Morgunblaðið - 27.08.2002, Blaðsíða 4

FRÉTTIR
4 ÞRIÐJUDAGUR 27. ÁGÚST 2002 MORGUNBLAÐIÐ
Opnunartímar:
Mánud.-föstud. frá kl. 10-18.
Laugavegi 170-174 • Sími 590 5000 • Heimasíða: www.bilathing.is
Netfang: bilathing@hekla.is
MMC Galant GLS 2.0 Avance,
f.skr.d. 08.02.2002, ek. 3500
km, 4 dyra, sjálfskiptur,
aukahlutir, 17“ álfelgur,
vindskeið o.fl. Verð 2.540.000.-
RÁÐUNEYTISSTJÓRI dómsmála-
ráðuneytisins, Björn Friðfinnsson,
segir að samkvæmt lögum um starf-
semi gjafsóknarnefndar sé ráðu-
neytinu óheimilt að ganga gegn um-
sögnum nefndarinnar.
Björn var inntur svara á því af
hverju dómsmálaráðuneytið hafi
ekki farið eftir áliti umboðsmanns
Alþingis í máli manns sem kvartaði
undan synjun ráðuneytisins um gjaf-
sókn í tilteknu dómsmáli sem höfðað
var gegn Landspítalnum og Sjóvá
Almennum vegna skurðaðgerðar.
Byggði ráðuneytið þá synjun á um-
sögn gjafsóknarnefndar. Eins og
kom fram í Morgunblaðinu á sunnu-
dag íhugar lögmaður mannsins að
höfða skaðabótamál á hendur dóms-
málaráðuneytinu.
Telur hann ráðuneytið og gjaf-
sóknarnefnd hafa hunsað álit um-
boðsmanns frá því í júní í fyrra, þess
efnis að ráðuneytinu hafi verið
óheimilt að hafna beiðni mannsins
um gjafsókn. Þess má geta að mað-
urinn tapaði dómsmálinu bæði í hér-
aði og fyrir Hæstarétti.
„Við erum bundnir af því sem gjaf-
sóknarnefnd segir og umboðsmaður
getur ekki breytt því,“ sagði Björn
en vildi ekki tjá sig um mögulegt
skaðabótamál á hendur ráðuneytinu.
Hann myndi ekki reka það í fjölmiðl-
um.
Fram kom í Morgunblaðinu á
sunnudag að lögmaðurinn hefði ritað
ráðuneytinu bréf í júlí 2001 og farið
að nýju fram á gjafsókn í samræmi
við álit umboðsmanns. Eftir ítrekun-
arbréf, og fyrir tilstuðlan umboðs-
manns, kom ekki svarbréf frá ráðu-
neytinu fyrr en hálfu ári síðar, eða í
janúar á þessu ári.
Aðspurður sagðist Björn ekki vera
með skýringu á því af hverju svo
langan tíma hefði tekið að svara lög-
manninum. Minnti hann aðeins á að
dómsmálaráðuneytið hefði þurft að
leita að nýju til gjafsóknarnefndar.
Þorleifur Pálsson, sýslumaður í
Kópavogi, er formaður gjafsóknar-
nefndar. Hann sagði við Morgun-
blaðið að nefndin hefði fjallað fyrst
um málið vegna dómsmáls fyrir hér-
aðsdómi og þar hefði niðurstaða ver-
ið komin áður en umboðsmaður Al-
þingis skilaði sínu áliti, eða í maí árið
2001. Því hefði eðli málsins sam-
kvæmt ekki verið hægt að taka tillit
til álits umboðsmanns þá.
Virðum almennt álit
umboðsmanns
Þorleifur sagði málið hafa komið
til kasta gjafsóknarnefndar að nýju
þegar því var áfrýjað til Hæstarétt-
ar. Á því stigi væri nefndinni, lögum
samkvæmt, ætlað að taka sjálfstæða
afstöðu en vegna rökstudds dóms í
héraði, þar sem sérfróðir meðdóm-
endur voru skipaðir, hefði málið leg-
ið enn skýrar fyrir en áður og hefði
niðurstaða nefndarinnar mótast af
því.
