Morgunblaðið - 17.07.2002, Side 8

FRÉTTIR
8 MIÐVIKUDAGUR 17. JÚLÍ 2002 MORGUNBLAÐIÐ
Kátir dagar á Þórshöfn
Fjölskylda og
frændsemi
ÞÓRSHÖFN áLanganesi fer ekkivarhluta af sumar-
fjörinu um land allt. Þar
verða kátir dagar um
næstu helgi, og ræddi
Morgunblaðið við Sigfús
Ólafsson, ferðamálafull-
trúa Langaness og Þistil-
fjarðar, af því tilefni, um
skipulag daganna, undir-
búning þeirra og ekki síst
Sauðanesprestssetrið,
sem Þjóðminjasafnið mun
afhenda heimamönnum
formlega sunnudaginn 21.
júlí.
– Hvert er tilefni kátra
daga hjá Þórshafnarbú-
um?
„Þannig er mál með
vexti að árið 1996 átti
Þórshöfn 150 ára afmæli
kaupstaðarréttinda. Þá var haldin
mikil hátíð, sem tókst mjög vel.
Vilji var fyrir hendi að halda
áfram að hafa einhvers konar
sumarhátíð. Þannig fæddist hug-
myndin um káta daga, ekki af
einhverjum sérstökum tengslum
við landnámsmenn eða sögu
svæðisins sérstaklega, heldur af
einskærri þörf fyrir að gera sér
dagamun og bjóða gesti og gang-
andi velkomna í heimsókn til okk-
ar. “
– Hvað er helst á döfinni á kát-
um dögum?
„Við leggjum höfuðáherslu á að
fjölskyldan geti átt skemmtilegan
tíma saman hér hjá okkur á Þórs-
höfn, og gerum allt til þess að
skapa ánægjulega stemningu, lík-
asta karnivali. Við teljum nauð-
synlegt að höfða til fjölskyldu-
fólksins. Fólk fær hér tækifæri til
að sýna sig og sjá aðra, og kynn-
ast um leið lista- og menningar-
starfi hér á svæðinu.“
– Hvað geturðu nefnt okkur af
dagskráratriðum?
„Af framlagi heimafólks má
nefna málverkasýningu, tónleika í
kirkjunni með tónlistarmönnum
úr sveitinni, hagyrðinga- og
kvæðakvöld á föstudagskvöld og
útimarkað á laugardaginn. Þá
mun Hreimur Örn Heimisson
einnig sjá um hreystikeppni, sem
verður á léttu nótunum og öllum
óhætt að taka þátt í. Á laugar-
dagskvöldið er brenna og söngur
til miðnættis, en þá hefst dans-
leikur í Þórsveri fram á rauða
nótt. Þetta verður alvöru sveita-
ball þar sem heilu fjölskyldurnar
koma saman.“
– Þið leggið greinilega áherslu
á að kynna svæðið í leiðinni.
„Já, við leggjum mikla áherslu
á að kynna svæðið og menningu
þess fyrir gestum okkar. Sem
dæmi má nefna að við verðum
með glæsilega grillkynningu þar
sem hægt verður að smakka á
Hólsfjallalambinu, hinu rómaða
kjöti úr Norður-Þingeyjarsýslu.
Einnig á að prófa sig áfram með
kúfiskinn og elda hann á ýmsa
vegu. Fólkið úr sveitinni kemur
svo með sitt heimabakaða brauð
og kökur til að gefa
fólki að smakka. Að
lokum má nefna að við
stöndum fyrir minja-
gripasamkeppni um
þessar mundir, og úr-
slitin verða tilkynnt á laugardag-
inn.“
– Minjagripasamkeppni, hvern-
ig kom það til?
„Okkur datt í hug að láta
heimamenn leggja höfuðið í bleyti
og hanna kjörinn minjagrip sem
ferðamenn vildu eignast eftir dvöl
í sveitinni hjá okkur. Þátttaka
hefur verið mjög góð og spenn-
andi að sjá hvaða gripur vinnur.
Svo á að framleiða hann í framtíð-
inni og selja hér á Þórshöfn.“
– Hvað gerist svo á sunnudag-
inn?
„Á sunnudeginum verður há-
tíðarguðþjónusta í Sauðanes-
skirkju, og að henni lokinni mun
Þjóðminjasafnið afhenda heima-
mönnum Sauðanesprestssetrið til
varðveislu. Sérstök Sauðanes-
nefnd var stofnuð til þess að ann-
ast húsið héðan í frá. Það er sveit-
inni mikill akkur að fá húsið í
sínar hendur og sjálfsagður hluti
af menningartengdri ferðaþjón-
ustu. Við verðum með minjasafn
og fræðslusetur um sveitina í
húsinu, og síðast en ekki síst get-
um við boðið húsnæðið undir
gestasýningar, og aukið á þann
hátt heimsóknir listamanna á
svæðið. Sýningar munu verða
opnaðar næsta sumar.“
– Hvernig hefur gengið að
kynna hátíðina?
