Morgunblaðið - 22.11.2002, Síða 70

70 FÖSTUDAGUR 22. NÓVEMBER 2002 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
Á LANDSRÁÐSFUNDI Frjáls-
lynda flokksins hinn 9. nóvember sl.
var líf og fjör. Það ríkir mikill ein-
hugur hjá frjálslyndum, þess vegna
er svo gaman að starfa með flokkn-
um. Mest kom á óvart allt það unga
fólk sem kvaddi sér hljóðs og ræddi
um framtíðarhorfurnar. Ungir menn
sumir nýfluttir heim frá útlöndum
og meira en til í að láta að sér kveða
með okkur. Það er óhætt að segja að
nýir vindar blása um flokkinn okkar.
Ungt fólk sér möguleika þarna þar
sem ekki er fyrir rótgróin flokks
maskína og hver einstaklingur hefur
mikið að segja. Allir skipta máli. Það
var auðvitað mikið rætt um sjávarút-
vegsmálin, þau mál eru mál málanna
hjá okkur, og vel unnin af fagmönn-
um, sem vita nákvæmlega hvernig
þeim málum er best komið. Það var
einnig ákveðið að setja mikla vinnu í
landbúnaðarmálin og vinna að end-
urskipulagningu þeirra frá grunni.
Landbúnaður er í svipuðum hlekkj-
um og sjávarútvegurinn og þar ligg-
ur mikil vinna við að byggja upp. Við
vitum að ef þessir stóru málaflokkar
eru ekki í lagi þá er landsbyggðin í
stórhættu; er það reyndar nú þegar.
Það þarf að tryggja undirstöðu
landsbyggðarinnar með öllum til-
tækum ráðum. Ég er mjög bjartsýn
á að Frjálslyndi flokkurinn muni
dafna og styrkjast. Það er þung und-
iralda í fólki. Fleiri og fleiri eru að
opna augun fyrir því óréttlæti sem
felst í framseljanlegu kvótakerfi, að
fólkið úti á landi hafi ekkert með það
að segja eða gera hvernig farið er
með fiskinn í sjónum í kring um okk-
ur, sem raunverulega varð til þess
að landsbyggðin var svo öflug áður
fyrr. Allt er þetta gert gert í nafni
hagræðingar og samþjöppunar. En
fyrir hvern? Þegar verið er að tala
um hagræðingu hlýtur það að vera
spurningin um þjóðarhag ekki hag-
sæld einstakra manna. Þetta er
grundvallaratriði. Og einhvern tím-
ann hlýtur að koma að því að fólkið
skilur samhengi milli deyjandi
landsbyggðar og ráðandi ríkis-
stjórnar. Átta sig á því að Sjálfstæð-
isflokkurinn í dag er ekki sami flokk-
urinn sem hann var fyrir nokkrum
árum, þegar frelsi einstaklingsins og
einkaframtakið var í hávegum haft.
Það er skiljanlegt að menn hafi
„prinsipp“ og fylgi stefnu sinni, og
lái þeim hver sem vill, en þegar
stefnan er að eyða byggðum lands-
ins er alveg óskiljanlegt að það fólk
sem vill búa úti á landi skuli kjósa
þau öfl yfir sig sem sýna sig í að gera
allt til að drepa niður hinar dreifðu
byggðir. Það er sagt til gamans að
þegar rótgrónir sjálfstæðismenn,
sem hafa opnað augun og vilja
breyta, fara á kjörstað fari hönd
þeirra skjálfandi á D-ið og ekkert
annað. Þetta sé prentað inn í sálina.
Þetta er meira en líklegt að það sé
rétt.
Sagan segir okkur að á endanum
fáum við nóg af ofstjórn. Við brut-
umst í upphafi frá Noregi, þar sem
menn vildu ekki una ofsköttun. Okk-
ur tókst líka að smokra okkur undan
veldi Dana á sínum tíma. Þess vegna
held ég að á endanum takist okkur
að ná vopnum okkar aftur og byggja
upp enn á ný sterka landsbyggð,
enda kemur það þéttbýlinu líka til
góða, að við séum sterk og öflug og
getum borgað skatta okkar og
skyldur við land og þjóð. En sú or-
usta mun minna mest á baráttu Dav-
íðs og Golíats og allir vita hvernig
fór um sjóferð þá.
ÁSTHILDUR CESIL
ÞÓRÐARDÓTTIR,
Ísafirði.
Vorvindar
munu blása
Frá Ásthildi Cesil Þórðardóttur:
LANDSVIRKJUN virðist ætla að
halda til streitu þeirri áætlun sinni
um miðlun og veitu vatns frá Þjórs-
árverum yfir í Sultartangalón.
Framkvæmdin mun skerða frið-
landið í Þjórsárverum og rýra nátt-
úruverndargildi svæðisins verulega.
Allir helstu vísindamenn sem hafa
rannsakað þetta svæði eru andsnún-
ir þessum framkvæmdum, svo og
íbúar í næsta nágrenni, þ.e.a.s.
Gnúpverjar, og fjöldi annarra Ís-
lendinga. Þjórsárveranefnd og
Náttúruvernd ríkisins telja enn-
fremur að hafna beri framkvæmd-
inni. Þá hafa Íslendingar skuld-
bundið sig, samkvæmt hinum
alþjóðlega Ramsar-sáttmála um
vernd mikilvægra votlendissvæða,
til að vernda Þjórsárver. Verði af
gerð Norðlingaöldulóns munu um 7
ferkílómetrar lónsins verða innan
friðlandsins. Ef af þessari fram-
kvæmd verður munu Þjórsárver
bera verulegan skaða og fram-
kvæmdin getur haft veruleg áhrif á
heiðagæsastofninn. Sem kunnugt er
er eitt mesta heiðagæsavarp í heimi
í Þjórsárverum. Þjórsárver eru lífs-
nauðsynleg fyrir heiðagæsina en um
30–40% af stofninum byggja tilvist
sína á svæðinu, bæði sem varpfuglar
og fuglar í sárum. Það er hins vegar
ljóst að stækkun Norðuráls á
Grundartanga er arðvænleg fram-
kvæmd sem mun hafa jákvæð áhrif
á atvinnustarfsemi höfuðborgar-
svæðisins. Það er því afar mikilvægt
að hægt sé að tryggja Norðuráli
næga orku án þess að fórna Þjórs-
árverum. Áhugavert er því að vita
hvort Orkuveita Reykjavíkur gæti
útvegað þá raforku sem þurfa þarf.
Stækkun orkuversins á Nesjavöll-
um mun víst vera í bígerð og sömu-
leiðis bygging nýs orkuvers á
Hellisheiði. Ég vil því beina þeirri
spurningu til forystumanna Orku-
veitu Reykjavíkur hvort Orkuveitan
geti útvegað Norðuráli þá orku sem
til þarf.
SIGMAR B. HAUKSSON,
formaður Skotveiðifélags Íslands.
Getur Orkuveita Reykjavík-
ur bjargað Þjórsárverum?
Frá Sigmari B. Haukssyni: