voru í gær
dæmdir í tveggja ára fangelsi
fyrir fjársvik, en þeir reyndu að
innleysa 36 fölsuð húsbréf,
samtals að söluandvirði rúmar
44 milljónir króna. Hafði þeim
tekist að fá rúmlega 24,5 millj-
ónir króna lagðar inn á banka-
reikninga sína þegar þeir voru
handteknir. Samtals höfðu þeir
falsað 116 húsbréf, öll að nafn-
virði 1 milljón króna.
Þeir Atli Örn Sævarsson,
Brynjar Tómasson og Davíð
Örn Vignisson játuðu allir brot
sín hreinskilnislega og var það
virt þeim til refsilækkunar. Þá
hafði enginn þeirra áður gerst
brotlegur við almenn hegning-
arlög.
Í niðurstöðu dómsins segir
Guðjón Marteinsson héraðs-
dómari að skipulagning og
framkvæmd brota mannanna
beri vott um styrkan brotavilja
þeirra og að þeir frömdu brot
sín í sameiningu. Brotin hafi
beinst að húsnæðislánakerfi
landsmanna og þannig varðað
mjög mikilvæga hagsmuni. Allt
er það virt til refsiþyngingar og
þóttu ekki efni til að skilorðs-
binda dómana. Guðjón Magn-
ússon flutti málið f.h. lögreglu-
stjórans í Reykjavík. Hilmar
Ingimundarson hrl., Smári
Hilmarsson hdl. og Jón Hösk-
uldsson hdl. voru til varnar.
Húsbréfa-
falsarar í
tveggja ára
fangelsi
KJÓLAR frá ítalska tískuframleið-
andanum La Perla verða notaðir á
hárgreiðslusýningu sem fram fer
á Broadway á sunnudag í
tengslum við norræna ráðstefnu
Intercoiffure sem haldin er í
Reykjavík um helgina. Kjólarnir
eru fimmtán talsins og koma hing-
að með sérstakri hraðsendingu en
þeir eru allir hannaðir af Stein-
unni Sigurðardóttur, aðalhönnuði
hjá La Perla á Ítalíu.
Steinunn hefur starfað sem að-
alhönnuður fatalínu La Perla í
Bologna undanfarið ár en fyr-
irtækið, sem er rúmlega fimmtíu
ára gamalt og einn af stærstu
nærfataframleiðendum í heim-
inum, er nú í fyrsta sinn að brjóta
sér leið inn á fatamarkaðinn með
línu sem Steinunn hannar.
Steinunn á langan feril að baki
sem fatahönnuður í Bandaríkj-
unum og á Ítalíu og hefur starfað
fyrir tískuhús á borð við Calvin
Klein, Ralph Lauren, Gucci og nú
síðast La Perla.
„Þetta er fjölskyldufyrirtæki og
mjög ólíkt stórum samsteypufyr-
irtækjum. Hér er mjög vinalegt
umhverfi,“ segir Steinunn um
starf sitt hjá La Perla. Fyrirtækið
hefur verið í eigu sömu fjölskyld-
unnar frá upphafi en eigandi þess
er hinn 66 ára gamli dr. Alberto
Mazotti. Að sögn Steinunnar er
fatalína La Perla fyrst og fremst á
sviði kvenfatnaðar en verið er að
gera prófanir með karlmannsföt
einnig.
Fötin sem hingað koma eru úr
vorlínu 2002 og eru unnin út frá
sömu hugmynd og korselett, að
sögn Steinunnar.
„Saumarnir, uppbyggingin og
smáatriðin byggist allt á korselett-
um. Kjólarnir eru til dæmis korse-
lettkjólar jafnvel þótt sumir séu úr
hálfgerðu gallaefni,“ segir hún.
Steinunn lánar fötin hingað til
lands meðan á ráðstefnu Int-
ercoiffure stendur. Sýndur verður
dagkæðnaður, veislu- og kvöld-
klæðnaður.
