Morgunblaðið - 07.06.2002, Page 4
FRÉTTIR
4 FÖSTUDAGUR 7. JÚNÍ 2002 MORGUNBLAÐIÐ
SÍÐDEGIS á miðvikudag tók sum-
arið loks við sér og var frábær-
lega fallegt veður við Mývatn með
hita um 20°C. Birkiskógarnir eru
að laufgast og tilveran öll hefur
tekið stökk inn í sumarið, á einni
nóttu. Ferðamönnum fjölgar með
hverjum degi og stóra toppfluga
dansar um alla sveit og bíður sil-
ungi sem og andfuglum ljúffengan
málsverð.
Við útibú KÞ í Reykjahlíð, sem
brátt mun heyra sögunni til, voru
þau í kvöldsólinni hjónakornin Ke-
vin og Wanda Macpherson frá Ta-
os í Nýju Mexíkó. Þau höfðu reist
þar trönur sínar og máluðu kvöld-
sólina af kappi. Aðspurð sögðust
þau á tveggja vikna ferð um Ís-
land með hópi myndlistarmanna.
Morgunblaðið/BFH
Kvöldsólin við Mývatn gaf hjónunum Kevin og Wöndu Macpherson til-
efni til að festa augnablikið á striga.
Tilveran tók
stökk inn í
sumarið
SALA áskrifta að sjónvarpsstöð-
inni Sýn í júnímánuði hefur hefur
farið fram úr væntingum, að sögn
Hermanns Hermannssonar, for-
stöðumanns Sýnar. Stöðin sýnir,
ásamt Stöð 2, alla leiki heimsmeist-
arakeppninnar í knattspyrnu og
Hermann sagðist í samtali við
Morgunblaðið í gær vera afar
ánægður með viðbrögðin til þessa.
„Í júní í fyrra seldum við um 18
þúsund áskriftir. Ég þótti bjart-
sýnn þegar ég sagðist stefna á 25
þúsund áskriftir í þessum mánuði
en nú er þeirri tölu náð og ég er viss
um að þær fara nálægt 30 þúsund-
um. Við höfum fengið mjög sterk
viðbrögð á útsendingar okkar frá
HM, enda höfum við endursýnt
leikina á daginn og kvöldin, verið
með sérstakan þátt um keppnina á
kvöldin, 4-4-2, með vinsælum þátta-
stjórnendum, sem virðist höfða til
fleiri en knattspyrnuáhugamanna,
og við höfum sýnt hvað hægt er að
gera með því að leggja nánast heila
stöð undir svona keppni,“ sagði
Hermann.
Leikir heimsmeistarakeppninnar
hafa til þessa allir verið sýndir á
Sýn. Í næstu viku verða átta leikir
sýndir á Stöð 2 þar sem þá fara
jafnan fram tveir leikir á sama tíma
í sama riðli. Opnunarleikur keppn-
innar var sýndur í opinni dagskrá,
og sama gildir um undanúrslitaleik-
ina og úrslitaleik keppninnar, sam-
kvæmt reglum Alþjóðaknatt-
spyrnusambandsins, en allir hinir
leikirnir, 61 talsins, eru sýndir í
læstri dagskrá á Sýn og Stöð 2.
Yfir 25 þús-
und áskriftir
að Sýn í júní
VIKULEGT áætlunarflug á
milli Düsseldorf og Egilsstaða
hefst þegar Airbus-farþegaþota
þýska flugfélagsins LTU lendir á
Egilsstaðaflugvelli í kvöld. Þetta
er í fyrsta sinn sem erlent flug-
félag hefur áætlunarflug til Eg-
ilsstaðaflugvallar. Miklar vænt-
ingar eru bundnar við að ný leið
með flugi til Íslands auki fjöl-
breytni ferðaþjónustu og bæti
samkeppnisaðstöðu landsins.
Áætlunarflug LTU til Egilsstaða
er sameiginlegt verkefni Þróunar-
stofu Austurlands, Terra Nova-Sólar,
sem er umboðsaðili LTU á Íslandi, og
Ferðaskrifstofu Austurlands. Það
hefur verið þrjú ár í undirbúningi. Í
vetur sem leið var undirritaður samn-
ingur milli LTU, Ferðamálaráðs,
Ferðaskrifstofu Austurlands, Mark-
aðsstofu Austurlands, Ferðamála-
samtaka Austurlands, Þróunarstofu
Austurlands og Terra Nova-Sólar,
um að þessir aðilar muni í allt að þrjú
ár vinna að því að festa beint flug til
Egilsstaða í sessi.
