Morgunblaðið - 18.12.2002, Blaðsíða 21

AKUREYRI
MORGUNBLAÐIÐ MIÐVIKUDAGUR 18. DESEMBER 2002 21
VALGERÐUR Sverrisdóttir, iðnað-
ar- og viðskiptaráðherra opnaði á
dögunum heimasíðu Byggðarann-
sóknarstofnunar Íslands.
Hjá Byggðarannsóknarstofnun
eru stundaðar rannsóknir á sviði
byggðamála og er stofnunin staðsett
við Háskólann á Akureyri. Verk-
efnastjóri Byggðarannsóknarstofn-
unar er dr. Grétar Þ. Eyþórsson, en
hann er jafnframt framkvæmda-
stjóri Rannsóknarstofnunar Háskól-
ans á Akureyri (RHA).
Á síðunni má m.a. finna öflugan
gagnvirkan gagnagrunn um íslensk-
ar byggðarannsóknir. Er hér um að
ræða þann fyrsta og eina sinnar teg-
undar um byggðamál hérlendis.
Slóð heimsíðunnar er www.brsi.is.
Ný heima-
síða Byggða-
rannsóknar
stofnunar
Byggða-
rannsóknarstofnun
UM 80 ár eru liðin frá stofnun Karla-
kórskórsins Geysis og af því tilefni
er nú kominn út geisladiskur með
sýnishorni af lagavali kórsins frá
fyrstu hljóðritunum árið 1930 til
okkar daga.
Kórinn starfaði af mikilum þrótti
um árabil, en sameinaðist Karlakór
Akureyrar árið 1990. Nokkur hópur
félaga vildi halda merki kórsins á
lofti og stofnaði Karlakórinn Geysi –
eldri félagar.
Á hinum nýja diski eru 22 lög og
koma 9 söngstjórar við sögu. Hljóm-
gæði eru mismunandi enda var
tæknin frumstæð er fyrstu lögin
voru hljóðrituð.
Diskurinn verður ekki til sölu í
verslunum en kórfélagar munu sjá
um söluna, m.a. Guðmundur Gunn-
arsson og Sigurður Svanbergsson,
en á Dalvík sér Jóhann Daníelsson
um söluna.
Geysisfélagar
gefa út disk
DAGLEGAR reykingar unglinga á
Akureyri hafa dregist verulega
saman á síðustu 5 árum að því er
fram kemur í nýrri skýrslu sem
Áfengis- og vímuvarnarnefnd Ak-
ureyrarbæjar kynnti í gær, en um
er að ræða niðurstöðu í könnun á
vímuefnaneyslu ungs fólks í bænum.
Hún var gerð síðastliðið vor af fyr-
irtækinu Rannsóknum og greiningu
og náði til nemenda í 8. til 10. bekk
grunnskóla Akureyrar á árunum
1997 til 2002. Hera Hallbera Björns-
dóttir félagsfræðingur hjá fyrirtæk-
inu kynnti könnunina. Hlutfall 10.
bekkinga sem reyktu daglega árið
1997 var 24%, en nú í vor var það
komið niður í 12% . Hlutfall ung-
linga í 8. og 9. bekk á Akureyri sem
reykja daglega var einnig nokkru
lægra en unglinga í landinu í heild
samkvæmt könnuninni, eða 1% á
móti 3% á landinu öllu. Fleiri strák-
ar reyktu daglega, en stúlkur, eða
14% þeirra á móti 9% stúlkna. Mun
færri stúlkur á Akureyri, sem voru í
10. bekk síðastliðið ár reyktu dag-
lega en stöllur þeirra í Reykjavík,
en þar er hlutfallið 16%. Minni mun-
ur er á piltunum, en 15% stráka í 10.
bekk í Reykjavík sögðust reykja
daglega á móti 14% á Akureyri.
Stúlkur nota ekki
munn- og neftóbak
Stúlkur eru mun ólíklegri til að
nota munn- og neftóbak en drengir,
en slík notkun er nánast óþekkt í
þeirra hópi. Aftur á móti höfðu 7%
pilta á Akureyri notað munntóbak
20 sinnum eða oftar um ævina og 5%
þeirra hafa notað neftóbak 20 sinn-
um eða oftar. Hlutfall pilta sem nota
neftóbak svo oft er hæst á Akureyri,
7%, en 5% bæði yfir landið allt sem
og í Reykjavík. Neftóbaksnotkunin
er aftur á móti minni, er 11% yfir
landið allt en 8% í Reykjavík.
Morgunblaðið/Kristján
Hera Hallbera Björnsdóttir kynnti niðurstöður könnunar á
vímuefnanotkun unglinga í grunnskólum Akureyrar.
Niðurstöður könnunar á vímuefnaneyslu ungs fólks
Dregur
mjög úr
reykingum
akureyrskra
ungmenna
TEKJUR Akureyrarbæjar munu
aukast um rúm 6% frá endurskoð-
aðri fjárhagsáætlun þessa árs eða
úr tæpum 7,4 milljörðum í tæpa
7,9 milljarða. Gjöld aukast einnig á
sama tímabili um tæp 2% eða úr
tæpum 7,3 milljörðum í rúma 7,4
milljarða króna. Rekstrarniður-
staða í fjárhagsáætlun Akureyr-
arbæjar fyrir árið 2003 er áætluð
jákvæð um rúmar 253 milljónir
króna.