Að sögn Steinunnar er und-
irbúningur í fullum gangi fyrir
haustsýningu La Perla í Mílanó í
september þar sem sýnd verða föt
úr sumarlínu 2003.
Steinunn Sigurðardóttir, aðalhönnuður hjá ítalska fyrirtækinu La Perla
Lánar kjóla á
hártískusýningu
hingað til lands
Morgunblaðið/Ásdís
Steinunn Sigurðardóttir, aðal-
hönnuður hjá La Perla.
First view
Rússneska fyrirsætan Karolina
Kurkova í korselett-kjól.
First view
Kvöldkjóll frá La Perla. Kjóllinn
kostar 220 þúsund krónur.
ÚTHAFSKARFAVEIÐIN á
Reykjaneshrygg hefur gengið
mjög vel það sem af er, en íslensku
skipin hófu þar veiðar í lok síðasta
mánaðar. Að sögn Eiríks Ragn-
arssonar, skipstjóra á frystitogar-
anum Helgu Maríu AK, hafa afla-
brögðin daprast töluvert á allra
síðustu dögum. Íslenskum skipum
er heimilt að veiða samtals 45 þús-
und tonn af úthafskarfa á þessu
ári.
„Við erum að fá um eitt tonn og
upp í eitt og hálft tonn á togtímann
að jafnaði ,“ sagði Eiríkur í samtali
við Morgunblaðið. Hann var þá að
veiðum um 25 sjómílur innan land-
helginnar, en sagði mikinn flota er-
lendra skipa á veiðum við land-
helgislínuna, sennilega um 50 skip.
„Annars hefur úthafskarfavertíðin
verið mjög góð fram til þessa og ég
gæti trúað að margir væru þegar
komnir langt með þann kvóta sem
þeim var úthlutað. Þó að afla-
brögðin séu dræm í augnablikinu
er enginn farinn að örvænta. Á síð-
asta ári hófust úthafskarfaveiðarn-
ar ekki fyrr en að loknu sjómanna-
verkfallinu um miðjan maí og varla
hægt að tala um fiskirí fyrr en kom
að sjómannadegi. Þegar skipin síð-
an komu aftur út eftir sjómanna-
dag í fyrra var hörkuveiði allan
júnímánuð og fram í júlí. Vertíð-
inni er því langt í frá lokið. Senni-
lega tekur karfinn sér bara frí á
sjómannadaginn eins og við sjó-
mennirnir.“
Náum að veiða kvótann
Skipunum hafði fækkað nokkuð
á úthafskarfamiðunum í gær, enda
mörg þeirra þegar komin í land
vegna sjómannadagsins á sunnu-
dag. Talið er að tvo ólíka karfa-
stofna sé að finna á Reykjanes-
hrygg og eru veiðarnar svæðis-
bundnar til að aðskilja veiðar úr
stofnunum og er veiðunum þannig
skipt milli tveggja svæða. Annað
tekur einkum mið af fiskveiðilög-
sögunni, en karfi sem veiðist á því
svæði telst til þess stofns sem áður
var kallaður neðri stofninn og
veiðist að jafnaði neðan 500 metra
dýpis. „Við höfum fengið mjög fal-
legan og góðan karfa, en okkur
þykir verðið á honum heldur lágt á
þessari vertíð. Þessi karfi er mjög
svipaður karfanum sem við fáum í
djúpköntunum á heimamiðum,
enda eru menn ekki á einu máli um
hvort hér sé um sama stofninn að
ræða eða ekki. Við erum langt
komnir með kvóta okkar á þessu
tiltekna svæði, en förum síðan inn í
grænlensku lögsöguna og klárum
vertíðina þar. Ég hef engar
áhyggjur af öðru, en að við náum
að veiða allan okkar kvóta,“ sagði
Eiríkur.
Karfinn
tekur sér
frí eins og
sjómenn
Morgunblaðið/Þorgeir Baldursson
Úthafskarfaveiðin hefur gengið mjög vel í vor, þótt dregið hafi úr síð-
ustu daga. Hér er búið að taka vænt karfahal um borð í Sléttbak EA.