Morgunblaðið - 03.09.2002, Blaðsíða 16

LANDIÐ
16 ÞRIÐJUDAGUR 3. SEPTEMBER 2002 MORGUNBLAÐIÐ
Á AÐALFUNDI SASS á Selfossi 30.
og 31. ágúst voru flutt erindi um
orkumál ásamt aðstæðum á sviði
orkumála. Í þeim kom m.a. fram að
mikil vatnsafls- og gufuorka er enn
óbeisluð í Suðurkjördæmi. Einnig
kom fram í erindum og umræðum
nauðsyn þess að til yrði öflugt orku-
fyrirtæki í Suðurkjördæmi sem Suð-
urlandshluti RARIK rynni til.
Erindin fluttu Þorkell Helgason
forstjóri Orkustofnunar, Hákon Að-
alsteinsson yfirverkefnisstjóri Orku-
stofnunar, Þórður Friðjónsson for-
stjóri Kauphallar Íslands og
Bergsteinn Einarsson framkvæmda-
stjóri Sets hf. á Selfossi
Þorlákshöfn aldrei nefnd
Bergsteinn Einarsson fram-
kvæmdastjóri Sets hf. lagði áherslu á
að hann talaði sem orkunotandi og
iðnrekandi. Hann sagði m.a. í sínu er-
indi að áhersla hefði ekki verið lögð á
að iðnvæða landið og skapa markað
innanlands fyrir orku heldur miðað-
ist allt við stóriðju og skjótfenginn
gróða. Íslendingar hefðu ekki sinnt
því að verða fullvinnsluþjóð í iðnaði.
Hann sagði það merkilegt að engin
orkufrek atvinnustarfsemi hefði ver-
ið sett niður á Suðurlandi og sagði
undarlegt að Þorlákshöfn skyldi
aldrei nefnd í tengslum við stóriðju
en á svæðinu væri nægur mannafli,
nægt land og hagkvæmar siglingar
mögulegar.
Nefndi hann sem dæmi að Stein-
ullarverksmiðjan sem orðuð hefði
verið við Þorlákshöfn á sínum tíma
hefði verið sett niður á mun óhag-
kvæmari stað með enga útflutnings-
möguleika. Hann benti á að núver-
andi hugmyndir um súrálsverk-
smiðju á Húsavík minntu á þetta og
sagði vel mega hugsa sér virkjun í
Hveragerði sem væri hliðstæð
Svartsengi.
Bergsteinn benti á að ekki hefði
tekist að móta sameiginlega stefnu í
orkumálum fyrir Suðurland en þar
væru nú tækifæri þar sem RARIK
væri í óvissu. „Við eigum mörg tæki-
færi,“ sagði Bergsteinn, „sú orka á
Suðurlandi sem þó skiptir mestu máli
er okkar eigin orka sem þarf að
virkja til að takast á við verkefnin.“
Fá Norðlendingar
að stela RARIK?
Í umræðum um orkumálin spurði
Hjálmar Árnason alþingismaður og
formaður iðnaðarnefndar Alþingis úr
ræðustól, þegar hann tók til máls um
orkumál, hvort Sunnlendingar ætl-
uðu að láta Norðlendinga stela Raf-
magnsveitu ríkisins, eins og hann
orðaði það.
Hann skoraði á Sunnlendinga að
láta skoða það að Suðurlandshluti
RARIK yrði hluti af Suðurorku,
sameinuðu orkufyrirtæki Sunnlend-
ingafjórðungs. Hann lagði áherslu á
nauðsyn þess að orkuveitur störfuðu
saman og sagði það tvímælalaust
hagkvæmt að veiturnar sameinuðust
í eitt öflugt orkufyrirtæki, Suður-
orku.
Árni R. Árnason alþingismaður
sagði á fundinum að iðnaðarráðherra
hefði neitað að tala við fyrirtæki á
Suðurlandi um sölu á RARIK. Hann
sagði að með framkvæmd nýrra
orkulaga myndu koma fram fleiri að-
ilar en Landsvirkjun til að leita að
fjárfestum í iðnaði og það væri mjög
þýðingarmikið. Hann sagði nauðsyn-
legt að breyta orkufyrirtækjunum í
hlutafélög og leyfa öðrum en sveit-
arfélögum og ríki að koma að þeim
sem eigendur.
