Morgunblaðið - 17.07.2002, Side 15

LANDIÐ
MORGUNBLAÐIÐ MIÐVIKUDAGUR 17. JÚLÍ 2002 15
VATNSVIRKINN ehf
Ármúla 21 · Sími 533 2020
www.vatnsvirkinn.is
ÞAKRENNUR
Frábærar Plastmo
þakrennur með 20 ára
reynslu á Íslandi.
Til í gráu, brúnu, hvítu
og svörtu.
Heildsala - Smásala
Borgartúni 28,
562 2901
www.ef.is
OSO
hitakútar
úr ryðfríu stáli
30 ára frábær reynsla á
þúsundum íslenskra heimila
 30/50/100/120/200 eða 300 lítra
 Blöndunar- og öryggisloki fylgir
 20% orkusparnaður
 Hagstætt verð
ISO 90
02
Frábæ
r endi
ng!
RÉTT ofan við sjávarkambinn í
Skálavík hefur undanfarna daga
verið unnið að fornleifagreftri í
gamalli verbúð.
Að þessu verkefni stendur Ragn-
ar Edvardsson fornleifafræðingur
sem er að vinna að doktorsritgerð
við háskólann í New York um þróun
fiskveiða og verstöðva á Vestfjörð-
um.
Markmiðið með því að grafa nið-
ur á verbúðir í Skálavík er að sögn
Ragnars að komast að aldri ver-
stöðvanna og rannsaka hvort hægt
er að sjá einhverja þróun í þeim
húsakosti sem verbúðirnar voru.
Allar verbúðir sem eru sýnilegar
í Skálavík eru að sögn Ragnars lík-
lega frá 19. öld. Verbúðin sem hann
valdi til að grafa upp og rannsaka
var ekki eins greinileg og aðrar og
því ekki ólíklegt að hún sé eitthvað
eldri.
Til eru heimildir um byggð í
Skálavík allt frá tíundu öld.
Hallvarður Súgandi er sagður
hafa numið land í Súgandafirði,
Skálavík og að Stiga og telur Ragn-
ar ekki ólíklegt að hann hafi búið á
Breiðabóli í Skálavík
Ragnar telur að Skálavík hafi
þróast líkt og Bolungarvík sem er
elsta verstöð landsins en sökum
nálægðar við Ísafjarðarkaupstað
hafi Bolungarvík frekar haldið velli.
Ragnari til aðstoðar eru þrír
námsmenn við New York-háskóla
en auk þeirra fékk systursonur
Ragnars tækifæri til að kynnast
fornleifauppgreftri. Ragnar kvaðst
vera að ljúka þessum áfanga næstu
daga en hann kæmi svo aftur síðar í
sumar og tæki þá aftur til við að
afla frekari gagna.
Rannsakar ver-
búðir fyrri alda
í Skálavík
Morgunblaðið/Gunnar Hallsson
Ragnar (l.t.h.) og aðstoðarfólk hans sem unnið hefur að uppgreftinum.
Bolungarvík
„GRASVÖXTUR hefur borið skaða
vegna mikilla þurrka undanfarið og
á sumum stykkjum er um helmingi
minna gras en í fyrra,“ segir Að-
alsteinn L. Valdimarsson, bóndi á
Strandseljum við Ísafjarðardjúp.
Aðalsteinn hóf slátt um síðustu
mánaðamót. „Það var fullseint því
farið var að brenna af, einkanlega
eru tún illa farin þar sem jarð-
grunnt er. Í mólendi er skaðinn
minni en ég beið lengi eftir væt-
unni sem ekki kom.“
Á Strandseljum er ræktað land
um 20 hektarar, auk þess heyjar
Aðalsteinn nokkuð á eyðijörðum í
kring og segir hann það til mikillar
hjálpar þegar grasbrestur verður.
Hann kvíðir ekki fóðurskorti í
vetur þar sem nokkrar fyrningar
eru eftir gjöfult sumar í fyrra. Yf-
irleitt er Aðalsteinn fyrstur til að
hefja heyskap en óopinber sam-
keppni er á milli bænda um að
hefja slátt.
Bústofn í Strandseljum er lið-
lega 200 kindur og nokkrar kýr í
fjósi, auk geldneyta. Þá styrkja
afkomuna veiðihlunnindi í Laugar-
dalsá. „Ég tók við búinu fyrir sjö
árum við lát föður míns, Valdimars
Valdimarssonar, en móðir mín Sig-
ríður Aðalsteinsdóttir starfar að
því með mér og á sínar skepnur,“
segir Aðalsteinn en hann hefur þó
unnið óslitið við búskapinn í rúm
tuttugu ár eða síðan vorið 1981, þá
nýorðinn stúdent frá Flensborgar-
skóla. „Síðan hef ég ekki verið í
skóla, nema skóla lífsins.“
Útsýni frá Strandseljum er ægi-
fagurt þar sem sér yfir meginhluta
Djúpsins og í nágrenni bæjarins er
mikil lúpínubreiða sem bæði skýlir
og prýðir.
„Það var fyrir um þrjátíu árum
að móðir mínn sáði lúpínufræjum í
gróðurvana mela og holt innan tún-
girðingar.
