Morgunblaðið - 03.09.2002, Blaðsíða 4

FRÉTTIR
4 ÞRIÐJUDAGUR 3. SEPTEMBER 2002 MORGUNBLAÐIÐ
Opnunartímar:
Mánud.-föstud. frá kl. 10-18.
Laugavegi 170-174 • Sími 590 5000 • Heimasíða: www.bilathing.is
Netfang: bilathing@hekla.is
Til sölu MMC Pajero 2800
Turbo diesel, nýskráður 20.11.
1998, 5 dyra, sjálfskiptur, ekinn
76.000 km,
ásett verð 2.650.000.
Nánari upplýsingar hjá
Bílaþingi Heklu
HÁHYRNINGURINN og fyrrver-
andi kvikmyndastjarnan Keikó sló
í gegn í Noregi um helgina þegar
hann synti inn Skálavíkurfjörð við
Kristjánssund og baðaði sig í sviðs-
ljósi norsks almennings og fjöl-
miðla. Er Keikó orðinn fjöl-
skylduvinur fjölskyldnanna
Neshaug og Ohren á Volingeyju.
Arild Birger Neshaug, sem var á
siglingu með vinafólki sínu úti á
firðinum á sunnudag, og sá Keikó
skjóta óvænt upp, sagði við Morg-
unblaðið í gær, að það hefði verið
mikil upplifun að verja tíma með
Keikó. „Við vorum að veiða þegar
Keikó birtist skyndilega við hlið
bátsins,“ sagði Neshaug. Hann
sagði Keikó hafa valdið smá-
hræðslu meðal fólksins í fyrstu,
enda datt engum í hug að þarna
væri kominn sjálfur Keikó.
„Við stímdum heim í kofa aftur
og Keikó elti okkur í hálftíma og
var í sjónum, þar sem börnin
klöppuðu honum allan daginn.“
Neshaug sagðist hafa hringt í Sjáv-
ardýrasafnið í Álasundi og spurt
hvort sérfræðingar þar þekktu til
hvals með áföst senditæki.
„Þetta var mikil upplifun fyrir
okkur en ég er ekki viss um að
bandarísku þjálfararnir hafi verið
eins hrifnir af þessu,“ sagði hann.
Hallur Hallsson talsmaður Keikó
sagði Morgunblaðinu að samneyti
Norðmannanna við Keikó hefði
valdið vissum vonbrigðum. „Ver-
öld Keikós hefur verið að stækka
og hann hefur orðið meira sjálf-
bjarga ef svo má að orði komast.
Hinsvegar er ljóst að það virðist
þurfa meira til. Hann er ekki far-
inn út í villta náttúruna sem slíkur.
Hann hefur verið meðal villtra há-
hyrninga en ekki lengur og við
þurfum að taka á því og til þess
höfum við menn í Noregi. Við höf-
um ekki tekið ákvarðanir um það
hvernig við bregðumst við þessu.“
Hallur segir alveg ljóst að Keikó
sé enn á ábyrgð þjálfara sinna
hvað sem ásókn hans í Norðmenn
líður. Enn er ekki vitað hvort
Keikó hafi veitt sér til matar en
hann þrífst þó vel.
Stórkostlegt að vita
að hann er lifandi
Jan Einarsson hjá Sjáv-
ardýrasafninu í Álasundi sagði við
blaðið Adresseavisen að þrír aðrir
háhyrningar með senditæki væru á
þessum slóðum en enginn vafi væri
á því að það væri Keikó sem hefði
leikið við Norðmenn um helgina.
„Það er stórkostlegt að vita að
hann er lifandi, kannski er hann
bara ennþá við hestaheilsu. Þar
sem hann hefur synt svo langt
virðist hann spjara sig vel og ef til
vill hefur honum lærst á ný að
veiða sér til matar, en síld er með-
al uppáhaldsfæðu háhyrninga,“
sagði Einarsen við blaðið.
Neshaug sagði Morgunblaðinu
að fjölmiðlar hefðu þust á svæðið á
sunnudag til að fjalla um Keikó og
í gær fékk Morgunblaðið upp-
hringingu frá fréttakonu BBC í leit
að fréttum af Keikó.
