Morgunblaðið - 19.09.2002, Page 19

LANDIÐ
MORGUNBLAÐIÐ FIMMTUDAGUR 19. SEPTEMBER 2002 19
ÞAÐ hefur viðrað vel til að fara í
berjamó nú í byrjun september
en segja má að sumarið sé loksins
komið því hitinn hefur farið yfir
20 stig suma daga. Berjaspretta
virðist vera þokkaleg hér um
slóðir þótt enn þurfi berin nokkra
sólardaga í viðbót til að ná fullum
sætleika en sól og blíðu er ein-
mitt spáð næstu daga.
Það eru einkum krækiber sem
fólk tínir hér því afar lítið er um
bláber þetta haustið og það litla
sem finnst af þeim er enn óþrosk-
að og súrt, núna aðra viku í sept-
ember.
Þórshafnarbúar þurfa ekki
langt að sækja í berjamó og við
Fossána voru hressir strákar að
tína krækiber milli þess sem þeir
sulluðu í ánni í góða veðrinu.
„Krækiberin eru betri en bláber-
in,“ sögðu félagarnir Haukur og
Halldór og kældu sig í ánni í síð-
sumarhitanum eftir að hafa fyllt
berjaboxin sín.
Morgunblaðið/Líney Sigurðard
Félagarnir Halldór og Haukur í berjamó við Fossá í 20 stiga hita. „Svo
kælum við okkur í ánni þegar okkur verður of heitt í berjamónum,“
sögðu þessir kátu Þórshafnarstrákar.
Heitt í berjamó
Þórshöfn