Morgunblaðið - 22.11.2002, Qupperneq 49

MINNINGAR
MORGUNBLAÐIÐ FÖSTUDAGUR 22. NÓVEMBER 2002 49
✝ Jón Ægir Jóns-son fæddist á
Akranesi 11. júlí
1951. Hann lést á
líknardeild Landspít-
alans í Kópavogi 13.
nóvember síðastlið-
inn. Foreldrar hans
eru Jón Sigurðsson
Jónsson, f. 20. janúar
1925, og Guðrún
Karítas Albertsdótt-
ir, f. 1. janúar 1927,
búsett á Akranesi.
Systkini Ægis eru Al-
bert, f. 20. júlí 1952,
Petrína, f. 27. mars
1956, Þórður Heiðar, f. 3. júlí
1959, Sigurður, f. 27. september
1966, og Karítas, f. 27. september
1966.
Ægir kvæntist hinn 10. septem-
ber 1994 Dís Níelsdóttur, f. 26.
júní 1962. Foreldrar Dísar eru
Níels Unnar Hauksson, f. 29. des-
ember 1942, og Steinunn Elías-
dóttir, f. 3. júlí 1945, búsett á
Helgafelli. Börn Ægis og Dísar
eru Hilmir, f. 4. janúar 1990,
Steinar, f. 9. apríl 1992, og Anna
Dís, f. 21. ágúst 1998. Fyrir á Jón
Ægir tvö börn, þau eru: a) Elísa
Rún, f. 14. janúar 1977, sambýlis-
maður Jón Höskuldsson, dóttir
þeirra er Anna Kar-
en, f. 18. október
2001. Þau eru búsett
í Noregi. Móðir Elísu
Rúnar er Þóranna
Jónsdóttir. b) Heiðar
Þór, f. 2. október
1982, unnusta Mar-
grét Inga Gísladótt-
ir, þau búa í Reykja-
vík. Móðir Heiðars
Þórs er Sigrún Mar-
inósdóttir.
Ægir ólst upp á
Akranesi þar sem
hann lauk vélvirkj-
anámi frá Iðnskólan-
um. Hann starfaði sem vélvirki á
togurum og í Kísiliðjunni í Mý-
vatnssveit. Síðar lauk hann vél-
stjóranámi frá Stýrimannaskóla
Íslands og starfaði sem vélstjóri á
sjó og landi. Hann starfaði síðast
hjá Marel, þar til hann greindist
með krabbamein fyrir tæpum
tveimur árum. Ægir var virkur í
félagsstörfum síðustu ár ævi sinn-
ar og var meðal annars formaður
knattspyrnudeildar Afturelding-
ar.
Útför Ægis verður gerð frá Bú-
staðakirkju í dag og hefst athöfn-
in klukkan 15. Jarðsett verður á
Mosfelli.
Elskulegur bróðir og mágur Jón
Ægir er látinn í blóma lífsins eftir
erfiða veikindabaráttu. Hann sem
var svo ákveðinn í að sigrast á
veikindunum og ná heilsu á ný. Við
vitum að nú líður þér vel og allar
þjáningar eru að baki. Við kveðj-
um þig með miklum söknuði og
minninguna um góðan dreng
geymum við í hjarta okkar.
Ægir var ákaflega traustur, lét
sér annt um alla og vildi öllum vel.
Hann var mikill áhugamaður um
íþróttir og fylgdist vel með því
sem þar var að gerast allt fram
undir það síðasta. Ægir var for-
maður knattspyrnudeildar Aftur-
eldingar um tíma og rækti það
starf vel. Hann átti fallegt heimili í
Mosfellsbæ og góða fjölskyldu sem
gaman var að heimsækja. Ávallt
var vel tekið á móti okkur og
tengjast því margar skemmtilegar
minningar. Við viljum þakka fyrir
allar góðu stundirnar sem við átt-
um saman.
Elsku Dís, börnunum og öðrum
aðstandendum vottum við okkar
dýpstu samúð á þessum erfiðu tím-
um.
Þín systir og mágur,
Petrína og Pálmi.
