Morgunblaðið - 14.01.2003, Blaðsíða 18

HÖFUÐBORGARSVÆÐIÐ
18 ÞRIÐJUDAGUR 14. JANÚAR 2003 MORGUNBLAÐIÐ
NÝ sundlaug í Salahverfi í Kópa-
vogi verður tekin í notkun í sept-
ember næstkomandi en bæjarstjóri
Kópavogs og framkvæmdastjóri
ÓG-bygg ehf. hafa undirritað verk-
samning um fullnaðarfrágang á
sundlauginni og öðrum íþrótta-
mannvirkjum í tengslum við hana.
Áfast sundlauginni verður 35 x 63
metra íþróttasalur sem verður sér-
staklega útbúinn fyrir frjálsar
íþróttir.
Íþróttamannvirkin verða staðsett
við hlið Salaskóla í Kópavogi og að
sögn Stefáns L. Stefánssonar, deild-
arstjóra framkvæmdadeildar Kópa-
vogsbæjar, verður sundlaugin opin
almenningi auk þess sem hún verð-
ur nýtt til sundkennslu í skólanum.
Um er að ræða tvær sundlaugar,
annars vegar 25 x 15 metra útilaug
og 17 x 10 metra innilaug.
Þá verða pottar, svokölluð iðu-
laug, vatnsgufa og vatnsrennibraut
á útisvæði laugarinnar. Stefán segir
uppsteypu laugarhússins og laug-
arkeranna lokið en gert er ráð fyrir
að taka laugarnar í notkun í sept-
ember næstkomandi.
Frjálsíþróttahús og
knattspyrnuvellir
Íþróttasalurinn verður sérstak-
lega útbúinn fyrir frjálsar íþróttir
auk þess sem sérstakur salur verð-
ur fyrir þrekæfingar. Að sögn Stef-
áns er íþróttahúsið hugsað sem að-
staða fyrir Gerplu jafnframt því
sem það verður nýtt til íþrótta-
kennslu í Salaskóla. Búið er að
steypa sökklana á íþróttahúsinu og
er áætlað að taka það í notkun í júní
árið 2004.
Loks verða knattspyrnuvellir
byggðir á útisvæði vestan við sund-
laugina en búningsaðstaða og þjón-
usta verður samnýtt með sundlaug,
íþróttahúsi og útivöllum.
Framkvæmdir við fyrsta áfanga
mannvirkjanna hófust í október
2001 en ÓG-bygg ehf. var verktaki
að þeim áfanga. Sem fyrr segir var
einnig samið við ÓG-bygg um annan
áfanga verksins en fyrirtækið
reyndist lægstbjóðandi í það þegar
útboð voru opnuð í október síðast-
liðnum. Bauð fyrirtækið 407 millj-
ónir króna í framkvæmdina en
kostnaðaráætlun annars áfanga var
455 milljónir. Áætlaður heildar-
kostnaður er um einn milljarður
króna.
Hönnuðir mannvirkisins eru
Benjamín Magnússon arkitekt og
Verkfræðistofa Sigurðar Thorodd-
sen hf.
Sundlaug í Sala-
hverfi opnuð í haust
Sigurður Geirdal bæjarstjóri og Ólafur Friðriksson, fram-
kvæmdastjóri ÓG-bygg, við undirritun í síðustu viku.
Tölvumynd/Onno
Útisvæði laugarinnar en innilaugin verður í byggingunni til vinstri á myndinni.
Kópavogur
ÞRJÁR tillögur að staðsetningu
grunnskóla fyrir Ása-, Grunda- og
Strandhverfi í Garðabæ eru nú til um-
fjöllunar bæjaryfirvalda. Þeir tveir
kostir, sem helst koma til greina að
mati arkiteks Strandhverfisins, gera
ráð fyrir uppkaupum eigna eða lóða.
Önnur þessara lóða er Héðinslóðin en
nýjar hugmyndir ganga út á að hægt
sé að byggja þar skóla án þess að rífa
verksmiðjuhúsið sem á lóðinni er.
Björn Ólafs arkitekt hefur gert
samanburð á þremur tillögum að
staðsetningu skólans. Tillaga A gerir
ráð fyrir að skólinn verði staðsettur
við Arnarnesvoginn, á lóð austan til í
hinu nýja strandhverfi. Segir í um-
sögn Björns að lóðin sé miðsvæðis í
skólahverfinu og falli vel að hugmynd
um tengsl miðbæjarins og strand-
hverfisins. Gallinn við staðsetninguna
sé að bærinn þurfi að kaupa upp tvær
byggingar til niðurrifs, verði af bygg-
ingu skólans á þessum stað.
Tillaga B gerir ráð fyrir að skólinn
verði staðsettur nærri Arnarneslæk
og bendir Björn á að þannig yrði leik-
svæði hans í sjóngeira frá Hafnar-
fjarðarvegi að sjónum. Lóðin sé
óbyggð og í eigu bæjarins. Helsti gall-
inn er að mati Björns fjarlægð lóð-
arinnar frá Ásahverfinu en meira en
1,5 kílómetra gönguleið yrði til hans
frá vestustu húsunum þar. Verði
skólalóðin hins vegar flutt til vesturs
geti hún takmarkað möguleika á
stækkun miðbæjarins.
Síðasta tillagan, tillaga C, gerir
hins vegar ráð fyrir að skólinn verði
staðsettur á lóð Héðins. Eins og
Morgunblaðið hefur greint frá var
mælt með þeirri staðsetningu skólans
á íbúaþingi sem haldið var í Garðabæ
í haust enda er hún miðsvæðis í skóla-
hverfinu. Gallinn við staðsetninguna
er hins vegar sá að mati Björns að
bæjarfélagið þurfi að kaupa lóðina.
Kostnaður við
A og C svipaður
Að mati Björns kemur tillaga B,
staðsetning nærri Arnarneslæk,
varla til greina. Eftir standi lóðir A og
C og segir Björn að kostnaður við
uppkaup á lóðum og tilheyrandi sé
metinn svipaður í báðum tilfellum.
Lóð C, Héðinslóðin sé þó eðlilegri að
því leyti að byggðin sem skólinn þjóni
sé nær fullgerð á því svæði.
Fram kom í Morgunblaðinu að
kaupverð Héðinslóðarinnar auk verk-
smiðjunnar yrði í kringum 450 millj-
ónir. Að sögn Ásdísar Höllu Braga-
dóttur bæjarstjóra hefur nú komið
fram ný hugmynd sem sýnir fram á
að hægt sé að byggja skóla á lóðinni
án þess að rífa verksmiðjuna. Það
hefði í för með sér að einungis þyrfti
að kaupa hluta af lóðinni sem myndi
þýða verulega lægri upphæð fyrir
bæjarfélagið en þá var rætt um. Yrði
þetta niðurstaðan yrði skólinn byggð-
ur þannig að hann myndaði skjólvegg
að verksmiðjunni og skólalóðin lægi
hvergi að henni.
Ásdís segir ekki búið að taka af-
stöðu til málsins en það verði rætt á
bæjarráðsfundi í dag. Búast megi svo
við að ákvörðun verði tekin á næsta
eða þarnæsta bæjarstjórnarfundi.
Héðinslóðin enn
inni í myndinni
Garðabær
&
 '