Norski þingmaðurinn og hval-
veiðisinninn Steinar Bastesen seg-
ir í viðtali við Verdens Gang í gær
að hann hafi engan áhuga á því að
Keikó verði veiddur. „Hann er of
gamall,“ segir Bastesen, og bætir
við að kjötið af honum geti varla
verið gott. „Leyfum honum að vera
í Skálavíkurfirði,“ segir þingmað-
urinn við blaðamann VG. „Og ekki
skrifa að ég vilji skjóta Keikó!“
Ljósmynd/Scanpix
Hanne og Håvard Neshaug, sem eru 12 og 13 ára, léku sér við kvikmyndastjörnuna Keikó við Noregsstrendur á sunnudaginn.
Keikó slær í
gegn í Noregi
FJÓRÐUNGSÞING Vestfirðinga,
sem haldið var í Bolungarvík um
helgina, skorar á iðnaðar- og við-
skiptaráðherra að falla frá áformum
sínum um sameiningu Rarik, Orku-
bús Vestfjarða og Norðurorku með
höfuðstöðvar á Akureyri. „Nái þessi
áform ráðherra fram að ganga má
telja líklegt að störfum að orkumálum
fækki á Vestfjörðum þrátt fyrir sam-
komulag við ríkisstjórn Íslands um
eflingu þessarar starfsemi í fjórð-
ungnum,“ segir í ályktun þingsins.
„Þingið skorar á ráðherra að efla
Orkubú Vesfjarða með því að víkka
starfssvæði þess þannig að það nái til
alls hins nýja norðvesturkjördæmis,“
segir ennfremur í ályktuninni. Þá
hvetur þingið ráðherra til að hraða
viðræðum um framtíðarstöðu orku-
mála á Vestfjörðum við forsvarsmenn
sveitarfélaganna og starfsmenn OV.
Guðni Geir Jóhannesson, formaður
stjórnar Fjórðungsþings Vestfirð-
inga, segir í samtali við Morgunblaðið
að á þinginu hafi komið fram eindreg-
inn vilji til að efla Orkubú Vestfjarða
og hafa þar með eitt raforkufyrirtæki
í hinu nýja norðvesturkjördæmi. „Við
óttumst allar þær stórframkvæmdir
sem fyrirhugaðar eru út um allt land
á næstu árum,“ segir hann og á við að
óttast sé að Vestfirðir gleymist í því
sambandi.
Með stórframkvæmdum á hann
m.a. við álversframkvæmdir á Aust-
urlandi. „Það er eins og við séum
gleymdir hér,“ segir hann. „Það er
eins og Norðvesturlandið og Vestfirð-
ir séu hvað afskekktustu hlutar lands-
ins þegar kemur að allri byggðaum-
ræðunni. […]Þannig að okkur finnst
að ráðamenn þjóðarinnar ættu að líta
aðeins til okkar og huga að því hvort
ekki sé hægt að gera eitthvað hérna
líka, úr því það er verið að gera alla
þessa hluti annars staðar.“ Guðni
Geir segir að Vestfirðir megi ekki við
meiri fólksfækkun eigi á annað borð
að halda úti byggð á svæðinu.
Orkumál til umræðu á
Fjórðungsþingi Vestfirðinga
Fallið verði
frá áformum
um sameiningu
GUÐJÓN Arngrímsson, upplýs-
ingafulltrúi Flugleiða, segir að
Boeing þotur félagsins séu ekki
með þá tegund eldsneytisdælu sem
fundist hefur galli í, en Flugmála-
stofnun Bandaríkjanna hefur
ákveðið að láta skoða rúmlega
1.400 þotur í bandarískri eigu af
gerðunum 737, 747 og 757 vegna
galla í eldsneytisdælu.
„Við skoðuðum málið og í ljós
kom að vélar Flugleiða eru ekki
með þessa tegund af dælu og því
gerist ekki nauðsyn að grípa til
ráðstafana.“
Gallaðar eldsneytis-
dælur Boeing-þotna
Ekki í vélum
Flugleiða
Söfnunarátak til styrktar
lamaðri þriggja barna móður
Morgunblaðið/Kristinn
Þorsteinn M. Jónsson, forstjóri
Vífilfells, heimsótti Kristínu
Ingu á Grensásdeild í gær og af-
henti henni eina milljón króna.
