Morgunblaðið - 14.01.2003, Blaðsíða 34
MINNINGAR
34 ÞRIÐJUDAGUR 14. JANÚAR 2003 MORGUNBLAÐIÐ
✝ Ragnheiður Guð-mundsdóttir
fæddist í Geirshlíð í
Miðdölum 28. nóv-
ember 1919. Hún
lést á líknardeild
Landspítalans á
Landakoti 5. janúar
síðastliðinn. For-
eldrar hennar voru
Guðrún Sigríður
Sigurðardóttir hús-
freyja, f. 16. mars
1879, d. 9. nóvember
1968, og Guðmundur
Jónasson farkenn-
ari, f. 6. júlí 1873, d.
12. nóvember 1952. Systkini
Ragnheiðar eru Margrét Sigrún,
f. 1. ágúst 1907, d. 16. maí 1997,
Sigurður, f. 8. febrúar 1909,
Una, f. 3. júlí 1910, og Ólöf, f. 17.
mars 1913, öll búsett í Reykjavík.
Ragnheiður giftist Guðmundi
Þórarni Brynjólfssyni múrara, f.
17. október 1920, d. 31. ágúst
1963. Börn þeirra eru 1) Brynj-
ólfur Guðmundsson, f. 30. júní
1950, sambýliskona Guðbjörg
Torfadóttir, börn hans eru, Erna
Ósk Brynjólfsdóttir, maki Óskar
Daði Óskarsson, dóttir Ernu
Óskar er Sandra, f. 4. janúar.
1994; Guðmundur Þór Brynjólfs-
son, f. 15. apríl 1983, Örn Brynj-
ólfsson, f. 29. apríl 1985, Ester
Valgerður, f. 22. júlí
1987, fósturbörn
Brynjólfs, börn
Guðbjargar, Torfi
Westman, f. 20. des-
ember 1972, og Sig-
urður Huldar, f. 8.
janúar 1982. 2) Guð-
rún Guðmundsdótt-
ir, f. 16. september
1952, sambýlismað-
ur Gustav Hannes-
son, börn hennar
eru, Erla Björg
Guðrúnardóttir, f.
27. október 1972,
maki Sigurður
Ágústsson, dætur þeirra eru
Snædís Sif Benediktsdóttir, f. 3.
júlí 1989, Klara Sól Sigurðar-
dóttir, f. 30. janúar 1998, Ragnar
Ingi Sigurðsson, f. 12. desember
1976, sambýliskona Arna María
Geirsdóttir, dóttir þeirra Vikt-
oría Huld, f. 25 ágúst 2002,
Helga Rut Sigurðardóttir, f. 12.
desember 1976, sambýlismaður
Herbjörn Sigmarsson, dætur
þeirra eru Ísabella Ösp, f. 29.
janúar 2001, og Embla Rún, f. 9.
september 2002, Hrefna Sigurð-
ardóttir, f. 29. janúar 1983, sam-
býlismaður Björn Finnbogason.
Útför Ragnheiðar verður gerð
frá Laugarneskirkju í dag og
hefst athöfnin klukkan 13.30.
Mig langar til að minnast elsku-
legrar tengdamóður minnar. Minn-
ingarnar eru margar og kannski
flestar frá dvöl hennar á heimili okk-
ar Brynjólfs í Noregi. Ragnheiður
var alltaf hrein og bein og kom ávallt
til dyranna eins og hún var klædd.
Oftar en ekki hafði hún frá mörgu
skemmtilegu að segja og með sínum
ákveðnu skoðunum og hnyttnu til-
svörum kom hún okkur margoft til
að hlæja.
Elsku Ragnheiður, hvíldu í friði.
Guð blessi þig.
Guðbjörg.
Sæl elsku amma mín, ég vona að
þú hafir það gott í himnaríki og að
þú sért nú þegar búin að hitta afa.
