Morgunblaðið - 03.09.2002, Blaðsíða 23
LISTIR
MORGUNBLAÐIÐ ÞRIÐJUDAGUR 3. SEPTEMBER 2002 23
Ítalíuferðir Heimsferða hafa notið ótrúlegra
vinsælda í allt sumar, og uppselt í allar ferðir til
Verona og Rimini. Nú bjóðum við síðustu sætin í
haust til þess heillandi lands, þar sem þú getur
notið einstakrar veðurblíðu, náttúrufegurðar
Rimini, Feneyja, Verona eða Gardavatns og
heillandi menningar þessarar listfengu þjóðar þar
sem þú finnur það besta í menningu, tísku,
matargerð og listum. Beint flug á alla áfangastaði
Heimsferða þar sem þú nýtur traustrar þjónustu
fararstjóra okkar.
Skógarhlíð 18, sími 595 1000. www.heimsferdir.is
Ítalíuveisla
Heimsferða
í haust
frá kr. 29.965
Verð frá 29.965
M.v. hjón með 2 börn, 2–11 ára,
5. og 12. sept. í viku. Stökktu tilboð.
Almennt verð kr. 31.390.
Verð frá 39.950
M.v. 2 í stúdíó/íbúð, 5. og 12. sept. í
viku. Stökktutilboð með sköttum.
Almennt verð kr. 41.950.
Rimini
Vinsælasti sumarleyfisstaður Ítalíu. Stórfalleg
ströndin teygir sig kílómetrum saman eftir
Adríahafinu og hér bjóða Heimsferðir úrvalsgistingu
í hjarta bæjarins. Örstutt til smáríkisins San Remo,
og dagsferð til Feneyja er eitthvað sem enginn ætti
að missa af.
Bologna
Stórkostleg borg í hjarta Ítalíu, þaðan sem mörg
frægustu afrek Ítala á sviði matargerðarlistar koma
frá. Hér getur þú
valið um flugsæti
eingöngu, eða flug
og bíl ef þú vilt fara á flakk, en
héðan er örstutt til Toscana,
Feneyja eða Flórens.
5. sept.
12. sept.
19. sept.
5. sept.
12. sept.
19. sept.
Verð frá 27.265
m.v. hjón með 2 börn, 2 – 11 ára,
5. sept. Flusæti með sköttum.
Almennt verð kr. 28.625.
Verð frá 57.150
M.v. 2 í herbergi. Hotel Maxim,
5 nætur með morgunverð,
m.v. 2 í herbergi. Flug, hótel, skattar.
Almennt verð kr. 60.007.
Verona
Borgin sem Íslendingar hafa tekið
ástfóstri við. Yfir 2 þúsund Íslendingar
hafa farið með Heimsferðum til Verona í
sumar og skoðað þessa fegurstu borg
norður-Ítalíu. Hér kynnist þú Arenunni,
einu frægasta hringleikahúsi heimsins, skoðar svalir Júlíu, gengur
um aldagömul stræti þessarar heillandi borgar sem iðar af
menningu og mannlífi nætur og daga, eða ferðast til Gardavatns,
einnar fegurstu náttúruperlu heimsins.
5. sept. – 16 sæti
12. sept. – uppselt
19. sept. – uppselt
26. sept. – 29 sæti
Verð frá 29.950
Flugsæti til Bologna, m.v. hjón með 2
börn. Almennt verð kr. 31.450.
Bílaleigubíll í 3 daga - kr. 13.100
Opel Corsa – ótakmarkað
kílómetragjald.
GALLERÍ Skuggi sýnir nú tvær
aðskildar sýningar, ljósmyndasýning
Berglindar Björnsdóttur er á jarð-
hæð og í kjallara hefur listakonan
Holly Hughes sett upp ljósmyndir og
texta um starf sitt.
