Morgunblaðið - 03.09.2002, Blaðsíða 12

HÖFUÐBORGARSVÆÐIÐ
12 ÞRIÐJUDAGUR 3. SEPTEMBER 2002 MORGUNBLAÐIÐ
KENNSLA HEFST MÁNUDAGINN 9. SEPTEMBER.
Brautarholti 4
46. starfsár
Við kennum alla venjulega samkvæmisdansa fyrir fullorðna,
unglinga og börn yngst fjögurra ára.
Auk þess eru sérnámskeið í eftirtöldu:
Kántrýdansar
Innifalin er bók með lýsingu á 21 dansi.
Social Foxtrott
Danslegur björgunarhringur - allir karlmenn
ættu að læra þennan dans.Tangó
Við höfum lært argentínskan, finnskan, franskan og tangó frá Suður-Kóreu.
Við kennum tangóinn sem 90% af veröldinni dansar og þekkir.
Tjútt
Við kennum gamla góða íslenska tjúttið.
Suður-amerískir dansar
Í þessum hópi eru eingöngu kenndir suður-
amerískir dansar.
Gömlu dansarnir
Þarna lærið þið polka, skottís, marsúka og alla
gömlu góðu dansana.Línudans
Þarna fáið þið amerískt par sem kennir rúmbu, cha cha og fleiri
dansa sem og línudans. Gestakennarar Tim og Rachel.
Salsa
Við kennum tvær tegundir af salsa, salsa
frá Kúbu og salsa frá
Kólumbíu. Gestakennari
Carlos Mendes.
Konu„beat”
Flottar danshreyfingar og
líkamsrækt fyrir konur á öllum
aldri.
Freestyle
Ekta freestyle dansar, enginn jazzballett. Þú getur
mætt einu sinni eða tvisvar sinnum í viku.
Strákar: Sértími í freestyle fyrir ykkur, þar sem
eingöngu strákar kenna.
Brúðarvalsinn
Kenndur í einkatíma.
Innritun fer fram í símum 552 0345 og 551 3129
milli kl. 16 og 22 daglega til 8. september.
Mosfellsbær og Suðurnes - Innritun og
upplýsingar í sömu símum.
Erla
freestyle - salsa.
Emmi
freestyle.
Geymið auglýsinguna
SIGURÐUR Geirdal, bæjarstjóri
Kópavogs, segir að búið hafi verið í at-
vinnuhúsnæði á hafnarsvæðinu í
Kópavogi í tvo áratugi, ekki sé hægt
að koma í veg fyrir að fólk búi í at-
vinnuhúsnæði í bænum á meðan svo
mikill skortur er á leiguhúsnæði.
Bæjarfulltrúar Samfylkingarinnar í
Kópavogi segjast í yfirlýsingu marg-
oft hafa vakið athygli á því að búið sé í
ólöglegu húsnæði á hafnarsvæðinu,
en allar tillögur þeirra um að reyna að
ná utan um þessi mál hafi verið felld-
ar. Þá sé ólíðandi að starfsmenn bæj-
arnis tengist slíku máli.
Anna Stella Snorradóttir, eigin-
kona bæjarlögmanns Kópavogs, átti
hlut í fyrirtækinu CMS fasteignir ehf.
sem leigir út ósamþykktar íbúðir að
Hafnarbraut 21–23 en eignin er skráð
sem verslunar- eða skrifstofuhúsnæði
og iðnaðarhúsnæði. Tilkynnti hún á
laugardag að hún hefði selt hluta sinn
í fyrirtækinu þar sem eign hennar í
fyrirtækinu skaðaði hagsmuni eigin-
manns hennar, eins og það er orðað í
yfirlýsingu hennar. Þá á forstöðu-
maður Lífeyrissjóðs starfsmanna
Kópavogsbæjar hlut í fyrirtækinu.
Segir Anna Stella í yfirlýsingunni
að fyrirtækið hafi átt fasteignina á
Hafnarbraut í tæp tvö ár og að hún
hefði ekki talið neitt athugavert við að
í hluta húsnæðisins væru ósamþykkt-
ar íbúðir enda hefðu þær verið leigðar
út á annan áratug og bæjaryfirvöld
hefðu látið það átölulaust.
