Morgunblaðið - 28.06.2002, Qupperneq 27

LISTIR
MORGUNBLAÐIÐ FÖSTUDAGUR 28. JÚNÍ 2002 27
Á UNDANFÖRNUM misserum
hafa nokkrar bækur verið gefnar út
sem ætlaðar eru til stuðnings fyrir
syrgjendur og aðstandendur þeirra.
Ýmsir stuðningshópar fyrir fólk í
sorg hafa einnig verið stofnaðir.
Enn sem fyrr er það kirkjufólk sem
er í fararbroddi í slíku starfi. Hefur
þetta verið mikil hjálp við þá sem
hafa átt um sárt að binda og því
mikið framfaraspor í íslensku sam-
félagi.
Enn lítur ný bók dagsins ljós sem
ætluð er fólki sem gengur um
dimman dal sorgar eða glímir við
erfiðleika af einhverju tagi. Hún er
óvenjuleg að því leyti að efni henn-
ar er eftir 50 Íslendinga á ýmsum
aldri og úr mörgum starfsstéttum.
Efnið er í formi hugleiðinga, ljóða,
örsagna og frásagna sem blandað
er vel saman. Lesandinn skynjar að
höfundunum, sem flestir hafa erfiða
lífsreynslu að baki, liggur það á
hjarta að framlag þeirra verði hon-
um til huggunar eða hughreysting-
ar. Þeir miðla von, trú á lífið og
hvatningu til að takast á við það.
Einnig er vitnað um nálægð Guðs
og hjálp í erfiðleikum og bent er á
hina kristnu von um upprisu og ei-
líft líf þar sem þjáningin verður
fjarri. Oft virðist hin erfiða reynsla
höfunda vera dauðsfall náins ást-
vinar en í sumum tilfellum er hún
glíma við sjúkdóm eða erfiðar að-
stæður.
Frásagnirnar eru mjög misjafn-
ar, sumar nokkuð almennar hug-
leiðingar en aðrar miðla persónu-
legri lífsreynslu. Þeim er þó öllum
sameiginlegt að höfundar leitast við
að miðla þeirri huggun eða lausn
sem þeir hafa hlotið í von um að
hún geti einnig orðið lesandanum til
hjálpar en undirtitill bókarinnar er
„styrkur og leiðsögn á erfiðum
stundum“. Vegna þess hve fjöldi
höfunda er mikill og lífsreynslan að
baki framlagi þeirra fjölbreytileg á
þessi bók örugglega eftir að verða
mörgum styrkur í erfiðum aðstæð-
um. Best er að lesa hana hægt, lít-
inn skammt í einu og íhuga inni-
haldið. Að baki hverju framlagi býr
saga og erfið lífsreynsla. Ljóðin eru
af ýmsum toga. Þau ná oft að tjá
betur hugsanir og tilfinningar en
það sem skrifað er í óbundnu máli.
Bókin er innbundin og allur frá-
gangur smekklegur. Hún hentar
vel til að rétta að þeim sem eiga um
sárt að binda.
Til huggunar eða
hughreystingar
BÆKUR
Safnrit, sjálfshjálp
Höfundar eru 50. Útgefandi: Skálholts-
útgáfan 2002. Ritstjóri: Hreinn S. Há-
konarson. 148 blaðsíður.
HÖND Í HÖND
Kjartan Jónsson
FÉLAG ljóðaunnenda á Austur-
landi heldur skemmtun í Staðar-
borg í Breiðdal næsta laugardags-
kvöld. Þar
verður þess
minnst að liðin
eru 35 ár frá því
að fyrsta bók
Guðjóns Sveins-
sonar, rithöf-
undar á Breið-
dalsvík, kom út.
Einnig verður
fagnað útkomu
nýrrar ljóða-
bókar eftir Guðjón og útkomu
geisladisks með tónlist eftir hann.
Höfundur tileinkaði ljóðin og tón-
listina eiginkonu sinni, Jóhönnu
Sigurðardóttur, og gaf bókinni
heitið Á afmæli konu minnar.
Á samkomunni verða flutt lög af
hljómdiskinum. Þá verður fjallað
um feril Guðjóns og lesin ljóð.
Þá heldur Erla Sigurðardóttir
sýningu á frummyndum að skreyt-
ingum á þremur bókum Guðjóns.
Skemmtunin hefst kl. 20.30.
Rithöfundaraf-
mæli í Breiðdal
Guðjón
Sveinsson
STÓRBORGARLÖGGAN Malloy
er að fara að gifta sig en er einnig
upptekinn við annað, varasamt verk-
efni; að hafa uppi á raðmorðingja
sem leikur lausum hala. Dráparinn
stútar konuefni löggunnar áður en
þau ná að pússa sig saman og finnst
síðan dauður. Malloy leggst í sjálfs-
meðaumkun og linnulaust fyllerí uns
félagi hans og vinur (Charles Dut-
ton) kemur honum í afvötnun.
Meðferðarheimilið er í afskekkt-
um fjallshlíðum í Wyoming, þar ríkir
fimbulvetur og innandyra er ámóta
nöturlegt. Niðurgrafinn steinkumb-
aldi sem hafði hlutverki að gegna á
tímum kalda stríðsins og síðan sem
geðsjúkrahús áður en fyrrum lögga
og alkóhólisti (Kris Kristofferson)
stofnsetti þar þurrkví fyrir starfs-
bræður sína. Malloy hangir á snúr-
unni ásamt níu löggum öðrum en
ekki líður á löngu uns þessar grút-
timbruðu taugahrúgur fara að týna
tölunni. Ekki er annað að sjá en
mættur sé til leiks sprellifandi hinn
gamli erkifjandi Malloys.
Hrikalega þreytt og hugmynda-
snauð raðmorðingjamynd, lauslega
öpuð eftir 10 Little Indians, leikriti
Agöthu Christie. Það eina sem hægt
er að segja D-Tox til hóls er kvik-
myndataka Deans Semler og grimm
og grá leiktjöld. Sagan er óvenju bit-
laus, blóðug og órökrétt, persónurn-
ar illa gerðar, brellurnar hörmuleg-
ar. Vetrarveðrið fólgið í sköflum og
háværum hljóðeffektum sem gerast
mjög leiðigjarnir. Leikhópurinn er
dálítið forvitnilegur, þarna bregður
m.a. fyrir Prosky gamla, Kristoffer-
son og Berenger, en hlutverkin
munu ekki hjálpa þeim í framtíðinni
frekar en hasarmyndahetjunni
föllnu. Manni stendur nákvæmlega á
sama um allan þennan mannskap,
frá A til Ö. Nokkur ár eru liðin frá
því að kvikmyndin var tilbúin til sýn-
ingar. Ástæðurnar fyrir því að menn
brestur kjark til að markaðssetja D-
Tox (sem enn er ósýnd vestan hafs)
liggja í augum uppi.
Tíu þand-
ar tauga-
hrúgur
KVIKMYNDIR
Háskólabíó
Leikstjóri: Jim Gillespie. Handrit: Ron L.
Brinkerhoff, byggt á skáldsögu Howards
Swindle. Kvikmyndatökustjóri: Dean
Semler. Tónlist: John Rowell. Aðalleik-
endur: Sylvester Stallone, Charles Dutt-
on, Kris Kristofferson, Dina Mayer, Polly
Walker, Tom Berenger, Robert Prosky,
Stephen Lang, Sean Patrick Flanery. Sýn-
ingartími 95 mín. Universal. Þýsk-
bandarísk 2001.
D-TOX

Sæbjörn Valdimarsson
♦ ♦ ♦