VÍFILFELL gaf í gær eina milljón
króna í söfnun til styrktar Kristínu
Ingu Brynjarsdóttur, en hún er ein-
stæð þriggja barna móðir sem lam-
aðist varanlega fyrir neðan axlir í
bílslysi um miðjan ágúst síðastlið-
inn. Vinir og ættingjar fjölskyld-
unnar hafa hafið söfnunarátak til
styrktar henni.
Um er að ræða einnar milljónar
króna vinning úr silfurflöskuleik
Diet Coke og Mastercard sem ekki
hefur verið vitjað, en frestur til að
vitja vinningsins rann út í lok ágúst.
Í frétt frá Vífilfelli kemur fram
að starfsfólk Vífilfells vonist til þess
að framlagið létti fjölskyldunni lífið
í baráttunni sem framundan er, auk
þess sem einstaklingar jafnt sem
fyrirtæki eru hvött til þess að
leggja fjölskyldunni lið.
Sparisjóðsreikningurinn til
styrktar fjölskyldunni er í Íslands-
banka í Hafnarfirði, 0545-14-
604000, og kennitalan er 160468-
4599.
Vífilfell
gaf eina
milljón
RÍKISSAKSÓKNARI hefur ákært
tvo unga menn fyrir að hafa í febrúar
sl. ráðist á rúmlega fertugan mann
þar sem hann lá sofandi í rúmi, dreg-
ið hann út á gólf og margsinnis slegið
og sparkað í höfuð hans og líkama.
Annar þeirra játaði á sig verknaðinn
við þingfestingu í gær en hinn neit-
aði sök.
Mennirnir eru 20 og 22 ára gamlir.
Sá sem varð fyrir árásinni hlaut brot
á augntóft og á kjálka, glóðarauga og
miklar bólgur í andliti. Sá yngri er
auk þess ákærður fyrir að hafa í kjöl-
far árásarinnar ráðist með barsmíð-
um á fertugan lögreglumann og tæp-
lega þrítuga lögreglukonu.
Hinn árásarmaðurinn er einnig
ákærður fyrir að hafa kastað gler-
flösku í andlit jafnaldra síns en sú
árás var framin í nóvember 2000. Við
þingfestingu málsins kom fram að
tvær aðrar kærur fyrir líkamsárásir
eru í rannsókn hjá lögreglu.
Drógu
manninn út
úr rúminu
og börðu
INNBROTSÞJÓFAR brutust inn í
íbúð Bjarkar Guðmundsdóttur,
söngkonu, í Lundúnum aðfaranótt
síðastliðins laugardags, að því er
fram kemur á fréttavef BBC.
Þar kemur fram að þjófarnir hafi
brotist inn í íbúð Bjarkar í Maida
Vale í Vestur-Lundúnum aðfaranótt
laugardagsins og talið sé að þeir
hafi stolið verðmætum upptökubún-
aði.
Jafnframt kemur fram að talið sé
að Björk hafi verið sofandi í íbúðinni
þegar innbrotið var framið. Hins
vegar neitaði talsmaður söngkon-
unnar að tjá sig um innbrotið þegar
það var borið undir hann og sagði
að um einkamál væri að ræða.
Brotist inn
á heimili
Bjarkar í
Lundúnum
♦ ♦ ♦
FIMMTÁN ára ökumaður torfæru-
hjóls lær- og úlnliðsbrotnaði þegar
hann féll af hjóli sínu á mótorkros-
skeppni sem haldin var á Selfossi á
laugardag.
Annar ungur maður handarbrotn-
aði utan við félagsheimilið Borg í
Grímsnesi er hann féll í götuna. Talið
er að hann hafi verið skallaður að
loknu skólaballi sem þar var haldið á
föstudagskvöld.
Fimmtán ára
ökumaður
lærbrotnaði
♦ ♦ ♦