Morgunblaðið - 07.06.2002, Blaðsíða 49
FRÉTTIR
MORGUNBLAÐIÐ FÖSTUDAGUR 7. JÚNÍ 2002 49
ATVINNU-
AUGLÝSINGAR
I
I
Deild fyrir einhverfa
nemendur
Menntaskólinn í Kópavogi óskar eftir að ráða
kennara í fullt starf við sérdeild fyrir einhverfa
nemendur. Nauðsynlegt er að kennarinn hafi
sérmenntun í TEACCH-aðferðafræðinni og
reynslu af störfum með einhverfum.
Ráðið er í starfið frá 1. ágúst 2002 og fara
launakjör eftir nýjum kjarasamningi framhalds-
skólakennara. Umsóknarfrestur er til 14. júní.
Frekari upplýsingar veitir skólameistari,
Margrét Friðriksdóttir, í síma 594 4000.
Skólameistari.
R A Ð A U G L Ý S I N G A R
KENNSLA
Tölvunarfræði í alþjóðlegu umhverfi
Nám í tölvunarfræði tekur 3 ár til 90 eininga B.Sc. gráðu í tölvunarfræðum. Lögð er
áhersla á forritun, kerfishönnun, gagnagrunna, stýrikerfi og raunhæf verkefni.
Markmið námsins er að nemendur öðlist þekkingu og færni á eðli og notkun
tölvunarfræða þannig að þeir verði ekki bundnir af takmörkunum dagsins í dag heldur
tilbúnir til að takast á við þarfir framtíðarinnar.
Kennsla fer öll fram á ensku sem eykur hæfni nemenda og undirbýr þá betur undir
störf eða framhaldsnám erlendis.
Forkröfur eru stúdentspróf af raungreinabrautum framhaldsskólanna eða annað nám
sem deildin telur sambærilegt.
Möguleg framtíðarstörf eru t.a.m. stjórnunarstörf í upplýsingatæknifyrirtækjum,
forritun, ráðgjöf og hönnun tölvukerfa. Námið er einnig góður undirbúningur fyrir
framhaldsnám, hvort sem er hérlendis eða erlendis.
Umsóknarfrestur er til 14. júní 2002
Umsóknareyðublöð fást í afgreiðslu Háskólans á Akureyri, Sólborg sími 463 0900 og
á heimasíðu Háskólans: www.unak.is
Nánari upplýsingar veita:
Mark O’Brien deildarforseti, sími 463 0962 netfang: mark@unak.is og
Stefán Jóhann Hreinsson skrifstofustjóri, sími 463 0535 netfang: sjh@unak.is.
VINNUHÓPUR ríkislögreglustjóra
um viðbrögð við áfengisauglýsingum
kemst m.a. að þeirri niðurstöðu að
taka þurfi 20. grein áfengislaganna,
sem kveður á um bann við áfengis-
auglýsingum, til endurskoðunar og
gera ákvæðið ítarlegra, nákvæmara
og ótvíræðara.
Athugað verði hvort brot á bann-
inu eigi að leiða til leyfissviptingar og
skoðað verði hver skuli bera refsi-
ábyrgð á áfengisauglýsingum. Vinnu-
hópurinn skilaði skýrslu sinni í lok
síðasta árs og er hún til athugunar í
dómsmálaráðuneytinu. Skýrslan er
allítarleg og er þar m.a. rakin dóma-
framkvæmd á Íslandi og sambærileg
löggjöf í öðrum löndum.
Í lokaorðum skýrslunnar segir að
áfengisauglýsingar séu taldar
styrkja og viðhalda jákvæðu viðhorfi
til áfengisneyslu og hafa áhrif á það
hvort og hvenær ungt fólk hefur
drykkju. Þar sem bann er við áfeng-
isauglýsingum sé neysla minni og
minna um vandamál sem rekja má til
áfengisdrykkju s.s. ölvunarakstur.
Bann við áfengisauglýsingum hafi
forvarnargildi.
Í 20. grein áfengislaga eru hvers
konar áfengisauglýsingar bannaðar.
Í 3. málsgrein laganna segir þó að
framleiðanda, sem auk áfengis fram-
leiðir aðrar drykkjarvörur, sé heimilt
að nota firmanafn eða merki í
tengslum við auglýsingu þeirra
drykkja, „enda megi augljóst vera að
um óáfenga drykki sé að ræða“ og
ekki sé vísað til hinnar áfengu fram-
leiðslu.