Berglind Björnsdóttir lærði ljós-
myndun við Arizona State University
School of Art, útskrifaðist þaðan 1994
og hefur tekið þátt í nokkrum sam-
sýningum og haldið tvær einkasýn-
ingar síðan. Hér sýnir hún 14 ljós-
myndir undir sameiginlegum titli,
Trufluð tilvera. Orðið truflað er hér
líklega notað í merkingunni að trufla
eitthvað, eiga við það, breyta því á
einhvern hátt, frekar en í merking-
unni klikkað. Berglind sækir í heim
leikfangaframleiðslu, hún hefur kom-
ið smáleikföngum fyrir í umhverfi þar
sem þau eiga ekki heima, mestmegnis
úti í náttúrunni. Flestir sem umgang-
ast börn kannast þó eflaust við að sjá
t.d. Vidda kúreka úti í grasi og
Strumpa á flækingi svo þessi sýn
kemur ekki mjög mikið á óvart. Berg-
lind myndar Strump, Vidda kúreka,
Pétur Pan, bleika risaeðlu, litla kusu
með vængi o.fl. Verkin bera öll titla
sem eru ótrúlega nálægt því sem sjá
má á myndunum, til dæmis Tarsan í
trjánum, Flugkýr lendir á trjátoppi
og Viddi er sannur kúreki og bæta
titlarnir því litlu við. Myndirnar eru
fallegar og vel unnar, best heppnuð
fannst mér myndin af Pétri Pan, með
haustliti í bakgrunni.
Berglind heldur hér af stað með
einfalda og ágæta hugmynd. En það
er spurning hvort ekki hefði mátt
vinna frekar úr henni, nú er eins og
staðar hafi verið numið við útgangs-
punktinn og því skilja myndirnar
heldur lítið eftir sig.
Ýmsir listamenn hafa unnið með
leikfangaheiminn og ber þar kannski
hæst ameríska listamanninn Mike
Kelley, sem veltir fyrir sér ýmsum
hliðum hans, m.a. sálfræðilegum.
Leikföng fela í sér ríkan heim og
tengsl þeirra við daglegt líf eru sterk.
Leikfangaframleiðendur senda
margs konar skilaboð til bæði barna
og fullorðinna með vörum sínum, ekki
síst hinir amerísku sem eiga marga
fulltrúa á sýningu Berglindar. Efni-
viðurinn býður upp á ótal möguleika
og forvitnilegt hvort Berglind heldur
áfram á þessari braut.
Í kjallara Skugga hefur bandaríska
listakonan Holly Hughes sett upp
ljósmyndir og texta sem segja frá
starfi hennar hérlendis og erlendis.
Árum saman hefur Holly verið á
ferðalagi, fyrst á hjóli og síðan á segl-
skútu um víða veröld. Fyrir um það
bil ári heillaðist hún svo af hinu smáa
en fjölþjóðlega samfélagi Ísafjarðar-
bæjar að hún settist þar að, til lengri
eða skemmri tíma. Holly er listamað-
ur sem hefur það að markmiði að efla
sköpunargáfu okkar og opna augu
okkar fyrir jákvæðum þáttum í um-
hverfinu. Hún hefur unnið í Banda-
ríkjunum, Mexíkó og fleiri löndum.
Myndir af starfi hennar hér á landi
hafa birst öðru hvoru í dagblöðum síð-
astliðið ár. Í samstarfi við skólabörn
og aðra bæjarbúa hefur hún unnið
veggskúlptúr úr rusli í Sandgerði,
málað veggmynd á Ísafirði, bakað
kökuskúlptúr á Flateyri og gert lif-
andi skúlptúr af Lagarfljótsorminum
á Egilsstöðum. Í flestum tilfellum
reynir hún að nota rusl, plast og því-
umlíkt sem uppistöðu í verk sín. Hún
vinnur helst með íbúum lítilla staða,
með það að markmiði að byggja upp
jákvæða sýn þeirra á umhverfi sitt,
sér í lagi í þeim tilfellum þegar byggð
er kannski að flosna upp en það er
ekki bara hér á Íslandi sem lítil pláss
geta átt erfitt uppdráttar. Holly vinn-
ur einnig með kennurum á framhalds-
skólastigi og einbeitir sér þá að því að
nota list sem skapandi þátt í kennslu.
Þannig vann hún til dæmis verkefni
um stríð í samstarfi við nemendur og
kennara í Menntaskólanum á Ísafirði.