Frumvarpið var samþykkt við
seinni umræðu þess á fundi bæj-
arstjórnar Akureyrar síðdegis í
gær. Á sama fundi var einnig lögð
fram til fyrri umræðu svonefnd
þriggja ára áætlun, en hún er um
rekstur, fjármál og framkvæmdir
á árunum 2004–2006. Fjárhags-
áætlunin tekur til rekstrar aðal-
sjóðs, sem að uppistöðu er bæj-
arsjóðurinn sem áður var og 16
fyrirtækja, stofnana og sjóða í
eigu hans.
„Við fyrstu drög að fjárhags-
áætlun var staðan sú að rekstar-
gjöld hefðu orðið 2% hærri en
tekjur ef orðið hefði verið við öll-
um óskum, það hefði vantað 75
milljónir upp á og við þurft að slá
lán fyrir rekstrinum,“ sagði
Kristján Þór Júlíusson bæjar-
stjóri þegar hann kynnti fjárhags-
áætlun 2003. Unnið hefði verið að
því milli umræðna að lækka út-
gjöld um 240 milljónir króna.
Breytingar verða gerðar á gjald-
skrám, hætt við áður áætlaða við-
bótarþjónustu og áætlanir gera nú
ráð fyrir að skatttekjur aukist um
50 milljónir króna.
Hækkun þjónustugjalda
skilar 40 milljónum
Gert er ráð fyrir óbreyttri
álagningu opinberra gjalda, hækk-
un á þjónustugjöldum skilar 40
milljónum í bæjarsjóð. Mestu
munar þar um nýtt sorpgjald á
fyrirtæki auk áðurnefndra gjald-
skrárbreytinga.
Félagsþjónusta; öldrunarmál,
fræðslu- og uppeldismál, menning-
armál auk íþrótta- og tómstunda-
mála eru þeir þættir sem vega
þyngst í fjárhagsáætlun.
Í áætluninni er gert ráð fyrir
verulegum fjárhæðum í verkefni
sem bærinn hefur þegar skuld-
bundið sig til að sinna, m.a. marg-
vísleg verk í skóla-, menningar- og
íþróttamálum.
Mest í Brekkuskóla og
fjölnota íþróttahús
Af einstökum fjárfestingum eru
stærstu framkvæmdaliðir Brekku-
skóli með 200 milljónir, 193 millj-
ónir fara í fjölnota íþróttahús, 186
í Amtsbókasafnið, Síðuskóli með
130 milljónir og nýr leikskóli í
Hólmatúni með 126 milljónir
króna. Loks má nefna að gert er
ráð fyrir að verja 50 milljónum
króna á næsta ári til uppbyggingar
öldrunarstofnunar við Hlíð.
Áætlað er að lántaka á næsta ári
nemi tæpum 1.400 milljónum og að
raunaukning skulda bæjarins verði
um 900 milljónir. Verulega fer að
draga úr framkvæmdum eftir árið
2005 að sögn Kristjáns Þórs og
mun í kjölfarið draga mjög úr
skuldaaukningu bæjarins. Hann
sagði stöðu bæjarins sterka, en úr
áætlun þeirri sem fyrir liggur er
gert ráð fyrir að handbært fé frá
rekstri muni nema um einum millj-
arði.
Gert ráð fyrir að íbúum
fjölgi um 200 á ári
Forsendur þriggja ára áætlunar
byggjast á því að íbúum bæjarins
fjölgi um 200 árlega og þá er
reiknað með samningsbundnum
launahækkunum. Magnaukning í
rekstri verður mest á þarnæsta
ári, 2004 eða rúmlega 127 millj-
ónir, en lækkar eftir það og fer í
62 milljónir árið 2006. Bæjarstjóri
nefndi að það kostaði bæinn um
150 milljónir króna að taka það
húsnæði í notkun sem áætlað er að
gera á næstu misserum. Húsnæði
þess næmi nú um 75 þúsund fer-
metrum, en áætluð viðbót á næsta
ári er um 14.500 fermetrar sem
kostar um 62 milljónir króna. Nýr
leikskóli í Hólmatúni, stækkun
bókasafns og breytingar tengdar
tónlistarskóla vega þyngst í mag-
naukningu rekstrar árið 2004.
Fjárhagsáætlun Akureyrarbæjar samþykkt í bæjarstjórn
Staða bæjarins
sterk þrátt fyrir
aukningu skulda
Morgunblaðið/Kristján
Jakob Björnsson, formaður bæjarráðs, og Kristján Þór Júlíusson
bæjarstjóri kynntu fjárhagsáætlunina.
♦ ♦ ♦
BÚTSAGIR
Verð frá
kr. 9.000,-. . ,
Aðventusamvera
eldri borgara
verður fimmtudaginn 19. desember kl. 15.
Gestur samverunnar verður Hannes Sigurðsson forstöðu-
maður Listasafnsins á Akureyri og fjallar hann um efnið:
„Ævintýri listarinnar“.
Félagar úr kór Glerárkirkju syngja nokkur lög. Að venju
verður helgistund og léttar veitingar.
Allir velkomnir.
Fjarkennsla
Verkmenntaskólans á Akureyri býður nám
með tölvusamskiptum til meðal annars
stúdentsprófs og meistarastigs.
Boðið er upp á tæplega 200 áfanga á
framhaldsskólastigi.
Athygli er vakin á nýjum reglum um
endurgreiðslu kennslugjalds.
Umsóknir sendist í tölvupósti.
Nánari upplýsingar eru á vefsíðum skólans.
Vefslóð: http://www.vma.is/fjarkennsla
Innritun lýkur 8. janúar 2003.
Kennslustjóri fjarkennslu VMA.
Verkmenntaskólinn
á Akureyri