Morgunblaðið - 27.08.2002, Blaðsíða 52

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 ÞRIÐJUDAGUR 27. ÁGÚST 2002 VERÐ Í LAUSASÖLU 190 KR. MEÐ VSK.
VON er á átta ofurhugum hingað
til lands í febrúar á næsta ári og
munu þeir dvelja á hálendi Íslands
í rúmar þrjár vikur og glíma þar
við erfiðar aðstæður.
Til stendur að sýna frá förinni í
bandarísku sjónvarpi í apríl nk. en
koma ofurhuganna hingað til lands
er liður í veruleikasjónvarps-
keppni sem sjónvarpsstöðin Out-
door Life Network og Toyota Mot-
or Sales í Bandaríkjunum standa
að og lýkur með göngu á Everest-
fjall.
Að sögn Cörlu Ciacalese, tals-
manns OLN-sjónvarpsstöðvarinnar
í Bandaríkjunum, eru skipuleggj-
endur keppninnar að leita að
fimmtíu reyndum íþróttamönnum,
körlum og konum, til að taka þátt í
keppninni, Global Extremes: Mt.
Everest – 4Runners of Adventure,
sem tekin verður upp í heild og
sýnd sem framhaldsþáttaröð í sjón-
varpi. Í október verða þeir sem
valdir verða úr boðaðir til Moab í
Utah-ríki og Telluride í Colorado
þar sem þeirra bíða margvíslegar
þrautir. Tólf keppendum verður
boðið að halda áfram og mun leið
þeirra fyrst liggja til Kalahari-
eyðimerkurinnar í Afríku og það-
an til Borneo í Malasíu þar sem
tekist verður á við erfiðar þrautir.
Sem fyrr segir munu átta kepp-
endur halda til Íslands hinn 18.
febrúar nk. og dvelja hér til 11.
mars. Keppendur munu ferðast á
milli á hundasleðum og skíðum auk
þess að reyna fyrir sér í ísklifri.
Koma ofurhuganna hingað til
lands er lokahnykkurinn áður en
lagt verður á tind Everest og er
ætlunin að sýna þann hluta keppn-
innar að hluta í beinni útsendingu.
Fimm keppendur munu reyna við
tindinn en sá sem sigrar hlýtur að
launum 250 þúsund Bandaríkja-
dollara, rúmar 20 milljónir ís-
lenska króna.
Hægt er að nálgast allar nánari
upplýsingar um keppnina á
www.olntv.com en umsóknar-
frestur rennur út 30. ágúst nk.
Bandarísk sjónvarpsþáttaröð í bígerð
um baráttu ofurhuga við náttúruöflin
Dvelja á hálendi
Íslands í 3 vikur
MANNABEIN fundust er verið var
að undirbúa drenlögn við prestssetur
Skeggjastaðakirkju í Bakkafirði sl.
föstudag. Við fyrstu skoðun telur
Guðný Zoëga fornleifafræðingur hjá
Minjasafni Austurlands að um fimm
grafir að kristnum sið sé að ræða.
Enn er þó of snemmt að hennar sögn
að staðfesta það. Rannsókn fer fram á
beinunum og fundarstaðnum næstu
daga. Það var verktakinn, Stefán Sig-
urbjörnsson, sem vann við drenlögn-
ina, sem fyrstur kom auga á beinin.
Ekki heimildir um grafreit á
þessum stað svo vitað sé
Beinin fundust sunnan við prests-
setrið, um 50 metra frá núverandi
kirkjugarði. Guðný og Brynhildur
Óladóttir, prestur við Skeggjastaða-
kirkju, segjast ekki vita til þess að
heimildir um grafreit á þessum stað
séu til, en það verður nú skoðað ná-
kvæmar.
Grunnt er niður á beinin, aðeins um
30–35 sentimetrar. Bein fimm ein-
staklinga hafa fundist á um fimm fer-
metra svæði.
Skeggjastaðakirkja er elsta timb-
urkirkja á Austurlandi og ein elsta
kirkja landsins. Skeggjastaðir eru
landnámsjörð og þar hefur staðið
kirkja frá þeirri tíð.
Mannabein fundust við
Skeggjastaðakirkju
Ljósmynd/Brynhildur Óladóttir
Guðný Zoëga fornleifafræðingur virðir fyrir sér beinin sem fundust við prestssetur Skeggjastaðakirkju.
RANNSÓKNARNEFND sjóslysa
telur að ástæður þess að Bjarmi VE
fórst vestur af Þrídröngum 23. febr-
úar sl. hafi verið slæmt veður á sigl-
ingaleið bátsins og óheppileg hleðsla
þegar lagt var úr höfn. Þá bendir
nefndin á að hægt hefði verið að velja
grynnri siglingaleið með hliðsjón af
þeirri vindátt sem þarna ríkti. Megi
telja að ókunnugleiki skipstjórnar-
manna hafi skipt máli í því sambandi
en allir skipverjar voru í sinni fyrstu
siglingu á bátnum. Tveir skipverjar
fórust með Bjarma en tveir björg-
uðust við illan leik.