Elsku Ægir bróðir er dáinn, allt
of snemma, eftir baráttu við
krabbamein. Þú varst stóri bróðir
minn, sem alltaf fylgdist vel með
hvernig ég, litla systir þín, hefði
það. Og jafnvel þó að þú værir
kominn á líknardeildina og kraft-
arnir væru ekki miklir vorum við í
sambandi á Netinu. Því að þú vild-
ir fylgjast með og vera í sambandi
við umheiminn.
Ég á margar góðar minningar
um þig. Ég man þegar ég var lítil
og þú gafst okkur Sigga páskaegg,
sem þú hafðir keypt í siglingu.
Okkur þótti það svo merkilegt og
flott, því það var öðruvísi en öll
önnur páskaegg. Ég á líka góðar
minningar frá Mývatni þegar ég
var í vist hjá þér og passaði Elísu
Rún. Og frá Mosfellsbæ þar sem
við vorum alltaf velkomin. Og þeg-
ar þú fórst með okkur Herði að
heimsækja Sigga í Sheffield. Í
sumar talaðir þú um að þú, Dís og
krakkarnir stefnduð á að koma til
okkar til Danmerkur næsta sumar.
Ég vil kveðja þig með ljóði sem
ég samdi þegar amma á Reynistað
dó. Nú ertu kominn til hennar og
til ömmu Petu, sem ég er viss um
að hefur tekið vel á móti þér og
passar þig vel.
Lífið er í raun aðeins biðröð,
biðröð, þar sem maður bíður eftir miða,
bíður eftir miða á frumsýninguna,
frumsýninguna, sem allir fara á
og allir bíða eftir.
Þú stóðst bara of framarlega í röðinni,
þú hefðir ekki þurft að flýta þér svona.
Elsku Ægir, við söknum þín
mikið, en verstur er söknuðurinn
fyrir Dís og börnin þín, sem þú
elskaðir svo heitt og vildir allt fyr-
ir gera. Guð gefi þeim styrk til að
takast á við framtíðina sem nú
verður fátækari án þín.
Karítas og Hörður.
Elsku Ægir. Í dag kveðjum við
þig, mág okkar og vin Ægir var
umfram allt hæglátur og vandaður
maður. Hann hafði mikla hand-
verkshæfileika og má sjá mörg
listaverk eftir hann sem prýða
heimili okkar systkinanna. Ægir
var alltaf boðinn og búinn að rétta
hjálparhönd ef til hans var leitað
og leysti hann það ætíð á vand-
aðan og listrænan hátt.
Sterkur persónuleiki Ægis kom
berlega í ljós er sjúkdómur hans
ágerðist og var aldrei að sjá að
hann væri bugaður í stríðinu við
þennan erfiða sjúkdóm. Gott dæmi
um jákvæða afstöðu hans til lífsins
sýnir þegar við vorum í heimsókn
hjá honum á líknardeildinni á dög-
unum. Þá taldi hann sig ekki hafa
tíma til að horfa mikið á sjónvarp
heldur þurfti hann að sinna æfing-
um, byggja sig upp og vera að
vinna og fræðast í gegnum tölvuna
sem hann hafði ávallt sér við hlið.
Þegar við látum hugann reika
um kynnin af Ægi kemur þessi
sterki persónuleiki alltaf fyrst upp
í huga okkar, maður með mikla
hæfileika til hverskyns verka en
hreykti sér ekki eða reyndi að hafa
sig of mikið í frammi.
Það tekur okkur sárt að Ægir sé
farinn frá okkur. Við og börnin
okkar þökkum þér ljúf og traust
kynni. Við syrgjum en minnumst
um leið góðs drengs.
Við vottum systur minni Dís,
Hilmi, Steinari, Önnu Dís, Elísu og
Heiðari dýpstu samúð.
Elías og Halla Karen.
Guðs ríki kemur ekki þannig, að á því
beri. Ekki munu menn segja: Sjá, þar er
það eða hér er það, því Guðs ríki er
innra með yður.
(Lúkas 17:20–21.)
Með mörgum af þessum orðum
er hægt að minnast Ægis æskuvin-
ar okkar. Hann var einstaklega
prúður í háttum og framgöngu,
hógvær, rólegur og innra með hon-
um ríkti traust, drengskapur og
væntumþykja í garð þeirra sem
með honum stóðu í lífinu.
