Morgunblaðið - 22.11.2002, Page 26

HÖFUÐBORGARSVÆÐIÐ
26 FÖSTUDAGUR 22. NÓVEMBER 2002 MORGUNBLAÐIÐ
Auglýsendur!
Pantið fyrir kl. 16
á mánudögum!
Sérrit um bækur fylgir Morgunblaðinu
hvern miðvikudag fram að jólum.
Allir nánari upplýsingar veita sölu- og
þjónustufulltrúar á auglýsingadeild
í síma 569 1111 eða augl@mbl.is
Meðal efnis eru viðtöl við
höfunda, fréttir og gagnrýni
um nýjar bækur.
FIMM hús í Kópavogi munu í fram-
tíðinni tilheyra Reykjavík nái sam-
komulag um breytingu á lögsögu-
mörkum þessara sveitarfélaga fram
að ganga. Bæjarráð Kópavogs sam-
þykkti samkomulagið fyrir sitt leyti á
fundi í gær.
„Sá hluti Bleikargrófar sem í dag
er í lögsögu Kópavogs verður, sam-
kvæmt drögum að samkomulagi, í
lögsögu Reykjavíkur,“ segir Þórarinn
Hjaltason, bæjarverkfræðingur í
Kópavogi. „Það eru þarna fimm lóðir
sem flytjast á milli sveitarfélaga. Nú-
verandi fyrirkomulag hefur valdið
ruglingi þannig að mönnum finnst
þetta einfaldlega hreinlegra.“ Hann
segir stærðina á reitnum sem flyst til
Reykjavíkur með þessum hætti vera
0,92 hektarar.
Fleiri breytingar eru fyrirhugaðar
en þær tengjast mislægum gatnamót-
um sem fyrirhuguð eru við Smiðjuveg
og Stekkjarbakka. „Smiðjuvegur
mun fara fyrst inn í hringtorg og síð-
an kemur braut yfir Reykjanesbraut-
ina inn í framtíðar Höfðabakka sem
heitir Stekkjarbakki í dag. Þar á að
koma ný fjögurra akreina gata um
50–70 metra norðan við núverandi
Stekkjarbakka.“
Breytingar við Arnarnesveg
og í Fossvogi
Hann bendir á að Reykjavík eigi
lögsögu vestan Reykjanesbrautar
upp að annars vegar athafnahverfinu
og hins vegar alveg upp að neðstu
húsunum við Smiðjuveg. Þar sem
vegurinn beygi sé komið í land
Reykjavíkur þannig að um 150 metr-
ar af Smiðjuveginum tilheyri Reykja-
vík. „Þannig að verslunin Bláhornið
sem er þarna í beygjunni á Smiðju-
veginum tilheyrir Kópavogi en er al-
veg þétt upp við lögsögumörkin.“
Þá segir hann að land, sem er vest-
an við Reykjanesbraut og tilheyrir
Reykjavík, flytjist yfir í lögsögu
Kópavogs með þessum breytingum
en það er 2,28 hektarar að stærð.
Samkomulagið gerir ráð fyrir
breytingum á lögsögumörkum ann-
ars staðar í landi þessara sveitarfé-
laga en m.a. mun Arnarnesvegur í
vestanverðu Vatnsendahverfi ofan við
Seljahverfi flytjast yfir í lögsögu
Kópavogs. „Reykjavík mun þá í gróf-
