Morgunblaðið - 10.01.2003, Side 22

LISTIR
22 FÖSTUDAGUR 10. JANÚAR 2003 MORGUNBLAÐIÐ
Ekki missa af þessu
Útsalan hefst í dag
10—70%
afsláttur af hestavörum,
reið- og útivistarfatnaði
Dæmi:
Ástundarreiðbuxur, verð frá kr. 12.599
Úlpur, ótrúlegt úrval, verð frá kr. 5.999
Sælu skaflaskeifur, verð kr. 899
Póstsendum
Háaleitisbraut 68 - Sími 568 4240
Ath. Opið sunnudaginn 12. janúar frá kl. 13.00—17.00
ALLTAF er stemning yfir því að
fara í bíó í Action Christine Odéon,
í götunni indælu sem er í vari fyrir
mesta flaumi ferðamanna, þótt hún
sé svona miðsvæðis. Það má til
dæmis nálgast hana með því að
fara frá St Michel á rue St-André
des Arts, beygja til hægri á rue des
Grands Augustins, svo til vinstri á
rue Christine.
Nú er sérstök gósentíð í þessu
bíói, þangað til 21. janúar, með
syrpu af myndum bandaríska leik-
stjórans Nicholas Ray. Hann er
sérstæður leikstjóri sem vann af
mesta sköpunarkrafti milli 1947 og
1960. Flestar mynda hans frá þeim
tíma eru einhvers konar meistara-
verk, sterk og frumleg, oft ein-
kennilega rómantísk og ljóðræn.
Hann er átrúnaðargoð leikstjóra
eins og Wim Wenders sem eru
kenndir við nýbylgju, og hann
gerði reyndar heimildarmynd um
síðustu vikurnar í lífi Nicholas Ray.
Frægasta mynd hans er líklega
Rebel Without a Cause með James
Dean, ein sem á alltaf erindi, eða
eigum við að segja tímalaust verk
um ungt fólk.
Johnny Guitar er annaðtímalaust meistaraverk,vestri sem er alveg sér áparti, og það var sérstök
ánægja að skoða hann aftur. Drif-
krafturinn í myndinni er tvær kon-
ur, heiftin í þeim og ástin. Þær eru
þó nokkuð karlmannlegar, útibús-
stjóri og kráareigandi í síðbuxum.
Karlarnir bangsast þetta áfram
undir áhrifum þeirra, flinkir með
leikföngin sín, byssur og gítar.
Kvennaráð hér eru ekki síður köld
en í Íslendingasögum þar sem körl-
um með leikföng þeirra tíma, boga
og atgeira, var att út á foraðið. Ein
setning í myndinni er í Gerplustíl
þegar dugnaðarvargurinn Joan
Crawford biður gítarskáldið að
ljúga að sér, nákvæmlega eins og
konan við sitt vandræðaskáld: „Og
er gott að heyra þig ljúga. Ljúgðu.“
Samtölin eru dásamlega svöl og
oft óvænt, og heilt gallerí af skarp-
mótuðum persónum sem mælir
þessar meitluðu setningar. Náttúr-
an er ljúf og nálæg, og útlagar eiga
sér hulinn heim bak við runu af
fossum. Titillagið er seiðandi og vel
til fundið í lokin meðan kossinn fer
fram við fossinn. Söngurinn súper,
enda leikstjórinn sérfræðingur í
sveitatónlist og hafði útvarpsþætti
um hana.
Hugmyndin um einhvers konar
paradís er oft skammt undan hjá
Nicholas Ray. Ég gat ekki staðist
það að skoða líka vistvænu bíó-
myndina sem hann hafði það af að
búa til strax árið 1958, Wind Across
the Everglades. Hann var á undan
sinni samtíð í það sinn og svo nógu
slyngur til að taka tímann úr sam-
bandi en myndin gerist um alda-
mót. Hér er á ferðinni veiðivörður í
Flórída sem tekst það á hendur að
verja fuglalífið í fenjalandinu fyrir
stórskotaliði útlægra bandítta. Þar
er vísnasöngvarinn góðkunni, Burl
Ives, í fararbroddi, óvænt ánægja.
Myndin er furðulegt sambland af
dýralífsmynd og reyfara, ógleym-
anlegar senur úr fenjalandi og
fuglaríki, og líka af ströndinni þar
sem góðborgarar gera sér veislu og
fá sér sundsprett á milli, í efnis-
miklum aldamótasundfötum.