Lúpínan hefur heldur betur
breitt úr sér með árunum og annar
gróður hefur fest rætur í skjóli
hennar.“
Aðalsteinn segist hafa séð dá-
góðan skammt af landinu, þó hafi
hann ekki farið um Húnaþing og
Skagafjörð og örfá önnur svæði í
byggð. Í frístundum, sem einkum
gefast að vetri til, les hann mikið,
svo sem ævisögur, fræðibækur og
ljóð, og á mikið safn ljóða og ljóða-
bóka. Þá vann hann um nokkurra
ára skeið ljóðaþætti fyrir blöð, til
dæmis fyrir Vestra. Þá er marg-
breytilegt ljóðform honum innan
handar þegar hann kýs að koma
hugsunum sínum í bundið mál eins
og eftirfarandi ljóðlínur vitna um:
Sumt er hér landið sáð og yrkt,
samt skilar litlum arði,
þó tilbúinn áburð og aðra virkt
alls ekki við það sparði.
Snauð eru túnin snögg og ljót,
snarrótarskúfurinn harði
einn eftir klaka og kal í rót
í kuldanum eftir hjarði.
Mörg er af grjóti úr reitum rúst,
rísa þó nibbur gleiðar,
slegið er yfir þúfu og þúst
og þanist um urðir leiðar.
Fríkkar í augum einyrkjans
afkoman sunnan heiðar
við það að horfa á harðbalans
helsviðnu sléttur breiðar.
Þurrkatíðin
verið erfið
Hólmavík
Morgunblaðið/Arnheiður Guðlaugsdóttir
Aðalsteinn á Strandseljum við slátt og í baksýn sér í lúpínubreiðu.
SÍÐASTLIÐINN föstudag komu
saman nokkrir frammámenn sveit-
arfélagsins og Kennarasambands
Íslands í sumarhúsahverfinu Heið-
arbyggð. Tilefnið var að taka
formlega í notkun fyrsta áfanga
við uppbyggingu nýs orlofshúsa-
hverfis kennarasambandsins. Búið
er að fullgera sex glæsileg hús
sem staðsett eru við Háamóa í
Heiðarbyggð í landi Ásatúns í
Hrunamannahreppi. Orlofshúsin
eru hönnuð þannig að þau henti
tveimur fjölskyldum. Húsin eru vel
búin húsgögnum auk nýjustu teg-
undum heimilistækja.
Við hvert hús er um 40 fer-
metra verönd og heitur pottur.
Húsin eru timburhús á steyptum
grunni, 87 fermetrar að stærð og
öll eins. Að utan eru húsin klædd
alosinki og bandsöguðu timbri, en
að innan með birkikrossviði. Á
gólfum eru steinflísar og línoleum-
dúkur. Hurðir, gluggar, ofnar o.fl.
er allt smíðað hér á landi.
Í framtíðinni er stefnt að því að
reisa allt að því átján hús á svæð-
inu en kennarasambandið hefur
þarna um 7,2 hektara lands til um-
ráða. Næsta verkefni er bygging
félagshúss á þessu landi með sam-
komusal fyrir um 50 manns sem
nýttur verður af félagsmönnum.
Búið er að ganga frá tveimur leik-
svæðum og körfuboltavelli auk
þess sem plantað hefur verið um
1.400 trjáplöntum. Arkitekt orlofs-
húsanna er Albina Thordarson en
byggingaverktaki var Viðir ehf.,
Ástmar Örn Arnarson.
Vaxandi umsvif orlofssjóðs KÍ
Að sögn Hilmars Ingólfssonar,
formanns orlofssjóðs, hefur Kenn-
arasamband Íslands aukið veru-
lega við eigur sínar á síðustu ár-
um. Auk nýju húsanna sex á KÍ
þrettán orlofshús í Ásabyggð hér í
Hrunamannahreppi og þrjú í
Kjarnaskógi á Akureyri. Þá á KÍ
einnig fjórar íbúðir og fimm her-
bergi á Sóleyjargötu 33 í Reykja-
vík og nú nýlega hafa verið teknar
í notkun sex íbúðir á Sóleyjargötu
25 í Reykjavík. Í sumar eru því
alls 63 staðir í boði fyrir fé-
lagsmenn kennarasambandsins
með103 leigueiningum, samtals
1.200 leiguvikum á Íslandi og á
Spáni.
Ný orlofs-
hús hjá
kennara-
sambandinu
Morgunblaðið/Sigurður Sigmundsson
Hluti þeirra manna sem komu að uppbyggingu orlofshúsanna. F.v. Loftur Þorsteinsson sveitarstjóri, Valgeir
Gestsson, stjórnarmaður í Orlofssjóði KÍ, Valgeir Gestsson, fyrrv. framkvæmdastjóri KÍ, Sigurður Ingi Jó-
hannsson oddviti, Bjarni H. Ansnes, fyrrv. skólastjóri, Albína Thordarson arkítekt, Ástmar Örn Arnarson verk-
taki, Hilmar Ingólfsson, form. Orlofssjóðs KÍ og Gunnlaugur Ástgeirsson, stjórnarmaður í KÍ.
Hrunamannahreppur