Morgunblaðið - 24.08.2002, Qupperneq 17

SUÐURNES
MORGUNBLAÐIÐ LAUGARDAGUR 24. ÁGÚST 2002 17
Uppskrift
að góðri helgi
1 stk. ferskur blómkálshaus (meðalstór)
1/2 ltr. rjómi
1 lítil dós rjómaostur
kjötkraftur (eftir smekk)
1 poki rifinn mozzarellaostur
Blómkálið er skorið í meðalstóra klasa út frá
kjarna og soðið í léttsöltuðu vatni. Hitið rjómann
og rjómaostinn saman í potti og bragðbætið eftir
smekk með kjötkraftinum. Setjið blómkálið í stórt,
eldfast mót, hellið rjómablöndunni yfir kálið og
sáldrið loks mozzarellaostinum yfir. Bakist í 200
gráðu heitum ofni, helst með grillhitun, þar til
osturinn er orðinn gullinbrúnn.
Ofnbakað blómkál
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
G
RA
1
80
33

07
/2
00
2- alltaf 1/3
Hafðu hollustuna með
Íslenskt grænmeti
ÞAÐ VORU hressir strákar sem
tóku á móti blaðamanni í Dósaseli í
vikunni enda ekki þekktir fyrir
annað. „Þeir bera mikla virðingu
fyrir vinnu sinni,“ sagði Óli Þór
Kjartansson forstöðumaður, „og
vinna mjög vel saman.“
Vinnudeginum skipta þeir á milli
sín, en tveir starfa fyrir hádegi og
þrír eftir hádegi. Starfsaldur
þeirra spannar allt frá tveimur ár-
um upp í níu ár en í upphafi var ætl-
unin aldrei að hver og einn myndi
starfa svo lengi í Dósaseli. „Þessi
vinnustaður var hugsaður sem
starfsþjálfun fyrir fatlaða ein-
staklinga sem færu þá héðan út á
hinn almenna vinnumarkað. Því
miður hefur hins vegar gengið illa
fyrir fatlaða að fá vinnu,“ sagði Óli
Þór í samtali við Morgunblaðið.
Byrjuðu í litlum skúr
Dósasel hefur verið starfrækt í
níu ár í þeirri mynd sem það er nú,
en fyrsti vísir að Dósaseli var dósa-
söfnun í litlum skúr við Sóltún í
Keflavík. „Þessi skúr varð miðstöð
dósasöfnunar í nokkur ár eða frá
1989 þegar Endurvinnslan var
stofnuð. Söfnunin vatt smátt og
smátt upp á sig og nokkrum árum
síðar var hún flutt í það húsnæði
sem hún er í nú. Fyrir 9 árum varð
Dósasel umboðsaðili Endurvinnsl-
unnar og tók þá um leið við öllum
þeim endurvinnsluvélum sem fyrir
voru í nokkrum verslunum hér á
svæðinu,“ sagði Jóhanna Grét-
arsdóttir, starfsmaður og eig-
inkona Óla Þórs, en samtals hafa
þau hjónin hátt í 20 ára starfs-
reynslu hjá Þroskahjálp á Suð-
urnesjum. Óli Þór brosir í kampinn
og rifjar upp fyrstu árin. „Þetta var
oft æði skrautlegt hér. Vélarnar
voru svo næmar að það mátti ekki
gusta hér inn og þær vildu ekki sjá
beyglaðar dósir eða flöskur með
misfellum. Í dag er þetta mikið
breytt. Við sendum allar flöskur og
áldósir beint inneftir en glerið mylj-
um við hér.“
Aðaltekjulind Þroskahjálpar
Dósasel er mikilvægt fyrirtæki
og nýtur mikillar velvildar sem þau
Óli Þór og Jóhanna segja seint full-
þakkaða. Starfsemin er aðal-
tekjulind Þroskahjálpar á Suð-
urnesjum og er það bæði að þakka
öllum þeim fyrirtækjum og ein-
staklingum sem styðja við bakið á
þeim með gjafadósum og flöskum
og eins fær Dósasel umboðslaun frá
Endurvinnslunni fyrir þær dósir og
flöskur sem sendar eru til endur-
vinnslu þangað.
„Við starfrækjum hér gjafadeild
og móttöku gegn skilagjaldi og
hingað kemur fólk með allar dósir
og flöskur flokkaðar og taldar ofan
í poka. Allt glerið er hins vegar
mulið hér í þar til gerðri vél og sent
til urðunar. Við sækjum einnig dós-
ir til þeirra sem vilja og strákarnir
skiptast á að koma með okkur.
Þeim finnst það gaman enda mikil
tilbreyting að komast út til fólksins.
Við njótum mikillar velvildar en
samkeppnin er oft hörð, sér-
staklega við íþróttafélög sem mikið
eru farin að safna dósum og flösk-
um til fjáröflunar,“ sagði Óli Þór.
Skemmtilegur vinnustaður
Þeir Helgi Sæmundsson, Árni
Ragnarsson og Davíð Már Guð-
mundsson voru í óða önn að fylla
Endurvinnslubílinn þegar blaða-
mnn bar að garði og það var greini-
legt á handtökunum að þarna voru
vanir menn á ferð. Aðspurðir sögð-
ust þeir ánægðir með vinnunna og
að hún væri skemmtileg. Auk
þeirra starfa Ásmundur Þórhalls-
son og Árni Jakob Óskarsson í
Dósaseli fyrir hádegi.
