Morgunblaðið - 07.06.2002, Page 22
HÖFUÐBORGARSVÆÐIÐ
22 FÖSTUDAGUR 7. JÚNÍ 2002 MORGUNBLAÐIÐ
SUÐURNES
VARNARLIÐIÐ á Keflavíkurflug-
velli og Reykjanesbær hafa gert með
sér samning um gagnkvæman að-
gang íþróttamannvirkja á stöðunum.
Dean M. Kiyohara yfirmaður varnar-
liðsins og Ellert Eiríksson bæjar-
stjóri undirrituðu samninginn.
Samningurinn er gerður í fram-
haldi af vináttusamningi varnarliðsins
og Reykjanesbæjar frá því í ágúst á
síðasta ári. Þar var meðal annars
kveðið á um aukin samskipti á sviði
íþrótta. Samningurinn felur í sér end-
urgjaldslaus afnot íþróttafólks úr
Reykjanesbæ að íþróttaaðstöðu á
Keflavíkurflugvelli og sams konar af-
not hermanna af vellinum af mann-
virkjum Reykjanesbæjar.
Stefán Bjarkason íþrótta- og tóm-
stundafulltrúi Reykjanesbæjar segir
að íþróttafólk hafi notað aðstöðuna á
Keflavíkurflugvelli töluvert, meðal
annars 25 metra innisundlaug og
keilusal. Komi það sér vel, því þessa
aðstöðu vanti í Reykjanesbæ. Vonast
hann til að auðveldara verði fyrir
íþróttafólkið að nota sér aðstöðu þeg-
ar slíkur samningur liggur fyrir. Þá
segir hann að varnarliðsmenn hafi
fengið afnot af Reykjaneshöllinni,
meðal annars til að æfa hafnabolta.
Þeir noti að vísu tennisbolta en geti
æft sveifluna og ýmis atriði leiksins.
Nú séu þessi samskipti komin í fastari
skorður. Segist Stefán ekki vita ann-
að en að þetta sé eini samningur sinn-
ar tegundar í heiminum, milli her-
stöðvar og bæjarfélags.
Ljósmynd/Hilmar Bragi Bárðarson
Dean M. Kiyohara fékk Ellert Eiríksson, fráfarandi bæjarstjóra, til að
rita nafn sitt á amerískan fótbolta, til minningar um vináttusamninga.
Samið um gagn-
kvæm afnot
íþróttamannvirkja
Reykjanesbær/Flugvöllur
MIKIÐ var um dýrðir og ekki
skemmdi veðrið fyrir þegar for-
eldrafélög leikskólanna í Grindavík
héldu sameiginlega vorhátíð.
Á hátíðinni var boðið upp á and-
litsmálun, trampólín, hoppukastala,
grillaðar pylsur, og fleira sem þyk-
ir hæfa á slíkum hátíðum.
Margrét Erlingsdóttir er í for-
eldrafélagi leikskólans við Dal-
braut og hafði nóg að gera í andlits-
málun. „Við erum afskaplega
heppin með veður og það skemmir
ekki fyrir gleðinni. Þetta er fyrsta
sameiginlega verkefnið okkar á
þessum tveimur leikskólum. Við er-
um ákveðin í að gera þetta að ár-
legum viðburði enda mikilvægt að
börnin kynnist. Hér er margt fólk
en næst þurfum við að vera á af-
girtu svæði því þessi staður hér fyr-
ir sunnan íþróttahúsið er of opinn
þó skjólgóður sé í dag,“ sagði Mar-
grét.
Morgunblaðið/Garðar Páll Vignisson
Sameiginleg
vorgleði
Grindavík
ÁÆTLAÐUR kostnaður við stækk-
un og endurbætur á Hótel Esju er
um tveir milljarðar króna en fram-
kvæmdir við hótelið standa nú yfir.
