Morgunblaðið - 19.09.2002, Side 8

FRÉTTIR
8 FIMMTUDAGUR 19. SEPTEMBER 2002 MORGUNBLAÐIÐ
Starfsemi Stúdentaráðs að hefjast
Stúdentablaðið með
Morgunblaðinu
ÚTGÁFA Stúdenta-blaðsins verðurfastur liður í starf-
semi Stúdentaráðs Há-
skóla Íslands í vetur eins
og um árabil. Eins og
venja er hefur nýr ritstjóri
tekið við blaðinu. Sá heitir
Eggert Þór Aðalsteinsson
og er stefnt að því að
fyrsta tölublað vetrarins
komi út í næstu viku.
Brynjólfur Stefánsson,
formaður Stúdentaráðs,
segir að helsta nýjungin
felist í því að Stúdenta-
blaðið verði ekki sent með
pósti til 7.500 stúdenta við
Háskóla Íslands heldur
dreift með Morgunblaðinu
í 50.000 til 60.000 eintök-
um.
– Nú kaupa örugglega
ekki allir stúdentar Morgunblað-
ið.
„Alveg rétt. Þess vegna verður
áhersla lögð á að dreifa blaðinu í
öllum byggingum háskólans og
með öðrum hætti, t.d. verður blað-
ið öllum aðgengilegt á heimasíðu
Stúdentaráðs www.student.is.“
– Hver er ástæðan fyrir breyt-
ingunni?
„Skýringin felst að hluta til í
hækkun póstburðargjalda fyrir
skemmstu. Hækkunin þýðir að
burðargjöldin þrefaldast. Enda
þótt Íslandspóstur hafi gefið til
kynna að við gætum fengið ein-
hvern tíma til að aðlagast breyt-
ingunni var alveg ljóst að gera
þyrfti breytingar á útgáfunni með
tilliti til hækkunarinnar og þeirr-
ar staðreyndar að blaðið var rekið
með 1,5 milljóna króna halla á síð-
asta ári.
Fyrst og fremst er þetta þó
gert til að málefni stúdenta fái
notið sín betur í umræðunni. Eng-
inn vafi leikur á því að meiri út-
breiðsla þjónar hagsmunabaráttu
stúdenta og veldur því að Háskóli
Íslands verður sýnilegri í þjóð-
félaginu. Þess vegna fórum við
líka í samstarf við Háskóla Ís-
lands um verkefnið.“
– Sér þess stað í blaðinu?
„Háskólinn hefur til umráða
þrjár síður í blaðinu. Plássið er þó
ekki séreyrnamerkt heldur er
fréttum frá háskólanum blandað
saman við aðrar fréttir af stúd-
entum.“
– Hvar er blaðið prentað?
„Stúdentablaðið verður prentað
í prentsmiðju Morgunblaðsins í
vetur. Blaðið var einnig prentað
þar á þarsíðasta starfsári. Annars
hefur verið samið við ýmsar
prentsmiðjur undanfarin ár, t.d.
Ísafoldarprentsmiðju í fyrra.“
– Verða einhverjar áherslu-
breytingar í efnisvali?
„Hefð hefur verið fyrir því að
ráða nýja ritstjóra að Stúdenta-
blaðinu á hverju ári. Ritstjórinn
hefur síðan lagt línurnar fyrir
hvert ár. Mér skilst að nýi rit-
stjórinn ætli að leita hófanna víða í
vetur. Ekki aðeins innan háskól-
ans heldur í þjóðfélaginu öllu. Ég
á því von á því að um leið og
áhersla verði lögð á
hagsmunabaráttu
stúdenta verði með
umfjöllun um málefni
líðandi stundar höfðað
til breiðari hóps eins og
eðlilegt er í tengslum
við meiri útbreiðslu.“
– Hvað ber hæst í hagsmuna-
baráttu stúdenta um þessar
mundir?
„Núna ber húsnæðismálin
hæst, þ.e. ástandið á leigumark-
aðinum og fjölgun stúdenta á bið-
listum eftir leiguhúsnæði á stúd-
entagörðunum. Miðað við mínar
tölur fjölgaði stúdentum á biðlist-
unum úr 300 til 350 í fyrra í 600 á
þessu ári.
Ýmsar ástæður hafa verið
nefndar til sögunnar, t.d. fjölgun
nemenda við Háskóla Íslands og
breyttar reglur í tengslum við að-
gengi nýnema að stúdentagörðun-
um.
Af öðrum hagsmunamálum
stúdenta er hægt að nefna lána-
málin. Baráttan á þeim vettvangi
heldur áfram þó að mikilvægum
skrefum hafi verið náð með af-
námi tekjutengingar við maka og
hækkun grunnframfærslu í vor.
Síðan er þetta samkeppnisum-
hverfi sem Háskóli Íslands er
kominn í mjög heitt mál í augna-
blikinu. Einn liður í því er skóla-
gjaldaumræðan. Vart þarf að taka
fram að við erum alfarið á móti því
að taka upp skólagjöld við Há-
skóla Íslands.“
– Nú er Vaka í meirihluta í
Stúdentaráði í fyrsta skipti í 11 ár.