Á meðal mynda í Nicholas Ray
syrpunni í Action Christine eru
nokkrar verulega sjaldséðar, þar á
meðal The Savage Innocents frá
1961, mynd sem gerist meðal
ínúíta, með Anthony Quinn og Pet-
er O’Toole í aðalhlutverkum. Eitt-
hvert kvikindið lét hafa það eftir
sér að enginn léki illa hjá þessum
leikstjóra, ekki einu sinni Anthony
Quinn.
Það var vel til fundið áþessu kalda sunnudags-kvöldi upp úr hátíðum aðtylla sér á hlýlegt veit-
ingahús með útflúruðum sófum og
sessum, Chez Clément, rétt hjá
gosbrunninum á Saint Michel. Það
eru til nokkrir staðir í viðbót í París
af sömu tegund, með sama nafni,
og þangað þykir svöngu fólki ekki
síst gott að koma til að fá sér menu
rotisserie, eitt og annað góðgæti
steikt á teini, með salati og fleiru.
Þetta kostar 15.90 evrur. Við bíó-
félagarnir fengum okkur hins veg-
ar lax í ýmsum útgáfum á einum
platta; tartare, marineraðan,
steiktan og reyktan. Þetta var gott
á bragðið en kannski ekki svo æv-
intýralegt fyrir Íslending. En hollt
skyldi það vera – og þó, eftir á að
hyggja, hversu hollt. Allt er eldis-
lax í útlandinu nú til dags, bólusett
og lyfjað. Það var hugsað með
söknuði til meinhollra Íslandslaxa
sem stukku upp fossa í norrænni
paradís áður en nokkur maður
hafði sest þar að og kallað heim-
kynni sín.
B í ó k v ö l d í P a r í s
Johnny Guitar endurlitinn
Eftir Steinunni Sigurðardóttur
GAMANMYNDIN Analyze That er
framhald af hinni vinsælu grínmynd
Analyze This frá árinu 1999. Sú
mynd skartaði Billy Crystal, Robert
De Niro og Lisu Kudrow í aðal-
hlutverkum og eru þau nú öll komin
aftur í nýju myndinni í sömu hlut-
verkum. Sagan segir af fyrrum maf-
íuforingja, Paul Vitti, sem leikinn er
af De Niro og verið hefur í fangelsi
síðustu árin. Þegar hann loksins
sleppur út, er augljóst að hann þarf
að sækja sér sálfræðihjálp og leitar
þá strax uppi sálfræðinginn Ben
Sobel. Fljótlega kemst Vitti hins-
vegar að því að það er öllu fremur
sálfræðingurinn Ben Sobel sem þarf
á verulegri sálfræðihjálp að halda.
Líf Bens hefur tekið miklum
breytingum frá fyrri myndinni.
Pabbi hans er látinn og hann hefur
tekið yfir stofuna hans. Mikil streita
fylgir því og ekki gengur allt eins og
vera ber. Á meðan er Paul að reyna
að lifa venjulegu lífi og það án mafí-
unnar og glæpa og endar sem ráð-
gjafi við sjónvarpsþátt um mafíuna.
Einn af aðalleikurunum, Billy
Crystal, er í hópi framleiðenda
myndarinnar.
Handritshöfundar eru Peter
Steinfeld, Peter Tolan og Harold
Ramis, sem jafnframt er leikstjóri
myndarinnar, en hann hefur lagt
sína sérþekkingu á vogarskálar við
gerð margra vinsælustu gam-
anmynda, sem gerðar hafa verið til
þessa. Frumraun sína sem leikstjóri
þreytti hann við gerð gamanmynd-
arinnar Caddyshack, en aðrar
myndir hans eru m.a. Vacation, Club
Paradise, Groundhog Day,
Multiplicity, Stuart Saves His Fam-
ily, Analyze This og Bedazzled.
Lisa Kudrow og Billy Crystal snúa aftur í grínmyndinni Analyze That sem
er framhald myndarinnar Analyze This frá árinu 1999.
Fleiri þurfa
sálfræðihjálp
Sambíóin og Háskólabíó frumsýna
Analyse That.
Leikarar: Robert De Niro, Billy Crystal,
Lisa Kudrow, Joe D’Onofrio, Joseph
Bono, Jerome LePage, Anthony La-
Paglia, Cathy Moriarty, Brian Rogalski,
Reg Rogers, Thomas Rosales Jr., Mich-
ael Stever og Joe Viterelli.