134567
189: 




  





 436436;7



   


    

       
 


  








STEFNT er að því að opna nýjan
einkarekinn leikskóla sem byggir
á svokallaðri Reggio-stefnu á Ár-
túnsholti í byrjun mars. Húsnæði
leikskólans, sem hefur hlotið nafn-
ið Regnboginn, er langt komið í
byggingu.
Það er Lovísa Hallgrímsdóttir,
sem er aðalhvatamaðurinn að
stofnun leikskólans auk þess sem
hún mun starfa sem leikskólastjóri
í skólanum. „Hugmyndafræði
Reggio byggist á skapandi og
rannsakandi vinnu og að börnin
séu í eðli sínu flink og frjó,“ segir
hún.
„Þau séu tilbúin að takast á við
þau verkefni sem boðið er upp á
en ekki staðlaðar lausnir. Það er
einnig geysilega mikil áhersla lögð
á virðingu gagnvart barninu sem
mikilhæfum einstaklingi. Þetta
byggist líka á uppgötvunarnámi
og hægt sé að rannsaka hlutina
frá mörgum sjónarhornum.“
Lovísa segist tvisvar sinnum
hafa farið til Ítalíu á námskeið til
að kynna sér þessa hugmynda-
fræði við rekstur leikskóla. Regg-
io-stefnan eigi rætur að rekja til
borgarinnar Reggio Emilia á
Norður-Ítalíu. „Þar eru reknir
ungbarnaskólar, sem eru fyrir
börn eftir að fæðingarorlofi for-
eldra lýkur og fram til tveggja ára
aldurs. Síðan tekur við leikskóli
fyrir þriggja, fjögurra og fimm
ára börn en það er einmitt leik-
skóli fyrir þann aldurshóp sem ég
er að byggja upp,“ segir hún.
Um 30 börn á biðlista
Þrjár deildir verða starfræktar í
leikskólanum. Hann verður að
sögn Lovísu með stærri einkarekn-
um skólum en um miðlungsstór ef
miðað er við leikskóla í eigu sveit-
arfélaga. Reykjavíkurborg tekur
þátt í stofnkostnaði við byggingu
skólans en reksturinn er á ábyrgð
eigenda. Borgin greiðir svo
ákveðna upphæð með hverju
barni, eftir fjölskylduaðstæðum, en
síðan þurfa foreldrar að greiða
aukalega. Þær greiðslur verða
eitthvað hærri en foreldrar þurfa
að greiða hjá leikskólum borg-
arinnar.
Lovísa segir að nú þegar séu um
30 börn á biðlista eftir plássi. Á
fyrsta starfsárinu geri hún ráð
fyrir að taka inn börn frá tveggja
ára aldri. Hún segist vera að ráða
leikskólakennara til starfa og þeir
sem útskrifast hafi seinustu tíu ár-
in þekki til þessarar stefnu. Nám-
skeið verði haldin til að þjálfa nýtt
starfsfólk. Nú þegar séu kennarar
í starfsliðinu sem hafa kynnt sér
Reggio-stefnuna vel.
Verið er að vinna að uppbygg-
ingu og frágangi skólahúsnæðisins
en um er að ræða finnskt eininga-
hús sem var hannað hér á landi og
hafði Lovísa hönd í bagga með í
hönnun hans. Hún segir umhverfið
taka mið af hugmyndafræðinni
eins og hægt er. „Það er reynt að
fylgja þeirri stefnu að skólarnir
séu fallegir og umhverfið vel
skipulagt. Meðal annars er hiti í
öllum gólfum og áhersla lögð á
hlýlegt og notalegt umhverfi fyrir
börn, foreldra og starfsfólk,“ segir
hún.
Morgunblaðið/Árni Sæberg
Nýi leikskólinn hefur hlotið nafnið Regnboginn og segir Lovísa Hallgrímsdóttir leikskólastjóri að þar verði mikil
áhersla lögð á notalegt umhverfi fyrir börn og fullorðna. Framkvæmdir við leikskólahúsnæðið eru langt komnar.
„Ekki staðlaðar lausnir“
Ártúnsholt
Nýr einkarekinn leikskóli byggður á Reggio-stefnu