Þorleifur sagði gjafsóknarnefnd
almennt taka tillit til sjónarmiða um-
boðsmanns Alþingis og virða hans
álit. Í þessu máli var það álit um-
boðsmanns m.a. að gjafsóknarnefnd
hefði gengið lengra en heimilt var við
úrlausnina og það væri ekki í verka-
hring stjórnvalda að taka afstöðu til
sönnunaratriða, heldur dómstóla.
Um þessa niðurstöðu umboðsmanns
vildi Þorleifur ekki tjá sig.
Björn Friðfinnsson, ráðuneytisstjóri dómsmálaráðuneytisins
Óheimilt að ganga gegn
umsögn gjafsóknarnefndar
ÞAÐ var mikil mildi að enginn
slasaðist í hörðum árekstri drátt-
arvélar og malarflutningabíls á
Skagavegi nærri bænum Hofi eftir
hádegi í gær. Bæði dráttarvélin og
vörubíllinn eru mikið skemmd og
sennilega ónýt.
Slysið varð með þeim hætti að
dráttarvél var ekið inn á aðalveg-
inn í veg fyrir vörubílinn sem var á
norðurleið, fulllestaður af möl.
Bíllinn lenti á hægra framhjóli
dráttarvélarinnar sem við það
slitnaði í tvo hluta. Bíllinn snerist
hring á veginum áður en hann valt
fram af allháum bakka sem er á
slysstaðnum og endaði á hvolfi í
vegkantinum. Bílstjóri vörubílsins
slapp ómeiddur en ökumaður
dráttarvélarinnar skarst lítilshátt-
ar í andliti.
Dráttarvélin hékk á veginum í
tveimur hlutum og var hún fljót-
lega fjarlægð. Bíllinn var síðan
dreginn á réttan kjöl með stórri
vélskóflu og svo áfram upp á veg.
Jakob Einarsson, ökumaður
vörubílsins, sagðist ekki skilja
hvernig þeir hefðu báðir sloppið
lifandi frá slysinu.
Morgunblaðið/Ólafur Bernhardsson
Jakob Einarsson þakkaði sínum sæla fyrir að hafa sloppið ómeiddur.
Dráttarvél í tvennt
við áreksturinn
Skagaströnd. Morgunblaðið.
Króaður
af við
Rauðavatn
INNBROTSÞJÓFUR sem braust
inn í apótek í Skipholti aðfaranótt
sunnudags var handsamaður við
Rauðavatn í Reykjavík eftir tals-
verða eftirför lögreglu.
Lögreglan í Reykjavík fékk til-
kynningu um innbrotið klukkan
2.02 og fékkst lýsing á bíl sem talið
var að þjófurinn æki. Skömmu síðar
veitti lögreglan í Hafnarfirði eft-
irtekt bíl sem svaraði til lýsing-
arinnar en undir stýri var einn af
svonefndum góðkunningjum lög-
reglunnar. Bílstjórinn sinnti ekki
stöðvunarmerkjum og barst eftir-
förin yfir í austurborg Reykjavíkur
þar sem tókst að króa bílinn af við
Rauðavatn en þar hafði lögregla
lokað veginum. Bílnum mun öku-
maðurinn hafa stolið í miðbæ
Reykjavíkur.
VERÐ á hlutabréfum deCODE
genetics, móðurfélags Íslenskrar
erfðagreiningar, hækkaði um 2,17%
á Nasdaq-hlutabréfamarkaðinum í
gær. Lokaverð bréfanna var 2,35
Bandaríkjadalir, en það hefur lægst
verið 2,30 dalir í lok síðustu viku. Síð-
astliðna 12 mánuði hefur verðið hins
vegar hæst verið 10,60 dalir.
