Morgunblaðið - 03.09.2002, Blaðsíða 6
FRÉTTIR
6 ÞRIÐJUDAGUR 3. SEPTEMBER 2002 MORGUNBLAÐIÐ
EF INGIBJÖRG Sólrún Gísladóttir
leiddi lista Samfylkingarinnar í
næstu alþingiskosningum myndi
flokkurinn auka fylgi sitt um tæp-
lega þriðjung eða 32%, fengi 34,2%
atkvæða í stað 25,9%. Tæplega
fimmtungur eða 19% þeirra kjós-
enda sem kváðust ekki ætla að
styðja Samfylkinguna er tilbúinn til
þess að breyta afstöðu sinni ef Ingi-
björg leiddi lista Samfylkingarinnar.
Af þeim sögðust 94% myndu kjósa
Samfylkinguna.
Þetta kemur fram í könnun sem
Gallup hefur unnið fyrir þjóðmálarit-
ið KREML.IS. en spurt var: „Ef
Ingibjörg Sólrún leiddi lista Sam-
fylkingarinnar, myndi það breyta af-
stöðu þinni hvaða flokk eða lista þú
myndir styðja í alþingiskosningun-
um? (Þeir spurðir sem kváðust ætla
að kjósa annað en Samfylkinguna).“
Niðurstaðan er skýr
Eiríkur Bergmann Einarsson,
einn ritstjóra KREML.IS, segir að
mikil viðbrögð hafi orðið við grein á
KREML.IS í sumar þar sem því hafi
verið haldið fram að það væri póli-
tísk skylda Ingibjargar að verða við
kalli kjósenda og bjóða sig fram til
Alþingis næsta vor. Menn hefðu því
haft áhuga á að láta kanna með form-
legum hætti hvaða áhrif það hefði ef
Ingibjörg væri í framboði. „Niður-
staðan er skýr. Með framboði henn-
ar snareykst fylgi flokssins og koma
hennar verður jafnframt til þess að
meirihlutastjórn Samfylkingarinnar
og Framsóknarflokks verður raun-
hæfur möguleiki.“
Eiríkur segir að Samfylkingin eigi
auðvitað að tefla fram eins mörgum
öflugum stjórnmálamönnum og hún
geti; valkostirnir séu ekki þeir að
Ingibjörg komi inn og Össur fari út,
Samfylkingin eigi að tefla þeim báð-
um fram.
„Jú, við hringdum í bæði Ingi-
björgu Sólrúnu og Össur í gærmorg-
un og létum þau vita af niðurstöðum
könnunarinnar. Við áttum gott spjall
við þau bæði tvö.“
Sé miðað við þátttöku Ingibjargar
mælist fylgi Sjálfstæðisflokksins í
könnun Gallup vera 38,1% en væri
annars 40%. Fylgi Framsóknar-
flokksins mælist 14,4% en væri
17,9% án þátttöku Ingibjargar og
fylgi Vinstri grænna mælist 9,9% en
væri annars 12,5%.
Könnunin var framkvæmd dagana
14. til 28. ágúst, tekið var 1156
manna slembiúrtak úr þjóðskrá á
aldrinum 18 til 75 ára af öllu landinu
og var svarhlutfall tæp 68%.
Ef Ingibjörg Sólrún Gísladóttir
leiddi lista Samfylkingarinnar
Fylgið myndi
aukast um
þriðjung
fyrir hvort Green mun gera tilboð í
Arcadia án stuðnings Baugs, og
gera þá tilboð í allt hlutafé fyrirtæk-
isins, þar með talinn hlut Baugs.
Í Ríkisútvarpinu var greint frá
því í gær að stjórn Arcadia hefði
gefið Green frest þar til í dag til að
ákveða hvort hann gerði nýtt tilboð
með eða án Baugs, eða hvort hann
drægi tilboð sitt til baka. Stuart
Rose, framkvæmdastjóri Arcadia,
segir að fyrirtækið bíði ákvörðunar
Greens, boltinn sé nú hjá honum.
Yfirlýsing um að
Baugur sé brotaþoli
Síðdegis í gær fékk Hreinn Lofts-
son lögmaður Baugs í hendur yf-
irlýsingu frá Jóni H. Snorrasyni fyr-
ir hönd efnahagsbrotadeildar
ríkislögreglustjórans, þar sem stað-
fest var, að rannsókn efnahags-
brotadeildar ríkislögreglustjórans
snerist um meint svik gegn Baugi,
þar sem fyrirtækið sjálft væri
JÓN Ásgeir Jóhannesson stjórnar-
formaður Baugs taldi í gærkvöldi
ólíklegt að samningar næðust á milli
Baugs og Philips Greens í tengslum
við yfirtökutilboð Greens í Arcadia.
Þetta kom fram í samtali Morgun-
blaðsins við Söru Lind Þorsteins-
dóttur forstöðumann kynningar-
sviðs Baugs, en þar kom einnig
fram að samningaviðræður stæðu
yfir.
