Morgunblaðið - 27.08.2002, Blaðsíða 12

HÖFUÐBORGARSVÆÐIÐ
12 ÞRIÐJUDAGUR 27. ÁGÚST 2002 MORGUNBLAÐIÐ
UM 180 kappakstursmenn gátu
státað af verðlaunapeningum eftir
spennandi hraðakstur um helgina.
Ekki var um harðsnúna formúlu-
garpa að ræða að þessu sinni held-
ur íslenska krakka á aldrinum 6–12
ára sem tóku þátt í kassabílarallíi í
Borgartúni á sunnudag.
Það var Íþrótta- og tóm-
stundaráð Reykjavíkur og Bíla-
naust sem stóðu fyrir keppninni en
hluti bílanna var smíðaður á smíða-
völlum Reykjavíkurborgar í sumar
úr efni sem Bílanaust lét völlunum í
té. Piero Segatta, forstöðumaður
sölu- og markaðssviðs Bílanausts,
sá um framkvæmd keppninnar og
að hans sögn tóku 47 glæsikerrur
þátt í keppninni. Þeim stýrðu 180
ökuþórar því allt að fjórir gátu ver-
ið í hverju liði. „Það fengu allir
verðlaunapening og bol og þetta
heppnaðist í alla staði alveg gríð-
arlega vel. Krakkarnir voru svolítið
spenntir í upphafi en svo reyndist
þetta vera alveg heljarinnar
skemmtun.“
Keppt var í tveimur aldurs-
flokkum, sex til átta ára og níu til
tólf ára. Stuðningsmenn á öllum
aldri voru svo mættir á staðinn til
að hvetja sitt fólk þannig að alls
voru 450–500 manns mættir til
leiks.
Að sögn Piero er forsaga keppn-
innar sú að Bílanaust gaf smíðavöll-
um Reykjavíkurborgar, sem ÍTR
rekur, öxla og dekk í 100 bíla í vor.
„Krakkarnir smíðuðu bílana sjálfir
á smíðavöllunum. Reyndar skiluðu
aðeins 15–20 bílar sér af þeim svo
við ákváðum að hafa þetta mót opið
þannig að allir sem ættu bíla gætu
komið.“
Hann segir keppnina á sunnu-
daginn vera þá fyrstu sem ÍTR og
Bílanaust standa fyrir í sameiningu
og að allar líkur séu á að leikurinn
verði endurtekinn að ári. „Við er-
um að hugsa um að hafa þetta ár-
legan viðburð svo ég held að þetta
sé komið á kortið.“
Morgunblaðið/Jim Smart
Keppendur voru vel varðir í öllum höfuðatriðum og spöruðu sig hvergi við að ná settu marki.
Kassabílar á hvínandi ferð
Tún
Einbeitingin skín úr andliti þessarar ungu ökukonu þar sem hún býr sig
undir að takast á við aðra ökuþóra í yngri keppnisflokknum.
SUÐURNES
FRAMKVÆMDUM við nýja skólp-
dælustöð í Gufunesi og tengingu
hennar við hreinsistöð borgarinnar í
Klettagörðum verður ekki flýtt en
hafist verður handa við hönnun og
upphafsframkvæmdir á árinu. Gert
er ráð fyrir að stöðin verði tekin í
notkun á fyrri hluta árs 2004.
Morgunblaðið greindi í síðustu
viku frá því að saurmengun í fjörunni
neðan við Hamravík væri langt yfir
viðmiðunarmörkum samkvæmt nýj-
um mælingum Mengunarvarna Um-
hverfis- og heilbrigðisstofu Reykja-
víkur. Að sögn Lúðvíks Gústafssonar,
deildarstjóra Mengunarvarna, felst
lausnin á þessu vandamáli í fyrirhug-
aðri dælustöð í Gufunesi en þaðan
verður skólpið leitt í nýja skólp-
hreinsistöð borgarinnar í Klettagörð-
um sem ræst var í maí síðastliðnum.
