Morgunblaðið - 27.08.2002, Blaðsíða 16

VIÐSKIPTI/ATHAFNALÍF
16 ÞRIÐJUDAGUR 27. ÁGÚST 2002 MORGUNBLAÐIÐ
PHILIP Green, sem gerði í samráði
við Baug yfirtökutilboð í Arcadia,
hefur lengi starfað við fjárfestingar
í verslunarfyrirtækjum og við end-
urskipulagningu slíkra fyrirtækja.
Eitt af því fyrsta sem vakti athygli
á honum var þegar hann keypti
tískuvörukeðjuna Jean Jeanie fyrir
65.000 pund um miðjan níunda ára-
tuginn, en hún átti þá í miklum erf-
iðleikum. Á innan við ári sneri
Green rekstrinum við og seldi keðj-
una fyrir 3 milljónir punda, eða 46-
falt kaupverðið.
Philip Green er fæddur í Bret-
landi en býr nú í Mónakó. Hann
lauk ekki formlegri skólagöngu og
fyrstu skrefin í verslunarrekstri
steig hann þegar hann fékk banka-
lán að fjárhæð 20.000 pund. Hann
er fimmtugur að aldri og fyrr á
þessu ári hélt hann upp á afmælið
sitt á Kýpur, þar sem Rod Stewart
og Tom Jones voru meðal þeirra
sem skemmtu gestum. Veislan kost-
aði Green 5 milljónir punda eða um
650 milljónir íslenskra króna.
Hefur hagnast mikið á
kaupum á verslunarkeðjum
Green hefur yfirleitt gengið afar
vel í viðskiptum sínum og er jafnvel
lýst sem snillingi í að koma auga á
og nýta sér tækifæri á verslunar-
sviðinu. Að minnsta kosti eitt dæmi
er þó til um að honum hafi mistek-
ist, en það er þegar hann var
stjórnarformaður og framkvæmda-
stjóri lágvöruverslunarinnar Amber
Day. Árið 1992 sagði hann af sér
þegar áætlanir um hagnað fyrir-
tækisins gengu ekki eftir, en fékk
þó greidda 1,1 milljón punda fyrir
störf sín.
Næstu árin keypti hann og tók
yfir nokkur verslunarfyrirtæki og
fyrir fjórum árum gerði Green til-
boð í verslunarkeðjuna Sears.
Fyrsta verðið sem Green nefndi við
stjórn Sears varðandi yfirtöku á fé-
laginu hljóðaði upp á 300 pens á
hlut og var gert 16. desember árið
1998. Green hækkaði verðhugmynd
sína í 340 pens á hlut sex dögum
síðar og gerði formlegt tilboð upp á
sömu fjárhæð þann 14. janúar 1999.
Sjö dögum síðar hafði samkomulag
tekist við stjórn Sears um verðið
359 pens á hlut og fyrirtækið var
því selt á 549 milljónir punda. Á
innan við áriskipti Green eignum
fyrirtækisins upp, seldi þær og
hagnaðist um 180 milljónir punda.
Fyrir tveimur árum reyndi Green
að eignast Marks & Spencer og svo
verslunarkeðjuna Bhs, áður British
Home Stores, sem er keppinautur
Arcadia. Kaupin á Marks & Spenc-
er gengu ekki eftir en Bhs keypti
hann fyrir 200 milljónir punda. Fyr-
irtækið er nú metið á um einn millj-
arð punda, sem þýðir að Green hef-
ur hagnast um 800 milljónir punda
eða sem svarar til ríflega 100 millj-
arða íslenskra króna.
Fyrr í sumar átti Green í við-
ræðum við Woolworth’s-keðjuna um
hugsanlegan samruna hennar og
Bhs, en þær viðræður bárun engan
árangur. Þá segir BBC að talið sé
að hann sé að íhuga að gera tilboð í
Littlewood’s-fataverslanirnar.
En Green er ekki aðeins lýst sem
snillingi heldur er líka sagt að hann
svífist einskis í viðskiptum. Þá fyll-
ast sumir tortryggni þegar hann
falast eftir nýjum fyrirtækjum
vegna þess mikla hagnaðar sem
hann hefur náð út úr kaupum á
verslunarfyrirtækjum hingað til.
Þessir menn segja sem svo að verð
sem hann sé tilbúinn til að greiða
hljóti að vera langt undir raunveru-
legu virði.