„Þetta er auðvitað grátt svæði“
„Það er mjög óheppilegt að það sé
einhver tortryggni í garð opinberra
starfsmanna, hvort sem hún er raun-
hæf eða ekki,“ segir Sigurður. „Það
verða allir að geta treyst því að allir
sitji við sama borð. Þetta er auðvitað
grátt svæði, að leigja svona íbúðir út,
þannig að það er afskaplega óheppi-
legt.“ Sigurður segir að starfsmaður
lífeyrissjóðsins, sem eigi hlut í fyrir-
tækinu, sé í sumarfríi og hann hafi
ekkert heyrt í honum. Aðspurður
hvort hann muni óska eftir því að
hann selji sinn hlut segist Sigurður
ætla að lofa honum að koma með ein-
hverjar tillögur sjálfur. Sigurður
ítrekar að Lífeyrissjóðurinn hafi aldr-
ei átt nokkur samskipti við CMS fast-
eignir. Í yfirlýsingu Önnu Stellu segir
að félagið hafi fjármagnað kaupin
með lántökum hjá bankastofnunum,
aðallega viðskiptabanka aðalhluthafa
félagsins, SMT&K ehf.
Ólíðandi að starfsmenn bæjarins
taki þátt í slíkum málum
Í yfirlýsingu frá bæjarfulltrúum
Samfylkingarinnar í Kópavogi segir
að fulltrúar minnihlutans hafi marg-
oft vakið athygli á þeim „vanda sem
er á hafnarsvæðinu og fylgir ólögleg-
um íbúðum þar. [...] Auðvitað er með
öllu ólíðandi að starfsmenn bæjarins
og þá sérstaklega lögfræðilegur ráðu-
nautur bæjarins, taki þátt í eða teng-
ist málum af þessu tagi. Það vekur
upp spurningar um ráðgjöf hans til
bæjarráðs vegna slíkra mála.“ Segja
bæjarfulltrúarnir að enginn vilji hafi
verið hjá fulltrúum Sjálfstæðisflokks
og Framsóknar að taka á málinu með
neinum hætti. „Allar tillögur okkar í
Samfylkingunni um að endurskoða
skipulag á hafnarsvæðinu og reyna að
ná utan um þessi mál hafa verið felld-
ar af Framsóknarflokki og Sjálfstæð-
isflokki,“ segir í yfirlýsingunni.
Sigurður segir öll sveitarfélögin á
höfuðborgarsvæðinu glíma við þetta
vandamál. „Það er mikil umfram eft-
irspurn eftir húsnæði og það er búið í
ósamþykktum íbúðum svo hundruð-
um skiptir á höfuðborgarsvæðinu.
Það er ekki mjög árennilegt að fara að
henda þessu fólki út, og hvað svo? Það
er ekki hægt að segja að við höfum
leyft þetta en við höfum ekki treyst
okkur til að fara í svona aðgerðir,“
segir Sigurður. Hvorki ríki né sveit-
arfélög geti hent íbúum út meðan
ekki sé til annað húsnæði fyrir fólkið.
Hann segir að sveitarfélagið hafi
frekar snúið sér að því að hafa eftirlit
með atvinnuhúsnæði sem búið er í,
fylgst með því að þar séu brunastigar
og útgangar tryggðir. Aðspurður
hvort það geti skapað hættu t.d. ef
kviknar í og slökkviliðið veit ekki að
búið sé í viðkomandi húsi segir Sig-
urður að allir viti að þarna sé búið,
fólk hafi búið þarna í 20 ár. „Hættan
er ekki mest þar sem við vitum um
þetta og fylgjumst með heldur helst
þegar fólk er að innrétta sér ein-
hverja kompu sem enginn veit um.“
Einhverjir þeirra sem búa í at-
vinnuhúsnæði á hafnarsvæðinu eru að
bíða eftir félagslegu húsnæði frá bæn-
um. Sigurður segir að enginn vandi sé
að spyrja hvort bærinn geti ekki
byggt nóg af blokkum eða íbúðir fyrir
þá sem búa í atvinnuhúsnæði. „Menn
hafa auðvitað ekki undan þegar
straumurinn liggur alltaf hingað. Það
eru þó ekkert allir þarna að bíða eftir
íbúðum hjá okkur. Sumar íbúðirnar
eru mjög flottar, þótt það sé ekki sam-
þykkt íbúðarhúsnæði.“
Sigurður segir að það hafi örugg-
lega verið greiddar húsaleigubætur
með ósamþykktu atvinnuhúsnæði í
bænum. „Ég veit ekki hvað ég á að
segja um það, en ég veit að fólk þarfn-
ast þess,“ segir bæjarstjórinn þegar
hann er spurður hvort hann telji það
eðlilegt. Segist hann telja að sama
fyrirkomulag hljóti að vera hjá öðrum
sveitarfélögum á höfuðborgarsvæð-
inu hvað þetta varðar.