Í Ríkisútvarpinu í gærkvöldi var
haft eftir Jóni Ásgeiri að ljóst væri
að aðgerðir lögreglu hefðu gert út-
slagið varðandi það að ekki hefðu
náðst samningar. Hann segði Baug
hafa orðið af milljörðum vegna
þessa.
Baugur á 20% í Arcadia og í yf-
irtökutilboði Greens er gert ráð fyr-
ir að Baugur eigi aðild að tilboðinu
með því að kaupa hluta af versl-
unarkeðjum Arcadia. Nú ríkir
óvissa um yfirtökutilboðið og að-
komu Baugs að því og ekki liggur
brotaþoli. Yfirlýsingin var fengin að
beiðni lögmanns Baugs og var á
ensku, en hana átti að sýna viðsemj-
endum fyrirtækisins erlendis.
Að sögn Hreins Loftssonar var
kæra hans vegna húsleitar lögregl-
unnar í síðustu viku í húsakynnum
Baugs, þingfest í gærmorgun í hér-
aðsdómi Reykjavíkur. Hann segir
að þar hafi gögn málsins verið lögð
fram, þar á meðal listi yfir það sem
lögreglan tók við húsleitina, en þann
lista sagðist hann telja ófullnægj-
andi því þar væri ekki sundurliðun á
þeim tölvugögnum sem tekin hefðu
verið. Hreinn segir verjanda hafa
fengið frest fram á miðvikudag til að
skila greinargerð og gerði hann ráð
fyrir að málið yrði flutt á fimmtu-
daginn. Þinghaldið er lokað og um
það fengust engar upplýsingar hjá
héraðsdómi Reykjavíkur þar sem
það fer fram, þar sem málið er enn í
rannsókn.
Hreinn segir að eftir að hafa farið
yfir kröfuna sem gerð hafi verið um
húsleit og tilefni hennar og eftir að
hafa farið yfir gögn, sem málinu
tengjast, með endurskoðendum
skilji hann og skjólstæðingar hans
ekki hvert málið sé. Þegar hafi kom-
ið fram að stór hluti ásakananna sé
á misskilningi byggður, þar á meðal
um afsláttarreikning sem sé vegna
afsláttar sem heildsalan Nordica í
Flórída hafi veitt Baugi í tengslum
við kaup Baugs á vörum heildversl-
unarinnar.
Um mánaðarlega reikninga sem
Nordica hafi gefið út segir Hreinn
að ekkert finnist annað í bókum
Baugs en að þeir hafi verið greiddir
inn á bankareikning Nordica.
Hreinn segir að því hafi verið haldið
fram að þessir mánaðarlegu reikn-
ingar hafi tengst kaupum á báti í
Flórída og rekstri hans. Nú hafi
verið lögð fram gögn sem sýni að
það hafi verið Gaumur sem borgaði
þennan bát en ekki Baugur.
Stjórnarformaður Baugs telur
ólíklegt að samningar náist
BRESKA dagblaðið Guardian birti
á fimmtudag í síðustu viku opnu-
grein prýdda ljósmyndum sem sýna
eiga dæmi um mengun og áhrif
þeirra víðsvegar að úr heiminum.
Greinin, sem birt er í tengslum við
leiðtogafund Sameinuðu þjóðanna
um sjálfbæra þróun sem nú stendur
yfir í Jóhannesarborg, hefur vakið
mikil viðbrögð meðal lesenda, eink-
um vegna ljósmyndar frá Bláa lón-
inu sem birt er með greininni og á
að sýna dæmi um staði í náttúrunni
sem mengun stafar af.
Þorsteinn Pálsson, sendiherra Ís-
lands í Lundúnum, hafði samband
við dagblaðið í síðustu viku vegna
birtingar á greininni og óskaði eftir
því að umfjöllun um Bláa lónið yrði
leiðrétt. Þá settu Flugleiðir sig í
samband við forsvarsmenn blaðsins
auk þess sem umhverfisvernd-
arsinnar, vísindamenn og lesendur
blaðsins sem þekkja til hér á landi
bentu ritstjórn blaðsins á þau mis-
tök sem átt hefðu sér stað. Var
þeim bent á að Bláa lónið væri einn
vinsælasti ferðamannastaður á Ís-
landi sem væri að auki laus við alla
mengun.
Guardian birti leiðréttingu dag-
inn eftir og sendi fulltrúa blaðsins
Sam Wollaston, aðstoðarritstjóra
greinaskrifa, hingað til lands um
síðustu helgi til að skoða aðstæður
við Bláa lónið. Wollaston átti viðtöl
við Magneu Guðmundsdóttur, sölu-
og markaðsstjóra Bláa lónsins, og
Grím Sæmundsen framkvæmda-
stjóra auk þess sem hann ræddi við
Albert Albertsson, aðstoðarfor-
stjóra Hitaveitu Suðurnesja.
