Morgunblaðið - 27.08.2002, Blaðsíða 10

FRÉTTIR
10 ÞRIÐJUDAGUR 27. ÁGÚST 2002 MORGUNBLAÐIÐ
MORGUNBLAÐINU hefur bor-
ist eftirfarandi yfirlýsing frá Ástu
R. Jóhannesdóttur alþingismanni:
„Vegna villandi frétta um bréf
sem ég sendi flokksmönnum Sam-
fylkingarinnar í Reykjavík skal
eftirfarandi tekið fram:
Bréf mitt var ekki „prófkjörs-
bréf“ heldur var því ætlað að
kynna störf mín á Alþingi. Með
bréfinu fylgdi listi yfir þingmál
sem ég hef flutt. Auk þess bauð ég
mönnum að nýta sér viðtalstíma
sem ég hef reglulega eða hafa sam-
band við mig með öðrum hætti. Ég
tel það skyldu þingmanna að
kynna kjósendum störf sín og gefa
þeim kost á að hitta sig að máli. Í
einni setningu í bréfinu kom fram
að ég myndi gefa kost á mér áfram
sem þingmaður og hygðist síðar
leita til flokksmanna um stuðning.
Eins og oft hefur komið fram
gilda engar reglur um bréfasend-
ingar þingmanna. Til þess að fyr-
irbyggja hugsanlegar athuga-
semdir vegna útsendingar bréf-
anna – einkum vegna fjölda þeirra
– ákvað ég að greiða póstburðar-
gjöldin úr eigin vasa. Þau greiddi
ég á meðan bréfið var í vinnslu
Bréfið var ritað á bréfsefni mitt
sem þingmanns, en ekki bréfsefni
Alþingis. Bréfsefni leggur Alþingi
hverjum þingmanni til í upphafi
kjörtímabils. Ég tel eðlilegt að
þingmenn noti það til bréfaskrifta
sem tengjast störfum þeirra.
Það er óþolandi að alþingismað-
ur sem reynir að rækja skyldur
sínar við kjósendur skuli vændur
um ámælisvert athæfi þegar hann
sendir bréf á bréfsefni sínu og
borgar undir þau sjálfur. Mikil-
vægt er að fjölmiðlar veiti stjórn-
málamönnum aðhald en það er
ekki síður mikilvægt að þeir gæti
hófs og fari með rétt mál.“
Bréfinu ætlað
að kynna störf
á AlþingiAUKIÐ matvælaöryggi var í
brennidepli á fundi matvælaráð-
herra Norðurlanda sem haldinn
var dagana 22.–25. ágúst í Ilulissat
á Grænlandi. Guðni Ágústsson
landbúnaðarráðherra og Árni M.
Mathiesen sjávarútvegsráðherra
sóttu fundinn fyrir Íslands hönd. Á
fundinum var einnig fjallað um
sjálfbæra nýtingu auðlinda og
vernd líffræðilegrar fjölbreytni.
Í fréttatilkynningu frá sjávar-
útvegs- og landbúnaðarráðuneyt-
um segir: Ráðherrar samþykktu
sérstaka yfirlýsingu um þá þætti
matvælaöryggis sem þeir hyggjast
leggja áherslu á á næsta ári. Yf-
irlýsingin á að stuðla að auknu ör-
yggi matvæla og meiri gæðum,
annars vegar með samvinnu um að
auka áhrif Norðurlanda á alþjóða-
vettvangi þar sem þessi mál eru til
umræðu og hins vegar með því að
auka áhrif neytenda. Guðni
Ágústsson fagnaði þessari yfirlýs-
ingu og gerði að umtalsefni hve
hreint umhverfi og hollar afurðir
skipta framleiðendur og neytendur
miklu. Á Íslandi hefðu á undan-
förnum árum verið settar mark-
vissar reglur til að tryggja gæði
og rekjanleika
framleiðslunnar svo fyrirbyggja
megi að sýktar landbúnaðarafurðir
berist á borð neytenda.
Árni M. Mathiesen gerði grein
fyrir áhyggjum margra fiskveiði-
þjóða af hugmyndum um að setja
fisk á lista CITES, alþjóðlegs
samnings sem hindrar verslun
með tegundir í útrýmingarhættu.
Slíkt verkfæri eigi ekki við stjórn-
un fiskveiða og bent var á hvaða
afleiðingar það gæti haft á fisk-
vinnslu og verslun með sjávaraf-
urðir. Norrænu þjóðirnar voru
sammála um að beita sér á fundi
CITES í Chile síðar í haust.
Samhliða fundi matvælaráðherr-
anna átti Árni M. Mathiesen
sjávarútvegsráðherra fund með
landbúnaðar- og sjávarútvegsráð-
herra Svíþjóðar, Margaretu Win-
berg, þar sem hann gerði henni
grein fyrir óánægju Íslendinga
vegna framgöngu Svía og sænska
formannsins í alþjóðahvalveiði-
ráðinu á síðasta aðalfundi þess. En
þar voru reglur ráðsins um með-
ferð aðildarskjala þverbrotnar.