Tvö þúsund fermetra ráðstefnusalur,
forsetasvíta og 1000 fermetra heilsu-
rækt verða meðal nýjunga á hótelinu.
Það eru Þyrping og Flugleiðahótel
hf. sem standa að byggingunni en
seinna fyrirtækið er hlutafélag í eigu
Flugleiða og rekur 22 hótel um land
allt. Að sögn Kára Kárasonar, fram-
kvæmdastjóra Flugleiðahótela, bæt-
ast 112 herbergi við herbergjafjölda
hússins. „Í dag erum við með 172 her-
bergi og ætlum að byggja 126 ný her-
bergi. Á móti kemur að við þurfum að
rífa niður hótelherbergi í núverandi
húsi vegna breytinga þannig að við
verðum með 284 herbergi þegar hót-
elið er tilbúið. Það er þá orðið lang-
stærsta hótel landsins.“
Alls verða 25 svítur í hótelinu eftir
breytingarnar en 23 þeirra verða
svokallaðar mínísvítur. „Það eru 30
fermetra herbergi á níundu hæðinni
sem verða mjög glæsileg með frá-
bæru útsýni yfir allan Laugardalinn,
Faxaflóann og allan bæinn. Síðan er-
um við með tvær aðrar svítur. Önnur
verður 50 fermetrar á áttundu hæð-
inni sem einnig snýr fram í Laugar-
dalinn og svo verðum við með það
sem við köllum forsetasvítu. Sú verð-
ur 110 fermetrar á 9. hæðinni og
einkar glæsileg.“
Kári segir hótelið meira en tvöfald-
ast að stærð með nýju byggingunni
þar sem töluverð önnur aðstaða verð-
ur byggð í húsinu. Er þar fyrst að
nefna ráðstefnuaðstöðuna sem verð-
ur um 2000 fermetrar að flatarmáli.
„Ráðstefnusalurinn verður geysi-
lega stór eða 23 sinnum 23 metrar að
flatarmáli og með fimm metra loft-
hæð þannig að þetta verður einn
glæsilegasti ráðstefnu- og veislusalur
landsins. Þarna komum við á eitt gólf
450–480 manns í mat en 600 manns í
ráðstefnuuppstillingu þar sem eru
bara sæti. Í dag er hægt að taka 1000
manns í Háskólabíó en sem sérútbú-
inn ráðstefnusalur þá verður þessi
salur langstærstur.“ Kári bætir því
við að allur tækjabúnaður í salnum
verði eins og best verður á kosið.
Þá verður 1000 fermetra heilsuað-
staða byggð í húsinu þar sem að sögn
Kára verður lögð áhersla á svokall-
aðar Spa-meðferðir og vellíðan. Með-
al annars verða tíu meðferðar- og
nuddherbergi í þeirri aðstöðu. Segir
Kári að með þessu eigi að höfða til
þess hóps sem vilji blanda saman
borgarferð og heilsuferð.
Eldri hluti hótelsins verður einnig
tekinn í gegn. „Við munum taka alla
jarðhæðina, rífa þar allt niður og
gera hana upp á nýtt. Þannig end-
urbyggjum við móttökuna, veitinga-
staðinn og barinn auk þess sem við
munum taka allar lyftur og her-
bergjaganga í húsinu í gegn. Her-
bergin sjálf í núverandi álmu verða
síðan endurnýjuð á nokkurra ára
tímabili. Breytingin verður hins veg-
ar þannig að þegar komið er inn í
húsið er eins og það sé allt nýtt.“
„Ekki áhættulaust“
Hótelinu verður lokað í nóvember
næstkomandi vegna endurbótanna
en stefnt er að því að opna það í mars
á næsta ári. Kostnaður við nýbygg-
inguna og breytingarnar á eldra hús-
inu er samtals áætlaður um tveir
milljarðar króna. Húsið sjálft er í
eigu Þyrpingar og að sögn Kára
koma ekki aðrir fjárfestar að verk-
efninu enn sem komið er. „Það gæti
alveg komið til en í bili munu Flug-
leiðahótelin fjármagna sinn hluta og
Þyrping klára sitt. Þyrping fjár-
magnar að stærstum hluta bygg-
inguna sjálfa en við fjármögnum allt
innbú í hótelið sem eru nokkur
hundruð milljónir.“
En hvernig hyggst hótelið standa
undir þessari miklu fjárfestingu?