um dráttum eignast landið upp að
veghelgunarsvæðinu þannig að þar
kemur einhver aukning á lögsögu
Reykjavíkur umfram aukningu á lög-
sögu Kópavogs,“ segir Þórarinn.
Þá tekur samkomulagið til lögsögu
sveitarfélaganna í Fossvogsdal og
Fossvogi og loks er nefnt að sveitar-
félögin muni stuðla að því að göng
undir Kópavogsháls verði gerð.
Þórarinn segir að líklega þurfi sam-
þykki Alþingis fyrir þessum breyting-
um á mörkum sveitarfélaganna.
Að sögn Sigurðar Geirdal, bæjar-
stjóra í Kópavogi, er það liðin tíð að
sveitarfélögin geti ekki rætt slík mál
sín á milli og leyst á einfaldan hátt.
„Við höfum gert svolítið af þessu.
Þegar við skipulögðum Fossvoginn
leyfðum við Víkingi að fara yfir á okk-
ar svæði svo þeir gætu klárað völlinn
sinn og svo var einhver sneið Reykja-
víkurmegin sem HK fékk að nota.
Það er einfaldlega verið að reyna að
koma þessu fyrir eins og þægilegast
er fyrir báða aðila.“
Gagnrýnir lítið samráð við íbúa
Flosi Eiríksson, oddviti Samfylk-
ingarinnar, fagnar þessum breyting-
um en gagnrýnir jafnframt að lítið
sem ekkert samráð hafi verið haft við
íbúa viðkomandi húsa í Bleikargróf-
inni. „Þarna eru fimm fjölskyldur,
sem hafa búið í Kópavoginum, fluttar
til Reykjavíkur án þess að spyrja
kóng né prest,“ segir hann og bendir
á að með færslu þessara fjölskyldna
um sveitarfélag sé líka verið að færa
þær um kjördæmi. „Það hefur alltaf
þurft lagabreytingu fyrir breytingu á
kjördæmamörkum og ég held að það
hljóti einnig að þurfa núna.“
Hann segir að síðastliðinn mánu-
dag hafi íbúunum verið sagt á fundi að
það stæði til að flytja þá til Reykjavík-
ur en sem fyrr segir samþykkti bæj-
arráð Kópavogs samkomulagið fyrir
sitt leyti í gær. Flosi sat hins vegar
hjá við atkvæðagreiðsluna. „Maður
færir ekki fólk á milli sveitarfélaga
með fjögurra daga fyrirvara,“ segir
hann. „Reyndar hef ég heyrt í sumum
íbúanna og þeir eru ekki endilega á
móti þessu en þeir þurfa meira en
örfáa daga til að ákveða það. Maður
kemur ekki svona fram við sitt fólk.“
Að öðru leyti segir hann breyting-
arnar í sjálfu sér eðlilegar og jákvæð-
ar. „Með þessu kemur líka annar tónn
í samskipti sveitarfélaganna sem hafa
verið óþarflega stirð hingað til en
þarna eru öll þessi mál leyst í einu
samkomulagi.“
Fimm hús flytjast
milli sveitarfélaga