Leiðir okkar Ægis lágu snemma
saman, rætur vináttu okkar hófust
á Melteig á Akranesi þar sem við
bjuggum sem snáðar og fluttum
síðan í Mýrahverfið þar sem for-
eldrar okkur byggðu. Þar kynnt-
umst við síðar Einari, Davíð, Skúli
og Þórður fylltu síðar vinahópinn á
skólaárunum. Vinahópur okkar
allra varð stór þar fyrir utan og
margir aðrir góðir vinir frá þess-
um árum tengjast enn traustum
böndum. Ægir varð snemma vin-
sæll félagi, mikill íþróttamaður í
boltanum og eftirsóttur liðsmaður.
Á skólaárum var Ægir um tíma
formaður Íþrótta- og bindindis-
félags skólans og fylltu stjórn og
trúnaðarstöður sumir aðrir vinir
hans m.a. Varð á mótum og keppn-
isferðum skólaáranna oft hið ágæt-
asta fjör, þar fóru saman táp og
fjör og frískir menn. Þar kom
skaplyndi Ægis fljótt í ljós, hann
var yfirvegaður keppnismaður,
staðfastur og átti frekar til að
brosa í óförum í leik eða á velli og
halda ró sinni þegar aðrir for-
mæltu. Þessi yfirvegun og æðru-
leysi varð síðar einkennandi fyrir
Ægi og varð síðar hans sterkasta
vopn í baráttunni við illvígan sjúk-
dóm sem á ekki löngum tíma lagði
þennan góða dreng að velli. Fyrir
nokkru ákváðum við, nokkrir af
gömlu spilafélögunum sem brallað
höfðum margt á uppvaxtarárunum
að gera það að reglu að hittast á
haustin með eiginkonunum. Urðu
þar strax hinar mestu gleðistundir
þar sem eldri hetjur en áður
gengu aftur til bernskuáranna
saman og upplifðu gleði þess tíma
og vinahópsins við vel útilátnar
sögur af prakkarastrikum, svað-
ilförum og ævintýrum. Á þessum
stundum lék Ægir við hvern sinn
fingur með okkur. Engum duldist
heldur hve hann var stoltur og rík-
ur af góðri fjölskyldu, börnum og
barnabörnum. Þessir árlegu haust-
fagnaðir urður strax að tilhlökk-
unarefni hvers árs. Það lýsir þess-
um góða vini okkar best, þegar
hann undir lokin sendi okkur
„strákunum“ eins og hann orðaði
það, boð um að hitta sig sína síð-
ustu helgi. Þá sem áður var stutt í
gáskann hjá Ægi og glettnin skein
úr augum þegar hann lagði eitt-
hvað til málanna og hló að öllu
saman um leið og hann bauð okkur
að lyfta koníaksskál með sér.
Þarna var Ægi best lýst, var
sterkur og yfirvegaður frammi
fyrir tapaðri lífsbaráttunni og
gladdist með og styrkti okkur sem
með honum voru. Slíkir menn eru
öðrum sem gull og gersemi. Hand-
an helgarinnar létti fyrrum sjóvél-
stjórinn lífsakkerinu hlaðinn ást-
ríki sinnar nánustu fjölskyldu.
Um leið og við sendum vini okk-
ar, Ægi saknaðarkveðjur, þá varð-
veitast ljúfar minningar um afar
góðan dreng. Dís og fjölskyldu,
ásamt börnum, systkinum og for-
eldrum Ægis færum við okkar
innilegustu samúðarkveðjur.
… vertu á guðs vegum kæri vinur.
Pálmi Pálmason, Einar
Jónsson, Davíð Kristjánsson,
Skúli Garðarsson,
Þórður Hilmarsson.
Kæri vinur og félagi, okkur
Önnu langar að minnast þín með
nokkrum fátæklegum orðum.
Fyrst þegar við hittum þig eftir að
þið Dís höfðuð fellt hugi saman,
var eins og við hefðum alltaf
þekkst. Rólegheit og yfirvegun
voru þín einkenni, auk þess áttir
þú mjög auðvelt með að kynnast
fólki. Þið hófuð síðan ykkar bú-
skap, eignuðust tvo yndislega syni,
jafnframt að koma upp fallegu
heimili.