Eins og fram hefur komið hefur
Philip Green, í nafni fjölskyldufyr-
irtækis síns, Taveta Investments,
gert stjórn Arcadia tilboð í fyrir-
tækið. Stjórnin hefur einróma hafn-
að tilboðinu með þeim orðum að það
sé of lágt og geti ekki verið viðræð-
ugrundvöllur. Green nýtur stuðn-
ings Baugs, sem sjálfur hefur reynt
yfirtöku Arcadia á 20% í fyrirtæk-
inu og er talinn hafa hug á að eign-
ast þau vörumerki þess sem höfða
til unga fólksins, Top Shop, Top
Man og Miss Selfridge. Verðið sem
Green býður er 365 pens á hlut,
sem er talsvert hærra verð en bréf-
in hafa selst á að undanförnu, en á
síðustu 12 mánuðum hefur verð
þeirra legið á bilinu 230 til 417,75
pens. Að undanförnu hefur verð
þeirra verið um eða undir 300 pens
á hlut.
Þó stjórn Arcadia hafi hafnað yf-
irtökutilboðinu vinnur Green að því
að sannfæra helstu hluthafa fyrir-
tækisins um ágæti tilboðs síns.
Fjárfestingarbankinn Merrill
Lynch, sem starfar fyrir Green,
hefur átt í viðræðum við hluthafana
og ef marka má fjölmiðla í Bret-
landi er búist við að leiknum sé alls
ekki lokið þó stjórnin hafi hafnað
fyrstu verðhugmynd Greens.
Vill ekki óvinveitta yfirtöku
Stjórn Arcadia mun ekki sætta
sig við minna en 400 pens á hlut.
Standard Life er einn af stærstu
hluthöfum Arcadia með 8,9% hlut
og hefur sagst vera ákveðinn í
stuðningi sínum við núverandi
stjórn.
Stuart Rose, framkvæmdastjóri
Arcadia, þykir hafa staðið sig vel
við stjórn fyrirtækisins, sem stend-
ur nú mun betur en þegar hann tók
við. Að sögn The Independent nýt-
ur hann afar mikils trausts í við-
skiptalífinu svo erfitt muni verða að
fá hluthafa til að greiða atkvæði á
annan veg en hann mæli með. Þó
Rose hafi verið afar andvígur verð-
hugmynd Greens er hann þó einn af
þeim sem munu hagnast verulega ef
af yfirtökunni verður. Ástæðan er
sú að kaupréttur hans í fyrirtækinu
yrði 23 milljóna punda virði, sem
jafngildir um 3 milljörðum króna, ef
af þessum kaupum verður. Hann
hefur þó líka ríka hagsmuni af því
að Green hækki tilboð sitt, því þeim
mun meira virði verður kauprétt-
urinn.
Ekki eru menn á einu máli um
hvort eða hve mikið Green er
reiðubúinn til að hækka tilboð sitt.
Breska blaðið Times hefur það eftir
heimild sem það segir standa nærri
Green að hann muni vera tilbúinn
til að hækka tilboðið um 10 til 15
pens á hlut. Þá er einnig hægt að
líta til þess þegar hann keypti Sears
og upphaflegar verðhugmyndir
voru 300 pens en kaupverðið að lok-
um 359 pens, eins og rakið er hér
að framan.
Í Bretlandi er venja þegar fyr-
irtæki er tekið yfir að það sé gert
með samþykki stjórnar þó stundum
sé farin sú leið að vinna hluthafana
á sitt band og fara gegn vilja stjórn-
arinnar, en þá er talað um óvin-
veitta yfirtöku. Breska dagblaðið
The Guardian hefur eftir talsmanni
Green að ekki komi til greina að
Green fari út í óvinveitta yfirtöku
gegn vel reknu fyrirtæki með virtan
forstjóra. Þar kann einnig að spila
inn í að þeir Green og Rose eru að
sögn The Guardian persónulegir
vinir, svo samkvæmt þessu má ætla
að ef af yfirtökunni verður þá verði
það með samþykki stjórnarinnar en
ekki gegn vilja hennar.
Átök um
Arcadia
Hver er Philip Green og hvernig er útlitið
varðandi yfirtökuna á Arcadia? Haraldur
Johannessen fjallar um feril Greens og þau
átök sem nú standa yfir um Arcadia.
Philip Green vill kaupa Arcadia og nýtur til þess stuðnings Baugs
Morgunblaðið/Árni Sæberg
Philip Green nýtur stuðnings Baugs sem er talinn vilja eignast þau vöru-
merki sem höfða til unga fólksins, Top Shop, Top Man og Miss Selfridge.
STUART Rose, forstjóri Arc-
adia, hefur hins vegar fengið
heimild stjórnar félagsins til
að hafna öllum tilboðum und-
ir 400 pensum, en miðað við
það verð er markaðsvirði fé-
lagsins alls 757 milljónir
punda eða rúmlega 100 millj-
arðar króna. Talið er að
stjórnin vilji jafnvel freista
þess að færa verðið nær 425
pensum (markaðsvirði alls
804 milljónir punda eða 106,5
milljarðar króna), enda sé
það sanngjarnara verð fyrir
félagið miðað við áætlaða af-
komu þess á reikningsárinu
sem er að ljúka.