Hvaða áhrif hefur breytingin á
starfsemina?
„Við störfum náttúrlega svolítið
öðruvísi en fyrri meirihluti, t.d.
skipuðum við ekki framkvæmda-
stjóra eins og venja hefur verið
heldur réðum hann á faglegum
forsendum. Markmiðið er að
stuðla að því að sami fram-
kvæmdastjórinn geti jafnvel setið
lengur en í ár og þar með nýtist
reynsla hans betur.
Annars hefur munurinn á
Röskvu og Vöku í grófum dráttum
falist í því að Röskva hefur lagt
aðaláherslu á lána-
sjóðsmálin og Vaka á
bætta kennslu og að-
stöðu fyrir nemendur.
Þótt auðvitað fjalli báð-
ar fylkingarnar um
þessa tvo málaflokka.“
– Þið framkvæmdastjórinn er-
uð nafnar. Ekki satt?
„Já. Af þremur á skrifstofunni
eru tveir Brynjólfar – ég og fram-
kvæmdastjórinn Brynjólfur Ægir
Sævarsson. Stundum kemur nátt-
úrlega upp nafnaruglingur. Já-
kvæða hliðin felst í því að fólk al-
mennt man kannski frekar hvað
við heitum.“
Brynjólfur Stefánsson
 Brynjólfur Stefánsson er
fæddur 21. janúar árið 1978 í
Reykjavík. Brynjólfur er borinn
og barnfæddur Vesturbæingur.
Hann hóf skólagöngu sína í Mela-
skólanum, gekk í Hagaskóla og
lauk stúdentsprófi frá Mennta-
skólanum í Reykjavík árið 1998.
Brynjólfur lauk BS-gráðu í véla-
og iðnaðarverkfræði frá Háskóla
Íslands síðastliðið vor. Þá nam
hann eitt ár verkfræði við DTU í
Danmörku. Hann stefnir að því
að ljúka BS-gráðu í tölvunar-
fræði frá Háskóla Íslands í vor.
Hann situr í Stúdentaráði annað
árið í röð í ár.
Við erum
alfarið á móti
skólagjöldum
við HÍ
EFTIR langan skóladag getur biðin eftir strætó tek-
ið á taugarnar. Fæstir kunna því vel að standa að-
gerðarlausir innan um ókunnuga og yfirleitt eru
samræður í biðskýlum fátíðar, nema á milli góðra
vina. En þegar þögnin virðist þrúgandi og enginn er
vinurinn til að ræða við í skýlinu er sennilega fátt
eins upplífgandi og skemmtilegt símtal til að dreifa
huganum. Að hlæja hressilega með vini eða ættingja,
sem er á hinum enda línunnar, getur auðveldlega
stytt biðina eftir strætó.
Morgunblaðið/RAX
Gleðilegt símtal
71% starfa í stoðgreinum fiskveiða
er unnið á höfuðborgarsvæðinu, en
töluverðan hluta þeirra má vinna úti
á landsbyggðinni og hafa nokkur
svæði þar allgóðar forsendur til að
taka við slíkri uppbyggingu, að því er
fram kemur í nýrri skýrslu Byggða-
stofnunar um þetta efni.
Í skýrslunni kemur fram að um sé
að ræða 3.224 stöðugildi í þessum
greinum á höfuðborgarsvæðinu sam-
anborið við 1.329 stöðugildi á lands-
byggðinni. Af þessum rúmlega 3.200
stöðugildum á höfuðborgarsvæðinu
séu 1.772 vegna iðnaðar, 1.199 stöðu-
gildi vegna þjónustu, 209 stöðugildi
vegna rannsókna og 44 stöðugildi
vegna menntunar. Þá megi segja að
1.452 stöðugildi á höfuðborgarsvæð-
inu séu þekkingarstörf og 538 þeirra
séu stöðugildi á vegum hins opin-
bera.
Þokkalegar forsendur
í fimm byggðarkjörnum
Fram kemur einnig að í fimm
byggðarkjörnum á landsbyggðinni
séu þokkalegar forsendur til að
byggja upp og hýsa störf í stoðgrein-
um sjávarútvegs. Þessir kjarnar séu
Snæfellsnes, norðanverðir Vestfirð-
ir, Eyjafjörður, Mið-Austurland og
Vestmannaeyjar. Þeir séu þó mis-
jafnlega í stakk búnir og virðist for-
sendur Eyjafjarðar skera sig nokkur
úr hvað þetta snerti.
Þá segir í skýrslunni að nær öll
störf á vegum hins opinbera sé hægt
að vinna í einhverjum af þessum
fimm byggðarkjörnum, en störf við
rannsóknir og þróun sé þó aðeins
hægt að stunda á Eyjafjarðarsvæð-
inu. Því megi ætla að stóran hluta
þeirra tæplega 1.500 þekkingar-
starfa í sjávarútvegi sem nú séu á
höfuðborgarsvæðinu megi stunda í
einhverjum af ofangreindum fimm
byggðarlögum.
Skýrsla Byggðastofnunar um stoðgreinar sjávarútvegs
71% starfa í stoðgreinum
er á höfuðborgarsvæðinu