Við rannsókn málsins kom m.a.
fram að stöðugleiki bátsins við brott-
för frá Vestmannaeyjum stóðst kröf-
ur. Aftur á móti var óæskileg slag-
síða á bátnum á bakborða sökum
hleðslu en á þilfari voru opin fiskikör
og net aftur í skut sem gátu tekið í
sig bleytu, auk þess sem fríborð var
tiltölulega lítið. Við siglinguna hafi
bæst við vindálag og bleyta hafi safn-
ast fyrir á dekki sem rýrði frekar
stöðugleika bátsins. Af þessum sök-
um valt báturinn meira á bakborða
en á stjórnborða. Eftir því sem meiri
sjór safnaðist fyrir í bátnum skertist
stöðugleiki hans og að lokum fór
hann í hæga bakborðsveltu sem
hann náði ekki að rétta sig úr.
Stuttur tími leið þar til báturinn
var kominn á hliðina. Skipverjum
tókst öllum að komast þurrum fótum
yfir í gúmmíbjörgunarbát en þeir
töldu sig ekki hafa ráðrúm til að
klæðast björgunarbúningum. Eftir
það áttu þeir í erfiðleikum með að
finna hníf til þess að skera á fanga-
línuna sem tengdi þá við Bjarma en
fyrir mistök skáru þeir á rekakker-
islínu. Það varð til þess að gúmmí-
bátinn rak seinna frá bátnum en ella.
Radarmastur Bjarma lenti síðan of-
an á gúmmíbátnum og sprengdi
hann. Þrír skipbrotsmanna komust
upp á leifarnar af bátnum en ekkert
sást til skipstjórans eftir þetta.
Meðal tillagna í öryggisátt vekur
sjóslysanefnd sérstaka athygli á
mikilvægi björgunarbúninga og
þjálfunar í að klæðast þeim. Þá
ítrekar nefndin fyrri ábendingar um
að Siglingastofnun Íslands fylgi því
eftir að björgunaræfingar séu haldn-
ar. Þá eigi rekakkerislína og fanga-
lína í gúmmíbjörgunarbátum að vera
aðgreindar með mismunandi litum.
Sjóslysanefnd vegna Bjarma VE 66
Slæmt veður
og óheppi-
leg hleðsla
VERJANDI eins þeirra sem ákærð-
ir eru fyrir innflutning á 30 kílóum af
hassi til landsins hefur farið fram á
að málinu verði vísað frá dómi þar
sem fulltrúi lögreglustjórans í
Reykjavík sé vanhæfur vegna
tengsla sinna við verjanda annars
sakbornings.
Frávísunarkrafan byggist á því að
fulltrúinn sé vanhæfur þar sem verj-
andi eins sakborningsins hafi flutt
fyrir hann einkamál og eigi fulltrú-
inn eftir að gera upp málflutnings-
laun vegna þess.
Alls eru fjórir karlmenn á aldrin-
um 26–47 ára ákærðir fyrir hlutdeild
í málinu. Tveir þeirra eru sakaðir um
að hafa lagt á ráðin um innflutning-
inn, annar hafi útvegað féð en hinn
séð um að kaupa það í Kaupmanna-
höfn. Sá þriðji er sakaður um að hafa
búið um efnið til flutnings og fjórði
maðurinn er ákærður fyrir að leggja
fram 1,5 milljónir til kaupa á hass-
inu.
Vill að
ákæru um
30 kílóa
hasssmygl
verði
vísað frá

Ákærðir/11
MANNLAUS bíll rann út af bryggju
á Höfn í Hornarfirði skömmu eftir
hádegið í gær. Kafari var nokkurn
tíma að finna bílinn en síðan kom
dráttarbáturinn Björn lóðs á stað-
inn og kippti honum upp með hjálp
kranabíls. Bílinn var í sjónum í
nokkra tíma og gera má því skóna
að sjórinn hafi ekki farið vel með
hann, þó að ekki hafi verið miklar
skemmdir að sjá við fyrstu sýn.
Morgunblaðið/Sigurður Mar
Mannlaus
bíll í höfnina
FJÓRIR útlendir ferðamenn
sluppu ómeiddir úr bílveltu á
Snæfellsnesvegi við Hrútsholt í
gær en ökumaðurinn hafði misst
stjórn á bílnum þegar hundur
hljóp í veg fyrir bílinn.
Hundurinn mun einnig hafa
sloppið ómeiddur. Skv. upplýsing-
um frá lögreglunni á Stykkishólmi
komst fólkið, tveir Rússar og tveir
Þjóðverjar, af sjálfsdáðum út úr
bílnum en þau voru öll í bílbeltum.
Bíllinn er hins vegar mikið
skemmdur.
Hundur varð til
þess að bíllinn valt
♦ ♦ ♦