Morgunblaðið - 19.09.2002, Qupperneq 60

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FIMMTUDAGUR 19. SEPTEMBER 2002 VERÐ Í LAUSASÖLU 190 KR. MEÐ VSK.
Lágmúla og Smáratorgi
opið kl. 8-24
alla dagaSími 588 1200
EIRÍKUR Tómasson, lagaprófess-
or við Háskóla Íslands, sagði á
morgunverðarfundi Verslunarráðs
Íslands í gær að skerpa þyrfti
ákvæði í lögum um húsleit opin-
berra aðila. Þá kom fram í máli
hans að skort hefði á að héraðsdóm-
arar legðu sjálfstætt mat á ástæður
fyrir húsleit, áður en þeir veittu
heimild fyrir þeim. Frá sjónarhóli
réttaröryggis væri þetta ámælis-
vert.
Dómarar væru þó í mjög erfiðri
stöðu því miklir hagsmunir væru
gjarnan í húfi. Mestu skipti að hans
mati að vel væri vandað til verka í
þessum efnum og að dómarar kæm-
ust að niðurstöðu í þessum málum
eftir vandlega athugun og með rök-
studdum hætti.
Skúli Eggert Þórðarson skatt-
rannsóknarstjóri sagðist telja að
lagaheimildir varðandi haldlagningu
gagna af hálfu skattyfirvalda væru í
jafnvægi, hvorki of þröngar né of
víðtækar og að heimildir væru ekki
nýttar nema brýn ástæða væri til.
Fram kom í máli Gunnars Sturlu-
sonar, hæstaréttarlögmanns hjá
Logos lögmannsstofu, á morgun-
verðarfundinum að afar brýnt væri
að samkeppnisyfirvöld hlutuðust til
um að settar yrðu reglur um fram-
kvæmd húsleitar, rétt eins og skatt-
rannsóknarstjóri hefur gert.
Fundur Verslunarráðs
Íslands um húsleit
Skortur
á sjálf-
stæðu mati
dómara