250 af 500 sætum seld
LTU og Markaðsráð ferðaþjónust-
unnar hafa varið um 20 milljónum
króna til markaðssetningar á Íslandi í
Þýskalandi í tengslum við verkefnið.
Kynningin hófst á síðasta ári og á nú
eftir að meta árangurinn. Fyrstu við-
brögð gefa vísbendingu um að minni-
hluti ferðamanna vilji þó fara til Eg-
ilsstaða, en einnig er millilent í
Keflavík.
Þá hefur flugið verið kynnt vel
á heimamarkaði og athyglinni
einkum beint að Austur- og
Norðurlandi. Ferðaskrifstofa
Austurlands ábyrgðist að selja
500 sæti út og er búin að selja
250 þeirra. Menn vonast þó til að
eftirspurnin taki við sér þegar
fyrsta ferðin hefur verið farin.
Ef ekki tekst að selja í ferðirnar,
gæti flugið hugsanlega lagst af
eftir sumarið. Flogið verður alla
föstudaga í sumar, fram til 30. ágúst.
Með í för nú er m.a. hópur þýskra
blaðamanna sem mun kynna sér Eg-
ilsstaði og nágrenni.
Í kvöld verður móttökuathöfn í
flugstöðinni á Egilsstöðum. Þar verða
m.a. viðstaddir ráðherrar samgöngu-
og utanríkismála, sendiherra Þýska-
lands á Íslandi og fulltrúar LTU, auk
íslenskra aðila sem tengjast verkefn-
inu með einum eða öðrum hætti, svo
sem frá Ferðamálaráði og Flugmála-
stjórn.
Vikulegt áætlunarflug milli Egilsstaða og Düsseldorf
Ný leið með flugi til Íslands
Morgunblaðið/LTU
FRIÐRIK Sophusson, forstjóri
Landsvirkjunar, segir að Landsvirkj-
un muni ekki á síðari stigum hækka
Norðlingaöldustíflu umfram það sem
gert er ráð fyrir í núverandi hönnun
mannvirkisins. Því var haldið fram á
fundi Landverndar um fyrirhugaða
Norðlingaölduveitu í vikunni að óhjá-
kvæmilegt væri að til þess kæmi síð-
ar að lónið yrði hækkað og ráðist í
framkvæmdir við 6. áfanga Kvísla-
veitu.
Friðrik vísar þessu á bug og segir
þetta alrangt.
Haldið fram staðlausum stöfum
,,Það hefur fylgt þessu máli í nokk-
urn tíma, að haldið er fram staðlaus-
um stöfum. Í fyrsta lagi að það sé ver-
ið að sökkva Þjórsárverum þegar það
liggur fyrir að það er aðeins mjög lítill
hluti [lónsins] sem fer inn fyrir frið-
lýsingarmörkin. Í öðru lagi er því
haldið fram að þarna sé Landsvirkjun
aðeins að stinga niður fæti til að byrja
með og ætli á síðari stigum að hækka
stífluna. Það er algerlega út í bláinn.
Stíflan er miðuð við tiltekna hæð
og það er ákvörðun Landsvirkjunar
að fara ekki hærra. Landvirkjun hef-
ur hafnað því að fara hærra vegna
umhverfisáhrifanna. Það liggur fyrir
að stíflan verður ekki hækkuð,“ segir
Friðrik.
Þá segir Friðrik um 6. áfanga
Kvíslaveitu að engin ákvörðun hafi
verið tekin um Kvíslaveitu. ,,Mér
finnst ólíklegt að það verði gert ef
þetta lón, sem nú er búið að hanna og
er miklu minna en þau sem áður hafði
verið talað um, verður að veruleika,“
segir Friðrik.
Friðrik Sophusson, forstjóri Lands-
virkjunar, um Norðlingaöldulón
Stíflan verður
ekki hækkuð á
síðari stigum
HÆSTIRÉTTUR hefur dæmt ís-
lenska ríkið til að greiða manni 100
þúsund krónur í bætur fyrir tjón,
sem hann varð fyrir þegar ferða-
skrifstofan Ístravel, sem hann hafði
keypt ferð hjá, skilaði inn starfsleyfi
sínu og lýsti því yfir að grundvöllur
fyrir rekstrinum væri ekki lengur
fyrir hendi.
