Morgunblaðið - 03.09.2002, Blaðsíða 18

YFIRTÖKUTILBOÐ í Arcadia og málefni
Baugs voru meðal helstu viðskiptafrétta
breskra fjölmiðla í gær og um helgina. Í The
Sunday Times segir að Baugur hafi hafnað
staðgreiðslu Philips Green, sem gert hefur yf-
irtökutilboð í Arcadia, í 20% hlut Baugs í Arc-
adia. Blaðið hefur eftir heimildum af fjármála-
markaðnum að Green sé reiðubúinn til að
hætta við samstarf við Baug um kaupin á Arc-
adia, en það fól í sér að Baugur keypti
ákveðnar verslunarkeðjur fyrirtækisins. Hann
kunni þess í stað að kaupa sjálfur allt fyr-
irtækið með það fyrir augum að selja þessar
verslunarkeðjur síðar. Baugur hafni þessu hins
vegar og vilji ekki selja hlut sinn nema fá að
kaupa verslunarkeðjurnar.
The Sunday Telegraph segir Green hafa
reynt að bjarga tilboði sínu í Arcadia um
helgina. Í samtali við blaðið segist hann ekki
lengur vilja treysta á Baug vegna tilboðsins og
haft er eftir heimildarmönnum, sem sagðir eru
standa nærri Green, að hann sé afar ósáttur við
Baugsmenn þar sem hann telji að þeir hafi af-
vegaleitt sig og ekki komið hreint fram varð-
andi húsleitina sem gerð var síðastliðinn
fimmtudag og lögreglurannsóknina sem stend-
ur yfir.
Skilyrðislaust tilboð
verður líklega lagt fram
Eins og fram hefur komið er fyrirliggjandi
tilboð Greens skilyrt varðandi þátttöku Baugs,
en í The Guardian í gær segir að innan tveggja
sólarhringa verði líklega lagt fram tilboð í Arc-
adia án skilyrða. Blaðið segir vanda Greens fel-
ast í því að koma saman formlegu yfirtöku-
tilboði sem framkvæmdastjóri Arcadia, Stuart
Rose, geti mælt með við stjórn félagsins, en sé
jafnframt þess eðlis að Baugur treysti því að
geta eignast þær verslunarkeðjur Arcadia sem
hann hafi áhuga á. Að sögn blaðsins vill Baugur
að fyrirfram sé ákveðið á hvaða verði Baugur
muni geta keypt verslunarkeðjurnar, en það
mun vera erfiðleikum háð, meðal annars vegna
yfirtökureglna í Bretlandi.
The Guardian segir einnig að einn stærsti
hluthafi Arcadia hafi hafnað tilboði Greens upp
á 408 pens. Óvissa sé um aðra, en að orðrómur
hafi verið á kreiki um helgina að aðrir stórir
hluthafar hygðust einnig hafna því tilboði.
Erfitt að ná samkomulagi við Baug
The Independent segir frá því að Green hafi
á sunnudagskvöld átt í viðræðum við Baug í því
skyni að ná samningum sem gerðu honum
kleift að gera skilyrðislaust tilboð í Arcadia, en
að erfitt hafi verið að ná samkomulagi við
Baug. Green hafi viljað að Baugur samþykkti
loforð sitt um að selja Baugi hluta af versl-
unarkeðjum Arcadia síðar, en Baugur hafi vilj-
að hafa samninginn skriflegan og gerðan með
lögformlegum hætti.
Í BBC var sagt frá áliti sérfræðinga á fjár-
málamarkaði á yfirtökutilboði Philips Greens
og að skiptar skoðanir væru meðal þeirra um
málið. Haft er eftir Rhys Williams hjá Seymour
Pierce að Philip Green myndi ekki eiga í vand-
ræðum með að afla nauðsynlegra fjármuna til
að kaupa Arcadia og sagt að hann hafi gefið til
kynna að tilboðið væri hagstætt fyrir Arcadia.