Skerpa/31
VETURGAMALL hrútur slapp á
dögunum undan leitarmönnum á
Gnúpverjaafrétti með því að synda
yfir Þjórsá. Margar árangurslausar
tilraunir voru gerðar til að ná
hrútnum á síðasta ári. Það tókst að
ná móður hans og í aukaleit tókst
smalamönnum að fanga bróður
hans, en þessi útilegukind slapp.
Hrúturinn kom sér fyrir í vetur í
Þjórsárglúfri fyrir neðan Dynk.
Þrír vaskir leitarmenn einsettu
sér í haust að ná hrútnum. Þetta
voru Stefán Már Ágústsson, marg-
reyndur landsliðsmaður í 800 m
hlaupi, Haukur Vatnar Viðarsson,
gríðarlega úthaldsgóður og þrjósk-
ur smali, og Einar Kári Magnússon,
en það segir allt sem segja þarf um
líkamlegt atgervi hans að hann er
yngri bróðir Jóns Arnars Magn-
ússonar tugþrautarkappa. Göngu-
menn komu fljótlega auga á hrút-
inn og kannaðist Stefán strax við
hann, en hann eltist við hann og
bróður hans í fyrrahaust.
„Ég sannfærðist af því að horfast
í augu við hann á sjö metra færi, að
þarna væri villt skepna á ferðinni,“
sagði Stefán.
Upphófst nú gríðarlegur elting-
arleikur við hrútinn og stóð hann í
um hálfa klukkustund upp og niður
eftir gljúfrinu. Hrúturinn vildi
ógjarnan yfirgefa samastað sinn,
en smalarnir voru ívið sprettharð-
ari og vörnuðu honum heimgöngu.
Sá hrúturinn að lokum þann kost
vænstan að henda sér út í Þjórsá,
og var sú ákvörðun hans tekin með
yfirvegun þeirrar skepnu sem ekki
ætlar sér að komast undir manna
hendur, að sögn Stefáns. „Hann leit
rólega til okkar og síðan út í á. Svo
leit hann aftur til okkar og skellti
sér svo út í. Það er til marks um
skapferli hrútsins að hann reyndi
fyrst að synda mót straumþunga
Þjórsár og gekk það ágætlega til að
byrja með en hann mæddist fljótt
undan straumþunganum og synti
yfir á hinn bakkann í Búðarháls, yf-
ir í Rangárvallasýslu.“
Ekki hættu smalarnir sér út í ána
eftir hrútnum, enda hafði fjallkóng-
urinn, Már Haraldsson, lagt smöl-
unum lífsreglurnar með miklum
áhersluþunga um að hætta ekki lífi
sínu né limum í viðureigninni.
„Sennilega vissi hann af keppnis-
hörku og þrjósku okkar fjögurra,
þ.e. smalanna þriggja og hrútsins.
Ég geri fastlega ráð fyrir að hrút-
urinn muni svo synda „heim“ þegar
Búðarhálsinn verður smalaður,“
sagði Stefán.
Stefán sagðist ekki vera búinn að
gefast upp. „Ég ætla að fara aftur í
gilið og þá hef ég blautbúning með
mér.“
Hrúturinn sneri á
smalana og synti
yfir Þjórsá
SPEGILSLÉTTUR sjór og ágætis
skyggni var á miðunum þegar 80
brúttólesta dragnótarbátur sigldi á
trilluna Þernu SH 350 um sex mílur
norður af Rifi í gærmorgun. Skip-
stjóri dragnótarbátsins mun ekki
hafa séð trilluna fyrir gluggapósti í
brú og mastrinu á bátnum fyrr en
um seinan. Enginn meiddist við
áreksturinn og trillan sigldi fyrir
eigin vélarafli til hafnar í fylgd
dragnótarbátsins.
Feðgarnir Óskar Skúlason og
Skúli Jónsson höfðu nýlokið við að
leggja út 16 bala af línu í Breiða-
fjarðarál þegar áreksturinn varð. Í
samtali við Morgunblaðið sagði Ósk-
ar að um klukkan átta hafi þeir farið
ofan í lúkar þar sem hann kveikti
undir kabyssunni og fór að hita vatn
í kaffi en faðir hans lagðist í koju.
Aðeins nokkrum mínútum síðar
sigldi dragnótarbáturinn Rifsari
SH-70 á miðja stjórnborðshlið trill-
unnar. Óskar segir að höggið hafi
verið talsvert en hann gerir sér ekki
grein fyrir því hvort trillan hafi hall-
ast mikið, þetta hafi gerst svo
snöggt. „Ég fékk svefnpoka yfir mig
og svo flaug potturinn af kabyssunni
og hellan fór af henni.“ Auk þess
hrukku gleraugun af honum þannig
að hann sá illa til inni í lúkarnum.
Feðgarnir fóru þegar upp á þilfar
en þegar Óskar sneri aftur eftir
gleraugunum sá hann að kviknað
hafði í svefnpoka sem hafði lent á
kabyssunni. Eldurinn var fljótlega
slökktur og olli ekki miklu tjóni.
Skúli, faðir Óskars, tognaði á hálsi
en Óskar slapp ómeiddur. Hann
fékk áhöfnina á Særifi í lið með sér í
gær til að vitja um línurnar. Aflinn
var sæmilegur, um 1½ tonn, aðal-
lega ýsa.
Trillan Þerna er plastbátur og
skemmdist hún talsvert við árekst-
urinn en brotnaði þó ekki undir sjó-
línu. Stýrishúsið er mikið skemmt
og telur Óskar að það taki um 1½
mánuð að gera við trilluna. Þar til
hún verður sjóhæf hyggst hann
leigja trillu sem hann seldi þegar
hann keypti Þernu í vor.
Engar skemmdir urðu á dragnót-
arbátnum. Að sögn Ólafs Guð-
mundssonar, yfirlögregluþjóns í
Stykkishólmi, náði skipstjóri drag-
nótabátsins að draga nokkuð úr ferð
og vara áhöfnina við áður en bát-
urinn sigldi á trillunni. Rannsókn-
arnefnd sjóslysa var gert viðvart og
teknar voru skýrslur af skipstjórn-
armönnum.
Sá ekki trilluna fyrir
gluggapósti og mastri
Morgunblaðið/Alfons
Talsverðar skemmdir urðu á trillunni en þó ekki undir sjólínu.
SEÐLABANKI Íslands mun
lækka vexti í endurhverfum við-
skiptum við lánastofnanir um 0,5
prósent í 7,1% í næsta uppboði
sem haldið verður 24. september
nk. Aðrir vextir bankans verða
einnig lækkaðir um 0,5 prósent
frá 21. september nk. Vextir
Seðlabankans hafa nú lækkað um
3 prósent frá aprílbyrjun þegar
vaxtalækkunarferlið hófst, en um
4,3 prósent frá því vextirnir voru
í hámarki í mars á síðasta ári.
Viðskiptabankarnir munu
fylgja vaxtalækkun Seðlabank-
ans, að sögn bankastjóranna Vals
Valssonar hjá Íslandsbanka,
Árna Tómassonar hjá Búnaðar-
banka Íslands og Halldórs J.
Kristjánssonar hjá Landsbanka
Íslands. Viðskiptabankarnir hafa
hingað til lækkað útlánsvexti
meira en innlánsvexti og verður
áfram hafður sá háttur á, en nán-
ari útfærsla bankanna liggur ekki
fyrir.
Birgir Ísleifur Gunnarsson
seðlabankastjóri segir í samtali
við Morgunblaðið að vaxtalækk-
unin sé í samræmi við fyrri yf-
irlýsingar bankans um að áfram
yrði haldið að lækka vexti ef
raunveruleikinn félli inn í spár
Seðlabankans.
Vextir hafa lækkað um
3% frá því í byrjun apríl

Seðlabankinn/C1
MESSA var haldin í Víðistaða-
kirkju í Hafnarfirði í gærkvöldi
þar sem þeirra sem látist hafa í
umferðarslysum á árinu var
minnst. Alls hafa 25 manns látist
í umferðarslysum á árinu sem er
meira en allt árið í fyrra, en þá
voru þeir 24. Aldrei hafa jafn-
margir látið lífið í umferðar-
slysum á þessum tíma árs. Eftir
að messu lauk var kertum fleytt
til minningar um fórnarlömb
slysanna.
Morgunblaðið/Árni Sæberg
Fórnarlamba
umferðar-
slysa minnst