Þú sagðir alltaf að dauðinn væri ekki
verstur. Ég var ekki mjög gömul
þegar ég lagði í ferð með rútu alla
leið frá Laugarvatni til að vera hjá
þér í viku á sumrin og upplifði mig
mjög fullorðna enda lá mér töluvert
á því. Það var alltaf tilhlökkunarefni
að dvelja hjá þér, þar sem þú dekr-
aðir mig alltaf upp úr skónum,
keyptir coco puffs eða cheerios í
morgunmat, sem ég fékk sjaldan.
Ég fékk að ráða hvað var í matinn á
hverju kvöldi og svo í lok annasams
dags var keypt súkkulaði og annað
góðgæti til að hafa uppi í sófa á með-
an við kúrðum saman undir teppi að
horfa á eitthvað skemmtilegt í sjón-
varpinu.
Það var ótrúlega mikið ævintýri
að vakna með þér á morgnana eða
um miðjar nætur að mér fannst til
að fara að bera út Morgunblaðið.
Það var sama hvernig veður var, við
fórum alltaf af stað, því fólkið varð
að fá blaðið sitt áður en það fór til
vinnu. Manstu hvað var gaman að
fara í morgunkaffi til Möggu systur
þinnar eftir útburðinn, fá heitt kaffi
og kleinur? Já, ég var ekki meira en
níu ára þegar þú kynntir mig fyrir
kaffi og kandís, ég verð þó að segja
að kandísinn heillaði meira en kaffið
til að byrja með.
Hreinskilnari manneskju en þig
hef ég ekki þekkt um ævina. Ég man
svo vel eftir því þegar haldnar voru
veislur heima, og ég á mínum upp-
reisnargjörnu unglingsárum, hvað
ég hafði gaman af því að espa þig
upp í umræður sem almennt áttu
ekki við í slíkum veislum. Við höfð-
um ótrúlega gaman af því að tala
saman um allt milli himins og jarðar
og mörg málefni sem unglingar eiga
oft erfitt með að ræða við fullorðna.
Ég vildi óska þess, amma, að ég
hefði gefið mér meiri tíma fyrir þig
en ég gerði síðastliðin ár. Ég veit að
þú verður alltaf hjá mér og ég geymi
þig í hjarta mínu, ávallt. Ég elska
þig, elsku amma mín. Megi guð og
englarnir geyma þig þangað til að
við hittumst á ný.
Erla Björg.
Sæl og blessuð amma. Við vorum
ekki há í loftinu þegar við vorum að
koma með leið 11 til þín til að þrífa.
Þessu ferðalagi okkur úr Breiðholt-
inu til þín niður í bæ fylgdu skýr fyr-
irmæli um hvernig við áttum að
komast, meðal annars áttum við að
segja strætóbílstjóranum að hleypa
okkur út hjá gamla sjónvarpshúsinu
þar sem þú tókst á móti okkur
fyrstu skiptin. Það að aðstoða þig við
þrifin var mjög lærdómsríkt þar
sem þú hafði sterkar skoðanir á
hvernig yrði þrifið og hvernig við
áttum að beita okkur við verkið til
að forðast álagsmeiðsl. Vissir hlutir
á heimilinu hjá þér höfðu ákveðin
hlutverk, það voru t.d. ákveðin föt
sem maður notaði við þrifin utanhús
og gömul útburðarkerra sem maður
fór með til að versla. Við vorum ekki
alveg alltaf á því að fara í gamlar
lufsur til að þrífa eða draga með
okkur kerru út að versla þar sem
okkur þóttu pokar meira við hæfi en
að sjálfsögðu voru meiri þægindi í
því að draga kerru en að halda á
pokum, þetta vissi þú – þú varst með
allt á hreinu, amma. Þú varst hálf-
gerður bankastjóri, það var alltaf
hægt að slá upp smá láni hjá þér og
svo vann maður upp í það. Allt var
þetta skráð vel og vandlega niður á
blað og dregið frá í hvert skipti sem
maður þreif fyrir þig en það var
verk sem þú réðst okkur í eftir að
Erla systir hætti því og svo að lok-
um tók Hrefna við af okkur.