Breska blaðið The Times
segist hafa heimildir fyrir því
að Philip Green muni funda
með fjármálasérfræðingum
sínum í London í dag til að
ræða hvort hann eigi að
hækka tilboð sitt í Arcadia.
Green hefur þegar boðið 365
pens á hlut en því tilboði var
hafnað. Talið er að hann sé
tilbúinn til að hækka boðið í
375 til 380 pens á hlut (mark-
aðsvirði alls 719 milljónir
punda eða 95,2 milljarðar
króna). Lokaverð Arcadia á
föstudag var 349 pens en
kauphöllin í London var lokuð
í gær.
Green er talinn vera í slag-
togi við nokkra aðra fjárfesta,
að því er segir í Financial
Times. Þeirra á meðal eru
Tom Hunter, sem er skoskur
frumkvöðull í smásöluverslun
og á m.a. hlut í Bhs versl-
anakeðju Green, og þýski
bankinn WestLB auk Baugs.
Arcadia
hafnar til-
boðum
undir 400
pensum
Philip Green
sagður munu
funda með
ráðgjöfum
sínum í dag
FJÁRFESTINGARFÉLAGIÐ
Gaumur ehf. keypti sl. föstudag
hlutabréf í Flugleiðum hf. að
nafnverði um 201 milljón króna,
eða sem nemur 8,71% eignarhlut.
Gaumur átti ekki áður hlutabréf
í Flugleiðum. Hlutabréf í Flug-
leiðum hækkuðu um tæp 30% á
föstudag og var lokaverð bréf-
anna 3,7 krónur á hlut en með-
alverð dagsins 3,48 krónur. Við-
skipti föstudagsins námu alls 758
milljónum króna að markaðs-
verði eða 218 milljónum að nafn-
verði. Sé miðað við meðalverð
hlutabréfanna á föstudag má
gera ráð fyrir að Gaumur hafi
greitt rétt tæpar 700 milljónir
króna fyrir hlutinn sem keyptur
var á föstudag.
Útilokar ekki
frekari kaup
„Við teljum þetta einfaldlega
góðan fjárfestingarkost enda
sýndi félagið mikil umskipti í
rekstri samkvæmt sex mánaða
uppgjöri sem birt var fyrir helgi.
Þá hefur félagið gefið út að af-
koma júlímánaðar hafi verið
mjög góð og er ekki óvarlegt að
ætla að hagnaður félagsins verði
a.m.k. 2 milljarðar á árinu 2002.
Gangi það eftir virðast hlutabréf
í félaginu á góðu verði,“ segir
Kristín Jóhannesdóttir, fram-
kvæmdastjóri Gaums ehf. Hún
útilokar ekki að Gaumur bæti við
hlut sinn í Flugleiðum en vill
ekkert segja nánar um það á
þessu stigi.
Flugleiðir kaupa
eigin bréf
Viðskipti með hlutabréf í Flug-
leiðum námu í gær tæpum 329
milljónum króna að markaðs-
verði eða 91 milljón að nafnverði
miðað við meðalgengi dagsins
sem var 3,61. Lokaverð gærdags-
ins var 3,51 og er það 5,1% lækk-
un frá lokaverði föstudagsins.
Flugleiðir tilkynntu í gær að
hafa keypt eigin bréf að nafn-
verði rúmar 29 milljónir króna á
verðinu 3,75. Kaupverð bréfanna
er því tæpar 110 milljónir króna.
Eigin bréf Flugleiða nema eftir
kaupin tæpum 89 milljónum
króna að nafnverði.
Gaumur kaupir
8,71% í Flugleiðum
ÓLAFUR Daðason hefur verið
ráðinn framkvæmdastjóri hugbún-
aðarfyrirtækisins Hugvits hf. frá
og með 1. september næstkom-
andi, að því er kemur fram á
heimasíðu Hugvits hf.
Ólafur er fyrrverandi fram-
kvæmdastjóri fyrirtækisins auk
þess sem hann er stofnandi þess,
en félagið var stofnað árið 1993.
Ólafur tekur við framkvæmda-
stjórastarfinu af Bjarna Guð-
mundssyni, sem mun taka við nýju
starfi innan fyrirtækisins sem snýr
að þróun nýrra vara og markaðs-
setningu þeirra fyrir viðskiptavini
innanlands og erlendis.
Óafur hefur verið stjórnarfor-
maður Hugvits hf. undanfarin ár
og framkvæmdastjóri GoPro-
Landsteina, móðurfyrirtækis Hug-
vits. Auk þess hefur hann setið í
stjórn fjölmargra hugbúnaðarfyr-
irtækja.
Ólafur er 42 ára, tölvunarfræð-
ingur að mennt og tveggja barna
faðir.
Ólafur Daða-
son aftur
framkvæmda-
stjóri Hugvits