Morgunblaðið - 07.06.2002, Blaðsíða 6
FRÉTTIR
6 FÖSTUDAGUR 7. JÚNÍ 2002 MORGUNBLAÐIÐ
HALLDÓR Blöndal, forseti Alþing-
is, sem verið hefur í opinberri heim-
sókn í Kanada, kveðst hafa átt gagn-
legar viðræður við Robert Thiebault,
sjávarútvegsráðherra landsins, sl.
þriðjudag. Heimsókn Halldórs lauk í
gærkvöld og heldur hann heimleiðis á
morgun.
Auk Halldórs ræddi Einar K. Guð-
finnsson, formaður sjávarútvegs-
nefndar Alþingis, sem er með í för,
við kanadíska sjávarútvegsráðherr-
ann. Halldór sagði Einar hafa gert
skýra grein fyrir afstöðu og stefnu
Íslendinga í sjávarútvegsmálum og
að á fundinum hafi verið farið yfir
málefni er vörðuðu bæði löndin.
Einnig ræddi Einar við formann
sjávarútvegsnefndar kanadíska
þingsins.
Í fyrradag var Halldór í Calgary
og þar tóku m.a. á móti honum Vest-
ur-Íslendingar í Íslendingafélaginu
Leifi Eiríkssyni. Einnig hélt Halldór
til Markerville þar sem hann skoðaði
hús Stephans G. Stephanssonar og
hitti sonarson hans, Edwin. Þar skoð-
aði hann einnig rjómabú sem Stepan
G. átti m.a. frumkvæði að því að reisa
ásamt öðrum Íslendingum og er það í
dag safn.
Í gær var Halldór kominn til
Klettafjalla sem hann sagði skemmti-
lega tilbreytingu eftir að hafa ferðast
um sléttur Kanada. Halldór sagði það
vera kjördæmi forseta öldungadeild-
ar kanadíska þingsins, Daniel Hays.
Lauk heimsókninni þar í gær á kvöld-
verðarboði hans.
Gagnlegar viðræður við
sjávarútvegsráðherrann
Ljósmynd/Karl E. Torfason
Í móttöku hjá Íslendingafélaginu Leifi Eiríkssyni í Calgary. Í miðið eru
Halldór Blöndal, forseti Alþingis, og kona hans, Kristrún Eymunds-
dóttir, til vinstri eru sendiherrahjónin Anna Birgis og Hjálmar W.
Hannesson, og til hægri fulltrúar Íslendingafélagsins, Gwen Mann, fyrr-
verandi formaður félagsins, og Margaret Grisdale formaður.
Opinberri heimsókn Halldórs Blöndal til Kanada lauk í gær
Á ÞESSU ári hafa orðið tólf bana-
slys í umferðinni en á sama tíma í
fyrra voru þau sjö, að sögn Jóns
Gunnarssonar, formanns Slysa-
varnafélagsins Landsbjargar, en
umferðarátak á vegum félagsins
og Umferðarráðs hófst í gær.
Átakið ber heitið Brosum allan
hringinn og miðar að því að bæta
umferðaröryggi og fækka slysum í
sumar.
„Okkur þótti nóg um í fyrra en
staðan nú er orðin mjög alvarleg
og við verðum að gera betur til að
fækka slysum,“ segir Jón.
Umferðarfulltrúi í hverjum
landshluta
Sex umferðarfulltrúar munu
starfa í tengslum við átakið vítt og
breytt um landið og verða þeir
tengiliðir almennings við opinber-
ar stofnanir á hverjum stað eins og
lögreglu og vegagerð, að sögn
Jóns.
„Hinn almenni vegfarandi mun
þannig geta haft samband við
fulltrúann í sínum landshluta og
komið með ábendingar um það
sem betur má fara í umferðinni,
þeir munu síðan koma öllum góð-
um ábendingum til réttra aðila,“
segir Jón. Auk umferðarfulltrú-
anna verður rekið öflugt kynning-
arstarf þar sem athyglinni verði
fyrst um sinn beint að of miklum
hraða í umferðinni og afleiðingum
hans, að sögn Jóns.
Umferðarfulltrúarnir verða á
ferðinni í þrjá mánuði og lánar
Ingvar Helgason hf. sex bifreiðar
til verkefnisins, Olís gefur bensín á
bílana og Sjóvá-Almennar hf. gefa
tryggingarnar.
!
Umferðarátak sumarsins hafið
Tólf banaslys það
sem af er árinu
SÍÐASTI fundur borgarstjórnar
Reykjavíkur á kjörtímabilinu sem er
að líða fór fram í Ráðhúsinu í gær, en
á fundinum vakti Inga Jóna Þórð-
ardóttir, fráfarandi borgarfulltrúi
Sjálfstæðisflokks, máls á væntan-
legri auglýsingu um deiliskipulag
Norðlingaholts, sem samþykkt var á
borgarráðsfundi 4. júní síðastliðinn.
Inga Jóna gerði grein fyrir at-
hugasemdum Sjálfstæðisflokks
vegna deiliskipulagstillögunnar, en
hún sagði ljóst að á síðasta stigi
vinnslu skipulagsins hafi íbúðum
fjölgað mjög, og benti hún á að í
drögum sem gerð voru í lok síðasta
árs hafi verið gert ráð fyrir 27,2 íbúð-
um á hektara nettó, en deiliskipulag-
stillagan nú geri ráð fyrir 1.100 íbúð-
um og þéttleika upp á 46,4 íbúðir á
hektara nettó.