SPENNUTRYLLIRINN The
Transporter, sem frumsýnd verður í
dag, fjallar um fyrrum sérsveit-
armanninn Frank Martin, sem virð-
ist lifa rólegu lífi við franska Mið-
jarðarhafsströnd, en leigir í raun
sjálfan sig út sem sendisvein. Hann
tekur að sér að flytja ýmsan varning
frá einum stað til annars og gildir þá
einu hvort um sé að ræða lifandi eða
dauða hluti. Nokkrar reglur hefur
hann í hávegum. Í fyrsta lagi spyr
hann aldrei neinna spurninga þrátt
fyrir að svo virðist sem hættur kunni
að leynast við hvert fótmál. Hann vill
alls ekki vita nöfn vinnuveitenda
sinna og forðast að breyta gerðum
samningum. Hann kærir sig heldur
ekki um að vita hvert er innihald
þeirra pakka, sem honum er ætlað
að flytja.
Nýjasta sendiferð Franks virðist
ekkert ólík þeim fjölmörgu öðrum,
sem hann hefur tekist á hendur til
þessa, en þegar hann stoppar BMW-
inn sinn í vegkanti á leið sinni á
áfangastað, sér hann hvar sendingin
er allt í einu á hreyfingu. Frank
brýtur reglu númer þrjú og kíkir á
innihaldið, sem er kefluð fegurð-
ardís. Nú neyðist Frank til að brjóta
aðrar reglur, sem hann hefur einsett
sér í starfinu sem leiðir af sér ban-
vænar hættur.
Það er fyrirtæki franska leikstjór-
ans Luc Besson sem stendur að
framleiðslu myndarinnar, en Besson
skrifaði sjálfur handritið ásamt sam-
verkamanni sínum, Robert Mark
Kamen, sem einnig er handritshöf-
undur The Fifth Element.
Leikstjórinn Cory Yuen á að baki
meira en þrjátíu myndir á heima-
slóðum í Hong Kong og hefur komið
nálægt flestum hliðum kvik-
myndanna, ýmist sem leikstjóri,
kvikmyndastjarna, handritshöf-
undur, framleiðandi eða listráðu-
nautur. Fyrsta bandaríska bíómynd-
in, sem hann kom að var Lethal
Weapon 4 og í kjölfarið fylgdu
Romeo Must Die og X-Men.
Sendi-
sveinar
spyrja
einskis
Spennutryllirinn The Transporter fjallar um fyrrverandi sérsveitarmann.
Smárabíó og Regnboginn frumsýna The
Transporter.
Leikarar: Jason Statham, Shu Qi, Matt
Schulze, Francois Berleand, Ric Young,
Doug Rand, Didier Saint Melin, Tonio
Descanvelle.
Róbert Reynisson gítarleikari
heldur burtfarartónleika frá Tónlist-
arskóla FÍH kl. 17 í sal skólans.
Róbert er fæddur 1978 á Akureyri
og hefur numið við Tónlistarskóla
FÍH frá árinu 1998. Einnig hefur
hann stundað nám við Kungliga
Musik Högskolan í Stokkhólmi og-
Tónlistarskólann á Akureyri. Róbert
hefur verið virkur í djasslífi yngri
kynslóðarinnar og m.a. komið fram á
Norðurlöndunum og í Þýskalandi.
Auk þess að leika djasstónlist hefur
Róbert leikið inn á hljómplötur með
ýmsum flytjendum og komið fram
með hljómsveitum á borð við 200.000
naglbíta og
Ohgeath.
Róbert er nú bú-
settur í Zürich.
Með honum leika
Helgi Svavar
Helgason á
trommur og
hljóðkára, Hrafn
Ásgeirsson á ten-
or og baríton sax
og Davíð Þór
Jónsson á píanó og rafeinda Zukk.
Tónlistin sem þeir félagar leika er
léttur nútímadjass sem Róbert hef-
ur samið af þessu tilefni.
Í DAG
Róbert Reynisson
gítarleikari.
Díana Hrafnsdóttir myndlist-
armaður opnar sýningu á leir-
verkum í Gallerý Hár og list –
Hjá Halla rakara, Strandgötu 39,
Hafnarfirði kl. 15. Sýningin nefn-
ist Krossmörk og eru verkin öll
unnin á þessu og á nýliðnu ári og
er hennar þriðja einkasýning. Hún
hefur auk þess tekið þátt í sam-
sýningum.
Díana útskrifaðist vorið 2000 með
BA-gráðu úr myndlistardeild
Listaháskóla Íslands.
Gallerý Hár og list er opið virka
daga kl. 9–18, laugardaga kl. 10–
13 og 14–17. Sýningin stendur til
1. febrúar.
Rakel Kristinsdóttir opnar sýn-
ingu á Kaffi Sólon í Bankastræti
kl. 15 sem stendur til 7. febrúar.
Á MORGUN