Í Guardian í dag er heimsókn
Wollastons gerð skil í blaðinu þar
sem m.a. er birt mynd af honum þar
sem hann baðar sig í lóninu.
Aðspurður hvernig hafi staðið á
mistökum blaðsins segir Wollaston
að Guardian hafi notast við myndir
sem þeir fengu frá Sameinuðu þjóð-
unum og birtar voru í hefti sem
nefnist „Elements“. Þar hafi bæði
verið tilgreindir staðir sem eru
mengaðir og staðir sem eru lausir
við mengun og virðist sem mynd af
Bláa lóninu, sem að auki er 10–15
ára gömul, hafi óvart lent í bunka
með myndum af stöðum þar sem
mengun er mikil.
„Okkur þykir þetta mjög leitt.
Við sáum að þar sem þetta er einn
helsti áningarstaður ferðamanna á
Íslandi yrðum við að gera meira en
að birta leiðréttingu,“ segir Woll-
aston.
Ánægja með snögg og
góð viðbrögð blaðsins
Magnea Guðmundsdóttir hjá
Bláa lóninu segir að það hafi verið
ánægjulegt að sjá hversu margir
hafi sett sig í samband við blaðið
vegna umfjöllunarinnar, ekki síst
Bretar sem hafi þekkt til lónsins.
Að auki hefði blaðið sýnt snögg og
góð viðbrögð með því að senda full-
trúa sinn hingað enda hafi þeir
strax gert sér ljóst hvers eðlis mis-
tök þeirra voru.
Hún nefnir að fólk hafi hent gam-
an af því þegar Wollaston baðaði
sig í lóninu, að hann steig heill
heilsu upp úr því aftur og virðist
því ekki hafa orðið meint af.
Morgunblaðið/Kristinn Ingvarsson
Opnugreinin sem birtist í Guardian sl. fimmtudag og sýnir baðgesti Bláa lónsins á góðri stundu.
Mynd af Bláa lóninu
lenti í vitlausum bunka
Guardian birtir leiðréttingu vegna umfjöllunar um
mengun þar sem Bláa lónið er tilgreint
Í ÞJÓÐARPÚLSI Gallup kemur
fram að fylgi við ríkisstjórnina hefur
vaxið á undanförnum mánuðum, það
mælist nú vera 63% og hefur ekki
verið meira frá því október árið
2001. Fylgi stjórnarflokkanna
reyndist þó hafa minnkað lítillega
frá fyrra mánuði, Sjálfstæðisflokk-
urinn stendur í stað með tæplega
41% fylgi en fylgi Framsóknar-
flokksins minnkar um 1%. Tekið
skal fram að stór hluti þeirra sem
ekki taka afstöðu til þess hvaða
flokk þeir ætla að kjósa segjast þó
munu styðja ríkisstjórnina.
Þá kannaði Gallup viðhorf fólks til
sölu ríkisbankanna og reyndust 37%
hlynnt því að ríkið seldi hlut sinn í
báðum bönkunum, 22% voru hvorki
hlynnt né andvíg en 42% voru and-
víg sölunni. Karlar eru mun hlynnt-
ari sölu en konur og eins reyndist
vera mikill munur á afstöðu fólks
eftir aldri. Þannig voru 62% á aldr-
inum 55 til 75 á móti sölu bankanna.
Í Þjóðarpúlsi Gallup kemur einnig
fram að trú fólks á heiðarleika
stjórnmálamanna hefur dalað; 51%
telja þá vera heiðarlega en 64% voru
þeirrar skoðunar fyrir ári.
Vaxandi fylgi við
ríkisstjórnina
STJÓRN Alþjóða bridssambandsins
ákvað um helgina að svipta Hjördísi
Eyþórsdóttur silfurverðlaunum í
sveitakeppni kvenna á heimsmeist-
aramótinu í brids sem lauk á laug-
ardag í Montreal. Hjördís er búsett í
Bandaríkjunum og er atvinnumaður
í brids.
Í Montreal þurftu þeir sem unnu
til verðlauna að gangast undir lyfja-
próf en Hjördís neitaði. Hún varð í
öðru sæti ásamt fimm bandarískum
spilurum. Í breska blaðinu Daily
Telegraph segir Hjördís að hún noti
lyf vegna bakverkja. Um sé að ræða
lyfseðilsskylt lyf en henni hafi láðst
að skrá það hjá mótshöldurum fyrir
mótið. Hún hafi þó spurt stjórnend-
ur mótsins hvort lyfið væri á bann-
lista en þeir hafi ekki vitað það.
„Nú hafa þeir svipt mig öllu, verð-
laununum og mannorðinu,“ hefur
Telegraph eftir Hjördísi.
Neitaði
lyfjaprófi
og var svipt
verðlaunum