„Þéttleiki byggðarinnar er aukinn
mjög verulega og við það erum við
sjálfstæðismenn mjög ósáttir. Við
teljum að það sé alveg á mörkunum
að þessi staður þoli þennan þétt-
leika,“ sagði Inga Jóna. Hún benti á
að hér væri um að ræða mjög þétta
byggð á viðkvæmu svæði sem jafn-
framt sé sprungusvæði.
Árni Þór Sigurðsson, borgar-
fulltrúi R-lista og formaður skipu-
lags- og byggingarnefndar, benti á
að Norðlingaholt hafi um langt skeið
verið íbúasvæði í aðalskipulagi.
Hann gerði athugasemd við staðhæf-
ingu Ingu Jónu um að þéttleiki vænt-
anlegrar byggðar á Norðlingaholti
hafi verið aukinn á síðustu stigum
málsins. Sagði Árni Þór að við skipu-
lag Norðlingaholts hafi alltaf verið
gert ráð fyrir á bilinu 1.000 til jafnvel
allt að 1.600 íbúðum.
Nefnd endurskoðar laun
borgarfulltrúa
Á fundinum var rætt stuttlega um
ákvörðun borgarráðs frá 4. júní um
að skipuð verði nefnd til að endur-
skoða launakerfi borgarfulltrúa.
Markmið endurskoðunarinnar er að
borgarfulltrúar taki föst laun fyrir
störf sín sem verði ákveðið hlutfall af
þingfararkaupi auk sérstaks álags
fyrir setu í borgarráði og for-
mennsku í nefndum.
Lýstu fulltrúar R-lista og D-lista
yfir ánægju með þessa ákvörðun og
sagði Ingibjörg Sólrún Gísladóttir
borgarstjóri að hún teldi hyggilegt
að endurskoða launakerfi borgarfull-
trúa. Tillagan eigi ekki að hafa áhrif
á heildarlaunakostnað.
Þökkuðu ánægjulegt
samstarf
Nokkrir borgarfulltrúar láta nú af
störfum í borgarstjórn; þau Inga
Jóna Þórðardóttir, Jóna Gróa Sig-
urðardóttir og Júlíus Vífill Ingvars-
son fyrir Sjálfstæðisflokk og Helgi
Hjörvar, Sigrún Magnúsdóttir,
Helgi Pétursson, Anna Geirsdóttir
og Hrannar B. Arnarsson fyrir
Reykjavíkurlistann. Inga Jóna Þórð-
ardóttir sagði að með setu sinni í
borgarstjórn teldi hún sig hafa sinnt
skyldum sínum í að veita meirihluta
borgarstjórnar aðhald og þakkaði
borgarfulltrúum og starfsfólki
Reykjavíkurborgar samstarfið, en
Inga Jóna hefur verið borgarfulltrúi
frá 1994.
Sigrún Magnúsdóttir R-lista
kvaddi sér einnig hljóðs en hún lætur
nú af störfum í borgarstjórn eftir 20
ára setu, bæði sem fulltrúi minni-
hluta og meirihluta. Í máli Sigrúnar
kom fram að henni hafi þótt ólíkt
skemmtilegra að starfa í meirihluta
og geta þar með hrint góðum hug-
myndum strax í framkvæmd.
Morgunblaðið/Arnaldur
Inga Jóna Þórðardóttir tekur til máls á síðasta fundi borgarstjórnar á kjörtímabilinu sem var að ljúka.
Síðasti fundur borgarstjórnar á kjörtímabilinu
Deilt um þéttleika
byggðar í Norðlingaholti
HÉRAÐSDÓMUR Reykjavíkur
hafnaði í gær kröfu Félags íslenskra
heimilislækna þess efnis að úrskurð-
ur kjaranefndar verði felldur úr
gildi. Málið varðaði það hvort útgáfa
læknisvottorða teljist falla undir að-
alstarf heilsugæslulækna, líkt og úr-
skurður kjaranefndar kveður á um,
eða hvort um sé að ræða aukastarf,
sem heimilislæknar skuli fá sérstak-
lega greitt fyrir frá þeim sem biðja
um vottorðin. Félagið stefndi Jóni
Kristjánssyni heilbrigðisráðherra og
Geir H. Haarde fjármálaráðherra
fyrir hönd íslenska ríkisins
Dómurinn styður það álit kjara-
nefndar að læknisvottorðagjöf sé lið-
ur í almennri þjónustu heilsugæslu-
lækna. Dómurinn lítur svo á að
andmælaréttur hafi ekki verið brot-
inn á stefnanda og ekki beri því að
ógilda úrskurð kjaranefndar.
Ekki sérstak-
lega greitt fyrir
útgáfu lækn-
isvottorða
AFL fjárfestingarfélag hf.
keypti í gær hlutabréf í sjáv-
arútvegfyrirtækinu Þorbirni
Fiskanes hf. fyrir tæpar 223
milljónir króna að nafnvirði.
Seljendur bréfanna voru
stjórnendur Þorbjörns Fiska-
ness og aðilar og félög þeim
tengdir. Þá seldi félagið öll eig-
in bréf í gær, fyrir um 11 millj-
ónir króna að nafnvirði.
Frá þessu var greint í flögg-
unum á Verðbréfaþingi Íslands
í gær. Eignarhlutur Afls fjár-
festingarfélags í Þorbirni
Fiskanesi er nú 24,35% eða tæp
271 milljón króna að nafnvirði
en var áður 4,35%. Stærsti
hluthafi og stjórnarformaður
Afls er Þorsteinn Vilhelmsson.
Afl eignast
24,35% í
Þorbirni
Fiskanesi