BBC hefur hins vegar einnig eftir sérfræðingi
hjá SG Securities að líklega myndi Arcadia
ekki taka tilboðinu, og að verð nær 438 pensum
á hlut væri nær lagi, en Green hefur boðið 408
pens og sagt það vera lokaboð sitt.
Hlutabréf í Arcadia hækkuðu um 0,9% í við-
skiptum gærdagsins og var lokaverð þeirra
375,25 pens.
Arcadia, Baugur og Green
áberandi í breskum fjölmiðlum
Philip Green sagður
ósáttur við framgöngu
Baugsmanna
VIÐSKIPTI/ATHAFNALÍF
18 ÞRIÐJUDAGUR 3. SEPTEMBER 2002 MORGUNBLAÐIÐ
HEKLA hf. var rekin með 74 millj-
óna króna tapi á fyrstu sex mán-
uðum ársins, en á sama tímabili í
fyrra var 143 milljóna króna tap af
rekstrinum. Tapið myndaðist á
fyrsta fjórðungi ársins, en á öðrum
fjórðungi varð hagnaður af rekstr-
inum. Hekla nýtir sér bráðabirgða-
ákvæði í lögum og beitir verðleið-
réttingu við reikningsskilin. Ef
þetta hefði ekki verið gert hefði tap-
ið á fyrri hluta ársins verið 13 millj-
ónum króna meira og eigið fé 33
milljónum króna minna í lok tíma-
bilsins.
Rekstrartekjur námu tæpum 4
milljörðum króna og hækkuðu um
3% frá sama tímabili í fyrra og
rekstrargjöld án afskrifta hækkuðu
um 2% og námu rúmum 4 millj-
örðum króna. Tap fyrir afskriftir og
fjármagnsliði nam 54 milljónum
króna, sem er 51 milljón króna betri
afkoma en á sama tímabili í fyrra.
Afskriftir hækkuðu um 91% og
námu 55 milljónum króna og fjár-
munaliðir með áhrifum dótturfélaga
voru jákvæðir um 14 milljónir
króna, en þeir voru neikvæðir í
fyrra um 66 milljónir króna.
94 milljóna króna tap var fyrir
skatta, sem er 105 milljónum króna
betri afkoma en í fyrra.
Innflutningur bifreiða
dregst saman en
hlutdeild Heklu eykst
Í tilkynningu frá félaginu segir að
frá árinu 2000 hafi orðið yfir 50%
samdráttur í bifreiðainnflutningi og
að fyrstu sex mánuði þessa árs hafi
hann numið 15% miðað við sama
tímabil í fyrra. Hekla hafi aukið
markaðshlutdeild sína á fólksbif-
reiðamarkaðnum um 3% og hafi nú
tæplega 23% hlutdeild. Meiri sam-
dráttur hafi orðið í sölu á atvinnu-
bifreiðum, en á þeim markaði hafi
hlutdeild Heklu aukist meira, eða
úr 22,5% í fyrra í rúm 30% nú.
Sama eigi við um vörubifreiðar yfir
16 tonnum, þar sé Hekla með tæp
45% markaðarins, en hafi haft rúm
22% á síðasta ári. Þá segir í tilkynn-
ingunni að gríðarlegur samdráttur
hafi orðið milli ára í sölu þunga-
vinnuvéla og að ekki sé búist við
breytingu á þeim markaði fyrr en
virkjana- og stóriðjuframkvæmdir
hefjist.
Stjórnendur félagsins segjast
ekki ánægðir með rekstrarniður-
stöðu fyrri hluta ársins, en hún end-
urspegli hið erfiða rekstrarumhverfi
sem bílgreinin búi við um þessar
mundir. Í erfiðu árferði og harðn-
andi samkeppni hafi framlegð seldr-
ar vöru lækkað, en hins vegar hafi
náðst fram lækkun rekstrarkostn-
aðar um tæpar 47 milljónir króna.