Gengi deCODE
hækkar lítillega
HÓPUR manna tók sig saman í
hádeginu í gær og mótmælti á
Austurvelli vegaframkvæmdum
við Kárahnjúka. Að sögn Elísabet-
ar Jökulsdóttur voru mótmælin
ekki á vegum neinna sérstakra
samtaka heldur höfðu menn sam-
band sín á milli og skipulögðu
mótmælin.
„Við teljum þessar fram-
kvæmdir algerlega ótímabærar og
náttúruspjöll. Alþingi er ekki einu
sinni komið saman, það er byrjað
á þessum framkvæmdum án þess
að málin séu rædd,“ segir hún.
Hún telur að á bilinu 50–60
manns hafi verið samankomnir á
Austurvelli og bætir hún við að
mótmælin hafi verið að mestu
þögul en fólkið fór með fyrsta er-
indið í þjóðsöngnum.
Elísabet segir að fundarmenn
ætli að hittast aftur í dag klukkan
tólf og bendir hún á að jafnvel sé
stefnt að því að hittast í hverju há-
degi í þessari viku en best sé að
taka einn dag í einu.
Hún undirstrikar að það þurfi
mikið til að fólk mótmæli á Ís-
landi. „Ekki nóg með að fólk er í
vinnu og skóla og þarf að huga að
börnum og heimili, heldur er ekki
sterk hefð fyrir mótmælum hér á
landi. Fólk er því mjög reitt þegar
það leggur út í mótmæli,“ leggur
Elísabet áherslu á og bætir við að
mikil þörf sé greinilega hjá fólki
til að sýna hug sinn í þessu máli.
Mótmæltu vega-
framkvæmdum
við Kárahnjúka
Morgunblaðið/Jim Smart
TVEIR menn um tvítugt, sem
grunaðir eru um alvarlega
hnífstunguárás í miðborginni um
helgina, hafa verið úrskurðaðir í 7
og 14 daga gæsluvarðhald vegna
rannsóknar lögreglunnar á málinu.
Gæsluvarðhald annars þeirra renn-
ur út 6. september en hins 31.
ágúst.
Sá sem ráðist var á er 16 ára og
var stunginn í síðu og handlegg og
skorinn í andlitið. Þrátt fyrir alvar-
leg meiðsl var pilturinn ekki í lífs-
hættu og er hann á batavegi.
Hinir grunuðu hafa komið við
sögu lögreglunnar áður, en þeir eru
grunaðir um aðra hnífstunguárás í
miðborginni á menningarnótt.
Í gæsluvarðhald
vegna hnífaárásar
LÖGREGLAN í Hafnarfirði hafði
á laugardagsmorgun afskipti af
tveimur 15 og 16 ára piltum sem
voru ásamt fleirum að reyna að
draga bíl upp á veginn við Hval-
eyrarvatn. Inntir eftir því hvar
þeir hefðu fengið bílinn sögðust
þeir hafa fengið hann lánaðan hjá
eigandanum, 58 ára karlmanni,
daginn áður. Sá kvaðst hafa talið
piltana eldri en þeir voru í raun og
verið viss um að þeir hefðu öku-
réttindi. Eigandinn gisti reyndar
fangageymslur lögreglunnar að-
faranótt laugardags sökum ölvun-
ar og á meðan óku piltarnir um á
bílnum.
30 lítrar af landa
Á föstudagskvöld lagði lögreglan
hald á 30 lítra af landa í bíl sem
hún stöðvaði á föstudagskvöld. Frá
því í júní hefur lögreglan lagt hald
á samtals 56 lítra af landa sem átti
að koma í sölu. Um helgina voru
unnin skemmdarverk voru unnin á
bílum í Garðabæ og Hafnarfirði og
einnig voru rúður brotnar í Víði-
staðaskóla í Hafnarfirði.
Eigandinn gisti
fangageymslur
sökum ölvunar
♦ ♦ ♦