„Við höfum reynt okkar besta
við að kynna svæðið og hátíðina
sem best. Mikilvægt er að okkar
mati að fá Íslendinga til að líta
raunhæfum augum á ferðalög um
eigið land. Margir halda að það
þurfi að eyða löngum tíma í að
undirbúa sig, finna allar græjurn-
ar og fylla bílinn af dóti. Það er
líka einfaldlega hægt að henda
lopapeysunni aftur í skott og
skella sér af stað!“
– Búist þið við mörgum?
„Við treystum á góða þátttöku
heimamanna og nær-
sveitunga, en einnig
eigum við von á fjölda
brottfluttra Þórshafn-
arbúa í heimsókn á
æskuslóðirnar. Að
sjálfsögðu vonum við svo að fólk
sem ekki hefur heimsótt okkur
áður komi til okkar í tilefni dag-
anna.“
Nánari upplýsingar um dag-
skrá kátu daganna, tímasetningar
og fleira, má sjá á vef Þórshafn-
arhrepps, www.thorshofn.is.
Þjóðvegur 85, Norðausturvegur,
liggur til Þórshafnar, bæði frá
Húsavík og Vopnafirði.
Sigfús Ólafsson

Sigfús Ólafsson fæddist á Ak-
ureyri árið 1974. Hann lauk stúd-
entsprófi af náttúrufræðibraut
frá Menntaskólanum á Akureyri
árið 1994, prófi sem leið-
sögumaður vorið 1996 og BA-
prófi í sagnfræði og spænsku
sumarið 2001. Sigfús hefur starf-
að hjá flugfélaginu Atlanta, sem
fararstjóri fyrir Samvinnuferðir-
Landsýn og fleiri störf tengd
ferðaþjónustu. Í sumar starfar
hann sem ferðamálafulltrúi Þist-
ilfjarðar og Langaness. Sigfús er
í sambúð með Margréti Rúnu
Guðmundsdóttur hjúkr-
unarfræðingi.
Handverk og
matur úr
heimabyggð
Við verðum að halda voða fast, yðar hátign, hann er svo valtur í söðli.
2.990 kr.
Flísteppi
Sími 525 3000 • www.husa.is
180x200 cm
til í bláu og dökkgráu
GEIR H. Haarde fjármálaráðherra
hefur í samræmi við þingsályktun
sem samþykkt var á Alþingi 3. maí
sl. ákveðið að láta gera úttekt á um-
fangi skattsvika, skattsniðgöngu og
dulinni efnahagsstarfsemi.
Meðal þess sem athugað verður
er eftirfarandi: Hvernig skattsvik,
skattsniðganga og dulin efnahags-
starfsemi hafa, frá því að nefnd sem
kannaði umfang skattsvika skilaði
skýrslu á árinu 1993, þróast eftir
skatttegundum, atvinnugreinum,
landsvæðum og í samanburði við
aðrar þjóðir og hvert tekjutap ríkis
og sveitarfélaga hafi verið af þess-
um sökum. Helstu ástæður skatt-
undandráttar og að hve miklu leyti
megi rekja hann til skattalaga ann-
ars vegar og skattframkvæmdar
hins vegar.
Til þess að annast framangreinda
úttekt hefur verið skipaður þriggja
manna starfshópur. Starfshópurinn
skal jafnframt leggja fram tillögur
til úrbóta og meta hvort og á hvaða
sviðum efla þurfi skatteftirlit og
skattrannsóknir og hvaða ávinningi
það geti skilað í auknum skatt-
tekjum.
Í starfshópnum sitja Snorri Olsen
tollstjóri, sem jafnframt er formað-
ur, Indriði H. Þorláksson ríkisskatt-
stjóri og Skúli Eggert Þórðarson
skattrannsóknarstjóri.
Starfshópurinn skal leita upplýs-
inga og ábendinga hjá aðilum vinnu-
markaðarins og öðrum hagsmuna-
aðilum eftir því sem við á.
Starfshópurinn skal skila niður-
stöðum fyrir 1. júlí 2003, segir í frétt
frá fjármálaráðuneytinu.
Úttekt gerð á umfangi
skattsvika hér á landi
ÍSLANDSFLUG verður með beint
flug frá Sauðárkróki á þjóðhátíðina í
Eyjum um verslunarmannahelgina.
Nær uppselt er í 19 sæta vél sem fer
í loftið að morgni föstudagsins 2.
ágúst nk. og skilar skagfirskum
þjóðhátíðargestum til baka að kvöldi
mánudagsins 5. ágúst.
Að sögn Vigfúsar Vigfússonar,
umboðsmanns Íslandsflugs á Sauð-
árkróki, voru það nokkur ungmenni
á staðnum sem höfðu frumkvæði að
því að leita til félagsins og kanna
möguleika á beinu flugi til Eyja.
Höfðu þau verið fastagestir á
þjóðhátíð síðustu ár og vildu verða
sér úti um fljótfarna og þægilegri
samgönguleið til Eyja. Var ferðin
auglýst í nokkrum verslunum á
Sauðárkróki og á vefsíðunni hrapp-
ur.is og náðist fljótlega í það marga
farþega að 19 sæta vél dugði. Ef
fleiri bætast í hópinn verða mögu-
leikar á stærri vél kannaðir, að sögn
Vigfúsar.
Skagfirsk ungmenni
leituðu til Íslandsflugs
Beint flug
frá Sauð-
árkróki á
þjóðhátíð
í Eyjum
♦ ♦ ♦