Á sýningunni eru líka ljósmyndir
sem Holly hefur tekið á ferðum sínum
um landið, hún hefur næmt auga fyrir
umhverfinu og leikur sér að því að
finna form í klettum og steinum en
það er leikur sem við þekkjum öll. Það
er líka forvitnilegt að skoða myndir af
verkum hennar sem eru litrík og vel
unnin og kemur á óvart hversu fallega
hluti er hægt að vinna úr rusli þegar
hæfileikarík manneskja á í hlut. Von-
andi verða fleiri bæjarfélög á landinu
til þess að fá hana til samstarfs við sig,
hún lífgar upp á íslenskan hversdag-
inn. Sýningar Berglindar og Holly
fara ágætlega saman í galleríinu. Þó
markmið þeirra og útkoma séu ólík er
efniviður þeirra beggja daglegt um-
hverfi okkar og hvernig við sjáum
það.
Holly Hughes sýnir m.a. ljósmyndir sem hún hefur tekið á ferðum sínum um Ísland.
Að breyta heiminum
Frá sýningu Berglindar Björnsdóttur í Galleríi Skugga.
MYNDLIST
Gallerí Skuggi
Til 8. september. Opin þriðjudaga til
sunnudaga frá kl. 13–18.
LJÓSMYNDIR OG BLÖNDUÐ TÆKNI,
BERGLIND BJÖRNSDÓTTIR,
HOLLY HUGHES
Ragna Sigurðardóttir
VERK þeirra Arnfinns Amazeen
og Bryndísar Erlu Hjálmarsdóttir í
litla galleríinu Undir stiganum í gall-
erí i8 er örugglega með betri verkum
sem þar hefur verið sýnt. Ástæðan
er í fyrsta lagi sú að parinu tekst að
nýta þetta krefjandi rými einkar
skemmtilega auk þess sem verkið
sjálft er áhugaverð blanda af létt-
vægri, grallaralegri gamansemi og
skilaboðum með alvarlegum undir-
tón.
Verkið heitir „Við erum í svo
miklu jafnvægi“ og er innsetning
gerð með ljósmynd og spegli. Ljós-
myndin sýnir þau Arnfinn og Bryn-
dísi hangandi á slá og undir þeim er
eldhaf sem bíður eftir að gleypa þau
þegar þau missa takið.
Miðað við svipinn á parinu eru þau
hæstánægð með aðstæður sínar og
brosið á Arnfinni hefur yfir sér eitt-
hvert djöfullegt yfirbragð, sem fær
mann til að ímynda sér að eldhafið
séu logar helvítis og þau séu íbúar í
neðra.
Listamennirnir tveir hafa áður
sýnt saman og hljóta því að þekkjast
nokkuð vel. Til dæmis áttu þau bæði
verk á sýningu í Slunkaríki á Ísafirði
nýlega. Þar sýndi Bryndís verkið
„Niðursetning“ þar sem lifandi gull-
fiskum var komið fyrir ofaní gólfinu.
Á sama hátt má segja að þetta verk í
i8 sé niðursetning og nú er spurning
hvort framhald verður á notkun
þessarar framsetningaraðferðar.
Með frasanum „Við erum í svo
miklu jafnvægi“ tengja þau verkið
við íslenskan veruleika. Klisjukennt
orðalagið gæti verið vitnisburður
fólks sem náð hefði árangri á sjálfs-
hjálparnámskeiði.
Á myndinni virðast þau Arnfinnur
og Bryndís vera í fullkomnu jafn-
vægi þrátt fyrir aðsteðjandi hættu
og skilaboðin eru þá þau að maður á
ekki að láta óvæntar aðstæður koma
sér úr jafnvægi; það er leið til út úr
öllum ógöngum.
Að lokum er rétt að minnast á hlut
sýningarstjórans Dorothée Mariu í
framkvæmdinni en það var hún sem
fékk listamennina til þess að taka
höndum saman og vinna verk fyrir
rýmið. Niðurstaðan er vel heppnuð
sýning og sannar það að myndlist-
armenn geta gert margt gott þegar
þeir sameina krafta sína.
Erum í svo miklu jafnvægi
MYNDLIST
Innsetning
Arnfinnur Amazeen og Bryndís Erla
Hjálmarsdóttir.
Opið þriðjudaga til laugardaga
frá kl. 13–17. Til 6. september.
GALLERÍ i8
Arnfinnur og Bryndís hanga
undir stiganum í i8.
Þóroddur Bjarnason