Upphafleg áætlun gerði ráð fyrir
að þessi tenging yrði komin í gagnið á
næsta ári en þeim framkvæmdum
var seinkað til ársins 2004 vegna
vinnu við nýtt skipulag Gufuness. Í
maí síðastliðnum greindi Morgun-
blaðið frá þeirri ákvörðun borgarráðs
að fela gatnamálastjóra að kanna
hvort flýta mætti lagningu holræsis-
ins vegna skólpvandans í fjörunni við
Hamravík og í Eiðsvík. Að sögn Sig-
urðar H. Skarphéðinssonar gatna-
málastjóra leiddi sú skoðun í ljós að
það yrði mjög erfitt.
„Niðurstaðan varð sú að halda
fyrri áætlun og taka stöðina í notkun í
byrjun árs 2004,“ segir hann. „Þetta
eru stórar framkvæmdir og alltaf
vafamál hversu mikið á að pressa á
þær og með þessu náum við hagstæð-
ari samningum. Framkvæmdin er
geysilega stór og við þurfum að gefa
verktökum við ræsin og stöðina næg-
an verktíma til þess að geta unnið
þetta eins hagkvæmt og hægt er.“
Hann segir að heildarkostnaður
við dælustöðina og tenginguna við
Klettagarða verði hátt í milljarður
króna en í ár sé áformað að leggja
tæpan hálfan milljarð í framkvæmdir
og hönnunarkostnað tengdan stöð-
inni. Í lok ársins verði síðan ræsin að
stöðinni boðin út.
Dælustöð lausnin á skólpvandamáli
Framkvæmdum
ekki hraðað
Grafarvogur
BORGARRÁÐ hefur sam-
þykkt að úthluta Vottum Je-
hova byggingarrétti við
Hraunbæ 113 undir starfsemi
sína. Í staðinn mun söfnuðurinn
afsala sér byggingarrétti við
Fossaleyni í Grafarvogi sem
honum var úthlutað fyrir þrem-
ur árum.
Að sögn Ágústs Jónssonar,
skrifstofustjóra borgarverk-
fræðings, voru lóðaskiptin gerð
að ósk Votta Jehova. „Þetta er
búið að vera lengi í farvatninu,“
segir hann. „Þeir fengu hinni
lóðinni úthlutað árið 1999 og
mjög fljótlega eftir það höfðu
þeir hug á að skipta um. Síðan
er nýlega búið að samþykkja
nýtt skipulag fyrir Hraunbæ-
inn og þess vegna var hægt að
klára þetta núna.“
Aðspurður segir Ágúst söfn-
uðinn hyggja á að byggja safn-
aðarhús á nýju lóðinni.
Vottar
Jehova fá
lóð við
Hraunbæ
Árbæjarhverfi
LOKAVIKAN í umhverfisátaki
Reykjanesbæjar stendur nú yfir.
Þessa síðustu daga verður meðal
annars unnið að því að fjarlægja
stærri hluta úr járni.
Í átakinu hefur verið lögð sérstök
áhersla á að hreinsa járn og annað
rusl af jaðarsvæðum í bæjarfélaginu.
Alls hafa um 160 tonn af járni safn-
ast á sl. tveimur vikum. Þó eru
stærstu járnbitarnir eftir, sem beðið
hafa stórtækra vinnutækja svo unnt
sé að búta þá í sundur, að því er fram
kemur í fréttatilkynningu frá
Reykjanesbæ. Nú er komið að því. Í
dag verður rifinn vinnukrani í
steypustöðinni við Fitjar. Einnig er
m.a. ráðgert að taka niður olíutank í
Ytri-Njarðvík, lýsistank við gömlu
Fiskiðjuna, snigil í gamla HF Kefla-
vík-frystihúsinu og einn meltutank í
Njarðvíkurhöfn.
Bæjarbúar og stjórnendur fyrir-
tækja eru hvattir til að nýta tækifær-
ið þessa síðustu viku í lokahreinsun
svæða sinna. Minnt er á að flutning-
ur efnis er ókeypis meðan á átakinu
stendur.