<"
"
A:@(86::B>(80CD

 $-)
/ 
)
!
"#

#
!

##

 ! 

!%  "&


 '


"
&
(&
"###
E":) '
" 4  #
E" 4  
":) '
4"!"  ,F 

$%

&


%
Kópavogur/Reykjavík
SKAGASEL 9 var formlega af-
hent Svæðisskrifstofu málefna
fatlaðra á Reykjanesi í gær, en
þar verður í framtíðinni heimili
fimm einstaklinga sem lengi hafa
búið á Kópavogsbraut 5 en það
hús hét áður Kópavogshæli.
Heilbrigðisráðherra og félags-
málaráðherra gerðu með sér
samkomulag í janúar sl. um að
opna fimm heimili fyrir 20 íbúa
Kópavogsbrautar og er Skagasel
9 annað heimilið sem orðið er að
raunveruleika. Heimilin verða
víðsvegar um höfuðborgarsvæðið,
það fyrsta var opnað á Svölu-
hrauni í Hafnarfirði nýverið,
næsta verður vonandi opnað í
maí í Erluási í Hafnarfirði og það
fjórða í Miðskógum á Álftanesi
fljótlega eftir það, að sögn Ás-
rúnar Jónsdóttur, verkefnisstjóra
hjá Svæðisskrifstofunni.
Nýju íbúarnir munu flytja inn í
Skagasel í næstu viku. Hópurinn
samanstendur af tveimur konum
og þremur körlum sem öll þekkj-
ast vel að sögn Ásrúnar enda
hafa þau búið saman lengi á
Kópavogsbrautinni. „Einn ein-
staklingurinn hefur t.d. búið á
Kópavogshæli frá þriggja ára
aldri, en hann er fæddur 1959.“
Mikil tilhlökkun
Ásrún segir því mikla til-
hlökkun ríkja meðal fimmmenn-
inganna „og hjá aðstandendum
líka. Það hefur verið talað um
þennan flutning í rúm tíu ár og
þeir voru skiljanlega orðnir svo-
lítið langeygir eftir þessu. Starfs-
fólkið hlakkar líka til að komast í
huggulegra og betra vinnuum-
hverfi.“
Reiknað er með starfsfólki í
tæplega 9 stöðugildum á heim-
ilinu fyrsta árið.
Í Skagaseli 9 eru fjögur svefn-
herbergi og á neðri hæðinni verð-
ur einstaklingsíbúð, sem er þó
ekki fullkláruð, „en vonandi verð-
ur hún tilbúin fyrir jól.“ Þá er
sameiginlegt eldhús og stofa þar
sem eflaust verður dundað við
ýmislegt í framtíðinni.
Morgunblaðið/Jim Smart
Sigríður Kristjánsdóttir, frkvstj. Svæðisskrifstofu málefna fatlaðra á
Reykjanesi, tekur við lyklavöldum af Páli Péturssyni félagsmálaráðherra.
Langþráð heim-
ili loksins orðið
að veruleika
Breiðholt
NÝJAR tillögur, sem gera ráð fyrir
89 íbúðum á Rafha-reitnum svo-
nefnda í Hafnarfirði, verða að öllum
líkindum teknar til umfjöllunar
Skipulags- og byggingaráðs á
mánudag. Eigendur byggingafyrir-
tækisins Gígants, sem hyggst
standa að uppbyggingu á reitnum,
segjast geta sætt sig við þann
fjölda íbúða.
Morgunblaðið greindi í síðustu
viku frá því að útlit væri fyrir að
ekki yrði byggt á reitnum eftir að
bæjaryfirvöld lögðu til að íbúðum
yrði fækkað úr 95 í 80 vegna mót-
mæla íbúa í kring en upphaflegar
tillögur gerðu ráð fyrir 125 íbúðum
á reitnum. Sögðust eigendur Gíg-
ants ekki getað fellt sig við að ekki
yrðu byggðar fleiri en 80 íbúðir þar
sem mikill kostnaður væri fram-
undan í því að rífa þær byggingar
sem fyrir eru. Hugðust þeir því
leigja út núverandi húsnæði og
hætta við byggingaráformin.
Að sögn Kristins Bjarnasonar,
annars eiganda Gígants, hefur fyr-
irtækið nú látið vinna nýjar tillögur
þar sem íbúðum er aftur fjölgað
upp í 89 en það þýðir að fermetrar í
nýbyggingunum verða um 500 fleiri
en tillögur að 80 íbúðum gerðu ráð
fyrir eða alls um 11.000. Kristinn
segir nýju hugmyndina gera ráð
fyrir að íbúðirnar verði í fjórum
fjölbýlishúsum, tveimur þriggja
hæða og tveimur fjögurra hæða.
Illviðunandi en látum
slag standa
„Það er verið að reyna með ein-
hverjum hætti að landa þessu,“ seg-
ir hann. „Þetta er illviðunandi en
við erum að hugsa um að láta slag
standa ef þeir samþykkja 89 íbúð-
ir.“ Hann er nokkuð bjartsýnn á að
þetta muni geta gengið eftir en
hann á von á að tillögurnar verði
teknar til umfjöllunar Skipulags- og
byggingaráðs næstkomandi mánu-
dag.
En hvenær má búast við því að
framkvæmdir hefjist náist sættir
um þessar tillögur? „Ég sé ekki að
það sé eftir neinu að bíða,“ segir
Kristinn. „Ef þeir eru tilbúnir að
samþykkja þetta þá byrjum við
bara strax.“
Gígantsmenn með
nýjar tillögur að
Rafha-reitnum
Hafnarfjörður