Skipulag efsta hluta hafnarsvæðis-
ins í Kópavogi er nú í endurskoðun, að
sögn Sigurðar. Hann segir að margt
komi til álita hvað það varðar, m.a. að
taka efsta hlutann og breyta honum í
íbúðabyggð eða blandaða byggð. Tel-
ur hann seinni kostinn líklegri.
Bæjarstjóri segir ekki hægt að koma í veg fyrir búsetu í
atvinnuhúsnæði meðan skortur er á leiguhúsnæði
Búið í hundruðum
ósamþykktra íbúða
Kópavogur
METAÐSÓKN var á uppskeruhá-
tíð og innritunardegi skátafélags-
ins Vífils í Garðabæ um síðustu
helgi. Þrjátíu krakkar gengu til
liðs við félagið þennan dag og
segir foringi félagsins uppsveiflu
hjá skátum í Garðabæ um þessar
mundir.
Uppskeruhátíðin var á laug-
ardag og þrátt fyrir að veðrið
væri ekki upp á sitt besta létu
skátar á öllum aldri það ekki
aftra sér frá því að bregða á leik
og grilla sér í svanginn. Vetr-
arstarfið framundan var kynnt og
um kvöldið var kvöldvaka og inn-
ritun nýrra félaga.
Jónatan Smári Svavarsson fé-
lagsforingi er mjög ánægður með
aðsóknina. „Það eru upp undir
100 manns í félaginu og þarna
fengum við 30 nýja félaga. Þann-
ig að þetta er nokkuð gott.“
Jónatan var sjálfur í skátunum
sem krakki en nýlega tók hann til
starfa fyrir félagið eftir 20 ára
hlé. Hann segir skátana standa
fyrir því sama og áður þótt tíð-
arandinn hafi breyst. „Það er
verið að flétta saman útilífi og
ákveðinni hugsun í tengslum við
náttúruna og umhverfið. Grunn-
hugsjónin er sú sama en svo er-
um við að laga okkur að þjóð-
félaginu sem er gjörbreytt.“
Reknir inn vegna óþekktar
Hann nefnir útiveru barna sem
dæmi um þetta. „Í gamla daga
var maður t.d. rekinn inn þegar
maður var óþekkur en í dag eru
krakkar reknir út þegar þeir eru
óþekkir. Það var eðlilegur hluti
hjá okkur að vera úti, maður fór
út þegar maður vaknaði og var
rekinn inn til að fara að sofa en
þetta hefur breyst.“ Þá segir
hann gjörbreytta tíma hvað varð-
ar framboð á afþreyingu fyrir
börn.
Aðspurður um það hvort skát-
arnir fari aldrei úr tísku segir
hann sveiflur í því eins og öðru.
„Mér finnst vera greinileg upp-
sveifla og við erum mjög ánægð
með þann áhuga sem við skynj-
um.“
Hann segist skynja mikinn
áhuga hjá foreldrum á starfinu
og vilja til að standa við bakið á
félaginu. „Til dæmis ætlar hópur
foreldra að mæta á stjórnarfund
hjá okkur á miðvikudaginn til að
undirbúa foreldrastarfið í vetur
og það held ég að sé nýtt. For-
eldrar líta á þetta sem jákvæða
leið og sjá ástæðu til að styðja við
börnin sín í þessu umhverfi. Það
finnst mér vera mesta viðurkenn-
ingin.“
Það þurfti svolitla þolinmæði til að bíða eftir því að fá góðgæti af grill-
inu því biðröðin var löng enda margir um hituna.
Þrjátíu nýliðar
á einum degi
Á uppskeruhátíðinni var brugðið á leik og hér vippa nokkrir hressir
krakkar samskáta sínum yfir stöng í einum slíkum.
Garðabær
Uppsveifla hjá skátafélaginu Vífli