160 tonn af járn-
rusli fjarlægð
Reykjanesbær
NÆSTU mánuði eiga krakkar eftir
að einbeita sér meira að náminu en
hjólabrettum og öðrum fjörlegum
farartækjum. Skólinn er byrjaður
og þá er minni tími til leikja en
þeim mun meira hlúð að hugvitinu.
Nokkrir hressir krakkar í
Grindavík æfðu sig grimmt á hjóla-
brettum í sumar en ágæt aðstaða
til þess er í bænum. Þau voru líka
ófeimin að sýna ljósmyndara
Morgunblaðsins listir sínar er
hann átti leið um bæinn á dögun-
um.
Morgunblaðið/Þorkell
Leikið sér um síðsumar
Grindavík
Ljósmyndir
úr skókassa
Sandgerði
AUÐUR Sturludóttir hefur opnað
sína þriðju einkasýningu á málverk-
um, að þessu sinni í Fræðasetrinu í
Sandgerði. Myndirnar eru málaðar
með olíu á krossvið. Þema sýningar-
innar er: „Ljósmyndir úr skókassa.“
Titillinn vísar til þess að myndirnar
eru málaðar eftir gömlum ljósmynd-
um. „Þetta eru myndir sem segja
sögu. En sagan er ekki uppspuni,
heldur sönn, ekki fundin upp í list-
rænum tilgangi, heldur hefur hún
akkeri sem heldur henni á jörðu niðri.
Sagan er veruleiki,“ segir í fréttatil-
kynningu um sýninguna.
Auður býður Benjamin Bohn að
sýna með sér. Hann sýnir klipptar
passamyndir á málaðan krossvið.
Þetta er í fyrsta sinn sem hann fæst
til að sýna eigin verk, segir í tilkynn-
ingunni.
Út af Djúpa-
vatnsvegi
Grindavík
BÍLL fór út af Djúpavatnsvegi við
vegamót Ísólfsskálavegar austan
Grindavíkur um sjöleytið í fyrra-
kvöld og hafnaði langt utan vegar.
Engin slys urðu á fólki, að sögn lög-
reglunnar í Hafnarfirði, sem aðstoð-
aði fólkið úr bílnum við að komast til
byggða. Talið er að ökumaður hafi
misst stjórn á bifreiðinni með fyrr-
greindum afleiðingum.
Opinn fundur
um atvinnumál
Reykjanes
ÞINGFLOKKUR Samfylkingarinn-
ar boðar til opins fundar um atvinnu-
mál á Suðurnesjum í dag. Fundurinn
verður í Víkinni, Hafnargötu 80 í
Keflavík, og hefst klukkan 20.
Össur Skarphéðinsson, formaður
Samfylkingarinnar, setur fundinn og
síðan ávarpa fulltrúar atvinnulífs og
stéttarfélaga fundargesti ásamt for-
stöðumanni Svæðisvinnumiðlunar
Suðurnesja.
♦ ♦ ♦
♦ ♦ ♦
Sveitarfélög
geta haft eigin
starfsmann
Sandgerði
ÁKVÆÐIÐ í nýju barnaverndar-
lögunum um að 1.500 manns verði
að vera á bak við hverja barna-
verndarnefnd tekur einungis til
nefndanna sjálfra en ekki starfs-
manna. Það er því ekkert sem
mælir á móti því að Sandgerð-
isbær geti haft eigin starfsmann til
að sinna barnaverndarmálum eins
og verið hefur þótt mál verði lögð
fyrir nefnd sem nær yfir stærra
svæði.
Þetta kemur fram í greinargerð
frá félagsmálastjóra Sandgerðis-
bæjar, Guðnýju Hildi Magnúsdótt-
ur. Umsókn bæjarráðs Sandgerð-
isbæjar um undanþágu frá ákvæði
um lágmarksfjölda að baki barna-
verndarnefndar var hafnað, eins
og fram hefur komið.