Morgunblaðið - 24.08.2002, Síða 8

FRÉTTIR
8 LAUGARDAGUR 24. ÁGÚST 2002 MORGUNBLAÐIÐ
Brimborg Reykjav ík Br imborg Akureyr i br imborg. is
Það er margt sem kemur á óvart
Fáðu meira en áður - fyrir minna en áður.
Komdu. Kauptu nýjan Ford Fiesta.
er dæmi um meiri bíl.
Ford sendir frá sér tákn um nýjan staðal - nú í hönnun smábíla:
Stærri og betur búinn Ford Fiesta! Glæsilegur Fiesta skartar því
allra besta frá verðlaunabílunum Focus og Mondeo. Keyrðu hann...
IPS öryggiskerfi Fiesta
Vertu velkomin(n)
hafðu samband við ráðgjafa okkar.
SAMKVÆMT samantekt lögregl-
unnar í Reykjavík eftir umferð-
arátakið slysalaus dagur í umferð-
inni á fimmtudag, urðu jafnmörg
slys á þessum degi og að meðaltali
aðra daga. „Það hlýtur að vera
bæði vonbrigði og áhyggjuefni að
ekki takist að hafa einn slysalausan
dag í umferðinni og það þótt 70 lög-
reglumenn samanlagt hafi verið vel
sýnilegir á flestum gatnamótum
borgarinnar og þeir haft afskipti af
yfir 1.500 ökumönnum,“ segir í til-
kynningu lögreglunnar.
Að meðaltali eru 15 umferð-
aróhöpp tilkynnt daglega til lög-
reglunnar og urðu þau nákvæm-
lega 15 á slysalausa deginum. Ekið
var á barn á Hringbraut við Land-
spítalann um kl. 19 og 14 önnur um-
ferðaróhöpp voru tilkynnt.
Í samantekt lögreglunnar kemur
fram að flest afskipti lögreglu-
manna af ökumönnum hafi verið
vegna þess að ljósabúnaði ökutækja
var ábótavant eða viðkomandi öku-
maður var að tala í síma án þess að
nota handfrjálsan búnað. Þá voru
30 ökumenn stöðvaðir þar sem þeir
notuðu ekki bílbelti.
Auk þessa var fylgst með akstri
þungaflutningabíla í umferðinni og
voru það lögreglumenn frá umferð-
ardeild ríkislögreglustjóra sem
önnuðust þann þátt verkefnisins
með aðstoð Vegagerðarinnar.
Morgunblaðið/Júlíus
Á slysalausa deginum hitti Geir Jón Þórisson yfirlögregluþjónn Axel Kvaran, fyrrverandi lögreglumann og
sundkappa, á gatnamótum Kringlumýrarbrautar og Miklubrautar.
Vonbrigði með slysalausa daginn
Eyrbyggjar, hollvinasamtök Grundarfjarðar
Saga Eyrbyggja
skráð og skýrð
EYRBYGGJAR, holl-vinasamtökGrundarfjarðar,
stendur að útgáfu safns til
sögu Eyrarsveitar, ásamt
sögunefnd Eyrarsveitar.
Þar er safnað saman upp-
lýsingum og fróðleik um
svæðið, safnað saman ör-
nefnum, gömlum sögum og
vísum.
Starfið er unnið af hug-
sjónafólki bæði í Reykjavík
og vestur í Grundarfirði og
nágrenni. Morgunblaðið
ræddi við Gísla Karel Hall-
dórsson, formann Eyr-
byggja, um útgáfuna og
starfsemi félagsins.
– Hver er saga félags-
ins?
„Félagið var stofnað á
bæjarhátíðinni Á góðri
stund í Grundarfirði árið 1999. Þar
söfnuðust áhugamenn um sögu
staðarins saman og ákváðu að
bindast samtökum um söfnun og
útgáfu efnis um Eyrarsveit. Ekki
er formleg félagaskrá, en allt
áhugafólk um starfið er velkomið
til liðs við okkur. Bæði eru íbúar í
Grundarfirði og brottfluttir Eyr-
byggjar í félaginu. Virkir félagar
eru fjölmargir búsettir fyrir vest-
an. Aðalviðfangsefni félagsins er
útgáfa ritanna, en höfum við á
þrettándanum undanfarin ár veitt
viðurkenningu til fólks og fyrir-
tækja sem staðið hefur sig vel í
uppbyggingu þar fyrir vestan.“
– Félagið starfar í nokkrum
nefndum, ekki satt?
„Jú, það eru starfandi nokkrar
verkefnanefndir. Ein þeirra sér
um örnefni og söfnun þeirra. Unn-
ið er að skráningu þeirra inn á
myndir, bæði myndir eins og gefn-
ar hafa verið út á veggspjaldið nú
og einnig loftmyndir af svæðinu.
Örnefni á öllum jörðum í Eyrar-
sveit hafa verið tölvuskráð í sam-
vinnu við Örnefnastofnun, og má
sjá árangur þeirrar vinnu á heima-
síðunni www.grundarfjordur.is
undir flokknum sögupunktar.