Á fundinum var stefna mörkuð í
samstarfi um réttindi og aðgang
að erfðaauðlindum á Norðurlönd-
um. Guðni Ágústsson minnti á að
með auknum rannsóknum hefðu
opnast nýir möguleikar á nýtingu
tegunda úr villtri náttúru landsins,
t.d. hveraörvera. Minnti hann jafn-
framt á nauðsyn þess að standa
vörð um það erfðaefni sem hefði
sérstöðu á Íslandi.
Í Ilulissat var enn fremur sam-
þykkt að stofna til tengslanets til
þess að auka samvinnu um að
draga úr notkun varnarefna eins
og skordýraeiturs og illgresislyfja.
Einnig voru samþykktar yfirlýs-
ingar um norrænt samstarf á sviði
skógræktar, lífrænan landbúnað
og norræna jafnréttisáætlun í
landbúnaði.
Aukið matvælaöryggi
á Norðurlöndum
HALLDÓR Ásgrímsson utanríkis-
ráðherra sat í gær fund utanrík-
isráðherra Norðurlandanna annars
vegar og fund þeirra með utanrík-
isráðherrum Eystrasaltsríkjanna
hins vegar. Báðir fundirnir fóru
fram í Tallinn, höfuðborg Eist-
lands.
Í frétt frá utanríkisráðuneytinu
segir: Á fundi norrænu ráðherr-
anna var einkum rætt um samráð
Norðurlanda um málefni Evr-
ópubandalagsins (ESB) og Evr-
ópska efnahagssvæðisins (EES),
þ.m.t. stækkun bandalagsins, áhrif
stækkunar á EES-samninginn og
aðkomu EFTA-landanna að nýjum
stofnunum ESB, þ.e. eftirlitsstofn-
unum á sviði matvæla og siglinga-
og flugöryggis. Þá var fjallað um
deilu ESB og Bandaríkjanna varð-
andi viðskipti með stál, en sl. vor
var sem kunnugt er gripið til gagn-
kvæmra verndaraðgerða sem hafa
ekki einungis áhrif á innflutning á
stáli frá Bandaríkjunum til ESB,
heldur einnig á innflutning stál-
afurða frá EFTA-EES-ríkjunum til
ESB. Halldór Ásgrímsson sagðist
m.a. vona að EFTA-EES-ríkin
gætu reitt sig á stuðning Norður-
landanna þriggja sem aðild eiga að
ESB í máli þessu, en Danmörk
gegnir nú formennsku í ESB.
Á fundi utanríkisráðherra Norð-
urlanda með utanríkisráðherrum
Eystrasaltsríkjanna var fjallað um
Evrópumál, stækkun Atlantshafs-
bandalagsins og svæðisbundna
samvinnu. Halldór Ásgrímsson
ítrekaði stuðning Íslands við
stækkunarferli ESB og sagði það
einkar áhugavert fyrir Ísland
vegna þeirra auknu samskipta- og
viðskiptamöguleika sem það hefði í
för með sér á Evrópska efnahags-
svæðinu í heild sinni. Varðandi
stækkun Atlantshafsbandalagsins
og væntanlega aðild Eystrasalts-
ríkjanna að því voru ráðherrarnir
sammála um að undirbúningur og
aðlögun Eystrasaltsríkjanna
þriggja væri í góðum farvegi. Að
lokum ræddu ráðherrarnir um
samvinnu innan Eystrasaltsráðs-
ins, áherslur varðandi hina svo-
nefndu norðlægu vídd ESB og
samvinnu um umhverfismál, eink-
um kjarnorkuöryggi á norðurslóð-
um.
Stækkun ESB og áhrif á
EES rædd á ráðherrafundi
SKIPIÐ The World liggur nú við
festar í Reykjavíkurhöfn, en það er
sérstakt að því leyti að hægt er að
kaupa íbúðir í skipinu. Alls eru 110
slíkar íbúðir í skipinu og er stærð
þeirra frá um 130 fermetrum til
rúmlega 300 fermetra. Verð íbúð-
anna er á bilinu 2,2 milljónir dollara
til 7,5 milljónir dollara. Þá eru 88
gestaíbúðir í skipinu.
Skipið er um fimm mánaða gam-
alt og kemur nú hingað til lands í
fyrsta skipti. Það var að koma frá
Færeyjum og er stefnan næst tekin á
St. John’s á Nýfundnalandi. Þaðan
mun skipið sigla víða um heim með
íbúa sína. Norskt félag stendur á
bak við skipið og var það byggt í
Noregi. Á skipinu starfa alls um 320
manns allan ársins hring. Í hverri
íbúð er m.a. eldhús og verönd og í
skipinu er matvöruverslun en einnig
veitingastaðir. Á heimasíðu skipsins
á Netinu, en slóðin er www.residen-
sea.com, kemur m.a. fram að búið er
að selja um 80% af íbúðum skipsins.
