Morgunblaðið - 28.06.2002, Side 16

SUÐURNES
16 FÖSTUDAGUR 28. JÚNÍ 2002 MORGUNBLAÐIÐ
Gasol®
Heimsendingarþjónusta ÍSAGA
nær til Stór-Reykjavíkursvæðisins.
Heimsendingargjald er kr. 500,-
Afgreiðslan Breiðhöfða 11
er opin virka daga frá kl. 8 til 17.
800 5555
Hluti af Linde Gas Group
ÍSAGA ehf. • Breiðhöfða 11
Sími 577 3000 • Fax 577 3001
www.aga.is
IS
A
-2
43
.1
–
ÍD
E
A
FLEST okkar líta rusl og drasl nei-
kvæðum augum og við hendum
ýmsu sem okkur dettur ekki í huga
að hægt sé að nýta. Lifibrauð banda-
rísku ævintýrakonunnar og um-
hverfislistamannsins Holly Hughes
er m.a. að tína rusl og nýta það í
listaverk. Mörg slík verk eftir Holly
er að finna víðs vegar um heiminn
og nýlega eignuðust Sandgerðingar
eitt slíkt, sem komið var fyrir í
Fræðasetrinu. Þangað var hún lokk-
uð af einum íbúa bæjarins, sem heill-
aðist af henni og þegar Holly sá bæ-
inn í fyrsta sinn, við sólsetur seint á
sunnudagskvöldi, gaf hún honum
viðurnefnið gullbærinn.
Blaðamaður hitti þessa einstöku
konu á dögunum, sem nærist á því
að gefa af sér og deila með fólki
þeirri reynslu sem hún hefur öðlast
á ævintýraferðum sínum um heim-
inn.
Holly kom siglandi á skútunni
Hannah Brown til Ísafjarðar sl. sum-
ar ásamt sambýlismanni sínum,
George MacLeod, en þau höfðu þá
ferðast um heiminn, fyrst á reiðhjóli
en síðan á skútunni. Þau dvöldu á
Vestfjörðunum sl. vetur, m.a. á Flat-
eyri þar sem Holly vann með skóla-
börnum að ýmsum uppbyggjandi
verkefnum. Eftir vetrardvölina var
Holly orðin svo heilluð af landinu að
hún var ekki reiðubúin að yfirgefa
það, heldur yfirgaf sambýlismann
sinn til margra ára, sem vildi halda
áfram að sigla um heimsins höf.
Óvissan skelfir hana ekki. Hún er
eins og fugl, festir hvergi rætur en
flögrar um dag hvern í leit að nætur-
stað. „Ég hugsa aldrei um morgun-
daginn fyrr en hann rennur upp,“
sagði Holly í samtali við blaðamann.
„Vá, sjáiði litinn,“ sagði Holly þeg-
ar hún rak augun í ljósblátt umbúða-
plast í Sandgerðisfjöru í upphafi
námskeiðs sem hún hélt fyrir börn í
Sandgerði í síðustu viku. Hún var
strax búin að sjá möguleikana í að
nýta þetta plast sem sennilega hefur
fokið þangað í rokinu daginn áður
og það er henni mikið kappsmál að
opna augu fólks fyrir því hvernig
nýta megi rusl.
Holly byrjaði námskeiðið á því að
ganga með börnunum um bæinn og
biðja þau að sýna sér hvað skiptir
þau mestu máli í bænum. Þau fóru
með hana að elliheimilinu, íþrótta-
vellinum, leikturninum við grunn-
skólann, höfninni, Fræðasetrinu,
kirkjunni, kaupfélaginu, til bæjar-
stjórans og í fjöruna þar sem efnivið-
ur listaverksins blasti við þeim, rusl í
öllum regnbogans litum „Það er
merkilegt hvernig rusl hvers staðar
er einkennandi fyrir staðinn. Hér í
þessu sjávarplássi tengist ruslið að
mestu leyti sjónum og útgerð. Við
höfum m.a. fundið net, netahringi,
netakúlur, vinnuvettlinga og stígvél
en auðvitað ýmislegt fleira,“ sagði
Holly.
Síðan var ruslinu ekið í félags-
miðstöð unglinganna þar sem það
var flokkað og skoðað. Holly settist
svo niður með börnunum og saman
ræddu þau um hvað þau vildu búa til
og hvar þau vildu koma listaverkinu
fyrir. Eftir að allir möguleikar voru
skoðaðir varð niðurstaðan sú að
nýta einn af auðu veggjum Fræða-
seturins undir listaverkið og úr varð
veggteppið „Óður til hafins.“ Gæti
ekki verið meira viðeigandi fyrir
sjávarpláss eins og Sandgerði og
Holly er einstaklega ánægð með
staðarvalið. „Hingað kemur fólk alls
staðar að úr heiminum til þess að
fræðast um lífríki sjávar. Náttúran
er mín mesta ástríða og að læra um
hana, skoða og deila fegurð hennar
með ungu fólki veitir mér mikla
ánægju og hvatningu,“ sagði Holly
að lokum.
Þess má geta að hægt er að fræð-
ast um Holly og ævintýraferðir
hennar á Netinu, slóðin er:
www.nmt.edu/~bridge.
Hugsa aldrei um morgundag-
inn fyrr en hann rennur upp
Morgunblaðið/Reynir Sveinsson
Holly Hughes ásamt aðstoðarmönnum, sem eru f.v. Björg Kristjánsdóttir, Marinó Oddur Bjarnason, Birgir Sig-
urðsson, Hrafnhildur Ása Karlsdóttir og Ólafur Daði Helgason, við veggteppið sem þau gerðu úr rusli bæjarins.