Það sem stendur upp úr þessum
heimsóknum til þín amma var þegar
við settumst niður og skiptumst á
kjaftasögum. Það var alltaf hægt að
tala um öll heimsins mál við þig þar
sem það fór ekkert lengra. Þar að
auki varstu frábær hlustandi. Þú
varst alin upp í Dölunum, amma, við
fengum þann heiður að fara með
þér, mömmu og Hrefnu í ferðalag
um Dalina fyrir nokkrum árum. Þú
sýndir okkur hvar þú ólst upp og
bæinn sem þú bjóst á. Þetta var
mikil upplifun fyrir okkur.
Ef við vorum að fara eitthvað og
við áttum að koma að sækja þig
varstu alltaf tilbúin, beiðst á stól
fullbúin í forstofunni. Þú hafðir gam-
an af því að hitta fólk og varst ávallt
hrókur alls fagnaðar í samræðum
þar sem hreinskilni einkenndi svör
þín.
Amma vildi að við töluðum rétta
íslensku og ekki með slettum, það
átti að kveðja með því að segja vertu
sæl eða bless en ekki bæ. Því kveðj-
um við þig í bili, okkar ástkæra
amma, vertu sæl.
Helga Rut og Ragnar Ingi.
Sæl amma. Ég minnist þess þegar
ég var send í pössun til þín. Það var
ávallt gaman þá, sérstaklega þegar
við fórum út í sjoppuna í Sjálfs-
bjargarhúsinu. Þá fékk ég að velja
sjálf bland í poka. Það brást ekki að
þegar ég kom í heimsókn til þín fékk
ég að hengja upp róluna á snúru-
staurinn mér til mikilar skemmtun-
ar. Það var mikil ánægja að fá það
eftirsótta starf að aðstoða þig við
þrifin. Það veitti mér mikla ánægju
að fá að kynnast þér og geta eytt
tíma með þér. Vertu sæl að sinni.
Hrefna.
Er sárasta sorg okkur mætir
og söknuður huga vorn grætir
þá líður sem leiftur af skýjum
ljósgeisli af minningum hlýjum.
(Hallgr. J. Hallgr.)
Með þessu ljóði vil ég kveðja þig,
Ragnheiður, með söknuði og þökk
fyrir ánægjuleg kynni. Guð geymi
þig.
Far þú í friði,
friður Guðs þig blessi,
hafðu þökk fyrir allt og allt.
(V. Briem.)
Arna María Geirsdóttir.
RAGNHEIÐUR
GUÐMUNDSDÓTTIR
Elskuleg móðir okkar, ástvina mín, tengda-
móðir, amma og langamma,
ODDLAUG VALDIMARSDÓTTIR,
sem lést á hjúkrunarheimilinu Sunnuhlíð mánu-
daginn 6. janúar, verður jarðsungin frá Kópa-
vogskirkju miðvikudaginn 15. janúar kl. 13.30.
Þeim, sem vilja minnast hennar, er bent á
Félag aðstandenda alzheimerssjúklinga.
Halldóra Ólafsdóttir,
Alda Jóna Ósk Ólafsdóttir, Ólafur Svanur Gestsson,
Ragnheiður Ólafsdóttir,
Aðalsteinn Þórðarson,
barnabörn og barnabarnabörn.
Kveðjuathöfn um ástkæra móður okkar og
tengdamóður,
ÞORGERÐI EINARSDÓTTUR
frá Þórisholti,
verður í Bústaðakirkju föstudaginn 17. janúar
kl. 13.30.
Útför hennar verður gerð frá Reyniskirkju laug-
ardaginn 18. janúar kl. 14.00.
Blóm og kransar afbeðin, en þeim, sem vilja
minnast hinnar látnu, er bent á líknarfélög.