„Þetta er náttúrlega geysilega metn-
aðarfullt verkefni og auðvitað eru
menn að leggja undir því þetta er
ekki áhættulaust. Hins vegar höfum
við farið vandlega yfir þessar áætl-
anir okkar og það má segja að við
séum að sækja inn á nýja markaði,
ráðstefnu- og hvataferðamarkaðina.“
Hið síðarnefnda er að sögn Kára
ferðir fyrirtækjahópa en mikið er um
að stór fyrirtæki verðlauni starfs-
menn með skemmtiferðum þar sem
vörur fyrirtækjanna eru gjarnan
kynntar í leiðinni.
„Með byggingu þessa hótels verð-
ur Reykjavík fullboðlegur staður fyr-
ir alþjóðlegar ráðstefnur eða fundi.
Það hefur verið kvartað undan því að
það hafi vantað ákveðna aðstöðu í
Reykjavík fyrir betri viðburði en það
má segja að þessi bygging opni alveg
nýjan markað.“
Frumforsenda að
breikka markaðinn
Kári segir mikla markaðssetningu
fylgja þessu, sérstaklega erlendis.
„Það er algjört grundvallaratriði að
stækka kökuna. Við ætlum ekki að
höggva í núverandi markað á Íslandi
heldur sækja á fleiri markaði og þá
sérstaklega þessa markaðshluta sem
eru ráðstefnugestir og hvataferða-
gestir. Það er frumforsenda fyrir
þessu að breikka markaðinn – annars
gengur þetta ekkert upp.“
Hann bendir hins vegar á að erfitt
sé fyrir fyrirtæki á borð við Flug-
leiðahótel að standa eitt að slíkri
markaðssetningu og því sé nauðsyn-
legt að fyrirtæki í ferðaiðnaðinum
standi saman að henni.
„Þess vegna fögnum við því ef tón-
listar- og ráðstefnuhús kæmi til sög-
unnar því þegar fleiri aðilar eru
komnir í markaðssetningu þá styðja
þeir hvern annan. Því fleiri sem eru
að kynna Ísland og Reykjavík, því
betra. Þannig að við lítum ekki á tón-
listar- og ráðstefnuhús sem sam-
keppnisaðila við okkur þrátt fyrir að
við séum með mikið ráðstefnurými
hjá okkur.“
Hann segist hins vegar ekki sjá
fyrir sér að svigrúm verði fyrir bygg-
ingu annarra stórra hótela í Reykja-
vík á næstu árum. „Við erum með
3000 fermetra í ráðstefnu- og heilsu-
aðstöðu og áherslan sem við leggjum
á það þýðir að við erum að byggja
undir okkur markað til að gera okkur
kleyft að auka herbergjamagn í
Reykjavík. Það gengur ekki að lifa af
veturinn með því að byggja herbergi
eingöngu og þess vegna hef ég
ákveðnar efasemdir um að það verði
byggt annað slíkt hótel í bráð.“
Tvö þúsund fermetra
ráðstefnusalur
og forsetasvíta
Svona mun Hótel Esja líta út að framkvæmdunum loknum, en stefnt er að því að taka nýja hótelið í notkun í
mars árið 2003. Hönnuðir viðbyggingarinnar og breytinga eru Teiknistofa arkitekta, arkitektastofan Form +
rými og bandaríska arkitektastofan Arrowstreet í Boston.
Suðurlandsbraut
Húsrými Hótels Esju tvöfaldast við stækkun
byggingarinnar sem unnið er að