Atvik málsins eru þau að maður-
inn keypti 8. ágúst 1996 ferð til
Amsterdam fyrir sig og þrjá aðra hjá
Ístravel. Hann greiddi fyrir það með
tékka að fjárhæð 100 þúsund krónur,
en afganginn með færslu á reikning
sinn hjá greiðslukortafyrirtæki.
Ferðaskrifstofan skilaði starfsleyfi
sínu til samgönguráðuneytis 12.
sama mánaðar og lýsti yfir í frétta-
tilkynningu sama dag að grundvöllur
fyrir rekstri hennar væri ekki lengur
fyrir hendi. Af þessum sökum átti
maðurinn þess ekki kost að nýta
ferðina, sem hann hafði greitt fyrir.
Honum tókst að fá færslu á reikningi
sínum hjá greiðslukortafyrirtækinu
dregna til baka þannig en tapaði
andvirði tékkans.
Maðurinn krafðist þess með bréfi
til samgönguráðuneytis að fá um-
rædda fjárhæð greidda úr sérstakri
tryggingu, sem ferðaskrifstofum bar
að setja vegna starfsemi sinnar og
var ætlað að endurgreiða kostnað við
ferð, sem maður ætti ekki kost á að
nýta vegna gjaldþrots eða rekstrar-
stöðvunar ferðaskrifstofu, og standa
undir útgjöldum við heimflutning
ferðalanga væri ferð ekki lokið þegar
slík staða kæmi upp. Ráðuneytið
hafnaði kröfunni og sagði að trygg-
ingafé ferðaskrifstofunnar hefði ein-
ungis hrokkið fyrir heimflutningi
viðskiptamanna hennar.
Í dómi Hæstiréttar segir, að þrátt
fyrir skýr fyrirmæli reglugerðar um
að lágmarkstrygging skyldi vera 10
milljónir króna hefði samgönguráðu-
neytið ekki krafið ferðaskrifstofuna
um hækkun 6 milljóna króna trygg-
ingar sem félagið hafði sett fyrir
gildistöku reglugerðarinnar.
Kröfur vegna innborgana á ferðir
með Ístravel sem ekki nýttust, og
kostnaður við heimflutning farþega
rúmuðust innan þeirrar tryggingar
sem ráðuneytinu bar að sjá til að fé-
lagið setti. Féllst Hæstiréttur á að
vanræksla ráðuneytisins hefði valdið
manninum tjóni og var krafa hans
samkvæmt því tekin til greina og
ríkinu gert að greiða honum 100 þús-
und krónur, auk málskostnaðar, sem
nam 350 þúsund krónum.
Ríkið greiði tjón
vegna rekstrarþrots
ferðaskrifstofu
AUKIN umferð fólks á far-
artækjum á borð við línuskauta og
hjólabretti á göngustígum Reykja-
víkur hefur orðið til þess að kvört-
unum til lögreglu vegna árekstra á
stígunum hefur fjölgað nokkuð. Að
sögn Þorgríms Guðmundssonar
hjá
Umferðarlögreglunni í Reykja-
vík er um að ræða fólk sem verður
fyrir smáhnjaski á göngustígum
vegna umferðar hjólabretta, línu-
skauta og annarra slíkra far-
artækja og kvartanir vegna sam-
býlis gangandi vegfarenda og
þeirra sem nota hin ýmsu far-
artæki á göngustígunum.
„Menn virða því miður ekki rétt
annarra á þessum stígum, til dæm-
is í Nauthólsvíkinni þar sem búið
er að merkja stíga sérstaklega fyr-
ir gangandi fólk annars vegar og
fólk á skautum, brettum og hjólum
hins vegar, segir Þorgrímur.“
Þorgrímur segir að alltaf sé eitt-
hvað um að gangandi vegfarendur
verði fyrir ónæði vélknúinna far-
artækja á göngustígum, en slík
umferð er bönnuð samkvæmt um-
ferðarlögum. Nýlega fótbrotnaði
kona þegar vespa ók hana á
göngustíg í í Fossvogi.
Lögreglan sinni þessum málum
en oft geti verið erfitt að ná til
stjórnenda ökutækjanna þar sem
þeir eru gjarnan á bak og burt þeg-
ar lögregla kemur á staðinn. Hins
vegar geti fólk sem verður fyrir
þessu leitað réttar síns með því að
kæra verknaðinn til lögreglu.
Nokkuð um árekstra
á göngustígum
♦ ♦ ♦