Heildareignir Heklu nema 5,2
milljörðum króna, sem er 9% hækk-
un frá áramótum. Tvær stórar eign-
ir hafa bæst við í efnahagsreikningi
félagsins og skýra þær í meginat-
riðum aukningu eigna. Annars veg-
ar er um að ræða tæplega 20% hlut
í Vífilfelli og hins vegar nýtt þjón-
ustuhús Heklu í Klettagörðum. Eig-
ið fé nam rúmum 1,1 milljarði króna
og eiginfjárhlufall var um mitt ár
22%, en það var 25% um áramót.
Í áætlunum Heklu er ekki gert
ráð fyrir frekari breytingum á bíla-
markaði á þessu ári, en hins vegar
er gert ráð fyrir aukinni sölu á
árinu 2003. Stjórnendur félagsins
segja ýmislegt benda til að rekstr-
arumhverfi þess muni batna í náinni
framtíð. Þeir segja markaðsstöðu
Heklu sterka og eru bjartsýnir á
framtíðina.
74 milljóna
króna tap hjá
Heklu hf.
HÁTÆKNIFYRIRTÆKIÐ Marel
hf. tekur í dag í notkun nýjar höf-
uðstöðvar í Austurhrauni 9 í Garða-
bæ að viðstöddum ráðherrum,
þingmönnum, bæjarstjóra og bæj-
arstjórn Garðabæjar, auk fjölda
forsvarsmanna íslensks atvinnulífs
og fleiri gesta.
Opnunin markar tímamót í sögu
fyrirtækisins, tækjakostur hefur
verið endurbættur og húsið allt
hannað með tilliti til þarfa vaxandi
hátæknifyrirtækis á alþjóðamark-
aði. Nýja byggingin er rúmir 15.000
fermetrar að stærð og gerbreytir
allri aðstöðu fyrirtækisins, sem áð-
ur var með starfsemi í tveimur hús-
um. Rými Marels eykst um helming
við flutninginn og að auki eru fyrir
hendi möguleikar á stækkun um
3.500 fermetra.
Marel er eitt fremsta fyrirtæki í
heiminum á sviði hönnunar og
framleiðslu tölvustýrðra vinnslu-
véla og heildarlausna fyrir sjávar-
útveg og kjöt- og alifuglavinnslu,
að því er segir í fréttatilkynningu
frá fyrirtækinu. Fjórtán fyrirtæki
mynda Marelsamstæðuna sem
skráð er í Kauphöll Íslands. Mar-
elsamstæðan er alþjóðlegt fyr-
irtæki sem hefur net umboðs- og
dreifingaraðila í um 30 löndum í 5
heimsálfum.
Marel flytur í nýtt húsnæði
Íslandsbanki
Bankaráðs-
menn segja
af sér
ÞORSTEINN Már Baldvinsson
bankaráðsmaður í Íslandsbanka hef-
ur sagt sig úr bankaráðinu og sömu-
leiðis hefur Einar Örn Jónsson vara-
maður í ráðinu sagt sig úr því.
Afsagnirnar koma í kjölfar mikilla
viðskipta með bréf í bankanum í síð-
ustu viku þegar gengið var frá sam-
komulagi milli Íslandsbanka og sex
hluthafa, sem samtals áttu 21,78%
hlut í bankanum, um að bankinn
sölutryggði alla eignarhluti hluthaf-
anna í Íslandsbanka. Seljendur
hlutafjárins voru FBA Holding SA,
þar sem Þorsteinn Már er meiri-
hlutaeigandi ásamt Jóni Ásgeiri Jó-
hannessyni, en þriðji eigandinn er
Einar Örn Jónsson og fjölskylda.
Sjöfn hf., Ovalla Trading Ltd., Eign-
arhaldsfélagið ISP ehf., Fjárfesting-
arfélagið Krossanes ehf. og Oddeyri
ehf.
