Morgunblaðið - 07.06.2002, Blaðsíða 1

132. TBL. 90. ÁRG. FÖSTUDAGUR 7. JÚNÍ 2002 PRENTSMIÐJA MORGUNBLAÐSINS
STOFNAÐ 1913
MORGUNBLAÐIÐ 7. JÚNÍ 2002
ÍSRAELSKIR hermenn gerðu at-
lögu að aðalstöðvum Yassers Arafats
Palestínuleiðtoga í Ramallah á Vest-
urbakkanum í gær og lögðu þær í
rúst. Einn lífvörður Arafats var
felldur og sex aðrir menn særðust í
árásinni. Hófust aðgerðir Ísraela í
fyrrinótt og stóðu í sex klukkustund-
ir. Beittu þeir um 50 skriðdrekum og
brynvörðum bílum.
Í gær sýndi Arafat fréttamönnum
rústir bækistöðva sinna, en bæði
skrifstofa hans og baðherbergi höfðu
verið eyðilögð. Sjálfan sakaði hann
ekki. Ísraelski herinn sat um Arafat í
þessum bækistöðvum í fimm vikur
samfleytt í apríl og maí, í kjölfar
mannskæðrar sjálfmorðssprengju-
árásar Palestínumanna í Ísrael.
Að sögn palestínskra embættis-
manna hafði Arafat verið fluttur á
öruggan stað í byggingunum sem
hýstu aðalstöðvar palestínsku
heimastjórnarinnar á Vesturbakk-
anum. Arafat sagði við fréttamenn í
gær: „Þeir [Ísraelar] vonuðu að ég
væri hér.“
Ísraelar sögðu aftur á móti að ekki
hefði verið markmið aðgerðanna að
skaða Arafat. Talsmaður hersins
sagði atlöguna hafa verið gerða
vegna þess, að bækistöðvar Arafats
væru „miðstöð palestínsku heima-
stjórnarinnar, sem ber beina ábyrgð
á hryðjuverkunum, sem hún gefur
skipanir um“.
Hópur Palestínumanna sem höfðu
komið til að skoða skemmdirnar
fagnaði Arafat er hann birtist í rúst-
unum. „Þetta mun einungis verða til
þess að herða afstöðu þjóðar okkar,“
sagði Arafat. Hann bætti við, að at-
lagan væri til marks um „fasisma og
kynþáttahatur“ Ísraela.
Í fyrradag féllu 17 Ísraelar í til-
ræði Palestínumanns sem sprengdi
bílsprengju við fullskipaðan strætis-
vagn í Ísrael. Tilræðismaðurinn féll
sjálfur. Samtökin Heilagt stríð Ísl-
ams lýstu sig ábyrg fyrir tilræðinu,
og í gær handtók palestínska lög-
reglan háttsettan meðlim samtak-
anna að skipun Arafats, að því er ör-
yggismálafulltrúar greindu frá.
Ísraelar sögðu að atlagan að höf-
uðstöðvum heimastjórnarinnar í
Ramallah í gær væri fyrsta skrefið í
hefndaraðgerðum vegna tilræðisins í
fyrradag.
„Ég mun deyja hér“
Talsmaður bandaríska forseta-
embættisins, Sean McCormack,
sagði í gær að það væri skoðun
bandarískra stjórnvalda að það væri
ekki til bóta fyrir friðarumleitanir í
Miðausturlöndum að Arafat yrði
gerður útlægur. Eftir tilræðið í Ísr-
ael í gær veltu fréttaskýrendur því
fyrir sér hvort Ariel Sharon, for-
sætisráðherra Ísraels, myndi bregð-
ast við af hörku og gera Arafat brott-
rækan.
En ráðgjafi Sharons, Raanan
Gissin, sagði í gær að það myndi
„ekki leysa vandann“ að reka Arafat
í útlegð. Sjálfur sagði Arafat í Ram-
allah á Vesturbakkanum í gær:
„Reka mig í útlegð? Ég mun deyja
hér.“
Reuters
Palestínumenn standa fyrir framan rústir einnar af byggingunum sem hýstu höfuðstöðvar Yassers Arafats í Ramallah í gær.
Ísraelar hefna sprengjutilræðis Palestínumanna
Höfuðstöðvar Ara-
fats lagðar í rúst
Segja það ekki
leysa vandann
að reka Arafat
í útlegð
Ramallah, Washington. AFP, AP.