Sandgerði
BÆJARRÁÐ Sandgerðis hefur falið
Markaðs- og atvinnumálaskrifstofu
Reykjanesbæjar (MOA) að gera
heildarúttekt á útgerð og fiskvinnslu í
bæjarfélaginu í ljósi þeirra breytinga
sem orðið hafa á síðastliðnum árum.
Fram hefur komið að meginhluti
fiskveiðikvótans hefur verið fluttur
frá Sandgerði í önnur bæjarfélög á
undanförnum árum og þar eru aðeins
eftir smábátar. Að sögn Reynis
Sveinssonar, formanns bæjarráðs,
hefur þó skort á tölulegar staðreyndir
til að sýna fram á þessa þróun, meðal
annars við umsóknir um byggðakvóta
til að bæta hluta þessa missis. Segir
Reynir að samdráttur í útgerð hafi
leitt til mikilla breytinga í bæjarfélag-
inu. Vonast sé til að betri heildar-
mynd fáist við úttekt MOA.
Bæjarráð óskar eftir því að úttekt-
in taki tillit til þeirra breytinga sem
orðið hafa á tíu ára tímabili, það er að
segja frá árinu 1992. Jafnframt er
beðið um að könnuð verði núverandi
nýting þeirra fiskvinnsluhúsa þar
sem áður var full vinnsla og hugað að
breytingum á högum þess fólks sem
vann við útgerð og fiskvinnslu á tíma-
bilinu.
Ætlunin er að nota greinargerðina
meðal annars til að leggja fram stað-
reyndir um stöðu sjávarútvegs í
byggðarlaginu við Byggðastofnun og
til að móta nýja atvinnustefnu fyrir
Sandgerðisbæ.
Bæjarstjóri lagði tillöguna fram og
var hún samþykkt samhljóða.
Taka út
þróun út-
gerðar í
bænum
Sandgerði
BÆJARRÁÐ Reykjanesbæjar
leggst ekki gegn byggingu raðhúsa
með íbúðum fyrir aldraða á eign-
arlóð hjúkrunarheimilisins Garð-
vangs í Garði, samkvæmt nýsam-
þykktu deiliskipulagi.
Bæjaryfirvöld í Reykjanesbæ og
aðrir sameigendur Gerðahrepps að
Garðvangi og stjórn Dvalarheimila
á Suðurnesjum lögðust gegn bygg-
ingu íbúða aldraðra á lóðinni þar
sem þau töldu skipulagið þrengja
um of að hjúkrunarheimilinu. Við
endanlega afgreiðslu hreppsyfir-
valda í Garði á deiliskipulaginu var
því breytt til að koma til móts við
gagnrýnendur.
Aðrir hagsmunaaðilar hafa ekki
breytt afstöðu sinni, svo vitað sé.
Samþykkja
byggingar
aldraðra
Reykjanesbær/Garður
ÁKVEÐIÐ hefur verið að Grinda-
víkurbær útbúi sérstakt bílastæði
fyrir vöruflutningabíla í bænum.
Bílastæðið verður við Austurveg,
milli Mánagötu og Hafnargötu. Í
samþykkt bæjarráðs kemur fram að
íbúar í næstu húsum gera ekki at-
hugasemdir við stæðið en tekið er
fram í samþykktinni að aðeins sé
heimilt að leggja þar bílum en ekki
geyma þar neina aðra hluti.
Stæði fyrir
stóra bíla
útbúið
Grindavík
ELLERT Eiríksson, fyrrverandi
bæjarstjóri, hefur verið kjörinn for-
maður Fasteigna Reykjanesbæjar
ehf., nýstofnaðs félags sem yfirtekur
og rekur allar félagslegar leiguíbúðir
Reykjanesbæjar.
Bæjarráð tilnefnir fulltrúa í
stjórnina. Auk Ellerts taka þar sæti
Stella Olsen og Björn Herbert Guð-
björnsson.
Ellert formað-
ur fasteigna-
félags
Reykjanesbær
GRINDAVÍKURBÆR hefur ákveð-
ið að taka tilboði SBK hf. í hlutabréf
bæjarins í fyrirtækinu.
Reykjanesbær var til skamms tíma
aðaleigandi SBK hf., sem rekur sér-
leyfis- og hópferðabíla og er komið út
í almennan ferðaskrifstofurekstur, en
bæjarfélagið seldi stjórnendum fé-
lagsins hlutabréf sín á síðasta ári.
Bæjarráð Grindavíkur ákvað fyrir
nokkru að leita eftir kaupanda að
bréfum bæjarins í SBK og á fundi í
fyrrakvöld var ákveðið að taka tilboði
fyrirtækisins sjálfs í bréfin. Þau eru
seld á genginu 1,28.
Selja hlut sinn
í SBK hf.
Grindavík
♦ ♦ ♦
♦ ♦ ♦
♦ ♦ ♦
BÆJARRÁÐ Reykjanesbæjar hef-
ur kosið að nýju í nefnd til að annast
viðræður við menntamálaráðuneytið
um menningarsamning.
Í nefndina voru kosnar þrjár kon-
ur, Björk Guðjónsdóttir og Sigríður
Jóna Jóhannesdóttir, bæjarfulltrúar
Sjálfstæðisflokksins, og Margrét
Soffía Björnsdóttir, fulltrúi Samfylk-
ingarinnar.
Konur í við-
ræðunefnd
Reykjanesbær
♦ ♦ ♦