Fyrir hönd annarra vandamanna,
Borghildur Kjartansdóttir, Ólafur Jóhannesson,
Einar Kjartansson, Sigurbjörg Pálsdóttir,
Sigurgeir Kjartansson,
Kristinn Kjartansson, Guðrún Helgadóttir,
Kjartan Kjartansson, Alda Ólafsdóttir.
Sambýlismaður minn og faðir okkar,
VIGFÚS DAGNÝSSON
skósmiður,
sem lést á Landspítalanum Fossvogi fimmtudaginn 19. desember 2002,
var jarðsettur mánudaginn 6. janúar 2003 í kyrrþey að ósk hins látna.
Við þökkum samúð og vinarhug.
Guð blessi ykkur öll.
Sólveig Hansdóttir,
börn, tengdabörn og barnabörn.
Innilegar þakkir sendum við öllum þeim sem
sýndu okkur samúð og hlýhug við andlát og
útför dóttur minnar, móður, tengdamóður,
ömmu og langömmu,
GOLDU HELEN MONTGOMERY,
Fálkagötu 5,
Reykjavík.
Sérstakar þakkir færum við öllum þeim sem
önnuðust hana í veikindum hennar með hlýhug og virðingu.
Guð blessi ykkur öll.
Hilda Marie Montgomery,
Jón Þór Sveinbjörnsson, Margrét Jóna Sveinsdóttir,
Stefán Sveinbjörnsson, Hallbjörg Karlsdóttir,
Jónína María Sveinbjarnardóttir, Haraldur Guðbjartsson,
Hrafnhildur Sveinbjörnsdóttir, Helgi A. Nielsen,
ömmubörn og langömmubörn.
Innilegar þakkir til allra sem sýndu okkur
samúð og hlýhug við andlát og útför ástkærs
bróður okkar,
ÞORSTEINS HÁKONARSONAR,
Brautarási 3,
áður Skarphéðinsgötu 12.
Sérstakar þakkir færum við starfsfólki
Bjarkaráss.
Hörður Hákonarson,
Ragnheiður Edda Hákonardóttir,
Guðbjörg Karólína Hákonardóttir,
Kristín Helga Hákonardóttir,
Anna Margrét Hákonardóttir,
Guðborg Hrefna Hákonardóttir,
Jón Hákonarson,
Guðrún Sigurrós Hákonardóttir.
Blómastofa Friðfinns,
Suðurlandsbraut 10,
sími 553 1099, fax 568 4499.
Opið til kl. 19 öll kvöld
Kransar • Krossar • Kistuskreytingar
Látið minninguna lifa um ókomna tíð á gardur.is!
upplýsingar í síma 585 2700 eða hjá útfararstjórum.
gardur.is
Afmælis- og minningargreinum má skila í tölvupósti, netfangið er minning@mbl.is, svar er sent
sjálfkrafa um leið og grein hefur borist. Ef greinin er á disklingi þarf útprentun að fylgja. Nauð-
synlegt er að símanúmer höfundar og/eða sendanda (vinnusími og heimasími) fylgi með. Þar sem
pláss er takmarkað getur þurft að fresta birtingu greina, enda þótt þær berist innan hins tiltekna
frests. Nánari upplýsingar eru á mbl.is. Um hvern látinn einstakling birtist formáli og ein að-
algrein af hæfilegri lengd á útfarardegi, en aðrar greinar skulu ekki vera lengri en 300 orð, u.þ.b.
1.500 slög (með bilum) eða um 50 línur í blaðinu (17 dálksentimetrar). Tilvitnanir í sálma eða ljóð
takmarkast við eitt til þrjú erindi. Einnig er hægt að senda örstutta kveðju, HINSTU KVEÐJU,
5–15 línur, og votta virðingu án þess að það sé gert með langri grein. Greinarhöfundar eru beðnir
að hafa skírnarnöfn sín en ekki stuttnefni undir greinunum.