Vinnuhópurinn er þeirrar skoðun-
ar að þetta ákvæði sé þannig úr garði
gert að hætt sé við að auglýsendur
freistist til að komast fram hjá bann-
inu í skjóli þess. Algengasti mótleik-
ur auglýsenda við auglýsingabanninu
sé að láta eina vöru auglýsa aðra.
Láta líta svo út sem verið sé að aug-
lýsa drykk, sem heimilt er að aug-
lýsa, en í raun og veru sé verið að
auglýsa áfengi. Virðist sem auglýs-
endur eyði mikilli orku og fjármunum
til þess að finna leiðir til að sniðganga
lögin og séu lögfræðingar ráðnir til
að unnt sé að auglýsa áfengi án þess
að það leiði til saksóknar. Einn ís-
lenskur framleiðandi hafi t.a.m. hafið
framleiðslu á óáfengum bjór í sams
konar umbúðum og þekkjast fyrir
áfengan bjór, að því er virðist ein-
göngu til þess að geta auglýst áfenga
bjórinn. Þá hafi komið í ljós að þrjár
erlendar bjórtegundir sem sagðar
eru óáfengar hafi ekki staðið neyt-
endum til boða.
Í fyrrnefndu ákvæði er einnig
kveðið á um að ekki sé bannað að
auglýsa áfengi á erlendum tungumál-
um í erlendum prentritum. Innlendir
framleiðendur hafa bent á þetta
ákvæði og ekki talið sig njóta jafn-
ræðis á við erlenda framleiðendur.
Þeir geti ekki keppt á jafnréttis-
grundvelli.
Allir lögreglustjórar á landinu
fengu bréf þar sem leitað var álits
þeirra á ástandinu og töldu þeir það
viðunandi. Meðal þeirra úrbóta sem
þeir lögðu til var að gera þyrfti refsi-
vert fyrir eigenda blaðs eða ljósvaka-
miðils að birta áfengisauglýsingar.
Vinnuhópurinn spyr hvort ekki sé
þörf á „fullkominni“ nafngreiningu á
höfundi auglýsingar í prentmiðlum
en í prentréttarlögum segir að sé
enginn höfundur að efni nafngreind-
ur sé ábyrgðin á hendi útgáfu blaðs-
ins eða ritstjóra.
Höfundar útvarpsauglýsinga bera
ábyrgð á útvarpsauglýsingum en í
skýrslunni segir að komið hafi fyrir
að útvarpsstöðvar hafi borið því við
að þær geti ekki upplýst um auglýs-
ingar og auglýsendur og ekki talið
tök á því að afhenda hljóðritanir á
auglýsingum. Telur vinnuhópurinn
að tilefni sé til heildarendurskoðunar
á lögum sem fjalla um refsiábyrgð á
efni í fjölmiðlum, þ.m.t. áfengisaug-
lýsingum. Vísað er til danskrar lög-
gjafar sem sé mun ítarlegri og nú-
tímalegri en samsvarandi löggjöf hér
á landi.
Aðrar aðferðir
Í skýrslunni er enn fremur vakin
athygli á nýlegum dómi Evrópudóm-
stólsins vegna dómsmáls í Svíþjóð
þar sem tekist er á um hvort auglýs-
ingabann standist samþykktir Evr-
ópusambandsins. Í Svíþjóð er al-
mennt ákvæði um að gætt sé hófs við
auglýsingar á áfengi og aðrar mark-
aðssetningaraðferðir og hvorki kom-
ið fram með ágengum hætti né hvatt
til áfengisneyslu. Óheimilt er að
markaðssetja áfengi með auglýsing-
um í hljóðvarpi og sjónvarpi og það
sama gildir um tímarit og önnur
prentuð rit ætluð almenningi og ekki
má höfða til barna og ungmenna.
Dómurinn er sagður áhugaverð
lesning með tilliti til þeirra sjónar-
miða sem þar koma fram um hin and-
stæðu sjónarmið sem hér vegast á,
annars vegar að heilbrigðissjónarmið
réttlæti auglýsingabann og hins veg-
ar að bannið stríði gegn ákvæðum um
frjálst flæði vöru og þjónustu milli að-
ildarríkja Evrópusambandsins.
Vinnuhópur ríkislögreglustjóra um viðbrögð við áfengisauglýsingum
Gera þarf lögin ítar-
legri og nákvæmari