Eftir að tilkynnt var um viðskiptin
með hlutabréfin gáfu Þorsteinn Már
og Jón Ásgeir út tilkynningu um að
þeir hygðust segja sig úr bankaráði
Íslandsbanka. Þorsteinn hefur þegar
gert það eins og fyrr sagði en Jón
Ásgeir ekki. Er afsagnar hans nú
beðið til að hægt verði að tilkynna
skipan varamanna í bankaráðið í
stað þeirra tveggja.
Fiskiðjusamlag Húsavíkur
hagnast um 30 milljónir
HAGNAÐUR Fiskiðjusamlags
Húsavíkur hf. á fyrstu sex mánuð-
um ársins nam um 30 milljónum
króna. Hagnaðurinn á öllu árinu
2001 var um 131 milljón. Árshlut-
areikningur félagsins er í öllum
meginatriðum gerður eftir sömu
reikningsskilaaðferðum og árið áð-
ur.
Rekstrartekjur á fyrri helmingi
þessa árs námu um 1.120 milljónum
króna. Hagnaður án afskrifta og
fjármagnskostnaðar nam um 56
milljónum en var um 405 milljónir á
öllu árinu 2001. Afskriftir á fyrri
helmingi þessa árs námu um 103
milljónum og hreinar fjármuna-
tekjur um 77 milljónum.
Eigið fé Fiskiðjusamlagsins nam
um 550 milljónum í lok júní síðast-
liðinn en var um 515 milljónir í árs-
byrjun. Eiginfjárhlutfall var 25,2% í
lok júní en 22,1% í ársbyrjun.
Heildarskuldir námu um 1.632
milljónum í lok fyrri helmings þessa
árs. Þar af voru langtímaskuldir um
871 milljón og skammtímaskuldir
um 761. Þær voru um 1.011 milljónir
í ársbyrjun. Í lok júní námu veltu-
fjármunir um 594 milljónum og því
var veltufjárhlutfallið 0,8. Veltufé
frá rekstri nam um 25 milljónum en
var um 356 milljónir á árinu 2001.
Handbært fé til rekstrar nam um 9
milljónum en var um 379 milljónir á
öllu árinu 2001.
Tap hjá
MP Bio
TAP til lækkunar á eigin fé líftækni-
sjóðsins MP Bio nam 368 milljónum
króna fyrstu sex mánuði ársins. Inn-
leystur hagnaður nam 800 þúsund
krónum en þegar tekið er tillit til
óinnleysts gengistaps upp á 369 millj-
ónir króna er heildartap tímabilsins
368 milljónir króna. Í tilkynningu til
Kauphallar Íslands kemur fram að
eignarhlutir félagsins í óskráðum fé-
lögum, sem öll eru erlend, eru metnir
miðað við kaupverð í erlendri mynt.
Gengi erlendra mynta gagnvart ís-
lenskri krónu lækkaði á tímabilinu og
lækkaði Bandaríkjadollar t.d. um
16,3%. Breyting á bókfærðu verði
þessara hlutabréfa er færð sem óinn-
leystur gengismunur í rekstrarreikn-
ingi og yfirliti um heildarafkomu. Í
júnílok var færð til lækkunar á bók-
færðu verði eignarhluta 800 milljóna
króna niðurfærsla. Niðurfærslan
stendur óbreytt frá ársbyrjun, en
vegna styrkingar krónunnar gagn-
vart öðrum myntum vegur niður-
færslan hlutfallslega talsvert þyngra
en áður. Veruleg óvissa ríkir eins og
áður um raunverulegt verðmæti
óskráðra bréfa. Veruleg lækkun varð
á gengi skráðra markaðsbréfa í
eignasafni félagsins, og lækkaði gengi
bréfa í deCode Genetics Inc. um 52%.
Stjórnendur félagsins vilja benda á
að fjárfesting í lyfja-, líftækni- og
erfðatæknifyrirtækjum er almennt
afar áhættusöm og þrátt fyrir að þeir
hafi trú á að eignir félagsins komi til
með að skila ávinningi, þá beri að
skoða þær og almenna starfsemi fé-
lagsins með tilliti til þess.
♦ ♦ ♦