Á þessum tíma starfaðir þú á
sjónum og varst því langdvölum
fjarri fjölskyldunni. Það varð því
mikið gleðiefni fyrir Dís og strák-
ana, að þú skyldir taka þá ákvörð-
un að fara að vinna í landi, því þá
loks fengu þeir tíma til að kynnast
þér betur.
Ekki varð minni hamingja þegar
þið eignuðust síðan einn gleðigjaf-
ann til viðbótar, hana Önnu Dís,
sem nú teiknar og litar myndir
handa þér fyrir ferðalagið til guðs.
Okkur langar að lokum að
þakka þér fyrir allar samveru-
stundirnar sem við áttum saman.
Elsku Dís, Hilmir, Steinar og
Anna Dís, Elísa og Heiðar, guð
gefi ykkur allan þann styrk sem
þið þurfið á að halda í sorg ykkar.
Megi minningin um góðan dreng
lifa.
Helgi Þór, Anna og Steinunn.
Í desember 1998 barst okkur
góður liðsauki í plötuvinnslu Mar-
el. Brosmildur Skagamaður, Jón
Ægir Jónsson, bættist í hópinn.
Við sáum strax að hér var kominn
reyndur maður sem gekk fumlaust
til verka. Jón Ægir bjó vel að
menntun sinni og reynslu sem vél-
virki og vélstjóri og var ætíð hægt
að leita til hans þegar eitthvað bil-
aði.
Það var gott að vinna með Jóni
Ægi, létt lund hans, verklag og
dugnaður hafði mikið að segja.
Áhugamálin voru mörg og hafði
hann ætíð eitthvað til málanna að
leggja.
Hann var virkur í starfsemi Aft-
ureldingar í Mosfellsbæ og fengum
við oft að heyra sögur af lífinu
kringum fótboltann. Það var
greinilegt að hann naut samver-
unnar við félagana og börnin.
Okkur þykir vænt um að hafa
kynnst Jóni og kveðjum hann með
söknuði.
Við sendum fjölskyldu hans og
aðstandendum samúðarkveðjur.
Vinnufélagar í Marel.
JÓN ÆGIR
JÓNSSON
Hjartkær faðir okkar, tengdafaðir, afi og vinur,
ÁRNI GUÐJÓNSSON
húsasmíðameistari,
Sólvallagötu 41,
Reykjavík,
sem andaðist á líknardeild Landspítalans í
Kópavogi laugardaginn 16. nóvember, verður
jarðsunginn frá Dómkirkjunni í Reykjavík
mánudaginn 25. nóvember kl. 13.30.
Jarðsett verður í Gufuneskirkjugarði.
Guðjón Hreiðar Árnason, Ingibjörg Ottósdóttir,
Stefán Árnason,
Helga Árnadóttir, Helgi Baldursson,
afabörn,
Sigurlaug Björnsdóttir.
Ástkær eiginkona mín, móðir, tengdamóðir,
amma og langamma,
KRISTRÚN ARNFINNSDÓTTIR,
Neskaupstað,
sem lést miðvikudaginn 13. nóvember, verður
jarðsungin frá Norðfjarðarkirkju laugardaginn
23. nóvember kl. 14.00.
Kristján Vilmundarson,
Jón Már Jónsson, Anna Þóra Árnadóttir,
Örn Rósmann Kristjánsson, Þóra Lilja,
Arnfinnur Kristjánsson, Elízabet Guðný Tómasdóttir,
Kristján Rúnar Kristjánsson, Guðbjörg Lára Ingimarsdóttir,
Unnur Dagmar Kristjánsdóttir,
barnabörn og barnabarnabörn.
Móðir okkar, tengdamóðir, amma og lang-
amma,
HULD SIGURÐARDÓTTIR,
frá Arnarvatni,
Brávöllum 11,
Húsavík,
verður jarðsungin frá Húsavíkurkirkju laugar-
daginn 23. nóvember kl. 14.00.
Málmfríður Pálsdóttir, Björn Líndal,
Sigurður Pálsson, Sólveig Karvelsdóttir,
Kristján Pálsson, Rannveig Benediktsdóttir,
Sveinn Pálsson, Margrét Höskuldsdóttir,
Ásm. Sverrir Pálsson, Ásthildur Bjarnadóttir,
Þuríður Anna Pálsdóttir,
ömmubörn og langömmubörn.