Hugað verði að sameiningu
orkufyrirtækja
Á aðalfundi SASS var samþykkt
tillaga um sameiginlegt orkufyrir-
tæki á Suðurlandi og Suðurnesjum:
„Aðalfundurinn hvetur sveitarfélög á
starfssvæðinu og í kjördæminu öllu
til að huga að sameiningu orkufyr-
irtækja í eitt öflugt fyrirtæki. Jafn-
framt verði hafnar viðræður við rík-
isvaldið um kaup á þeim hluta
RARIK sem starfandi er í nýju Suð-
urkjördæmi. Með þessu verði til
sameiginlegur öflugur bakhjarl íbúa
og atvinnulífs.“
Í öðrum ályktunum var „skorað á
yfirvöld raforkumála og Rafmagns-
veitur ríkisins að undinn yrði bráður
bugur að styrkingu raforkudreifi-
kerfisins og jafnframt að þrífösun
rafmagns.“
Einnig var skorað á yfirvöld að
tryggja Orkustofnun fjármagn til
þess að kosta frumathuganir á virkj-
unarkostum smærri vatnsfalla. Jafn-
framt voru stjórnvöld hvött til þess
að hagstæð fjármögnun fáist til smá-
virkjana.
Orkumál rædd á aðalfundi SASS á Selfossi
Öflugt orkufyrirtæki
verði í Suðurkjördæmi
Morgunblaðið/Sigurður Jónsson
Fulltrúar og gestir hlýða á umræður og glugga í gögn á aðalfundinum.
Selfoss
MAREIND í Grundarfirði var stofn-
uð 1993 og þjónustaði í upphafi skip
og báta með siglinga- og fiskileitar-
tæki. Frá árinu 2000 bættist við sala
og þjónusta skrifstofutækja og enn
færir Mareind út kvíarnar með opn-
un á tölvuverslun á Nesvegi 7 í sam-
starfi við EJS.
Mareind hyggst bjóða upp á tölvu-
lausnir fyrir fyrirtæki sem og ein-
staklinga og verða það tölvur frá
Dell, jafnt borðtölvur sem fartölvur,
sem þeir hyggjast selja og þjónusta.
Hjá Mareind starfa nú tveir tækni-
menn og tveir í sölu- og skrifstofu-
störfum og er fyrirtækið til húsa á
Nesvegi 7.
Mareind hlaut fyrr á árinu fram-
faraverðlaun Eyrbyggja, Hollvina-
samtaka Grundarfjarðar.
Morgunblaðið/Gunnar Kristjánsson
Kristín Pétursdóttir og Þorsteinn B. Sveinsson hjá Mareind.
Mareind færir
út kvíarnar
Grundarfjörður
TEKIÐ hefur verið í notkun nýtt
eldhús og borðsalur við Sænautasel í
Jökuldalsheiði. Eldhúsið er fellt inn í
hlöðutóft við fjárhús við bæinn á Sæ-
nautaseli. Það er búið öllum nútíma
þægindum og viðurkennt af heil-
brigðiseftirliti.
Fjárhúsið er síðan notað sem veit-
ingasalur og tekur 40 manns í sæti.
Margt manna var við opnunina, með-
al annars Valgerður Sverrisdóttir
iðnaðarráðherra og Arnbjörg
Sveinsdóttir alþingismaður. Sömu
rekstraraðilar eru að veitingaaðstöð-
unni og gamla bænum, Lilja Óladótt-
ir og Björn Hallur Gunnarsson.
Hægt verður áfram að fá lummur og
kaffi í gamla bænum en nýja veit-
ingaaðstaðan er hugsuð fyrir hópa
sem panta með fyrirvara.
Nýtt eldhús í Sænautaseli
Norður-Hérað
RÉTTAÐ var í Hlíðarrétt í Mý-
vatnssveit á sunnudag og hófust
réttirnar snemma dags. Var fólk
fleira en fé á réttinni, svo sem nú er
orðið venjulegt. Réttað verður víða
um land næstu helgar.
Morgunblaðið/BFH
Fjölmennt í réttum
í Mývatnssveit