Markmiðið er að safna saman ör-
nefnum og myndum frá öllum bæj-
um í sveitinni. Önnur nefnd nefn-
ist vísnanefnd, og hefur það
verkefni að safna vísum frá íbúum
sveitarinnar sem síðar hafa verið
gefnar út í heftunum. Þriðja
nefndin sér um skráningu gamalla
fiskimiða. Til eru frásagnir um
þau, en unnið er að því að færa þau
inn á kort til nánari útskýringar.
Sú fjórða leitar allra gamalla ljós-
mynda úr sveitinni og skráir niður
upplýsingar um þær. Leitað hefur
verið til fjölda fólks um upplýsing-
ar og meðal annars hafa þær verið
sýndar á hátíðum í Grundarfirði til
þess að fá upplýsingar frá bæj-
arbúum.“
– Hvað er viðfangsefni nýja rits-
ins?
„Ritið, sem er það þriðja í röð-
inni, ber heitið Fólkið, fjöllin,
fjörðurinn. Í það skrifar á annan
tug manna og kvenna um ýmis at-
riði úr sögu sveitarinnar. Sem
dæmi má nefna um-
fjöllun um gamlar ljós-
myndir úr sveitinni,
sem Inga Lára Bald-
vinsdóttir hefur tekið
saman. Gaman er að
geta þess að fyrsti íslenski ljós-
myndarinn, Helgi Sigurðsson, var
prestur á Setbergi í Eyrarsveit.
Greinar eru um starfsemi Mjólk-
ursamlagsins og hraðfrystihússins
í Grundarfirði, dagbækur og
æskuminningar Grundfirðinga, og
um gamlar lendingar í Eyrarsveit.
Það er rannsókn sem tveir landa-
fræðinemar úr Háskóla Íslands
unnu fyrir félagið. Einnig má
nefna gamlar ljósmyndir, vísur,
umfjöllun um Frakka í Grundar-
firði, sem Ásgeir Guðmundsson
skráði sem safn til sögu Grundar-
fjarðar, skólahald og barna-
fræðslu í Eyrarsveit, og annáll
sveitarfélagsins, sem Björg
Ágústsdóttir bæjarstjóri skrifaði.
– Kom einnig út kort með heft-
inu?
Já, um leið og heftið kom út var
einnig gefið út veggspjald með
ljósmynd af fjallahringnum um-
hverfis Grundarfjörð, mynd sem
tekin var af báti á firðinum. Önnur
mynd, sem tekin er frá Hamrahlíð,
sýnir fjöllin séð þaðan. Örnefni
hafa verið sett inn á kortið.“
– Hafið þið notið styrkja til
starfsins?
„Já, bæði Grundarfjarðarbær,
styrktarsjóður Sparisjóðs Eyrar-
sveitar og Búnaðarbankinn hafa
styrkt starf okkar. Einnig höfum
við unnið að sölu ritanna.“
– Gildi þess, að koma þessum
fróðleik á prent, hlýtur að vera
ótvírætt.
„Já, það er okkur mikið kapps-
mál að koma á prent þeim upplýs-
ingum sem enn liggja á lausu um
sögu sveitarinnar og ýmiss konar
þjóðfræði innan henn-
ar. Við uppsetningu
höfum við notið aðstoð-
ar fagmanna. Fyrir-
tækið Mál og mynd ehf.
sér um allan frágang
fyrir okkur. Starf félagsins miðar
að því að gefið sé út rit af þessu
tagi á hverju ári, þar sem safnað sé
saman efni sem annars myndi
glatast. Þegar hafa verið lagðar
línur um efni næsta rits, sem kem-
ur út að ári. Það er mjög gaman að
vinna að þessari útgáfu, og meðan
starfsánægja ríkir og verkið fær
góðar móttökur viljum við halda
þessu áfram.“
Gísli Karel Halldórsson

Gísli Karel Halldórsson fædd-
ist í Grundarfirði 1950. Bygging-
arverkfræðingur frá Háskóla Ís-
lands 1974. Lauk framhaldsnámi
í verkfræði við Danmarks Tekn-
iske Höjskole 1977. Hefur starf-
að hjá Almennu verkfræðistof-
unni frá 1984 og er þar með-
eigandi. Gísli er formaður
Eyrbyggja, hollvinasamtaka
Grundarfjarðar. Er í stjórn Fé-
lags ráðgjafarverkfræðinga.
Byggingarfulltrúi fyrir Hval-
fjarðarstrandarhrepp og Skil-
mannahrepp vegna uppbygg-
ingar Norðuráls á Grundartanga
frá upphafi framkvæmda þar.
Formaður sameignarfélags um
Arnarholt í Stafholtstungum í
Borgarfirði. Maki Gísla er Lauf-
ey B. Hannesdóttir verkfræð-
ingur og eiga þau Pálínu, Gauta
Kjartan og Finn, og barnabarnið
Laufeyju Jökulsdóttur.
Mikilvægt að
safna sögnum
og örnefnum