Kaupendur eru þar af um 40%
Bandaríkjamenn, um 40% Evr-
ópubúar og um 20% einstaklingar og
fyrirtæki frá öðrum heimshlutum.
Skipið kom hingað til lands í
fyrradag og mun leggja af stað til
Nýfundnalands um hádegisbil í dag.
Þaðan mun það m.a. sigla til nokk-
urra áfangastaða í Kanada og síðan
til Bandaríkjanna og Suður-
Ameríku. Að sögn Guðmundar Ás-
geirssonar, framkvæmdastjóra Nes-
skipa, og umboðsmanns The World
hér á landi, sem veitir skipinu þá
þjónustu sem það þarf hérlendis,
fóru íbúar og gestir skipsins m.a. í
Bláa lónið, til Gullfoss og Geysis. Áð-
ur en skipið kom hingað til lands
flutti Úlfar Hjörvar erindi um Ísland
í skipinu.
Lít á þetta sem ævintýri
Fyrir milligöngu Nesskipa voru
tveir íslenskir listamenn, þær Krist-
ín Sædal Sigtryggsdóttir sópr-
ansöngkona og Lára Rafnsdóttir pí-
anóleikari, fengnar til að halda
tónleika á skipinu á leið þess til Ný-
fundnalands. Þær munu koma fram í
tónleikasal, sem tekur um 200
manns í sæti, í kvöld, á miðvikudags-
kvöld og á fimmtudagskvöld. Gert
er ráð fyrir því að skipið leggist að
höfn á Nýfundnalandi á laugardags-
morgun, en þaðan munu þær Kristín
og Lára fljúga aftur til Íslands.
Lára sagði í samtali við Morgun-
blaðið í gær að hún liti aðallega á
þessa ferð sem mikið ævintýri en
þær Lára og Kristín munu að sjálf-
sögðu fá greitt fyrir tónleikana, auk
þess sem þær fá allt frítt um borð.
„Það verður forvitnilegt að kynnast
þeim lúxus sem er á skipum sem
þessum,“ segir Lára.
Fljótandi fjölbýlishús – lúxusskip með 110 íbúðum í Reykjavík í fyrsta sinn
Íslenskir
listamenn
skemmta
íbúum
skipsins
Morgunblaðið/Jim Smart
The World við Reykjavíkurhöfn. Skipið kom hingað til lands í fyrradag og fer áleiðis til Nýfundnalands í dag.
ÞRJÁTÍU og sjö ökumenn voru
teknir fyrir of hraðan akstur á Holta-
vörðuheiði á föstudag og laugardag.
Að sögn Hannesar Leifssonar,
varðstjóra hjá lögreglunni í Hólma-
vík, mældist sá sem hraðast ók á 129
km hraða. Að sögn lögreglu var hann
sérstaklega spurður hverju aksturs-
lag hans sætti og kvaðst hann ekki
vera að flýta sér. Maðurinn var á ferð
með fjölskyldu.
Holtavörðuheiði
37 teknir fyrir
of hraðan akstur
♦ ♦ ♦
NEFND sem ætlað er að gera til-
lögur til menntamálaráðherra um
reglugerð um veitingu stuðnings úr
Kvikmyndasjóði hefur verið skipuð
af menntamálaráðherra, en ný lög
um kvikmyndamál taka gildi 1. jan-
úar 2003.
Laufey Guðjónsdóttir, formaður
nefndarinnar, segir að nefndin sé ný-
tekin til starfa og hafi aðeins hist
einu sinni. Nefndin þurfi að skila af
sér tillögum fyrir 1. okóber og starf
hennar fari því brátt á fullt skrið.
Auk Laufeyjar sitja í nefndinni
þau Ari Kristinsson, Sigríður Mar-
grét Vigfúsdóttir, Hjörtur Grétars-
son og Sigurður Valgeirsson.
Ný lög um kvik-
myndamál taka
gildi í janúar 2003
Nefnd um
veitingu stuðn-
ings skipuð
♦ ♦ ♦
VÍÐTÆK leit að Ítalanum Davide
Paita, sem saknað hefur verið síðan
10. ágúst, bar engan árangur um
helgina þegar 150 liðsmenn björgun-
arsveita Slysavarnafélagsins Lands-
bjargar leituðu hans. Leitað var á
svæðinu frá Grenivík út Látra-
strönd, í Keflavík og Þorgeirsfirði.
Leitað var á landi og af sjó með að-
stoð þyrlu Landhelgisgæslunnar.
Skipulagðri leit hefur nú verið hætt
en málið er enn í rannsókn hjá lög-
reglunni á Akureyri. Komi fram nýj-
ar vísbendingar um afdrif Paita
verður leitað að nýju.
Skipulagðri
leit að Ítalan-
um hætt