– Finnst ykkur ekkert vanta
stelpur á vinnustaðinn?
„Nei,“ sögðu Árni og Davíð í kór
og brostu breitt til þeirra stúlkna
sem voru á staðnum en auk Jó-
hönnu hefur dóttir Jóhönnu og Óla
Þórs, Guðbjörg Ragna Sigurjónd-
óttir, starfað í Dósaseli í sumar við
sumarafleysingar og voru dreng-
irnir greinilega ánægðir með fyr-
irkomulagið.
Dósasel er aðaltekjulind
Þroskahjálpar í Reykjanesbæ
Helgi, sem er aldursforsetinn, kemur hér glerflöskum í mulningsvélina.
Mikilvægt fyrir-
tæki með starfs-
glaða vinnumenn
Morgunblaðið/Svanhildur Eiríksdóttir
Árni, Helgi og Davíð máttu vart
vera að því að stoppa enda nóg
að gera við að fylla bílinn og
koma hráefninu í endurvinnslu.
Keflavík
UMFERÐARFULLTRÚI Suður-
nesja ritaði Sandgerðisbæ bréf þar
sem varað er við hættulegri aðkomu
að leikskólanum Sólborg. Í bréfinu
segir að í skoðunarferð fulltrúans
um svæðið hafi aðkoman að leikskól-
anum vakið athygli hans. „Bílar
þurfa að bakka og snúa við til að
komast burtu. Mjólkurbíllinn bakkar
inn í sund við skólann á morgnana
með litla yfirsýn. Það eru mikil
þrengsli,“ segir í bréfinu. „Það er
grundvallaratriði og meginöryggis-
krafa að ökutæki þurfi ekki að bakka
og snúa við skóla og leikskóla.“
Fulltrúinn segir tilgang bréfsins
vera þann að ýta á um aðgerðir áður
en slys verði.
Á síðasta fundi bæjarstjórnar
Sandgerðis voru lagðar fram tillögur
meirihluta bæjarstjórnar um úrbæt-
ur á þessum stað.
Bæjarráð felur áhaldahúsi að sjá
um uppmokstur á svæðinu og að
gengið verði frá svæðinu hið fyrsta.
Varað við
hættulegri
aðkomu
Sandgerði
FYRIRTÆKIÐ RV. Ráðgjöf hefur
sótt um lóð fyrir einkarekinn leik-
skóla í Reykjanesbæ. Á fundi sínum í
gær vísaði bæjarráð umsókninni til
skiplags- og byggingarnefndar. Þá
var samþykkt að fela fræðslustjóra
að safna upplýsingum um reglur og
stuðning nágrannasveitarfélaga við
einkarekna leikskóla.
Jóhann Geirdal lagði fram bókun
þar sem kemur fram að hann og
Ólafur Thordersen styðji hugmyndir
um að finna lóð fyrir nýjan leikskóla.
„Við erum hins vegar andvígir því að
verktakafyrirtæki fái þá lóð til að
reka einkarekinn leikskóla því það er
hlutverk sveitarfélaga að reka þetta
fyrsta skólastig. Það er hins vegar
tímabært að bærinn fari að undirbúa
byggingu nýs leikskóla og því styðj-
um við að lóð sé tekin frá fyrir þá
starfsemi hið fyrsta.“
Bærinn reki
leikskólana
Reykjanesbær
SKÝLI af varamannabekk við fót-
boltavöllinn í Grindavík fauk í fyrra-
dag á bandarískan ferðamann sem
dvaldi á tjaldstæði bæjarins með
þeim afleiðingum að hann rotaðist og
fékk áverka á háls, höfuð og herðar.
Var hann fluttur með sjúkrabifreið á
Heilbrigðisstofnun Suðursnesja og
þaðan til Reykjavíkur til aðhlynning-
ar. Kona sem var í fylgd með mann-
inum slapp ómeidd.
Atburðurinn átti sér stað um
hálfsjöleytið á fimmtudagskvöldið,
en mikið rok var þá í Grindavík, rúm-
ir 18 metrar á sekúndu. Parið var
inni í tjaldi sínu er slysið varð.
Skýli fauk á
ferðamann
Grindavík
♦ ♦ ♦
♦ ♦ ♦
♦ ♦ ♦
BROTIST var inn í þrjár gröfur og
einn bíl í fyrrinótt í Reykjanesbæ.
Brotist var inn í tvær gröfur í sand-
námum við Stapafell og úr þeim stolið
útvörpum og talstöðvum að verðmæti
rúmlega 100 þúsund krónur, sam-
kvæmt upplýsingum lögreglunnar í
Keflavík. Þá var brotist inn í aðra
gröfu í bænum og þaðan stolið geisla-
spilara. Einnig var brotist inn í bíl en
einskis er saknað úr honum.
Lögreglan telur að sá sami eða þeir
sömu hafi verið að verki í öllum inn-
brotunum. Rannsókn stendur yfir.
Brotist inn
í gröfur
Reykjanesbær