Sagðir hafa/28
FRÖNSKUM knattspyrnuáhuga-
mönnum var brugðið í morgun er
landslið þeirra – sjálfir heimsmeist-
ararnir – fóru nærri því að falla úr
keppni á HM er þeir gerðu jafntefli
við Úrúgvæa, 0-0, í A-riðli. Í París
fylgdist mikið fjölmenni með leikn-
um á stórum útisjónvarpsskjá.
Heimsmeistararnir eiga enn von
um að komast áfram í keppninni, en
þeir leika gegn Dönum á þriðjudag-
inn og verða að vinna með tveggja
marka mun. Takist það ekki verður
þetta í fyrsta sinn síðan 1966 sem
ríkjandi heimsmeistarar komast
ekki í aðra umferð keppninnar.
Það ætti þó að auka möguleika
Frakka að Zinedine Zidane mun
spila með liðinu gegn Dönum, að
því er franski varnarmaðurinn Vin-
cent Candela sagði í gær, en Zidane
hefur ekki getað leikið með franska
liðinu það sem af er keppninni
vegna meiðsla.
AP
Meistarar á ystu nöf

Heimsmeistarar/C1
GEORGE W. Bush Bandaríkjafor-
seti tilkynnti í gærkvöldi að á næsta
ári yrði komið á fót nýrri stofnun er
hafa myndi yfirumsjón með landvörn-
um og öryggisgæslu, til að aftra því að
hörmungaratburðirnir 11. september
sl. endurtaki sig. Muni hin væntan-
lega Heimalandsöryggisstofnun
verða á hliðstæðu stigi og ráðuneyti. Í
sjónvarpsávarpi sagði Bush að mark-
mið stofnunar væri „að verja heima-
land okkar og bandarísku þjóðina“.
Starfsmenn nýju stofnunarinnar
eiga að verða um 170 þúsund talsins
og verður 37 milljörðum dollara varið
til starfseminnar. Á að fá bæði starfs-
fólk og fé frá öðrum ráðuneytum og
stofnunum. Stofnunin á að koma í veg
fyrir að fólk er hyggur á hryðjuverk
komist til Bandaríkjanna og á einnig
að auka öryggi í samgöngum, að því
er Bush sagði í ávarpi sínu.
Forsetinn hefur streist gegn til-
raunum þingsins til að koma á fót
svona stofnun, en lét undan eftir að
þingmenn hófu rannsókn á meintum
mistökum leyniþjónustunnar og al-
ríkislögreglunnar, er kunni að hafa
leitt til þess að hryðjuverkunum 11.
september var ekki aftrað.
Bush vill
nýja land-
varna-
stofnun
Washington. AFP.
RICHARD Armitage, aðstoðarutan-
ríkisráðherra Bandaríkjanna, sagði í
gær að Pervez Musharraf, forseti
Pakistans, hefði fullyrt við sig að
hann væri staðráðinn í því að forðast
að til styrjaldar kæmi vegna deilu
Pakistana og Indverja í Kasmírhér-
aði.
Sömu sögu væri að segja af Ind-
verjum, og bætti Armitage því við,
að alþjóðasamfélagið yrði að gera
sitt besta til að draga úr spennunni í
samskiptum Pakistana og Indverja,
sem báðir búa yfir kjarnorkuvopn-
um. „Það er mér mikil hughreysting
að heyra að Musharraf sé ákveðinn í
að forðast stríð.“
Armitage kom til Islamabad í Pak-
istan í gær þar sem hann átti fundi
með Musharraf og Abdul Sattar ut-
anríkisráðherra, og var það fyrsta
skrefið í viðleitni Bandaríkjamanna
til að leita diplómatískra leiða til
lausnar á deilunni um Kasmír, sem
undanfarnar vikur hefur harðnað til
muna.
Donald Rumsfeld, varnarmálaráð-
herra Bandaríkjanna, mun einnig
halda til S-Asíu til að reyna að bera
klæði á vopnin. Indverjar saka Pak-
istana um að styðja við bakið á
hryðjuverkamönnum sem geri árás-
ir á skotmörk á indversku yfirráða-
svæði í Kasmír. Ríkin tvö hafa deilt
um yfirráð yfir héraðinu síðan þau
fengu sjálfstæði frá Bretum 1947.
Bandaríkjamenn leita leiða til diplómatískrar lausnar á Kasmírdeilunni
Armitage lætur
í ljós bjartsýni
Islamabad. AFP.